重慶劉一手火鍋店 (旺角商業大廈) (Closed)

其實香港🇭🇰重慶劉一手火鍋店真係一間好有心去經營既火鍋店, 食得出湯底有要求, 食材有質素, 亦可以滿足到唔同食客既需求, 同時可以食到串燒、刺身、和牛海鮮, 食材選擇真係十分多元化。聽經理講郭富城亦都係常客, 每個月都會黎一次。《食評》今次有驚喜既係佢地主打既正宗重慶麻辣鍋, 除左成都老碼頭既招牌麻辣湯底係做到清而不澀, 同時保留到豐富既麻辣口感次之外, 另一間就係「劉一手」！不過消費上係有點貴, 所以要加入VIP會員先算抵食。另外, 劉一手黑松露墨魚滑真係值得一試, 上到枱已經係非常地香！即時食指大動, 精神為之一振！ ●驚喜菜式: 正宗重慶麻辣鍋 黑松露墨魚滑 墨魚麵 ●綜合評分: 1. 湯底: ★★★★★ 2. 食材: ★★★★★ 3. 環境: ★★★★★ 4. 價錢: ★★★★☆

香港的劉一手開了一陣子，第一間在屯門，一直都沒機會試，最近同事話我知旺角開了分店！ 有晚ot到9 點，就約埋同事去食下！坐底先叫了一個酸酸甜甜既檸檬薏米水熱熱身，一路飲一路睇下食d咩好先！呢間劉一揾選擇感覺比國內店還要多，有很多不同級別的牛肉選擇！而家必有既圍裙，唔駛食到件衫污糟晒！我哋叫左個2 合一 鍋底，有麻辣味勁香既麻辣湯底，呢個麻辣湯既香味打從入門口一刻已經非常吸引我，越食越辣，而且辣味十足，我同同事都唔駛整調味醬汁！另一邊椰子滑雞鍋，用料十足，不難揾到大大件既滑雞，香甜既椰子湯汁，令鮮甜更出色！我哋今晚叫左唔同既牛肉同羊，仲有招牌劉毛肚，有咬口魚香味十足既魚皮餃，大大隻鮮蝦爽口又彈牙既雲吞，肥美既雞子！，等我精選幾樣介紹下先！先嚟有賣相非常吸引牛頸脊，大大片鮮紅色既牛頸脊肉，放落麻辣湯入面一下子就變成嫩滑既牛肉，牛味十足，入口啖啖牛肉脂肪香，肉汁豐富！另一招牌菜劉毛肚，真係唔係講笑，大大片，滾佢10幾秒，爽，滑，鮮甜，樣樣有！由於大大片關係，滾完都仲有得大大啖放入口！建議放入麻辣湯，令鮮味更出色！滾完都仲有一大片，而唔係得半啖都無，非常爽口！除了火鍋食材出色外，仲有出色既串燒

同朋友一行六人打邊爐朋友鍾意麻辣野已經一步步由平至貴再由台式麻辣至重慶麻辣都食均今次就試埋呢間 值得一讚係 醬料選擇多 有個辣腐乳醬幾特別 點菜一流食左無數次麻辣鍋 經驗話我知個湯會愈煮愈辣就算唔辣 如果淥菜都會吸晒啲辣油所以都係揀返雙拼鍋 原本諗住大辣 但落單店員不斷說我地唔好揀中辣算了而揀牛方面 店員又不停叫我地揀拼盤但我地一行六人 拼盤見到啲日本和牛 每人一塊就無左 就算有幾款牛 個份量都唔多 所以搞左好耐 最後都係跟返自己選擇難怪有食評話店員太aggressive水餃🥟飽滿 多汁魚皮餃餃皮有咬口反而丸類無咩特別三星蔥貢丸蔥味係幾香響鈴 唔叫都得擺一陣唔駛放湯都已淋晒 牛舌 一般般 無咩特別兩款本地牛反而有驚喜 份量多 紋靚有肉味又夠淋食唔停口 高質靚牛寬粉 索湯都ok 煮極都有啲過韌魚皮唔夠脆牛利酥甜甜地 又幾夾蝦滑 最後就咁食無放湯總括黎講 啲料都還可以 牛靚 湯底夠辣唔太麻每人人頭$4xx

