羅坤發粉麵食店 (Closed)

今日放工去花園街幫襯伯伯買花做花球比好朋友,見有d肚餓就去食個麵la呢間麵檔平時經過見好多人都好想試吓,今日見有位就坐低啦,麵款有好多選擇真係花多眼亂,因為佢哋個餐牌都好難明吓.叫左個A+B+C餐,其實只係兩送麵29蚊加個油菜,盛惠34元,未叫嘢飲都幾貴A棷菜餃=棷菜都幾清甜幾JUICY吓,餃皮厚度適中,B香茅=香茅雞翼,要後上要等五分鐘,估佢唔到都有足兩隻仲係脆炸TIM 炸得皮香肉滑好味,C芝麻麵=呢個唔多掂,因為比個湯底搶哂D芝麻味,同普通糼麵一樣仲要我加多3蚊 油菜=以加五蚊來睇都算幾大碟幾爽脆吓D生菜食完哂好滿足,呢34蚊都值得,下次來都係叫番粗麵有口感D,

麵舖賣嘅不外乎雲吞麵、魚蛋粉、牛腩牛什，但聽聞呢間有胡椒豬肚湯麵見一條友行開花園街，順便走嚟試試胡椒豬肚雞腳豬骨湯上海粗麵～湯底好勁胡椒味，都真係幾辣，食到我鼻水都流埋，但略嫌甜咗少少，但已經比好多潮州餐館嘅胡椒豬肚湯好味！豬肚夠淋，雞腳都淋但唔會煲到爛晒！但豬骨就麻麻地，肉少而實！上海粗麵有咬口！整體嚟講都算出色，勝在夠特別聽講佢地個蝦子撈麵都好OK，下次有機會一定會試埋

同事說，花園街有一間吃胡椒豬肚雞腳湯麵。好久沒飲過胡椒豬肚湯了，就去試一下啦~~~胡椒豬肚雞腳湯麵點了上海幼麵。一到就試了個湯底。沒錯，湯底十分重胡椒味，又香又辣；但，甜的？？????感覺好怪……雞腳不淋，豬肚和咸菜都沒什麼味道……但麵的質地卻不錯。……但，是不是我一開始已經期待這個胡椒豬肚雞腳湯麵會好吃的呢？總覺得吃完幽後，只是普普通通……

天天從火車站返家都唔知有間咁既麵檔。係花園街兩側，俾攤檔遮住。外賣個胡椒豬肚麵$21。麵幾好味，滑嘟嘟，湯幾濃香。份量比較小，下次再食要加多樣野先夠。價錢便宜，都幾抵食。吃罷後冇感覺到好口渴，幾好。

平時行花園街都經過既, 但無諗過入去食, 係上星期經報紙介紹左個胡椒豬肚湯豬骨麵同蕃茄牛根菠菜麵, 先有興趣想去試。今日終於食到啦, 唔洗睇餐牌, 一坐底就叫左胡椒豬肚湯豬骨麵同蕃茄牛根菠菜麵各一。胡椒豬肚湯豬骨麵($21),我地揀左+3蚊食芝麻麵底, 仲有其他好特別既麵底揀嫁, 例如, 魚蓉麵, 菠菜麵, 瑤柱麵, 蝦子麵, 仲有鮮奶麵。呢個胡椒豬肚湯豬骨麵一上台, 就一大陣胡椒味, 聞到就好辣啦, 飲一啖湯, 胡椒味真係勁到打乞痴呀, 有2隻雞腳, 豬肚唔多, 芝麻麵其實同幼麵一樣唔特別, 只係好似無咁大陣"簡"水味。如果多d 豬肚就好啦~而蕃茄牛根菠菜麵($24), 個湯好汁, 似撈麵多d, 但用黎撈麵幾好食, 兩舊大蕃茄, 好開胃, 牛筋好淋, 正!另外叫左碟菜5蚊咋, 抵!2款揀, 我會鍾意食蕃茄牛根菠菜麵多d‧下次黎我會試蝦子撈麵, 見人食好正咁!但呢到環境真係好差, 我坐個位係岩岩對住廚房, 成日見到佢地倒垃圾, 有d 唔開胃, 同埋佢地拎d垃圾走個陣, 會嚮你頭上經過, 十萬個驚! 所以食完就快d走啦~

