重慶二姐火鍋 (Closed)

其實多年前食過一次就覺得好一般，性價比低；經過冇唸過疫情後仲生存到，俾次機會食多次，近近地做野附近，就同朋友食啦，水準仲係一如既往嘅差，真心可以blacklist

作為一個在重慶生活過一年的香港人，可以非常負責任話俾大家知，呢間嘢真係正宗，無論湯底定係調味料，絕對都係重慶style，而且食材上等，價錢亦算合理。今次食左手切牛、黑毛肚、鵝腸、牛胸爽，同埋小小素菜。點解我會話呢間正宗得黎好啱香港人，因為佢個湯底降低左辣度，但係依然保留住該有嘅香味。我唔係專業嘅食評家，文筆亦都麻麻地，所以唔太識形容d食物味道及口感。淨係可以話俾大家知我今日又滿足又感動，滿足係因為食到好食嘅嘢，感動係因為呢餐飯勾起我好多回憶，同埋通過個湯底同食材，真係可以feel到呢間小店嘅用心！我係長沙灣一帶已經工作多年，眼望住一間間好用心煮嘢食嘅小店倒閉，所以今次有緣試到呢間重慶二姐，一定要評論支持下！

今晚想食火鍋，諗住試試新嘢，見d食評都話得得地，近近地嚟左二姐。鍋底$108都算正常價，個手切肥牛中份$238就no good，而且明明係機切！再講個必食豬黃喉，本人覺得無乜特別！個鍋底充其量得個辣字，並不是我想要的味道！其它都是普通嘢，2人買單$890😯😯😯

香港人食辣多數都要返大陸 因為香港地好多人話正宗 但事實一d都唔正友人帶路話長沙灣有好西 所以就去試試原本見到普通的門面 以為中伏誰知正到 想再食多幾次入到去友人叫了鴛鴦小辣鍋 中間清湯外面辣見到都覺得正 好香 料十足 已經知道唔簡單睇餐牌見到有路少野 其中鴨血、黃喉 更是少有雖然見到手切肥牛好似有點貴 但都點左食下佢 店員強烈推薦咸蛋墨丸 韭菜餃 見唔係太貴 難得一場來到都試一試啦人有點多 出餐都等左陣 先到的是本地手切牛好靚油脂分明 好靚的紅色 一定唔可以全熟咁食 要輕輕放入鍋半分鐘攞起就能食了 有少少紅唔緊要 因為全熟會過好硬再來是咸蛋墨丸 眼看無咩特別 以為得面頭兩粒誰知原來是入面包住了咸蛋 再外包墨魚滑係一粒湯圓 不過皮是墨魚滑 餡料是咸蛋要一粒粒整 應該都花費時間不得不讚那個韭菜餃料十足一啖咬落去 整塊都是韭菜 無偷工減料唔係空心餃！除了以上幾款只是少數 仲叫了其他野食黃喉（10秒就好了 好有口感）紅薯粉（放在辣那邊 超好食）娃娃菜 炸支竹 雪花肥牛（個人推介本地手切 但想食普通點 便宜點都可以一戰）埋單4人 $800到 這種質數真的唔算太貴重點係夠正宗 夠辣大陸食完有時

喺香港極少食麻辣火鍋，多數都係內地食，因為價錢比較便宜。今日喺附近諗住食嘅餐廳無位！就見到呢間麻辣火鍋，就試一試。老闆娘係兩姊妹，所以餐廳名叫二姐？鴛鴦火鍋-小辣，如果同內地相比的確係冇咁香同辣。麻辣火鍋點少得香油呢我唔食牛嘅，但係同行朋友話唔錯。鵝腸都唔錯但價錢就貴啲同埋細碟黑松露墨魚滑唔錯唔錯鴨血-每次食麻辣火鍋都會叫嘅，但係呢度嘅就比較失望，鴨血冇味同埋硬身點總結係，下次應該唔會再嚟啦。因為價錢到好貴下，平均唔飽肚都一人＄300幾所以有得簡，都會食其他火鍋算。