今日又同朋友黎旺角食劉一手喇！雖然我地都係辣鬼，但我地簡左鴛鴦湯底，因為有啲食材係用豬骨湯煮完再沾麻辣湯先正！叫左一邊麻辣小辣，一邊豬骨湯。個辣湯底好快就到左，口水都流了！我地點左招牌重慶鵝腸、牛頸瘠、鬼馬油炸鬼、響玲、金菇、芋絲、凍豆腐、重慶小面同埋寬粉。鵝腸份量好多，洗得好乾淨，冇曬啲多餘既肥膏！用冰震住！餐牌有教煮15秒就得架喇！建議用麻辣湯煮！牛頸瘠比肥牛厚身啲，牛味都重啲，所以我地次次都簡呢個！呢個都係用麻辣湯好食啲！鬼馬油炸鬼，其實可以就咁食，仲新鮮炸起，好熱！最正既食法係先浸一浸豬骨湯，等佢變軟，再沾一沾麻辣湯，perfect池！重慶小面其實似上海面既幼版，佢比上海面軟身小小，寬粉好似係新加的，兩種面都係必用麻辣湯！索曬好正！叫左杯菠蘿沙冰解辣，唔會太甜，大大杯，滿意！

先吾講火鍋，要講下呢度自家出品劉一手手手工啤同埋黃金炸白飯魚，依度嘅啤酒唔係坊間一般大牌beer, 而係自家出品手工beer, 另外, 黃金炸白飯魚就超惹味、超級鬆脆，送啤酒簡直一流。好，講返個火鍋湯底，麻辣一邊，既麻且辣，辣得非常有後勁，一邊食一邊流汗。豬骨湯底果一邊亦都非常足料，湯底白色，非常重豬骨味。配料方面，海鮮拼盤都相當抵食，肥牛油花均勻，入口即溶，可以媲美禾牛，但係價錢就平一截。而且坐得非常舒服，座位闊落，可以再來。

要搵班鍾意食麻辣又傾到計既朋友真係唔易，今晚去左第一次去既劉一手，係朋友介紹的，打電話去book 話限時兩小時，但查實都無限，可能平日，晚市唔full c其實佢地理位置唔差，旺角地鐵站一出既大廈就係在樓下等人既時候望下個餐牌，都幾貴，好多樣會寫明只有6-8件，平均都10蚊一件食物，有啲無得一件一件就無寫件數今晚湯底：麻辣小辣拼元茜鍋一開始來湯就有點小插曲，個電磁爐唔平，麻辣個邊勁滾，芫茜又吐啲反應都無，最慘係個麻辣滾啲油彈得好勁，伸隻手去夾野都會彈到滾油，經過一翻協商，終於有個較為願意聽我地意見既侍應幫我地調轉擺法，再加湯入麻辣鍋，解決了問題講返食物，擺盤係唔錯，最like 鴨血，好好味，比起其他店我食過既更好味，鴨血我地有再翻點另外有個茴香小油條好伏，唔知想點，唔脆唔煙韌，淋pat pat.....個人非常唔like白鱔算厚切，但$148得6件左右插曲：我地點大份牛頸脊，落十左單一陣一個侍應埋來游說我地食一個貴10蚊既牛拼盤，話多10蚊有三款牛食，但睇返個三款係好普通既野，最後我地唔轉，牛勁脊味道ok,唔錯，但個侍應專登走來叫我地轉令人感覺奇怪總體說：食物質素、環境尚算中上，但有點貴

老婆升職加人工，話請我食餐正既辣野，我諗都唔洗諗就簡左劉一手！食過幾次了，仍然是咁期待！我自己鐘意旺角分店多啲，因為坐得旺角比較闊落，叫得多野時都好擺啲，影相又靚啲！最重要係有呢個醬油自助bar正宗重慶麻辣火鍋又點少得呢樽麻油 又香又解辣我地一如既往地叫左半鍋豬骨湯同埋半鍋招牌麻辣湯，湯底好快就黎左！豬骨兩大舊仲有紀子、粟米、紅蘿蔔🥕牛我地簡左牛頸瘠半份，呢個位油花靚又有適中厚度，個人十分推薦！冰震重慶鵝腸，我每次都必點佢，佢洗得乾淨又去除左多餘既肥膏，沾埋麻辣湯食真係正到呢！午餐肉切成條狀，又係沾麻辣湯，冇得頂！油炸鬼釀墨魚滑係另一個我懷念的菜佢新鮮炸起既油炸鬼，配上彈牙既墨魚滑，就咁食已經屈機，放埋入豬骨湯到浸一浸再輕輕點麻辣湯黎食，大家一定要試！仲叫左重慶小麵同埋寬粉，呢兩重麵同個麻辣湯好夾，索緊啲辣味飲品方面老婆叫左個菠蘿沙冰，解辣一流！埋單不用一千，非常開心🥳