今晚同Honey諗住食簡單d，所以揀左黎食麵。我叫左蝦子撈餃子麵同鮮茄牛腩波菜麵，前者都ok，後者就麻麻，湯底好杰呀！

尋日同honey出開旺角，諗住食埋嘢至返屋企，響花園街一帶行咗一陣，睇極都唔知自己想食乜，突然之間響我個腦海入面諗起上海麵，之後就捉咗honey去羅坤發喇！(((其實我自己之前都已經食過一次，覺得佢地啲上海幼麵都幾好食。)))Honey叫咗個『A+B+C』餐，即係牛根豬扒菠菜麵。佢都話啲麵好食，而且個湯又夠清。我自己就叫咗個『A+B』餐，即係牛根雞翼上海幼麵。其實我只係比較鍾意食佢果度啲上海幼麵而已。至於啲餸方面就不過不失啦，未至於入唔到口咁囉！(((我之前食過一次豬扒上海幼麵，啲豬扒同出面好多餐廳一樣，唔太特別。))) 順帶一提，去得呢啲舊式舖頭食嘢，都知道啲伙計唔會特別好服務咖喇！(((但係我上次去果陣唔係咁咖)))！不過，都唔駛側哂身挨埋牆，仲撬埋對手面露不滿咁企響啲食客面前等落單囉，好似嫌我地睇得耐咁！勁黑人憎！ 之後我都忍唔住同我honey講，你快啲叫啦，如果唔係人地一路撬住對手等你咖喇 (((擺明係要俾說話果個阿姐聽)))！

平時行花園街的時候都總會經過此店的,但就是不會入去食碰巧這次想不到吃什麼就一於來試一試!要了個套餐,一個麵一碟菜再加一杯飲品埋單都不用三十元,真的超值呢!先來菜,點了菠菜,可選配腩汁或蠔油不好蠔油的我當然選了腩汁,第一次吃菠菜配腩汁,卻又出奇的好味麵食要了雲吞粗麵, 因為他們家的麵是自家製的,所以粗麵都比一般的粗入口非常彈牙有咬口,再配上濃濃鮮味的湯底,真的很難不把它吃完!!飲品要了菜蜜,味道調得剛剛好,完全能沖掉口中濃郁的食物味之後我還來了一次,要了招牌胡椒豬肚雞腳麵上次試了粗麵這次就要幼麵,質感沒粗麵的來得好但可能是比較吸湯的關係,見到大部份人都選擇幼麵招牌麵湯底的胡椒味十分重,入口還真有點受不了不過幸好是在冬天吃,不然真的吃到一把鼻水一把汗!

今日下午四時都未有得食第一餐. 太肚餓了. 心想好像只有太子始創附近先有麵家原來平時都經過呢間野. 還以為佢只係賣麵餅的, 堂食第一次試. 冇黎錯阿. 我朋友叫左一牛根麵.+ 油菜她平時食野都好醃尖. 會好直咁彈彈彈. 但係她今次係讚 她話個麵, 好好食. 咬得開. 又唔難咬. 牛根好林. 好好食. 湯底好清. 冇油. 我自己叫左個淨墨魚丸. 魚蛋, + 油菜魚蛋麻麻地.太過彈牙. 感覺有點假... 可能我唔太食慣呢種魚蛋墨魚丸. 好食. 個湯底又係好清. 冇油. 正合我近日的胃口. 因為唔食得太油的食物. 食完後埋單. 個老闆雖然個樣望落去好惡好cool. 但係傾落都好nice . 有笑容. 仲識講笑tim.位位好有空間. 唔太迫. 環境可能有些人會不喜歡. 不太新派裝修. 但係食物質數可以. ga. 地下好乾淨,. 整体上我又發現一個好地方. 我會再去ga. 反而想買佢d麵餅返屋企自己cook. tim.

經常在附近乘車回校.卻不知有這家食肆.終於帶備小豬兒去一試.她要番茄牛腩.我要番茄豬扒.牛腩炆至腍腍的, 軟軟的, 化化的, 溶溶的.相當可口.牛腩汁加上番茄汁, 共治一爐.豬扒亦很不錯, 腍腍的, 痴骨的部分更可口.然而沒有汁, 只有很濃的番茄汁...不知是否很濃的番茄...吃時不覺酸, 吃完的下午卻覺身體內空空如也.像食極都唔飽.><不鼓勵番茄配豬扒

如果喜歡吃麵，這個麵店一定能給你不少選擇，麵種因為是自家製，所以有保證但千萬不要對環境、服務有要求，特別是繁忙時段，落單都要等。地方就不太乾淨。胡椒豬肚豬骨湯這個同大酒家有得比，胡椒香得來又不會太辣，飲完又不會太口乾。材料豐富有酸菜、豬肚、豬骨、鳳爪等，但唯獨當中的鳳爪就不算好腍。炒麵都OK，但未能提供甜辣醬就有點失色。泡菜酸辣墨丸河只是墨丸不太得，口感好粉，欠墨魚味。但其他都好好，雖然用泡菜完全不似韓式那種，又辣又酸好開胃。越式咖喱雞翼飯這個都好吃，好是好在醬汁，味道不太辣，但又帶點香咖喱，送飯正。雞翼就是普通而已。

