小城鎮 (Closed)

好姊妹接我收工，响公司附近竟然有間咁好食既西餐廳，平時都無乜留意，餐廳內環境佈置都精心設計，原來係以火車站做主題既cafe環境舒適，坐滿都唔覺得嘈，傾計岩晒食物美味份量多，老闆仲每枱去傾下計，非常親民有禮！傾下才發現原來lunch仲會有沙律bar添煙三文魚蜂蜜醋沙律酸酸甜甜既味道非常醒胃，特製既醋汁真係好出色，好姊妹起碼講左十次好好味，讚不絕口！10oz安格斯西冷牛扒配薯條5成熟切開見到鮮嫩紅色，正是我心目中想要的，粗薯條也相當好食！香辣蕃茄海鮮扁意粉大蝦魷魚都好鮮味，扁意粉煙韌度適中，唔算太辣，整體都配合得好好！飲返兩杯啤酒傾下偈，同好姊妹聚餐永遠都係最開心既🍻😁

前兩日去北角做完嘢，跟住搵地方食晚餐，去到新光戲院附近嘅明苑中心地下，見到有一間裝修得幾別緻舒服嘅餐廳“Little Town"，當晚客人唔算多唔使等位，所以就入去享受我哋嘅晚餐。呢間西餐廳分別有二人餐、四人餐同埋散點， 如果點主菜例如pizza、意粉或者其他main course，只要加$18就有餐湯或沙律，仲配埋餐飲， 非常超值，所以我哋決定散點。當晚嘅餐湯係南瓜忌廉湯，南瓜帶甜，忌廉湯夠creamy，仲有好多用南瓜蓉，口感豐富， 而且仲有一塊香脆嘅牛油多士，配南瓜湯非常美味。小城鎮炸雞翼 $58小城鎮炸雞翼畀呢度嘅小食 signature，一碟有六隻雞翼，每隻炸得香脆，裏面仲保持肉質嫩滑，而且一啲都唔油，佢嘅炸漿唔厚， 所以香脆又好味。蕃茄肉丸有好多粒，肉丸幾腍，配合蕃茄汁，開胃又好味，仲有芝士，好香口，唔錯～香煎比目魚扒配香草忌廉汁 $128呢個比目魚扒係必食推介，魚皮煎得非常香脆，而魚嘅肉身十分嫩滑，加少許秘製醬汁，第二度食唔到，配埋蒜蓉同椰菜花，飽而不膩。黑松露香菇扁意粉 $68意粉帶有極香嘅黑松露醬，味道十分濃郁，黑松露醬嘅絕配係菇類配料，香菇加扁意粉，同橄欖油一齊炒又香

小城鎮以歐陸小鎮作主題、牆上掛著歐洲掛鐘、小火車等擺設、幾別緻的小餐館。晚餐有二人及四人餐、包小食、主菜、甜品、飲品等、好豐富、價錢合理。南瓜湯濃郁較creamy、仲有好多蔬菜粒在裡面。廚師沙律賣相也不錯、沙律菜新鮮、仲有鮮橙作配料、油醋汁酸酸甜幾好味。七味粉炸雞肶菇雞肶菇切得較大粒、用七味粉炸過後幾香口、不過內裡欠點Juicy。番茄手工肉丸番茄醬好濃又夠多、肉丸沾上茄醬加上洋蔥和青椒好食。香烤德式豬手配酸菜及薯蓉豬手外皮烤得較乾、不過內裡肉質還可以、如果另外有醬汁點會更好。酸菜好像比我在德國吃的酸很多呢。西班牙海鮮炒飯好足料、有大大隻鮮蝦、青口、魷魚、番茄醬汁跟芝士味道很搭、飯亦煮得像risotto 軟綿奶滑。草莓奶凍這裡的甜品做得不錯。我並不是奶凍的粉絲、但這panna cotta 奶味香濃、入口幼滑、跟香甜的士多啤梨粒一起吃、夏天吃感覺透心涼。