重慶鄧一手火鍋喺國內非常出名，香港都開左好多間分店，朋友話一定要試吓。我哋叫咗： 鴛鴦鍋：豬骨拼麻辣鍋底。炸黃金白飯魚，鮮鵝腸，牛頸脊，海鮮套餐，等等。首先一定要讚下個湯底，豬骨窩非常足料，濃味。麻辣一邊又麻又辣，越食越爽，最鍾意汗流浹背嘅感覺。 海鮮拼盤 非常大陪，非常新鮮，海鮮拼盤裏面竟然有毛蟹一大隻，仲有仲郁緊嘅鮑魚，同埋鮮蝦。非常抵食。 炸黃金白飯魚，非常香脆，惹味。 一定要試。牛頸脊油花均勻、入口即溶，仲好食過禾牛。海鮮拼盤大大盤，超級新鮮。非常香脆，正。

最近我在減肥中，但有朋友約我出去食飯，我就在想難得破戎就當然要吃好點的👍🏻所以就找了這間劉一手，價錢並不便宜這一餐每人要500元！但因為真的挺好食的，所以也很滿足😌麻辣鍋（小辣）+椰子雞鍋來劉一手當然要叫麻辣鍋🥰它並不是單單只有辣味的那種！而椰子雞呢就不是很濃味的，所以當然吃了麻辣那邊，再吃這邊就會覺得不夠味！但單飲湯是很好喝的，很清甜！建議放一些比較吸味的配料下去，好像是竹笙，好甜好好味🤤我覺得必叫的有黃喉，炸芋頭，牛骨髓，糍粑和冰粉黃喉好爽脆👍🏻炸芋頭是最有驚喜的一道菜，芋頭味超級無敵香而打邊爐必叫的牛骨髓，叫了半份！份量還挺多的糍粑炸得剛剛好，香脆好食這是我第一次食冰粉，沒想到是那麼好吃的，花生味好香！這家的肉類我覺得很一般，叫了一個牛拼盤E，只有葉子上的那一款是好食的，而其他就......比凍肉店的肥牛好一點點而已😥（建議不要叫而羊肉就沒有羊味的，也不夠嫩滑!沙律丸賣$58 8粒，在這間店來說不算貴，但味道就不及街市的好食😟

香港無論咩天氣，定時定候我都好想打邊爐！劉一手係我其中一間去過都會再想去嘅打邊爐餐廳！今次朋友病左唔食得辣，所以我哋叫咗一個普通嘅椰子雞湯底。食過之後都係覺得食返麻辣惹味啲！不過試吓其他湯底都唔錯！用了十足！牛肩脊係每次打邊爐必食嘅！牛味十足！一啲都唔韌！厚薄適中！響零好香脆！烚2秒即食啱啱好！呢個唔記得左叫咩名，係有墨魚滑配油炸鬼嘅物體！食落好有驚喜！墨魚滑好好食，好彈牙！芝士魚腐同埋粟米丸，芝士魚腐味道不錯，芝味好香，反而粟米丸就比較普通。雜菜藍都好豐富好新鮮！粟米好鮮甜好正！最後叫多一款牛，呢一款比較有𡁻口，牛味較重，幾特別！

今次已經係我第二次再嚟食呢一間重慶麻辣火鍋，上次食完之後一直念念不忘。愛辣之友約出去食飯立刻就要介紹佢嚟劉一手試一試😋喜歡到這裏的其中一個原因位置闊落，令你坐得舒服這個好適合三五知己黎傾計食飯既好地方醬料多選擇，加埋佢哋特製嘅油，好香好正😊今次叫了重慶麻辣加椰子雞湯底店員先叫我地品嚐一碗雞湯，椰子味香濃，好甜，雞肉肉質仍好嫩口，正!重慶麻辣辣味有層次，好正宗!牛肩脊好香牛味，脂肪分佈平均😋四款丸都有餡料，非常彈牙最推介裏面有牛骨湯既牛丸，好特別菜新鮮爽口，粟米好甜魚皮炸得脆口叫埋同麻辣火鍋好夾既薯粉令整個美味既晚餐畫上句號😋最後不得不提既係，佢地既沙冰好好飲一路食辣一路飲沙冰真係好爽🥳🥳🥳

