羅坤發粉麵食店 (Closed)

天氣罕有地持續嚴寒，哩度既胡椒豬肚雞腳湯(加送一隻脆口炸餃子)就系禦寒恩物，一路飲湯，一路吮"腳趾"，食完遍體生暖，舒筋活絡，再行過幾步去奇趣買紅豆燒餅作甜品，真乃人生一大快事!

叫左個白菜餃蝦子面餐$30同埋墨丸上海面餐$25, 有油菜同野飲跟, 凍飲再加兩蚊, 墨丸上海面我冇食, 白菜餃蝦子面d面就ok, 唔係話好好食, 可能屋企人細個成日買d靚既蝦子面番屋企煮, 我食開0個d都好香好有味, d餃就更加so so, 灣仔碼頭0個d仲好過佢, 仲要得3粒, 本來一心諗住食蕃茄牛根波菜面, 但佢冇餐就轉左叫白菜餃蝦子面餐, 睇見隔離個女人碗蕃茄牛根波菜面咁靚, 好後悔轉左, 仲要比我聽到佢講話佢碗面好食>_<, 不過間野都幾旺, 一路都係爆場..不過佢二幾三十蚊個餐有面,有野飲又有菜都算係咁啦~

依到一餸麵$15但係一餸o既酸辣麵就要$24咁即係加酸辣要$9咁抵唔抵食真係見仁見智啦但依度酸辣麵只係加泡菜我都係坐底先知唔通我因為咁即撇咩最後我叫o左韮菜餃酸辣魚茸麵(魚茸麵要加$2)本來我對個麵都冇乜期望點知個麵味道出奇地ok但係韮菜餃既皮好易爛我諗我行經太子都會再o黎食過不過唔會再加泡菜啦

昨天中午同友人一齊去這裡食午餐，因為小弟極愛餃子，便點了椰菜餃日本拉麵。如之前的食評所言，每碗都加送了一隻炸餃子的，味道就普通，沒有驚喜。先試麵，味道不錯，爽爽的，同日本拉麵的味道不同，好像比較淡，不過就幾有口感，幾滿意。後試椰菜餃，吃下時，只覺她的皮比較厚，而且比較『鞋』，同想像中的有分別。至於配料，包括了很多不同的蔬菜，可惜是味道都是比較淡...好濃味的我就覺得不太好了。看見友人的蕃茄牛肉，才知自己傻了，應該做好資料搜集先點.....因為他那個看見都覺得好好食....

星期日同細妹行旺角，好肚餓，見呢間好多人同埋好地道咁，所以就入去啦。嘩﹗要等位呀，等o既過程見到牆上的菜單，好多樣都好想食，又見到人o地食緊o個d個樣又好好味，仲肚餓﹗終於有位，經過一輪掙扎，我要o左蕃茄牛腩波菜面，細妹要蝦子撈面，再加一個炸餃子。蝦子面先到，在幼細的面上有鋪滿蝦子，加上少少蠔油，好香好好味，面爽，冇鹼水味。平時我一定唔會飲o既撈面湯居然用豬骨煲，唔錯﹗而我o既蕃茄牛腩波菜面，d面好爽滑，綠色面配上紅色蕃茄，襯色未必係高檔菜色o既專利﹗個人o黎講唔係咁鍾意d蕃茄太糊。牛腩和牛根炆得好入味，正﹗反而炸餃子就比了下去﹗沒有什麼特別。

今日只係想食個noodles,到貴店叫左墨魚丸河,油菜+milk tea.只係22蚊, 旺角來講都算平到笑...但係喜出望外係竟然個noodles湯低有蝦子味, 仲唔口渴.又感覺唔到味精,又有好湯低. 真係唔錯.聽聽老闆講原來佢地出名蝦子noodles.見到其他客人食緊蝦子noodle 我都好想食....我朋友想食牛腩蝦子麫,個伙記仲教佢唔好咁叫,因為會俾牛腩味搶哂d蝦子味.今時今日有d咁o既服務態度都收貨啦

經過依間食舖就多, 但今次係第一次試....Ahhh.... 揀左椰菜餃配上海麵.... 都係15蚊除左有四粒椰菜餃.... "零零宿宿"多一粒炸餃係送既~係我對面個食客話我知既, 因佢又左食椰菜餃呵!味道幾Okay ..... 值得再幫襯~配搭都有好多款式...... 門面就唔係好好喇~

有日行開花園街,突然見到'楜椒豬肚雞腳湯'好想飲,入去叫咗一碗,好有椒味又多雞腳,正,再望吓其他食品,幾多選擇,見到款'蕃茄牛腩波菜麵'幾吸引,叫了一碗但唔要波菜麵轉上海粗麵,湯底香濃,好蕃茄,牛腩炆得好'林',第二日再去,試過檬枌,又幾好味,仲有雞翼都好味,有d越南feel.