同大帝剪完頭髮就過來食飯，因為時間尚早唔使等位就入得，叫左個2人套餐B，有餐湯，沙律，小食，主菜，甜品，連西冷扒都唔使加錢要左1餐湯1沙律，湯係南瓜湯咸咸甜甜仲有未溶晒既南瓜幾好飲，沙律菜加埋酸酸甜甜既汁同芒果好開胃。小食要左七味粉炸雞脾菇，外脆內多汁，微微七味粉既香辣味唔錯。主菜要左燒香草法國春雞配炸魷魚圈，10oz安格斯西冷配薯條，西冷要左5成熟度剛剛好，煎完有攤抖足夠時間唔會有血水滲出，肉質幾嫩有汁👍👍粗薯條香脆好味。燒春雞皮都幾脆，肉都尚算軟嫩，係胸位比較乾，味道亦唔錯。甜品要左1個草莓奶凍，1個時令鮮果奶凍，原本對餐甜品無期望，但幾有驚喜，擺盤有花心思，奶凍香滑配埋果醬同生果一齊食好match。餐廳佈置成懷舊火車站，收銀位置好似售票處，連d燈都好特別好靚。有位瘦瘦既女侍應見到大帝用手攞麵包沾湯食整污糟手即刻攞濕紙巾俾我地，好貼心亦有笑容。

小城鎮位處英皇道旁邊的細街內，餐廳內部裝修、地板頗有懷舊風，周末晚上食客也坐滿八成的座位。晚餐套餐有二人餐和四人餐之分，$768四人餐看來最抵食。南瓜湯內加入了翠肉瓜粒、西芹，湯不算濃稠，味道中規中矩。七味粉炸雞肶菇有台灣風味，菇很厚肉有口感，調味亦不俗。香烤德式豬手賣相有睇頭，但肉質烤得過乾;酸菜比較淡，兩者配搭未見突出。西班牙海鮮飯有青紅椒、大蝦、魷魚和青口，口感濕潤。10oz安格斯肉眼扒配薯條，粗薯條大小不一，應是自家製的。肉眼扒略嫌煎得過火，幸好肉味濃郁，補回一點分數。時令鮮果奶凍是套餐中最出色的，奶凍溜又不膩，黃色醬汁酸酸地，令人有追加的衝動。

同老婆落開北角，忽然扒癮起，但舊區多數都係茶餐廳同酒樓；出外靠朋友，地膽食家推介呢間Little Town。按圖索驥在小橫街搵到個門口，紅色圓形招牌甚為搶眼。餐廳以鐵路站為裝修主題，牆上有鐵路及火車模型做裝飾；懷舊擺設營造浪漫氣氛，座椅空間尚算寬闊，感覺舒適。廚師沙律新鮮沙律菜配蕃茄及甜橙，加上沙律醋，十分開胃！10oz 安格斯西冷牛扒配薯條牛扒點了六成熟，看賣相已知煎得很均勻。牛扒處理得恰到好處：肉質不會韌，牛味頗濃，扒外面煎得甚香，扒心軟韌適中。食落就知牛扒選料認真，同老婆一人一啖幾分鐘食曬成塊扒。招牌豬肋骨上菜時嚇了一跳：好大件！豬肋骨大件之餘肉質嫩滑，醬汁微酸帶甜，帶濃厚燒烤風味條骨分開慢慢嘆，不經不覺又清曬成盤！飲品凍檸檬茶和熱朱古力 鮮果奶凍/草莓奶凍吃完扒，以水果奶凍甜品作結，中和油膩及躁熱感，perfect!飯後同好客老闆傾幾句，原來餐廳已經開左好幾年，不過最近改左名；但用料依然走高質路線，贏取客戶口碑。

