六両三.台灣食堂

Open Now

Now Closed

今晚約朋友放工食飯, 佢話食過呢間台灣野, 但係可以打邊爐, 份量ok又抵食, 加上女仔未切食好多野, 如果2個人出去放題食唔到幾多野又貴, 所以佢就叫我黎食。其實我地食18:00有啲早，上到去無咩人, 但到19:00左右已經好FULL~我本身一心諗住黎打邊爐, 點知佢話有新野, 係煲仔飯, 所以我同朋友決定叫一個煲仔飯同一個一人邊爐~個邊爐包一份菜+配料，一份肉同一個主食~ 我地加左錢要牛頸脊, 個肉好好食同埋好新鮮~ 之後到個三杯雞煲仔飯, 上枱時個飯出哂煙, 勁香，我鍾意佢另外俾左支豉油同油我地自己調味~ 個飯好好食, 個雞夠滑，撈埋啲飯焦有唔同口感真係無得頂，食哂之後我先同朋友講我地應該留番啲飯焦，再加埋打邊爐個湯一齊食應該仲好味。佢話既然係咁, 我地唯有下次再黎啦~ lol而且呢個set真係好抵, 佢仲有小食+菜~ 同埋我真係想講下杯白桃烏龍走糖，我仲走埋冰，呢個都係我平時飲開既野, 雖然佢個樣平平無奇, 但我想講佢茶底好濃，仲有好清香既白桃味, 呢杯野反而令我好驚喜~

星期日去觀塘行街，搵到呢間銅鑼灣都有嘅六両三.台灣食堂呢間餐廳坐落於工廈入面，但係鋪頭環境好寬敞，裝修設計都幾靚，有係有台灣古早味感覺，但係就光亮d，感覺都好舒適自在我哋選咗一份價值$258嘅二人豪華套餐，內容相當豐富，包括開胃涼菜、小食、兩款主食同兩杯台灣特飲，性價比非常高開胃涼菜係麻辣豬大腸，經過精心滷製，質地腍滑，味道濃郁但唔油膩，顯示出廚師對食材嘅處理相當用心。豬大腸洗得幾乾淨，食落去令人放心。小食方面，我哋試咗炸花枝丸。呢款花枝丸保持住自然嘅鮮甜，口感扎實又Q彈，咬落去每一口都彈牙，絕對係配搭餐前飲品嘅好選擇。主食方面，我哋點咗紅燒牛肉麵同蕃茄豬頸肉湯麵。紅燒牛肉麵嘅湯底微微紅色，牛肉湯底濃郁，有蘿蔔嘅香甜，鹹度都好適中，牛肉質地綿軟又帶有咬口，搭配扁身麵條，吸湯能力出色，整體口感令人滿意。而蕃茄豬頸肉湯麵則展現咗另一種風味，蕃茄湯底清新可口，豬頸肉又鮮嫩多汁，仲帶有好濃嘅香茅香，好出色。另外，我哋仲加咗一份百葉豆腐、溫泉蛋同嚕肉燙青菜。百葉豆腐質地Q彈，能夠吸附湯汁，雖然有啲肥，但實在忍唔住食晒。六両三.台灣食堂無論係環境定係食物質素都相當出色，絕對值得再訪！

六両三.台灣食堂地址: 觀塘巧明街107號國基集團中心4樓2號舖電話: =====================隔星期就去觀塘dream skin做facial 機，色班少左白左，同做導入精華，成個人都靚了。今日做完facial 又留返在觀塘搵地方食dinn涼涼地架天氣，食打邊爐岩曬$328 2 人火鍋餐，有涼菜- 皮蛋豆腐 、小食 - 炸黃金地瓜條、一人一鍋湯底，要了蔬菜養生鍋同 昆布蕃茄湯另自選兩盤肉各120g 要了日本鹿兒島豚梅肉同腩肉，火鍋更有丸同蔬菜，極之豐富多野食。主食、台式飲料同懷舊雪糕，食到超飽呀！ #life #foodie #dining #cuisine #instafood #traveller #restaurant #吃貨 #手機食先 #foodpic #foodig #美食 #dinner #香港必食 #香港旅行

