六両三

Open Now

Now Closed

因為疫情關係，唔算多人等，等2-3張枱左右環境唔大，有小店feel，木枱感覺好家居Order一個紅燒半筋半腩牛肉面，同埋一碗小的魯肉飯小食方面唔多選擇，只點了甜不辣牛肉好淋身，淋到夾一夾就爛筋好大舊，食到有點膩面質方面都不錯，比較有咬口而魯肉飯的細size，同台灣的size差唔多，而且都便宜 ($18)食落好有台灣的感覺，一啖魯肉配珍珠飯，一流汁都多，而飯的軟硬度還好，個人比較中意粒粒分明，所以適合我的口味甜不辣非常煙un，好有𡁻口，汁配搭亦十分match

🇹🇼六両三好耐冇食過台灣菜，經過見到就決定試吓🤪🍜麻辣乾麵$48麵唔會太硬，辣度啱啱好，微微嘅辣但又唔會辣到痹哂 如果你可以食得辣啲，可以同店員講加辣🍜滷肉拌麵 $46滷肉份量好多，本身落單前仲驚麵同肉份量唔平均，結果啱啱好，唔會太鹹👍🏻🥚溏心蛋 +$15流心蛋係正嘅😙🥬滷肉青菜$28油麥菜加滷肉，正常發揮🥃冬瓜茶 $20🥃薑母茶 $152個人埋單 $174食物質素ok，座位有少少逼，店員有禮貌絕對推薦大家嚟試🙌🏻🙌🏻🙌🏻🙌🏻

平時見人推薦呢度既牛肉麵 見到湯底係唔用味精 天然真材實料黎煲出黎既 今日特登試一試唔同既味道 叫左一個細既滷肉飯黎試 味道同台灣好貼近 肥瘦肉相間 味道平衡得岩岩好 飯粒油亮粒粒充滿油香 睇落細細碗其實好飽肚 另外叫左佢一個豬手黎送飯 豬手既骨膠原非常充足 好有口感 滷水滷得非常入味唔會覺得太韌 加上蔥花的調味恰到好處 整體而言感覺好似台灣的老牌小店 口味亦都帶一點台式的古早風味 價錢唔貴也值得一試 希望下次黎試一試佢招牌既牛肉麵啦

次次經過門口，都會見到好多人排隊，冇晚市嘅星期六食個early dinner，餐廳比較細，座位唔多，4點幾都要排隊，不過都係等左一兩張枱，好快有位。三寶牛肉麵湯底算濃有牛肉味，但唔會太鹹同冇咩味精味，食完都唔會口渴。麵係粗麵，煙韌彈牙，但厚身左D，唔係好入味加埋湯底唔重口味，夾埋D麵食會覺唔夠味。牛肉就煮得好淋，好香濃入味，牛筋都好淋，差唔多入口就溶!蔥油拌麵拌麵麵質好過牛肉麵，冇咁厚，夾埋好香口嘅醬，好好食! 而且醬汁份量岩岩好，唔會話太多好鹹/太少唔夠味，推介!!!皮蛋豆腐 推介!!!係咁多樣最好食嘅!!香滑凍豆腐加上醬汁、皮蛋、木魚，味道調得岩岩好，唔會過鹹，好開胃!!甜不辣煙韌好食，唔會話成舊好粉，夾埋個汁同甜醬，味道岩岩好，小小地一份做小食岩岩好!!

六兩三平日下晝行過宜昌街，都會比六兩三既裝修吸引到。餐廳門口好似日本既拉麵店，而入面既裝修就行木系風格。餐廳唔算好大，但疫情期間，兩個人都係坐四人枱，所以都幾餐桌都幾寬敞。牛肋條麵牛肉麵湯底比較清淡，但本身六兩三都標榜冇味精既湯底，清清地反而唔錯。牛肉個樣就好韌，但咬落竟然係好滑好冧，而且肉味幾香。而麵係類似手打既，麵比較粗身，食到最後都唔會因為吸咗湯而冧晒。滷肉飯本身見佢28蚊，諗住佢都唔會好大碗。點知一黎到，比我想像大碗好多。滷肉飯既豬肉肥瘦分明，肥肉既油脂味好香，而瘦肉為滷肉飯增添口感。而滷肉汁唔會死咸，有少少甜味，味道幾平衡。而白飯係類似珍珠米，就算有過多油脂同汁都唔會令成碗飯濕淰淰，好食。甜不辣口感非常煙韌，但唔會好似香口膠咁咬唔開，配上酸酸甜甜既醬汁，好開胃！