上次同朋友去北角食飯，飯後四圍行發現原來嗰邊有好多唔錯既餐廳，所以呢日放工近近地又去左北角開餐🍴一入去燈光比較昏暗柔和，環境偏向懷舊古典風，擺放住時鐘、火車、路牌等等，好有格調⏲️👁‍🗨 黑松露牛柳粒配薯蓉（7.5/10）💲58呢碟浸係黑松露汁入面既牛柳粒，賣相比較普通，不過食落黑松露味香濃，當中又帶有青紅椒甜味，仲有牛柳粒都頗為腍身🐮薯蓉就真係啖啖薯無咩額外調味，夠曬飽肚🥔👁‍🗨 黑松露野菌燴飯（7/10）💲72個飯既黑松露味反而無小食咁濃郁，但係食落都有啖啖菇同芝士片🧀至於意大利飯，口感外軟內硬，保持到少少生米煙韌感🍲👁‍🗨 招牌豬肋骨（配薯角）（7/10）💲168餐廳都算貼心，有手套同濕紙巾提供😉豬肋骨一上檯既時候嚇親我，因為份量真係好多，有十二條肋骨左右，平時呢個價應該得一半😂豬肋骨肥瘦適中，同埋沾滿燒烤醬汁好惹味🐷唯獨係比較乾身，而且肉比較黏骨，如果做到骨肉分離就好了👉🏻👈🏻薯角外邊脆身，食落好多薯夠鬆化👅👁‍🗨 薄荷朱古力（7/10）💲28杯朱古力係有拉花既😍飲落好重薄荷味，就算係叫左熱既，落到去喉嚨都會涼涼地，但係略嫌朱古力味淡，個人認為可以再濃返少少😳👁‍🗨 夏威夷果仁朱

北角明苑西街的這一間懷舊西餐廳系一間裝修很有特色的餐廳，似系一個歐洲小鎮的火車驛站，懷舊有文藝氣息。鎢絲燈，磚瓦牆，扮成賣車票的收銀櫃，一切都比食客不一樣的新鮮感。飯餐跟野飲同湯，好抵食。我地點左個煙三文魚pizza,新鮮熱辣，三文魚都好大塊。油封鴨扒，有薯角同腸仔及菜，十分歐洲風味，鴨肉唔鞋，即使鴨胸都唔硬。加上洋蔥，令鴨肉更惹味。鴨比好大隻，肉質更滑，而且相當入味。比目魚扒，賣相不俗，肉質肥美，健康有益。底下有足夠份量薯蓉，十分滿足。

北角有很多隱世食店，難得工作經過，就進入另一角度，一試小城鎮的西部風情。餐廳空間感足，充滿外國的味道，有種說不出的悠閒感覺晚市以套餐較為抵食(選主菜亦可加$18可升級套餐)，不用$200 已包餐湯/沙律、主菜和餐飲招牌豬仔肋骨 $168-HKD (10 onz )餐廳店員服務態度很好，而且食物賣相可以媲美星級餐廳 豬仔肋骨配上燒烤醬汁烤焗，惹味吸引安格斯西冷牛扒配薯條(黑椒汁) $168-GJD牛肉肉質鮮嫩，喜歡配菜的「粗薯條」，充滿薯肉，外脆內軟的口感!超值升級 $18-HKD鮮茄餐湯，茄味濃郁

呢到嘅老闆好好人，好有心去經營一間餐廳。點解我咁樣講呢，因為每一次嚟到嘅時候老闆都會親自招呼我哋，都會過嚟派上佢嘅卡片，仲會問一問我哋食物嘅質素如何有啲乜嘢需要改善，咁非常之有心。講真呢度嘅食物真係十分之唔錯，今日我哋一行四個人，叫咗一個四人餐，佢會有沙律餐湯做頭盤，之後煮食仲可以揀四個，然之後仲會有甜品同埋飲品。小食我比較推介呢一個七味粉，炸雞髀菇有少少似台灣嘅風味，將雞髀菇切粒然後炸，外邊有一層脆皮，然後再酒上七味粉。我特別要推介嘅就係呢個香煎比目魚扒配香草忌廉汁，平時我都唔食魚，但係因為今次有老人家嘅關係，牛同豬佢都唔係咁鍾意。估唔到呢個魚絕對唔遜色，外面魚皮煎到非常之香脆，入邊嘅魚肉第一個字可以形容！就係滑，口感十分好，最重要係老人家食亦都食得好方便。頭盤，小食，主食食個味道的確10分唔錯，而且份量都非常之大。食到最尾嘅時候甜品已經食唔落，但係試咗一啖佢嘅布甸之後覺得質素真係唔錯喎，最後都食清光。。