曾多次到此家面店食嘢, D野食幾好, 但在剛過去的星期日實在令我好失望, 而且我決定以後都唔會再去!!事源係我一坐底叫咗個炒面, 落單阿姐已經講: D炒面凍嗰喎. 但我話唔介意, 要一個呀! 但等了良久, 我已經忍唔住佢地的服務態度, 既然D炒面係凍既, 點解仲要等咁耐? 唔係唸住再凍D至攞俾我呀???我頂唔順攞埋張單出去同佢老闆(疑似老闆白眉毛+白頭髮, 眼大大嗰個)講, 我唔等啦, 因為我已經等咗好耐........點知佢的回覆: 咁無耐性, 唔好等囉, 一陣都等唔倒.......我明明係門口見到係有已炒好的炒面, 但無係夾俾我, 我覺得佢地好離譜. 我惟有還佢一句: 我真係等咗好耐, 否則我唔會走! 個疑似老闆的人話走咯走咯; 我實在忍不可忍下就同佢講: 你檢討下你自己啦, 然後轉身就走咗

昨夜天寒地凍, 小妹帶ka yan來吃個湯麵~ 平時逛街經過見到店前1個個盛著各式麵餅的透明箱子, 另1邊則有阿姐正在包餃, 原來裡頭是間麵店, 別有洞天~價$$ 很大眾化呢, 平均$20~ $30已經能飽吃1頓~~ 有很多不同配搭的套餐, 幾款特別的麵底要+$$才可以轉, 包括蝦子麵, 菠菜麵, 魚茸麵, 瑤柱麵, 芝麻麵和鮮奶麵~小妹點個2款餸的 -- 墨魚丸+ 椰菜餃, 想要試個特別的麵底, um,,, 穩陣點~要瑤柱麵 ($23) ~~ ka yan 的是 -- 冬菇豬肉雲吞+ 豬扒, 配魚茸麵 ($26)~小妹的麵先來, 急不及待要吃了~~~ 瑤柱麵的味道有點像"壽桃牌"那瑤柱麵, 但就軟身得多, 味道很不錯~~ 湯底喝起來有種莫名的刺激, 原來是胡椒~!! 還可以暖暖身子呢!!! ka yan的麵比較耐才來, 可能因為豬扒要花多點時間預備吧~ 小妹也嚐嚐ka yan的魚茸麵, 麵條粗幼度跟平時見到的魚麵差很多, 這兒的很幼細, 稍微比米粉粗又不至於米線的粗, 魚味不甚特出_. 交換餸試試~~ 先吃冬菇豬肉雲吞, 翻開裡頭是冬菇粟米和豬肉, "雲吞"只是指用雲吞皮,

第一次來這店子，不知道吃什麼好?眼見的招牌菜就是胡椒豬肚雞腳豬骨湯麵，名子挺長的!外相勁似在家喝的雞腳豬骨湯，都是煲到甩皮甩骨...首先來說說這個粗麵，感覺有點像烏冬...味道也差不多吧!沒有烏冬的彈...整碗湯麵的胡椒味都很濃!辣死我...岩晒E個天氣...豬肚蚊得林!正...不過份量頗為少!通菜只不過是普普通通的...奶茶也是!沒有意見....價錢都合理，相信會再幫襯

見今日累累地, 尋晚又無覺好訓, 於是就走下堂, 比自己放下假啦同肥妹係旺角行黎行去都唔知食咩好, 咁岩又係附近食完個蛋撻咁就順便入埋羅坤發試試佢D麵啦!!! 入到黎先睇睇張menu, 麵款就真係幾多下, 不過見凍凍地, 我都係比佢個胡椒豬肚雞腳麵吸引左, 而肥妹仔就試左佢個雞翼蝦子麵後尾鍾意食水餃既肥妹又忍唔住口, 叫多碗淨水餃黎食下。胡椒豬肚雞腳麵 : 個湯幾好味, 幾重胡椒味, 加上凍凍地就更適合啦! 不過豬肚真係好少, 又細舊, 唔係幾滿足, 雞腳幾大隻同埋幾多, 不過就唔係太有味啦, 麵方面就不過不失啦。雞翼蝦子麵 : 蝦子麵都係不過不失, 口感都係一般, 個湯都好大陣蝦子麵既味, 雞翼就麻麻啦, 甜甜地唔係幾岩食 9菜餃 : $16至得5隻水餃真係太貴, 佢層皮都幾好食既, 薄薄地咁, 9菜都唔會有咩特別, 料都算足, 但係$16黎講真係唔抵