話說最近發現六両三開左觀塘店，出埋火鍋套餐好似幾吸引咁，呢晚趁男朋友收工就捉左佢陪我去試，野食水準仍然咁高質，性價比好高，新店裝修仲花左唔小心思，牆身有靚靚油畫，又掛上燈籠，幾有台灣特色，仲要坐得好舒服。❀一人一鍋超值套餐❀可以自選肉類，會再有丸子拼盤、雜菜盤+主食。肉類揀左美國Prime牛頸脊，有適量油花，肉質鮮嫩爽滑，牛肉味濃郁，薄薄地咁好快淥熟。雜菜盤有粟米、蕃茄、金針菇等等，令到個湯底特別鮮甜。另外仲加左蛋餃，肉餡用上新鮮豬肉包，好有鮮味，餃子皮加入蛋汁，蛋味香濃。❀紅燒牛肉麵❀湯頭味道濃郁，牛肉大大塊又軟腍，煮到好入味，面條都幾有咬口，呢個面嘅份量都幾多，食完都飽飽地。❀皮蛋豆腐❀有少少溏心嘅皮蛋配上凍豆腐，再淋上甜甜地嘅台式醬汁及木魚片，係好好味嘅消暑小食。❀鹹酥雞❀細細粒咁樣，炸漿唔係好厚，食落好香口又惹味。❀桂蜜躺雪山❀跟餐加$28就可以食到，見平平地就試吓，芋圓夠晒Q彈又煙韌，仙草滑溜，配埋甜甜地嘅紅豆，正。❀台式飲品❀飲品可以揀甜度同埋走冰，款式都幾多，冬瓜茶同埋杞子桂花物都係甜甜地咁。

麻辣牛展頭，麻辣味道濃郁但不過火，牛展頭爽滑有嚼勁，辣度剛好開胃。炸地瓜條外脆內軟，甜度適中，是不錯的前菜選擇！而牛骨沙茶鍋和藥膳麻辣鍋各有特色。牛骨沙茶鍋的湯底濃郁，沙茶味道香醇，適合不喜辣的食客；而藥膳麻辣鍋則帶有中藥香氣，辣度適中，讓人一試難忘。鹿兒島豚梅肉和澳洲草飼N5牛頸脊都是套餐的亮點。豚梅肉脂肪分佈均勻，入口即化；而牛頸脊肉質鮮嫩，帶有天然的牛肉香氣，輕微涮煮後已經非常美味。油肉飯和台灣粗麵都是經典搭配。油肉飯香氣撲鼻，米飯粒粒分明；台灣粗麵吸飽湯汁，口感彈牙，與肉品和湯底相得益彰。最後的雪糕球為整餐劃上完美句號，口感細膩，甜而不膩。泡沫紅茶（凍）作為跟餐飲品，清新解膩，是解辣的好選擇。

今晚去左觀塘係apm旁邊嘅巧明街一工廈食dinner，呢間叫六両三，是食台灣野的，上到去店員好好招待，原來仲可以揀sofa位，真舒服，之後見佢menu都好多野食，打邊爐一人鍋優錢都幾優惠，就同朋友一人試一鍋。我揀了蕃茄昆布鍋套餐，當中肉類可揀，我揀了澳洲m7和牛後腿肉眼，朋友就揀了牛骨沙茶鍋套餐，肉就揀了鹿兒島豚梅肉。吾洗好耐就上碟，有一份打邊爐菜同丸配上，份量都很多，肉值得一讚，我的和牛後腿肉眼及鹿兒島豚梅肉都份量多，而且質素高，新鮮又好味，湯底又夠味，吾錯啊。仲可以另外點配料打邊爐，優錢都好抵食，一份白蘿蔔都只係10元，仲點了響鈴，唐生菜，都很新鮮。飲品都好正，是台式特色飲品來，揀了珍珠奶綠同杞子桂花蜜，很舒服，又飽又好正，正。整體都很滿意，會再幫襯。