今天逛北角大型百貨公司，看看開學用品，順道在附近午餐。記得這邊有家火車做主題的餐廳，原來餐廳已經更名為＜小城填＞。幸好小米不抗拒在這裡午餐。我的母語～廣東話：佢好順攤咁入去坐低！店內火車站相關的擺設依舊，只是餐牌不同了！二份套餐和飲品。 　　小米選擇扁意粉Set Lunch，套餐飲品，本想要橙汁，可是賣完。而小米卻發現餐飲可配水果茶特飲！　水果，感覺很健康，就批淮小米的請求吧！　看到水果茶真身，我倆都眼前一亮！　　百花園水果茶　　　勁大杯，好震撼，小米十分開心，比踢波入球更開心。玻璃杯很高身，一般成年人坐姿正確，背脊挺直時，真是剛好相看對飲。只是小米太矮了，要站立才可享用水果茶。小米抓住這個巨型茶杯，又吮冰又食水果，滿心歡喜。　小米，你快樂，所以我快樂。　職員表示：仲有個更大杯的水果茶呢！　小米聽到，已經雙眼發光了！　　黑松露香菇扁意粉　表面有一塊淡黃色芝士，自己獨吞。碟子上餘下的黑松露蘑菇意粉，就留小米吧！　　　Classic Egg Benedict 經典班尼迪　　　二塊Muffin配火腿，水波蛋和荷蘭醬。　　　最開心一刻，就是篤一篤水波蛋，玩＜必＞蛋油。最後整個碟子都變成黃色了！

鐵道文化吸引著許多人，鐵道亦是我們日常生活中的事物之一，但如何把食物和鐵道文化融合呢？位於北角新開業的西餐廳Café小城鎮便做到這點喔～環境方面，一走進來，小編彷佛走入了一個鐵路站，整間餐廳佈置了大量鐵路元素的裝飾物，例如有復古時鐘，紀錄了不同世界主要大城市的時間，還有很多火車車輪和火車模型的擺設掛在牆上，加上收銀處亦以車站售票處為構思，相當有趣。另外，紅磚牆和整個格調也帶來歐陸式的風情！除了環境，當然不得不提食物啦～ 1. 經典馬格麗特比薩馬格麗特Pizza可謂最經典的Pizza之一，配料簡而精，餅皮內脆內軟，蕃茄吃起來很新鮮鮮甜，加上芝士濃郁的味道，相當美味。2. 燒汁薄牛扒配蘑菇飯薄牛扒大致上全熟，但不會過老，而且香料味很濃。燒汁的配搭恰到好處，為牛扒點綴不少。蘑菇飯美味，每一口也有微微的蘑菇味，剛好配合牛扒。3. 燒香草法國春雞(配魷魚圈)這款菜式「啖啖肉」，非常滋味。燒春雞帶有極香的香草味，外皮燒得剛剛好，既脆口又不會過燶。魷魚圈一般，略嫌無味，但也挺脆口。來到西餐廳，點甜品是例行公事吧～小編點了一件荔枝干酪蛋糕和一件柚子干酪蛋糕4. 荔枝干酪蛋糕荔枝味很重很甜，很配合干酪的