朋友突然火鍋癮起，提議來這一間嘗嘗麻辣火鍋。大概因為時間尚算早只是晚上六點多，不用等位便可以直接入座。店員說可以先點湯底再看叫甚麼火鍋配料，麻辣湯底當然是首選，但想選多一個清一點的湯底，於是我們點了半鍋重慶麻辣湯底（小辣）和半鍋皮蛋芫茜湯底。點好了湯我們就選配料，點了店員所推介極尚牛肉拼盤盛（小），再點了跟麻辣湯底很配的蓮藕、凍豆腐。生菜當然少不了，還有令我聯想起電影食神的醬爆瀨尿牛丸🤣。點完以後湯底就來了，皮蛋芫茜湯底挺足料，看到麻辣湯底浮起那些數量不少的辣椒，其實有點怕會很辣。然後牛肉拼盤來了！！比我想像中的還多。後面的兩款普普通通，最前面的那一款（好像是手切牛肉）朋友和我也覺得是最好吃。之後蔬菜類的配料也來了，這個時候覺得肉類好像有點不夠想再加點，但朋友對於其他肉類不感興趣，在魚肉和帶子二選一下，我們加點了帶子，另外再點了炸魚皮。這裡的蓮藕很爽脆😋 值得一讚。之後瀨尿牛丸來了。吃前想過會不會像電影一樣會噴汁（因為有在餐牌看到裡頭有上湯），結果是沒有的😂牛丸裡頭的肉已經吸乾了裡頭的上湯，但也許是我們碌得太久了，不過嘗鮮也是OK 的，只是個人還是比較喜歡沒有餡料的牛丸 。最後帶子也來

上年曾經食過劉一手銅鑼灣店，嗰時已經好鍾意，因為佢啲配料好齊全，成個吧bar枱咁，好多任你拎，特別我鍾意有芫荽同西芹粒。一年後更加讃呢間餐廳，因為佢個餐牌唔係一成不變，而係有進步，註冊營養師推薦，果然做到口號「有營食肆」，打邊爐又可以養生，見到餐牌加入埋好多養生食物，特別係最近好Hit嘅羽衣甘藍super food。旺角店座位好闊落，服務又好，冇時間壓力。另外湯底個爐側邊有個細細格，好欣賞呢個設計，等啲細細嘅食物唔會飄左唔知去邊消失咗。特別鍾意有羽衣甘藍嘅項目，所以點左羽衣甘藍餃子同埋羽衣甘藍汁。個羽衣甘藍汁好明顯係真材實料，因為佢冇溝稀到，非常之濃郁，仲有厚厚啲纖維喺度。肥牛，雪花紋好靚，食落質感軟熟，好有牛味，有質素同好美味哦，推介！！魚皮好脆口，好好味。平時普通芋絲常有，但就少見打邊爐有魔芋芋絲，果然特別。另外都叫咗d蓮藕。呢度卡位坐得舒服，冇時間壓力，下次約朋友打邊爐，呢度係首選。

今晚同辣妹食飯，當然就要食辣嘢！佢揀左劉一手！環境唔錯喎，好企理，感覺好乾淨！打邊爐湯底好重要！我哋揀左重慶麻辣（中辣）伴豬骨湯。個湯要$168，不過真係幾好味，我覺得中辣都唔太辣，有啲麻，味道好香。叫左打邊爐必點嘅響鈴，好香脆，唔似炸定好耐嗰種！一浸落麻辣湯即刻晒啲湯，正餐牌入面嘅丸類有好多選擇，好多仲要係好有特色嘅丸。我哋揀左薑汁皮蛋貢丸、鱈魚芝士丸、鱈魚xo醬蝦米丸！聽個名已經覺得好特別！幾款丸都爽囗彈牙，辣妹就大讚薑汁皮蛋貢丸，話好特別！牛肉又有超多選擇，拼盆都好多款，不過辣妹唔太食牛，所以我哋只係點左一份美國肉眼牛肉。menu寫係五片，以為得好少，不過因為好大塊，嚟到都ok夠。肉同脂肪比例幾均勻，完全無雪藏味仲點左豚肉片半份，肉味比較偏淡。最後仲食咗重慶小麵，$28一碟好抵，啲麵唔會滾到爛晒，有嚼勁總括來講呢度打邊爐唔算太便，不過個湯底真係好食，而且又坐得舒服，都算係物有所值！要食麻辣鍋可以再encore呢度

成日聽啲朋友講旺角依間打邊爐好食🤤食物質素唔錯，所以今日朋友約我去旺角試😁我一口就應承。結果真係冇失望，食物質素好，環境舒服。 先講位置，餐廳喺旺角地鐵站上面行1分鐘就到，超級方便。👍🏻湯底選擇多，醬料款式也很多。個人超級喜歡食牛，依這間鋪頭滿足到我。佢嘅牛肉質素超好仲要好多款式選擇。牛味好濃，肉質好滑🐂🐂。佢嘅手打牛丸都非常新鮮值得推介。其他食物質素都很好，份量都好大碟。總結此餐，食材非常新鮮侍應服務態度好。與好友們一齊嚟食嘢傾吓計，係一個唔錯嘅選擇。😁