禮記 (Closed)

實在令人懷念的晚市堂食，都不記得相隔了有多長時間，終於可以在餐廳優優悠悠地晚餐。將軍澳南有很多美食，精緻中菜大概只有這間。雅緻的裝修寬闊的環境，柔和的燈光，實在是傾計品茗的好地方。這裡的茶品質素不錯，選擇了鐵觀音，清香甘醇，茶味回甘。店員推介了幾款很適合夏天的小菜。黑松露手撕雞天氣漸熱，先來個清涼頭盤，青瓜清新爽口，雞肉嫩滑雞皮爽彈，配搭黑松露醬汁，味道突出又不會太濃。懷舊鳳梨咕嚕肉酸酸甜甜醒胃惹味，梅頭質感鬆軟肉味濃，炸至金黃香口，粉漿厚薄適中，沒有厚膩的感覺。配爽口青紅椒，新鮮菠蘿，加埋金鳳絲苗飯，真是黃金配搭。禮記小炒王色彩鮮豔香味濃郁，用鮮蝦、魷魚、海蜇、九菜花 、鬆脆炸銀魚，滿滿牘鍑鑊氣的小炒，很惹味。

一邊食點心耳邊聽到古箏音樂倍感詩意1)禮記黑金蝦餃皇(3)件(超)，黑金皮嘅蝦餃皮好型呀！大大隻蝦，肉質彈牙。2)黑魚子帶子燒賣皇(3)件(超)，燒賣表面放上帶子😛配以黑魚子，點會唔好食👍3)北菇棉花雞(頂)，通常出面食，都係蒸到(雞肉鞋晒)但今次就唔係，雞肉係滑嘅，北菇(冇噏未)掂呀👍4)鮮蝦米網腸粉(頂)，最入面係爽口嘅蝦肉，中間係脆口油炸鬼，外面嘅係薄薄粉皮，沾埋豉油，一口咬落去有幾種口感，好正。5)千層養顏紅棗糕(特)就算好飽，都係要食，紅棗味濃，但唔係太甜。👍一定要叫壺:玫瑰荔枝茶，好香玫瑰味。🔔就嚟母親節，佢哋推出套餐，而家訂枱有88折，快啲訂啦⋯⋯🔔

前晚同朋友去左將軍澳呢間精緻中菜嘅餐廳食晚飯。錦鹵雲吞 $128呢個小食都好足料好夠飽，有好多大大件嘅炸雲吞，配埋甜甜地嘅醬汁。醬汁入面有蝦仁、魷魚同埋肉，份量多到好似一個小菜咁。黑松露醬滑蛋蝦仁 $138呢個幾出色，有黑松露味之餘又唔會掩蓋左啲蛋香。蛋炒得好滑嫩，蝦仁都有唔少，每隻蝦仁都大大隻，爽口彈牙。豉汁安格斯牛柳條炒米粉 $188同平時嘅炒米粉唔同，呢到嘅炒米粉煎到好似薄餅咁，又帶點微甜味，配埋芽菜同安格斯牛柳條，幾值得一試。

經過見到呢間感覺精緻#禮記，好耐冇坐低食中菜，故即進內品嘗一下先☺️。坐位夠晒寬敞，間隔得很好👍。點了玫瑰花🌹茶很清新香口。蟲草花螺頭燉烏雞，材料都充足，飲落唔覺有味精，好怕飲嗰啲淡而無味嘅湯，故呢度唔錯🥳.紅燒花菇豆腐，輕微炸到金黃色，豆腐很柔軟，秘制的醬汁鹹香味十足，令人食得很開胃。招牌紅運脆皮雞，賣相幾好，雞皮很薄又脆口，髀肉鮮嫩滑嘟嘟的很美味，有少許鹽&青檸伴碟，配合一齊食都唔錯😊。 見佢平日有點心放題，搵日都過黎飲下茶先得😊。#將軍澳 #禮記 #中菜 #CHINESEFOOD #香港#晚餐 #DINNER