一間經常坐滿人的火鍋店，當中一定有佢的原因。我老婆係四川人，連佢都話呢到係佢係香港食過最正中的麻辣火鍋，湯底唔會太麻，如果你食得辣，唔夠辣，老闆真心好人，佢會同你加辣。講真湯底冇得輸，唔會好似其他麻辣火鍋咁，一尾得個辣字，原全冇麻同香味，而家諗起要食麻辣火鍋一定簡呢間。食材方面，每次去我都必定會叫手切牛, 食落去好有牛味,賣相又ok ,價錢方面好合理，其他鋪食唔會平得過佢，但最重要係真好食。仲有一味，老闆話佢自己獨創，好推介咁叫我地試下，一味叫黑松露墨魚滑，心諗咁食都得？試過又真係好夾woo , 老闆真有創意！其他食材都係咁，主要個湯底得食咩都正，呢個係食火鍋的精髓。講完食，唔可以唔提係個到個氣氛，老闆有人情味，好好心問下你佢d 食物得唔得，又同你飲返幾杯，食完老闆又唔會趕住叫你走，慢慢食慢慢飲。就係呢樣野就值得再encore

一般小店但收費極之不合理，兩人要$800多元！！菜單上寫最低消費是$400，沒有寫最低消費有任何附帶條件。但我點菜完後，服務員才說酒水不計，湯底又不計。湯底最平也要$108，還有蔥蒜到最後埋單時才說要$15一位，還要加一，即二人最底消費合共是$591。食材真的只屬一般，又細碟。還有服務員不斷推銷較貴的牛肉，又說肥牛不靚，極之煩，站在你旁邊又不走，不斷說，簡直是不合理不可以再去的食店！！！🤬😡🤬😡誓不再去！！！

朋友介紹下去咗試”重慶二姐” ，其實都已幫襯咗好一段時間，尤其呢啲咁凍嘅天氣，總係無時無刻都好想去食辣嘢，每次諗食辣嘢，都真係只有”重慶二姐”係我嘅First Choice👍🏻其實每次去都盡量避免weekend，因為唔使等好耐位嘛🙈但有時候三五知己一齊去，少不免要逢weekend先去到，所以次次都打定電話落去book咗先，雖然店鋪不大，但好食嘅店總係要等待下，因為除咗電話Booking，有時walk in 入都要等架🙈不過其實都唔需要等好耐，較啱時間，一輪輪的話，翻枱其實都好快聞住一股濃烈麻辣嘅香氣，總係刺激咗我哋嘅食慾，所以好多時根本一邊等，一邊已填緊張order紙🤣特別鍾意食麻辣嘅你地，真係強烈推薦你地呢間，唔會後悔，而且好肯定嘅係，唔會有味精，之後唔會話好口渴🙈 係只有你地覺得辣得滯，而需要不斷飲嘢！！

未食先怒！同朋友共2人一心唸住試下呢間，去到要等位，老闆話下張到我地，問佢拎飛佢話唔洗，點知眼見遲來的4人可以先入去坐，4人都覺得奇怪點解可以入去先，我上前問老闆剛才講既下張到我地係咩玩法，老闆眼仔look look，話人地係電話預約，做左咁多年人，咩係講大話咩係真話都識得睇，朋友仔其實都睇得出聽得出老闆講大話，仲一早話走啦，但我就係想睇下老闆點應對！你想心急搵多d錢，4人桌唔想俾2人坐就一早講定，或者自己唸下點樣靈活擺放位置，你當客人係傻仔，咁我咪將呢個待遇公開俾各位食客知，我未食過你地既食物先俾你侮辱我的智慧，我唔係話客人係大晒，不過最基本的尊重就一定不可缺少，香港咁多美食，係咪呢間鋪先做到呢，所以我平時只會睇OpenRice,今次決定開個 account 寫低及分享，總結我唔會推薦大家去呢間！

由於與友人都愛辣辣鍋，找了附近一間，見食評不錯，即管一試，湯底只有三款，愛辣的我們當然要麻辣，要了中少辣，辣度剛剛好，安格斯牛頸脊抵食，又肥味有牛肉味，好似食緊和牛一樣，響玲多層次感，薯粉粗粗一條好q好煙un，2位服務姐姐亦都好友善，值得再試

喜愛麻辣味道，雖然價錢不便宜，但食物新鮮，脆鯇腩係我至愛，如吃牛可試手切牛，大魚頭亦很美味，三滑很彈牙，豬腩片必食之一，有口感，還有麻辣火鍋要加冰豆腐才完滿😜😜

同朋友好耐無見約去吃飯，天氣凍凍地打邊爐岩曬，又可以坐低慢慢吹水地點都好易搵，我地早去唔洗等位。坐低就叫左鴛鴦湯底，再叫左好多配料。個湯底好快上左，勁香d配料好快都上左，個湯底越滾越香d配料唔洗點醬油都好夠味！吃完都無乜點口渴