同老婆觀塘apm行完街搵嘢食，但又唔想食連鎖店，咁啱落雨又無遮，想搵間餐廳坐得舒舒服服又唔使淋雨，然後誤打誤撞下就揀咗呢間台灣食店，估唔到又幾好食相信台灣嘅地道美食無乜邊個係唔識，市面上亦都好多台式餐廳，但價錢貴份量少又唔特別，而我推薦呢間嘅原因正正就係份量多味道好而且價錢合宜我叫咗一份一人火鍋，係藥膳麻辣湯跟m5牛頸脊。而我老婆就叫咗個三寶牛肉麵加滷蛋。見d小食嘅相影到好靚所以好為食地叫多份鹽酥雞同皮蛋豆腐，跟咗罐台灣啤酒同白桃烏龍。火鍋係明火gas 爐，湯底本身有鴨血同百頁豆腐，好濃郁好香辣味除住火鍋湯滾起而飄散住一人牛肉份量都好夠食，薄切快拖即熟，好味得嚟牛肉味濃老婆叫果碗牛肉麵，一上台就有好香嘅滷水味，牛筋牛展牛肉加滷蛋，真係絕配湯底唔咸，如果要食再濃d，舖頭都吊住個banner仔教食客用佢地舖頭嘅醬料櫃加料，加咗仲好食咗之後份鹽酥雞就不得了，大大份啖啖肉，味粉適中，唔會炸到好乾，好好味好彩叫多份皮蛋豆腐，因為火鍋辣，配返一口清涼豆腐，解辣解油膩，非常適合望到舖頭裝修好靚，文青feel而且寬敞，店員都好快執枱同上菜 如果觀塘行街想坐低飲杯嘢或者食個靚飯，可以來一試

👩🏻‍🤝‍👨🏼二人同行火鍋超值套餐 $328🥠開胃涼菜一款揀左皮蛋豆腐，成磚好夠凍嘅豆腐加大大舊皮蛋同木魚碎好開胃，個拌汁唔會太咸成個好清爽🍗餐前小食一款揀咗鹽酥雞，份量都好多，一定夠兩個人食，鹽酥雞唔會過鹹外脆內多汁啖啖肉🍲火鍋湯底兩份分別揀左藥膳麻辣鍋同蕃茄昆布鍋，麻辣鍋本身已經好多配料，有鴨血蜂巢豆腐等，蕃茄鍋就勁多蕃茄好足料同比較清甜🐷日本鹿兒島豚腩肉 120g120g 都大概有十片，薄切每片都好快熟br埋肥瘦適中唔會柴🐃澳洲黑安格斯牛肩肉 120g另外加咗$18要呢碟肉都大碟，最後其實夾硬食先食得晒，牛味好濃亦好夠淋🥬台灣好丸及時令蔬菜兩份每人都有一份，每份入面有齊晒燕餃，花枝丸，墨魚丸，豬肉丸，貢丸，蜂巢豆腐，蕃茄，芋頭，高麗菜，生菜，粟米，芋絲同金菇，真係超豐富乜都有🍚自選主食兩份揀左關廟麵同加$13食魯肉飯，魯肉飯好大碗，男士食一定夠飽，魯肉好入味醬汁濃郁🍨懷舊雪糕每人仲有一球芒果味雪糕，雪糕好夠冰凍雪得夠硬，食完熱辣辣嘅邊爐凍一凍一流🧋台式飲料套餐仲包一人一杯台式飲品📍六両三.台灣食堂 觀塘巧明街107號國基集團中心4樓2號舖

餐廳樓面都幾大，座位都唔少，坐得夠舒服。Menu嘢食款式都幾多，台式便當、火鍋，甚至牛扒都有。台式牛扒見到呢個台式牛扒好吸引，今次就試吓佢，竟然有驚喜。首先佢肉質好好，同埋都好有牛味。 佢仲會配上墨魚腸仔，沙律菜，同埋珍珠米飯。所以超級滿足。咁嘅價錢真係性價比高。蔬菜養生鍋套餐佢啲火鍋仔都有幾款湯底可以揀，想清清地嘅叫呢個養生鍋都幾好，味道合適。肉類可以有幾款揀，今次要咗呢個澳洲M7和牛後腿肉眼。佢仲配上一盤蔬菜丸類，另外加錢可以揀滷肉飯，嗰啲滷肉都好多，好入味，呢個都好抵食。珍珠奶茶（凍) 珍珠咖啡（凍）跟餐嘢飲可以加錢升級台式特飲。珍珠奶茶味道茶味夠濃，珍珠軟硬適中，而珍珠咖啡又幾有驚喜，出邊比較少見，咁樣飲又幾夾喎。係收銀俾錢嗰度見到佢嘅雪櫃有賣呢款牛肉，又幾靚喎。