地方就肯定欠佳,因為只有圓枱和摺椅,所有東西都很肥膩,煮食的地方和客人的坐位平行,可以清楚看見阿姐操作,餐牌已啤膠,又是油浸過似的,不是每枱都有,坐下阿姐才給你,一看便暈得一陣陣,因為配搭甚多,餸很多,麵更多種類,因為它本來就是製麵工場,加上A+B+C等等,包保你不知所措.牆壁上也寫著不少特別介紹，每次試一味，也要一頭半個月才試完．我就一切從簡,牛腩生麵,加生菜,再加熱咖啡,才廿二元.碗很大,份量也不少,牛腩只是肉檔的下欄牛碎腩,有幾件筋,味道跟別的店不同,有少許咖哩味,但又不真是咖哩牛腩,火候足夠,很淋又幾好味道,麵很爽,但比普通的幼麵稍粗,沒有梘水味,湯的味道也很好,有少許味精,可接受.生菜很多油,蠔油只有咸味,沒有鮮味,咖啡郤不錯,起碼比某些大酒店還好.老闆坐鎮門口收錢,所以阿姐都給督促指揮著,不敢怠慢，十分勤快．總的來說是超值的．還要試其他的配搭．

今日同朋友仔黎食午飯天時暑熱一定要飲凍飲叫左兩個set分別係魚腐魚茸麵+通菜+凍檸茶($29)另一個係九菜餃魚茸麵+生菜+凍檸茶($29)魚腐口感較鬆湯底幾清但重梘水味魚茸麵雖然無乜魚味但都幾好食通菜叫左走油仍然油凍檸茶唔夠茶味炸餃係送既椰菜餃幾清又因為即炸關係好脆口九菜餃多菜少肉亦十分香口唔錯生菜同通菜一樣叫左走油仍然好油overall都唔錯

在人來人往的花園街，新世紀商場出來的左邊，雖然門口不光鮮，禮拜六下午依然座無虛席望見老闆大字推介，點一碗蕃茄牛腩菠菜麵＄22湯好濃，像飲茄汁般，甚至比TST的星座冰聽還好，牛腩好淋，好過一般粉麵店出品，而且送左一隻炸九菜餃比我，翠綠的菠菜麵放在紅紅的湯裡，非常開胃，麵隻算是少許粗身，但是做到掛湯的效果，總之就是10個好食！正！

話說係'名將'食完壽司都唔係好飽,太座話附近有間麵店幾出名,反正有時間,一於係花園街搵~~~~其實門面就唔係咁好,難得連我個乜都唔識既'山君'都聽過,點都要試試.下午1:30pm後,一般麵都係$10,而佢自稱既五大王牌就無特價,好似蝦子撈麵要$25,但我無試,因為我好想食'九菜餃',麵底佢有好多種選擇,芝麻麵,魚蓉麵等等都幾得意,我諗會試試,但今次我只係order一碗普通既'九菜麵'就算飲第一啖湯,好濃,唔係用蔥而係用'九王'放面,有潮州麵感覺,湯底好似用大地魚,芽菜同蝦殼一齊煲,不過我對味精無乜感覺既人都覺得佢有落(因為食完口好乾),麵條好幼,可能店主主力其實係整麵,所以麵底多完化,'九菜餃得三粒,不過十蚊一碗仲想點?但係包得好差,咬一啖已經散晒,我好懷念早幾個月前係黃大仙新光旁邊有間鐡皮屋,佢包d'九菜餃'一流,皮滑餡正,仲好包得好結實,'九菜'又香,不過好似比政府拆左~~~T_T.今次感覺一般,唔太差,有機會我會試下其他麵.

i went there today and ordered the two 'most famous' dishes : tomato beef + cabbage dumpling seasame noodles. it came with big portion, but it didn't taste good at all. very ordinary...and the woman who was serving us wasn't that friendly at all...anyway, the food is no more than just 'okay'...and definitely doesn't taste like vietnamese food <i was really disappointed

係呀，花園街哩檔其貌不揚o既老麵舖，炸餃同菠菜麵真係確一流，唔好走寶呀！老細有時會‘醒’你一兩件餃子或者小食比大家試食（我試過食柚子皮），睇你好唔好彩喇！

係個朋友仔帶我去0既，平時行過都唔會諗住入去，因為間鋪舊舊咁。原來佢d麵好特別，芝麻麵、魚茸麵...仲有幾款唔係好記得喇，總之好少見，都幾好味，而且價錢又平，我個朋友仔推介「蕃茄牛肉菠菜麵」，因為我唔鍾意食蕃茄所以冇食過，不過我男朋友同個朋友都話正