朋友圈內介紹了這間「重慶二姐火鍋」，內地的朋友都推介，我們二話不說就去食。門面細細的小店，只有兩排坐位，入門口已聞到麻辣火鍋的香味。立即點了鴛鴦鍋底，分別是麻辣及豬骨藥膳是湯底。老闆說麻辣要中小辣已好夠味，越食越辣，而且正宗的重慶火鍋是不用點豉油，只用麻油、芫荽、蔥、蒜頭及少少醋，點來食就已好配合。我們先點了必食的小食推介，黃金皮蛋，蛋皮真是金黃食，口感有彈性，沒有傳統皮蛋的那種泥味。火鍋隨即送上，已噴到麻辣的香味，材料十足老闆推介本地手切牛肉，來貨價都要四百幾蚊磅，我們就點了一份大的，果然超重牛肉味，厚肉，配上麻辣，贊再來脆炸響鈴，即叫即炸，超燙口超脆、配上藥膳湯底一絕。我們不停咀食、食、食，完全忘記相機食先，食得津津樂道因爲麻辣湯底越食越野味，越麻越夠味，還有，一定要飲中間的藥膳湯底，超濃藥味，甜而濃味最美中不足的是環境較細，洗手間要出門外後行，不過食物水準一流，小店的親切。

秋風正起，即是話又係打邊爐嘅季節，又嚟到我最愛嘅火鍋店；無論試過幾多間，到最後依然覺得二姐係最好食。已經嚟過好幾次，對上一篇二姐食評我略厭唔夠詳細，我真係好想大家可以試吓咩叫真正好食嘅麻辣火鍋。二姐嘅火鍋配料並唔係街市求其執一袋返屋企打邊爐嘅貨色：湯底一貫麻辣味濃，牛油香十足；藥材清湯鮮甜。由於本人不嗜牛食，所以通常打邊爐肉食均以雞豬取代。平時打邊爐嘅丸類我通通唔叫，因為所謂嘅豬肉丸咪又姐係貢丸，芝心丸咪又姐係啲化學魚蛋，但考慮到友人都要食肉嘅關係，我地叫莞茜豬肉丸，豬肉腸同黑豚肉。莞茜豬肉丸莞茜味超級香，鬆化嘅豬肉，唔彈牙因為真係用肉搓出嚟成丸狀。豬肉腸質感類似台灣腸，爽脆為主。呢到嘅嚮鈴係新鮮即炸，新鮮還新鮮，即炸還即炸，係兩回事嚟，坊間有太多話自己即炸嘅嚮鈴只不過買現成拎去翻炸就話自己新鮮即炸，一試就試得出係現成貨；但二姐嘅嚮鈴每一舊都脆卜卜大大件，無油益味，一浸落湯索曬湯底嘅牛油香。紅薯粉亦係必叫，比起其他粉類佢充份吸收曬湯汁嘅精華。兩個人食咗五百蚊鬆啲，我真係食足五百蚊嘅價值。依加好多餐廳好似攞正牌Hea你咁，收到你貴一貴但用一般貨色加少少Gimmick就排曬長龍，根本唔憂無

晚上10點幾埋一班朋友去食宵夜，重慶二姐火鍋營業至凌晨三點，放工食宵夜一流，加上當晚係平日，唔多人。二姐的重慶麻辣鴛鴦鍋（中辣），中間係藥膳養生湯，零味精，飲湯唔會口渴。重點係麻辣鍋，叫左中辣，已經係一般店的大辣程度！好足料！一上鍋，鍋中的辣椒、花椒等香料已經佔左一半位置，之前食過的麻辣鍋會愈食愈唔辣，但二姐的麻辣鍋好足料，不斷加餸煲極都仲係咁麻辣🤤芫茜，蒜蓉，蔥，麻油，醋，重口味朋友不斷要二姐refill😆二姐建議火鍋配料點麻油，所以枱面上豉油提供，不過已經好夠味！配料推薦：本地手切肥牛鴨血豆皮萵荀現炸嚮鈴雖然店面偏細，一行7人坐得有點迫，不過有二姐熱情招待同介紹，十分推薦食得辣的你。