位於觀塘嘅呢間台灣料理餐廳,讓人彷彿一踏進店門就被傳統台式氛圍所包圍。行入店舖，映入眼簾嘅係充滿懷舊風情嘅佈置,由天花板垂下既燈飾,到牆壁上懸掛嘅各式台灣特色裝飾品,無一不透露著濃濃的台式風味。來到用餐區域,更感受到服務人員嘅嘅熱情款待。。即使在晚餐時段人聲鼎沸,佢哋依然保持專業嘅服務態度,確保每位客人都能享受到貼心周到嘅用餐體驗。而今晚嘅用餐之旅,更係讓我驚喜連連。首先上桌係一人火鍋,鍋底係一道濃郁嘅胡椒湯，裡面包括有不同新鮮蔬菜、燕餃、鱈魚丸、豬肉丸同花枝丸。每一種食材都新鮮可口,加上湯頭嘅醇厚滋味,讓人忍不住一口接一口地品嘗著。隨後,我們試咗佢嘅牛後腿肉片。肉質肥嫩多汁,配上與之相襯嘅冬粉,口感香甜醇厚,讓人難以忘懷。緊接著,我們仲叫咗份牛根牛𦟌台灣粗麵。麵條粗實彈牙,伴隨著醇厚的湯頭及豐富嘅配料,讓人彷彿置身於台灣小街巷中,品嘗著最地道嘅台式美食。除了主菜之外,我們仲嗌咗兩樣小食。首先係鹽酥雞,外酥內嫩,鹹香可口;緊接著係炸蕃薯條,酥脆入口,帶著一絲甜味,頗有特色。飲品方面,我們嗌咗珍珠奶綠和白桃烏龍茶。珍珠奶綠濃郁幼滑,恰到好處嘅甜度讓人回味無窮;而白桃烏龍茶則清新醇厚,別具

🎈 建議場合：#即興食飯 #普通拍拖👤 建議人數：4人（最多可容納8人檯）💸 人均消費：$50-100【2個人食咗啲咩？】- 半筋半肉麵+溏心蛋+檸檬綠茶多多- 咖喱牛筋腩便當套餐+溏心蛋+蜂蜜鹹金橘- 炸甜不辣- 台灣腸- 滷肉燙青菜⭐⭐⭐⭐⭐「想念台灣時就來一趟吧」一入到去成個裝修就充滿台灣嘅古早味風格，好似飛到去台灣d小攤檔咁。半筋半肉麵嘅牛筋超級軟糯，一夾就斷開，入口即溶，滿滿嘅骨膠原，份量一d都唔手軟，兩個人食都食唔曬，尼個價錢食到咁多牛筋真係好抵！d牛展都好易咬開，有濃郁嘅牛味，唔會好似無味橡筋咁。湯底都好濃郁，配上蔥花同青菜，令成碗麵無咁heavy，d麵都煮得岩岩好，軟硬適中。咖喱牛筋腩便當套餐都好抵食，份量超級大份，完全食唔曬。好適合大家lunch time黎食，有肉，有碳水，有菜，有蛋，而我最鍾意嘅係佢嘅番薯條！番薯條脆脆地，就咁食甜甜地已經好好味，亦可以選擇點咖喱汁食。另外佢地嘅雜菜都好有誠意，唔係純粹清水煮熟就算，調味剛剛好，加上少少蒜味，仲有我最鍾意嘅西蘭花，唔會煮到好硬。酥餅唔係平時食手抓餅個個質感，個外皮超級脆，好似春捲咁，個餅皮本身無味，配上咖喱食個味道剛

今日朋友說想吃台式火鍋，於是我們便來了這間餐廳吃晚餐。見到有二人同行火鍋超值套餐，好似好多野食又抵。便決定點來吃。開胃涼菜選了麻辣牛展頭：這道麻辣牛展頭是一道充滿香氣的美食。牛展頭肉質細嫩多汁，配上辣椒和花椒的獨特調味，讓整道菜更加鮮美開胃。麻辣的味道讓人胃口大開，不僅讓人垂涎欲滴，也讓人欲罷不能。這道菜適合喜愛辣味的朋友，絕對是一個讓人回味的美味佳餚。餐前小食：炸澎湖花枝丸花枝丸外層炸得酥脆，內裡彈牙有嚼勁，吃起來很過癮。飲品選了蜂蜜咸金桔🍊：蜂蜜咸金桔給人一種新奇的口味體驗，金桔的酸甜加上蜂蜜的甜蜜，搭配起來非常出色。飲火鍋湯底選了蔬菜養生鍋，幾清甜，不錯。另一個鍋選了台式白胡椒鍋：湯底幾香，胡椒味重。澳洲草飼M5牛頸脊：牛味好重，肉質鮮嫩澳洲黑安格斯牛肩肉：都幾好食，好正。肉質好好。