好開心終於都可以出街食晚飯啦！期待咗好耐！屋企食嘢雖然健康但係完全唔夠鑊氣！食到口淡淡呢！第一日開返晚市就食返間唔會令人失望既中菜🥰🥰最鍾意飲佢個荔枝茶，好香荔枝味！紅燒花菇豆腐花菇超厚肉！同豆腐好夾！松露手撕雞🐔手撕雞配松露好有創意，估唔到味道都幾夾！銀牙肉絲脆麵🍜呢個麵已經係第二次食啦！新鮮滾熱辣！夠晒脆！依家拎出嚟果下忍唔住嘩左一聲！造型非常誇張！睇得又食得😻好耐冇食過咁有鑊氣嘅脆麵！型到爆！

🫖茶精又要去飲茶啦將軍澳南飲茶又一好地方，呢間又係想食好耐，見環境闊落，今次同家人一齊飲茶，好多款點心都想食，食得落嘅朋友可以試吓「點心放題」$288就可以任食20幾款點心😋今次2個人叫咗5個點心，都好飽🥢紅菜頭松露野菌餃（特）色澤好靚嘅餃，好少見會用紅菜頭做調色，都好欣賞，餃嘅外皮薄，松露野菌饀多又香，松露味唔算好濃，即使同行友人平時唔鐘意松露味但都接受到呢款餃🉐🥢黑金流沙包（大）包上面有金沙，包入面係流沙，好好食🉐🥢富士蘋果酥（大）賣相幾好，外層酥皮夠酥化，入面蘋果饀味道剛好🥢失傳懷舊雞窩（超)第一次見呢款點心，唔知以前嘅係咪都係呢個賣相呢？有鵪鶉蛋冬菇，味道似雞札再有個包一齊食咁🥢千層養顏紅棗糕（特）鐘意食紅棗糕嘅我，必叫呢款，有薑汁味，口感煙韌💰星期一至五（公震假期除外)小點$29, 中點$35, 大點$39, 特點$45, 頂點$49, 超點$59💰星期六,日及公衆假期小點$31, 中點$37, 大點$40, 特點$47, 頂點$51, 超點$61🚩禮記 (將軍澳) @liji_hk 📍將軍澳唐俊街23號MONTEREY Place地下G19號舖

好耐無黎將軍澳食野，今日中午黎左呢間禮記食點心。上次試過禮記，呢度裝修新潮摩登之餘，點心都非常精緻，感覺高檔次。茶杯都非常精美，筷子印左店名。點心紙簡簡單單，有禮點，蒸點，炸點，包點，腸粉，同甜品，分超點，頂點，特點，大點，中點，小點，價錢比上次黎加左少少。周末假日價錢再貴少少。座位費每位$13。今次每樣食物種類都叫黎試吓先。點心即叫即整，等左20分鐘以上就見到熱辣辣嘅點心啦。禮記黑金蝦餃皇 超點 $59 另加一禮記黑金蝦餃皇一客3件，原來都幾大粒，中間仲有一粒迷你正常皮蝦餃添。黑金皮好靚仔，熱食原來夠薄，仲帶微微鹹味，凍食就煙煙韌韌，唔同口感。入面既鮮蝦好爽脆，味道本身夠鹹香，唔洗另點醬汁。連嗰粒迷你蝦餃都皮薄好味。鮮蝦米網腸粉 頂點 $49 另加一鮮蝦米網腸粉一客6件，滑溜腸粉包住薄脆米網，入面係啖啖肉鮮蝦，口感滑中帶脆又爽脆鮮甜，正。豉油貼心咁另上，要幾多自己加。香茜咸水角 大點 $39 另加一香茜咸水角一客3件，用個木籃裝住上枱，仲有英文牛油紙墊底，顏色呈黃綠色，炸皮脆口帶煙韌，食落甜甜地，入面堅有豬肉粒。比平時酒樓嘅咸水角出色好多。小王子豆沙包 大點 $39 另加一小王子豆沙