今晚朋友帶我去北角開餐Lee 間餐廳都幾特別用火車做裝飾坐低左發現cashier個位都係用ticketing 做deco見到佢個Menu有兩個set餐諗左好耐...🤔🤔🤔叫B餐好似吸引啲同埋個價錢唔係差太多餐湯係雜菜湯...香噴噴另外....個沙律一放低就已經感覺到好開胃個沙律正呀好酸甜小食就叫咗炸雞髀菇超香脆同埋菇本身係好容易出水佢完全冇濕嘅感覺話咁快個主菜就有得食啦叫咗豬肋骨個份量超級大有兩大舊豬肋骨同埋佢哋焗到好淋可能我自己食慣味龍嘅嘢食如果可以多啲醬就會再好味啲同埋服務員超級細心佢提供左手套同埋濕紙巾俾我哋另外一份我哋叫咗燒春雞服務員一放低已經聞到香噴噴有手套咁梗係揸住食la.. 😂😂😂雖然兩個主菜都係配薯菜但係食完都真係好飽食物份量真係好足料套餐仲會有甜品送係一個鮮果奶凍另一個係士多啤梨奶凍整體感覺好好同埋都幾抵食咁多野食四百幾蚊埋單

中午lunch經過呢間小城鎮都已經想試試⋯⋯不如放工就去啦裝修幾特別，牆上有世界各地既時鐘，餐廳中央放左一個甜品櫃，都好吸引！我地唔太餓，所以只係揀左兩個main dish~ 加18蚊就可以超值升級分別有沙律同埋是日餐湯蕃茄雜菜湯 雜菜湯就鹹咗少少另外仲有蒜蓉厚多士幾香口！熱辣辣 ！沙律分量都OK～10安士安格斯肉眼扒配薯條黑椒汁18810安士嘅肉眼扒望落去唔算好多，但係其實都好夠一個人嘅份量！我哋order咗七成重七成熟， 不過嚟到就overcook咗少少 黑椒汁都鹹咗少少，用嚟點薯條就好啲！香煎比目魚扒配香草忌廉汁$128 試過自己喺屋企煎比目魚扒，但係點都煎得唔好，都係出街食好啦！比目魚扒都幾厚肉，外皮煎得香脆，上面有莎莎醬調味 除咗個魚扒，下面仲有個薯蓉！十分之好味！！！香草忌廉汁加埋薯蓉簡直perfect！order咗凍檸茶少冰 佢真係做到！ 而且檸檬都較多, 所以檸檬味好強！支裝啤酒500ml $58 見食得咁高興，我哋最後嗌返支德國啤酒懷念下係德國嘅行程德國嘅黑啤其實只係深色少少啤酒味道較重我就認為比淺色好飲啲

餐廳位於內街，平時都好少行入黎，今日甘岩見到就黎試下啦！餐廳佈置有特色，環境算寧靜，可以同朋友傾到計！叫主食+$18可以升級要餐湯或者沙律+飲品，夠實惠！因為叫左兩個主食，所以沙律同餐湯各一。沙律有啲醋、麻醬同橙肉，酸酸地，好fresh、開胃。面包焙過，面頭查左牛油，好香！好中意！鮮蝦卡邦尼長通粉呢個應該係，除非唔係，我食過最好食既卡邦尼汁！！個汁有種好特別既味道，同平時食開既有啲唔同！好濃，好creamy！難以形容，要黎食過先會明！加上佢個長通粉軟硬剛好，兩者好夾！豬肋骨估唔到係甘大份！上下共有有兩大塊肋骨！肋骨烤到外邊焦焦地，配合埋個燒汁，好香口！肉質實淨，啖啖肉，絕對唔會係雪藏好耐，搞到梅晒既肉。新鮮熱辣上枱，夠晒滋味！正！煙三文魚pizza個底夠薄，唔會食到好濟！材料豐富，好香煙肉味！甜品-值得一讚！平時少見到有唔同味既芝士蛋糕，多數都係原味，今日見到有特別味，當然要試下！甘靚既擺盤同好味既芝士蛋糕只係需要$22，抵！！黑芝麻淡淡既黑芝麻味同芝士味好夾，唔算好甜，中意食芝麻味甜品既朋友唔好放過！賣相唔錯！柚子芝士蛋糕亦都係淡淡既柚子同芝士味，兩者唔會太濃而蓋過對方！相比黑芝麻芝