🍽 紅燒牛肉麵💰$75🌟7.5/10➰之間都食過幾次 不過牛肉麵真係第一次試相比起店內其他食物 牛肉麵相對遜色冇咩牛肉味 同埋肉嘅份量偏少相反個麵加咗唔少分係有咬口嘅粗身麵 (見圖2)而湯底就偏清淡 重口味人士未必啱...雖然唔係差 不過可以更好下次都係食返滷肉飯😮‍💨————————————————🏋🏻‍♀️🗣用增肌嚟迎接冬天嘅來臨😙-抵食指數：🌕🌕🌕🌑🌑食物：🌕🌕🌗🌑🌑環境：🌕🌕🌕🌗🌑邪惡指數：🌕🌕🌗🌑🌑-📍尖沙咀宜昌街3號地下📍觀塘巧明街107號國基集團中心4樓2號舖-💰人均消費：$50-$100

每次經過六両三門口，都會見到好多人排隊，難得今次中午時間，前面得兩、三個人排緊隊，咁就一於同朋友一齊試吓啦。店舖係比較細間，座位真係唔多。黎到食台灣菜，點都要試吓個滷肉飯啦😋我就叫咗個細碗，其實都夠食既，而且上面層滷肉都唔少，只係$18😱直情係驚喜價！另外，再叫咗個蔥油拌麵，食落都幾香！最後我哋仲叫咗個小食，糖不辣（必食之選）❤️❤️非常之煙煙韌韌，超好咬口，可惜一碗得五舊左右，完全唔夠喉🥲

位於觀塘嘅餐廳，想試下台灣野就要試下呢一間。第一次黎食，餐廳環境闊落，座位坐得都舒適。叫左個滷雞髀便當，平平地$68啖啖雞肉而且充滿住滷水汁，再配埋芽菜、白菜仔及雞蛋，即刻好掛住台灣嘅美食🥺 幾時可以去旅行...

今日黎到觀塘分店既六両三食晚飯，難得天氣開始涼，今次就點左新推出既一人前的台式火鍋。呢個台式火鍋套餐分三款唔同湯底選擇，有辣有唔辣，任君選擇。蔬菜養生鍋想食清淡一啲所以點了這個蔬菜養生鍋，類似清湯湯底，跟鹿兒島豚腩肉及配菜籃。豚腩片脂肪比例剛好，配菜籃內除了雜菜還有金菇、蘿蔔、芋頭、番茄、南瓜、丸類、芋絲等，十分豐富。套餐還跟了一個主食，我點了台式關廟麵，麵條較薄身，建議煮耐啲啲先會腍身。沙茶牛骨鍋另外一款台式鍋挑選了招牌沙茶牛骨鍋，呢款湯底相對上較濃味。肉方面升級加了這個澳洲M5肉眼蓋，打邊爐最緊要牛出色，特意升級了。除了相同配菜籃之外，今次主食挑選了王子麵，呢款麵類似港式媽咪麵，陪襯濃味湯底/滷味既最佳搭檔，十分入味。天氣涼，下次不妨試下呢個一人前既台式火鍋。

六兩三座位好有空間感，入到黎先俾佢嘅裝修吸引咗，台灣街道壁畫背景，前邊有幾個卡位，睇落好舒適，但係店員話如果我哋想食火鍋就唔可以坐🥲，唯有下次。最近天氣咁凍一於嚟試吓佢呢度嘅一人火鍋，唔係好食得辣嘅我掙扎咗好耐，最後都係試咗呢個台式麻辣火鍋，湯底唔算好辣小小麻，食開bb辣嘅我覺得啱啱好，跟湯既兩舊豆腐已經煮得好入味，鴨血超大嚿，一開口感超軟滑。仲有值得一讚嘅係佢嘅牛都好高質，推介呢個澳洲和牛牛面肉，雖然要加$20，但係肉質鮮嫩爽口，真係麻辣湯底真係好夾。朋友就叫咗澳洲M5肉眼蓋，呢個雪花紋會多啲，油花較重，入口即溶嘅口感。佢呢度嘅用料都好新鮮，同高質，連個椰菜都係大椰菜。主食方面我哋揀咗台灣粗麵，佢有啲似台灣牛肉麵嘅質地，比較煙靭有口感，同比較濃郁嘅湯底幾夾。台式一人火鍋都幾特別，冬天嚟到同朋友食個火鍋仲可以叫唔同種類嘅食物，滿足晒幾個願望。