近排疫情緩和，約朋友出街食飯都簡單左好多🤣 跟住就同朋友去咗呢間位於MONTEREY Place嘅中餐廳飲茶。之前有試過佢地嘅晚市，覺得都唔錯，唔知茶市又保唔保持到水準呢😋佢地點心嘅價錢算係中等偏貴，平日同假期價錢會唔同，想試嘅朋友要注意喇。✨ 禮記黑金蝦餃王（3件）（$55）黑金色嘅外皮比人一種高貴嘅感覺，賣相相當吸睛👀食落味道唔算令人超驚喜，勝在蝦肉份量夠多，味道都唔錯。✨ 鮮蝦米網腸粉（$49）必點❤️ 滑嫩嘅腸粉包裹著脆卟卟嘅米網，最入面係啖啖嘅蝦肉，層次感十足。✨ 迷你兵團奶皇包（$39）打卡一流嘅可愛奶皇包📸可惜嘅係入面嘅奶皇唔算好流心，不過不失。✨ 失傳懷舊雞鍋（$55）見佢講到失傳咁特別，就叫黎試下。底層係碗狀嘅白饅頭，上面加左滑雞、冬菇、 鵪鶉蛋等配料，味道唔錯。✨ 千層養顏紅棗糕（$45）紅棗糕唔會太甜，食落有淡淡嘅紅棗香， 煙煙韌韌咁幾好味😋

可能是我人生中食過最差的幾間中餐廳之一，不如大家樂。辣子雞個顏色好唔正常，問侍應是否少左工序，侍應話乜乜干炒係咁架。Ok，結果食落去發覺d雞完全冇任何味道，你冇聽錯，除左食到麵粉之外，冇任何味道。可能我買份麥樂雞切碎倒入去仲好味d 。咕嚕肉，百幾蚊，見到個碟尺寸未，好似男人一隻手手掌咁大。宜家唔係講緊豪大大大雞扒，係講緊一個兩人份餐的份量。點心，d餃皮好腍，好似泡過水咁最後我地兩人幾乎剩低全部辣子雞，個侍應過來收檯仲大大聲話：“呢個食得架”。其實，廚餘都可以食，要唔要迫埋你果份？真係好鬼嬲。

想食中菜但附近好似冇咩選擇所以試下禮記 ✨懷舊鳳梨咕嚕肉$150➡️$120都有幾多舊咕嚕肉 每舊大細都差唔多 同平時食開嘅好唔同佢炸粉好薄好薄 不過就完全唔脆 肉嘅質地都幾好食嘅👍 菠蘿普普通通都係罐頭菠蘿✨禮記小炒皇 $210➡️$168有好多材料喺入面 蝦乾 魷魚乾 小魚乾 蝦 韭菜 腰果 菜莆 魷魚乾雖然香但好硬🙈🙈 腰果可能因為外賣都焗淋左🙈🙈 小魚乾就仲脆卜卜好食✨金鳳絲苗 $17➡️$13.6軟硬適中 份量合適 有飯香總括黎講兩樣餸都好食嘅 但係可能因為外賣就失左啲色 而且呢個質素外賣八折左都要$302 有啲貴 如果冇八折嘅話就更貴 我覺得唔係太抵食味道❤️❤️❤️價錢❤️❤️服務 (外賣）環境 (外賣）💰晚餐人均～$150❌再幫襯

來到禮記，叫了一份酸菜魚，這是食過最難食的酸菜魚。雖然湯底唔錯，但酸菜魚用了鯇魚整，吃上來十分唔夾，而且味道有魚腥味，可以話係食過最難食的酸菜魚，真是非常的失望，可一不可再。

最終直接出櫃枱拿了，發現單沒漏，但除了脆皮雞外，等了半小時也沒有一碟點心。櫃枱幫跟進，最終再過半小時才把大部份點心送到😫，但流沙飽個心是凍的，又等佢再蒸😓。最最後，流沙飽再嚟，個灌湯餃又再等多15分鐘都未到，取消走人😡😡