朋友一路極力推介黎觀塘試下呢間台菜六両三，因為個名好特別，今次終於有機會同朋友一齊黎試下。 未有假再飛台灣之前，就黎食返餐思下鄉啦。一黎到個感覺已好唔錯，地方幾闊落，又特別，而且都好多人黎食。 睇佢既餐牌，都係台灣既特色美食，小食，仲要價錢都好大眾化，果然係幾似台灣咁吸引，唔怪之咁多人。我地今次就簡左二人同行火鍋超值套餐。 真係幾抵，二人餐都有每人一鍋。 我地就叫左台式白胡椒鍋，蔬菜養生鍋。 胡椒鍋超香，蔬菜鍋都有好多菜。 小食就叫左皮蛋豆腐，非常大份； 炸澎湖花枝丸，新鮮炸凍左都唔會縮細。再叫左美國prime牛頸脊，好稔夠肉味； 澳洲M7和牛後腿肉眼都好好味。 仲有檸檬紅茶都好香，好有台式口感。 薑母茶都好暖胃，飲完好舒服，唔會太甜。 唔怪之真係好正。

好耐冇返過台灣，呢排入夏咁熱更加返唔到去🥲屋企人話寧願嚟香港(雖然香港都好熱🤪今晚就搵下台灣菜思鄉下先，餐廳係尖沙咀都有分店，觀塘店都係第一次食，呢到有提供太熟火鍋😳份量同價錢都幾吸引二人火鍋超值套餐* $$328套餐包涼菜同小食各一款，兩款自選湯底同肉盤，主食可以加錢轉滷肉飯，兩份丸類蔬菜盤同埋台式飲品兩杯，甜品附送懷舊雪糕球🍦麻辣牛展頭份量多，而家調味好夠！煙煙韌韌好好食😋隨餐飲品揀咗蜂蜜鹹檸檬同蜂蜜綠茶，堂飲杯非常古早味😚飲品好解膩鍋底我地揀咗台式白胡椒同藥膳麻辣鍋，入面有兩塊大鴨血同豆腐，超入味😻白胡椒湯溫而不嗆，燙豚肉好夾兩盤肉都唔馬虎，我地加錢轉咗澳洲黑安格斯牛肩肉，都好有牛味。鹿兒島豚梅肉都好靚仔😻油花夠食落好嫩口，兩款肉都好好食蔬菜盤種類好豐富，同花枝丸貢丸同燕餃放埋一齊，🌽芋頭芋絲番茄金菇生菜娃娃菜，每款都好新鮮，絕對唔係拎陪襯，呢個菜盤都好夠飽！飯桶一定要食飯🥹+$13轉咗滷肉飯，呢到既滷肉飯超對我口味！唔係用絞肉整成，係五花肉嚟滷，肥瘦50/50，配埋靈魂黃蘿蔔🥹小小一碗都好滿足今日真係澱粉爆標！但邊個可以抗拒到炸地瓜條😫心急人上遇上新鮮炸起既地瓜條，辣到嘴都要

今日同朋友去咗觀塘一間台式小店，由門口到店內佢都裝修得幾有台灣風味，入面仲好闊落。佢有好多款式既台灣野食，牛肉麵，魯肉飯，拌麵，鹽酥雞都有，而我同朋友就揀咗個台式火鍋雙人餐。我哋一人一個鍋，叫咗台式白胡椒鍋同牛骨沙茶鍋，佢餐廳中間仲有自助醬料吧同有得斟熱茶。蔥，蒜之類都擺得幾整齊乾淨。兩個火鍋湯底都好濃郁，我地都揀咗跟餐既牛肉，佢碟肉好大碟，仲有配埋既丸都好多款式有花枝丸，貢丸同燕餃，生菜同高麗菜都好新鮮跟餐仲有前菜既皮蛋豆腐同埋炸花枝丸。皮蛋豆腐就不過不失，但係炸花枝丸就好有驚喜！上到枱個陣仲係熱辣辣，同台灣夜市食到嘅差唔多，好好味佢個火鍋套餐真係好夠飽，仲配埋麵食同台式飲品，我叫咗個仙草奶綠只需要額外加$8，幾好飲。我同朋友就揀咗冬粉同皇子麵。我自己就好中意冬粉，佢同普通米粉，或者粉絲唔同，係煙in啲嘅米粉，十分之索湯又有啲咬口，配呢個沙茶湯底埋尾食真係一流最後仲有雪糕做甜品，係雲尼拿味雪糕，係好滿足嘅一餐