午餐時段到訪，前面已經有兩三個人等緊小店位置有限，大約有5,6張枱四人枱等大約30分鐘就有枱了入到去用QR CODE 自助落單，今次試左紅燒牛肉麵牛肉係薄身一片片嘅，煮得夠冧入口牛味重麵身係粗麵底，有少少掛湯湯底濃厚，帶有微辣，飲完都唔會話口乾下次可以再試其他菜式

尖沙咀宜昌街：應該係好少人知嘅街名，平時行開呢條街，淨係見到有個舖頭好多人排隊。今次行經附近，可能時間比較早，終於少啲人，所以諗住去食嘢。初頭以為食日本拉麵，原來係食台灣嘢，咁啱晒啦，我就係想食拌麵。坐低叫咗清清地嘅兩樣嘢：皮蛋豆腐麻辣乾拌麵皮蛋豆腐首先要試嘅就係佢嘅醬汁：真係台灣嘅好友，甜甜地，最重要嘅就係豆腐皮蛋夠凍。麻辣拌麵：睇落去唔覺得好辣，食落去嗰種辣有真刺激嘅感覺，加埋皮蛋豆腐凍凍地，食落去超有快感。

⋆⁺₊⋆.六両三..無論入面定外面睇落去有啲似日本拉麵店ㅋ不過佢嘅真身係台灣餐廳～雖然店面較小，但一入到去見到枱面有橡筋比你紥起啲頭髮！好貼心( ˃᷄˶˶̫˶˂᷅ )..牛肉麵/ $80 / 🥨🥨個人覺得小辣都係比較辣(ó﹏ò｡)牛肉唔係好淋，有啲硬身～.麻辣鴨血豆腐/ $48 / 🥨🥨🥨個鴨血反而冇個麵咁辣！冇乜麻辣嘅感覺，但鴨血口感不錯(ˊᵒ̴̶̷̤ꇴᵒ̴̶̷̤ˋ)꒰ 而且豆腐都好入味啊～.冬瓜檸檬茶/ $23 / 🥨🥨🥨🥨冬瓜茶唔會話好甜～再加埋檸檬嘅酸味，飲落好fresh！ (•̀ω•́)✧..［滿分5個🥨］...⌫ 六両三 (尖沙咀)尖沙咀宜昌街3號地下.#尖沙咀咔嚓#台式咔嚓

六両三地址: 尖沙咀宜昌街3號地下冇得去旅行✈️，但一直都好掛住台灣牛肉麵，唯有再去下六両三享受一下台灣風味嘅牛肉麵。第一次去就已經覺得食物質素高，而且價錢合理，絕對係值得幫襯嘅風味店呀！半筋半肉麵🍜 $85湯底色澤呈深啡，入口鹹中帶辣，充滿香濃嘅牛肉味，係成碗麵嘅靈魂之處；麵條粗身，煙韌彈牙；滑溜溜嘅牛筋好軟腍，幾近一咬即溶；牛肉肉質鮮嫩，煮得好淋，好香濃入味，真係值得一試！

𓂅麻辣鴨血豆腐辣味比麻味重，食食下滲透出花椒八角嘅味道，咸度如果降低少少，就會更好！鴨血同百頁豆腐嘅口感正常，都好入味！𓂅牛肉麵+溏心蛋牛展腍身入味，麵較粗身有口感 ，而湯底濃得黎唔會太咸。溏心蛋正常發揮𓂅滷肉飯用上肥肉同瘦肉層次分明嘅豬肉，口感有層次之餘都充滿油香，但略嫌唔夠多汁，個飯食到一半有多時就開始乾身，不過整體都覺得呢個滷肉飯幾好味！𓂅冬瓜茶清甜解渴，偏多冰