神推鬼㧬之下嚟咗禮記. 餐廳裝修時尚, 座位舒服. 老實講, 我一向唔特別鍾意新派中菜, 之後再講. 今日俾個機會, 挑戰下自己.先講餐牌, 實在花多眼亂. 睇咗一段時間.最後決定食呢個 “套餐”. 貪佢有兩款點心, 有湯, 有出名嘅炸子雞.茶: 食評好多人推介荔枝玫瑰茶 - 瑰荔堂煌. 一於試下. Ok嘅. 有荔枝味, 唔太聞到玫瑰花味. A: 紅菜頭松露野菌餃. 望落去個皮好濕好爛. 食落又唔係咁差. 松露幾香, 菇嘅味道口感調教準確.B: 香茜鹹水角. 皮做得出色, 外脆, 唔會太黐, 唔會太厚. 餡料味道正常發揮.C: 蟲草花螺頭燉烏雞. 夠熱. 味道OK. 有雞湯味. 呢個 “套餐” 嘅份量足夠三人食. 但係得一盅湯 (我覺得係一人份量).D: 紅燒花菇豆腐. 豆腐非常滑. 好食.E: 茅台醉香頂鴿. 酒香唔夠. 味道偏甜. 鴿嘅肉質其實幾好嘅. 結實. 唔會太硬. 唔會太肥.F: 招牌鴻運脆皮雞. 皮脆, 肉嫩. 水準之上.總結一下: 幾個地方影響到我嘅用餐體驗: 好多張餐牌紙, 花多眼亂. 個套餐夠三個人食但係得一盅湯, 匪夷所思. 個茶杯太細, 要不停加茶. 至於賣相,

這個時代，presentation重要過一切，食物質素只係其次，所以食物相只要夠igable，就已經可以引來排長龍，而禮記都是其中一間。今日叫了四樣點心，有雪山叉燒包、小籠包、叉燒腸、和紅菜頭素菜餃。先來叉燒腸，見師傅即叫即拉，想質素也不會差到那裏去。果然皮薄晶瑩，偏重彈性，可以。然後再來紅菜頭素菜餃，職員上枱時叮囑要稍涼才吃才不會筴散，這樣的食用提示是第一次聽到，事實的確，一筴果然散到不堪。為什麼不可以將皮搓得較為有韌性，可以讓人趁熱食用？跟住上的是雪山叉燒包，索價$59大洋，價錢挨近酒店裏的中菜館，期望自然高。試過逸東軒、香宮、點一龍的雪山叉燒包，好食的都是包質鬆軟內裡叉燒和醬汁均勻，外皮上枱時仍然脆身。但，這裏的包（說是signature)好像仍然未完成發酵，包質完全死實！比平一半有多的小店還差，內涵偏乾，吃了一口，不得不放棄。最後上的是小籠包。三種顏色亮麗，賣相吸引但放入口偏硬，頂部又硬又厚，基本小籠包的摺花完全沒有，內涵肉少汁乾，為了不浪費，勉強清碟。買單$230連茶芥，平均$60一個點心，性價比跌出平均線，完全沒有回頭的意慾，徨輪要排隊。再一次證明，在此平台，哈哈笑正評越多

今天2月4日 (年初三), 下午1pm 到將軍澳禮記, 之前已訂了1pm 4人枱, 到達門口, 門口男接待員不斷派枱給六人, 七人枱, 重申, 當時是有四人枱, 男接待員把－張四人枱拼合二人枱, 給遲過我們進來的客人, 當我問男接待員為何先到反而沒有枱, 男接待員態度極度惡劣回答, 有枱就給你, 你鍾意入去搶枱吧, 我當時真的呆了, 在這經濟環境下, 仍然可以有這樣的服務態度, 是否已習以為常？ 當天還要額外多付5%的新年付加費, 總共付上15%的服務費, 竟得到如此服務!