千歲擔擔麪

Open Now

Now Closed

約了朋友係裕民坊YM²食飯, 朋友揀左新開的千歲擔擔麵, 諗起擔擔麵我只會想起詠藜園, 原來千歲擔擔麵都係詠藜園,  觀塘又好近我, 以後可以多個好選擇。千歲擔擔麵係裕民坊YM² 3樓, 一定要經過凱匯平台行去, 好彩時間尚早, 我地去到可以揀位坐。到7點時, 已全場滿座了。一入去餐廳, 右邊有間廂房, 我問了職員, 原來多人聚餐可以要求要廂房, 最好係不設最低消費, 但一定要預早預訂。因為好多人都喜歡廂房。餐牌食物款式多, 由於我地好耐無食擔擔麵, 所以必定會叫。餐牌上有分詠藜園擔擔麵及改良擔擔麵, 細問之下, 原來改良擔擔麵係加左肉碎。最後我地點了 : 詠藜園擔擔麵 (辣) $39改良擔擔麵 (不辣) $48 過穚水餃(8粒) $48  韭黃炒鱔糊 $168價錢十分親民, 難怪去到7點已滿座了。雖然滿座, 但職員都積極幫我地加熱水, 添茶。而且餐廳裝修中式化, 光猛又整潔, 值得一讚。詠藜園擔擔麵 (辣)詠藜園的擔擔麵真係無得頂, 水準真係能夠維持到。易入口而且彈牙, 連埋湯一齊飲先係最正改良擔擔麵 (不辣)改良版係加左肉碎, 肉碎好香, 湯底好香, 花生味好香, 而且擔擔麵係人手

《千歲擔擔麵 – 觀塘》琴日約左個朋友收工喺觀塘食飯加睇戲😅點知條友仔眼鏡都無帶變左無得睇🥲不過咁都好，我地就變左多左時間去食野😁商量過後我地決定去食上海小籠包🥸喺網上搵左幾間心水既餐廳，最後簡左喺裕民坊既一間食擔擔麵既店舖晚餐😉我地一共點左四樣食品，包括兩個小食，一個主食同埋一份魚👍🏻水準都十分唔錯咼💁🏻‍♀️楊家小籠包 $48小籠包一客四件，每人食到兩粒，入口熱辣辣🤨記得要咬開一個小洞先食👍🏻點埋浙醋very good 💁🏻‍♀️雞絲拉皮 $68本來我地係想點棒棒雞架，但上枱黎左雞絲拉皮，不過唔緊要😜因為我地兩個其實都幾鍾意食既😎中式麻醬其實點咩都好食😋涼皮有少少爽口，加埋雞絲既香嫩永遠都係咁夾既😉💁🏻‍♀️糖醋魚塊 $98酸酸甜甜既糖醋魚塊送飯真係無得輸，我最鍾意就係同呢位朋友爭食菠蘿粒🍍佢既魚塊都唔少，我數到既都有八九件，都幾抵食💁🏻‍♀️詠藜園擔擔麵(小辣) $39主菜既擔擔麵有少少辣肉碎，麻醬湯底真係好香，而個麵底都十分掛麵，每啖都食到湯底既肉碎同芝麻花生味👍🏻👍🏻三十幾蚊咁抵點會唔叫呀總括黎講，四樣野食入面我樣樣都好滿意😋當然，擔擔麵我認為必須要點既👍🏻個湯頭真係好香濃好惹味架，

上星期約咗朋友去開裕民坊，之後我地去咗千歲擔擔麵食晚餐。茶位每人五蚊，啲嘢食都好抵食。改良擔擔麪（不辣）$48有蝦米、肉碎、花生、蔥花等等。改良嘅版本就係開多咗豬肉碎。花生味好濃好香，幼麵都好掛汁，口感都唔會太淋。好抵食。楊家小籠包（4隻）$48佢哋嘅招牌菜，湯汁比想像中多好多，個皮都算薄，但係啲汁都唔會漏出嚟。肉都多汁，加上醋嘅話味道更加豐富。炸春卷（3條） $38原來係蔬菜春卷，有椰菜雲耳蘿蔔。既香脆口感又爽，都唔會好油膩。雞絲拉皮 $68佢哋做嘅花生醬好好味，雞絲同青瓜嘅口感好豐富，仲加上軟滑嘅粉皮，份量夠大碟！生煎包 （3隻）$39大大隻入邊都好多肉，肉汁香濃，夠晒飽肚！生煎包嘅底部仲有好多芝麻添，可口。一口鍋貼（5隻）$45簡直係皮薄餡靚，調味適中，細細粒一啖一啖好快食晒，一啲都唔膩。

今日中午時好想食小龍包，收工時就捉同事陪我食上海菜😊「詠藜園擔擔麵」有辣不辣選擇☺️ 麻醬味香，重點麵質幼滑，軟硬度適中，適合我的口味🥰「酸辣炸醬麪」麵質一樣，唔同的是湯底🤭 酸辣度剛好，仲有肉碎在內，飲了很多喔😊「紅油抄手」大大粒抄手，配上紅油汁，看似好辣，但一點也不辣🥰「楊家小籠包」這個是我今晚的重點，😍😍好多湯水在包內，而且皮薄，值得推介👍🏻「炸銀絲卷」好少地方有這道菜了，這個比較細少，配上煉奶也好食🤭「酸辣士豆絲」喜歡了食土豆絲，因為飽肚也有營養☺️ 酸辣味炒出來更增加食欲😋備註：🔺有上海菜格局的餐廳🤭🔺電子自助下單📲🔺會有茶費收取☕️

詠藜園在觀塘的分店不用原本的名字, 說自己是”千歲”就是因為廚房管理團隊和廚師, 人員歲數一共是千歲, 這說法有點牽強, 但基本上用上詠藜園的Recipe, 製作出來的川滬菜就是. 我也點了其改良版的擔擔麵, 也就是基本擔擔麵加上肉碎. 辣度柔和, 肉碎偏乾身而沒太多脂粒點綴, 花生味夠重夠香, 湯底就是鹹味和甜味為主軸. 幼麵掛起肉粒和花生, 口感不會太淋或是變得軟溶. 綜合來說, 不太有驚喜但合格有餘.小籠包水準也是一樣, 要讚的是其內裡的湯汁比預計的更豐富, 夾下來湯汁份量更明顯. 可惜的是包皮有點過乾和過厚, 起來不夠澎湃. 醋的 味道也過輕再豐富一點味道層次感可以再豐富一點. 四十多元的擔擔面和小籠包, 性價比還可以.Longevity Dan Dan Noodles are the new branch of Wai Lai Yuen in Kwun Tong. The Dan Dan noodles follow the recipe there and the taste is ok. Peanut taste is dominant and the soup is f

千歲擔擔麵岩岩出糧就請屋企人食中菜媽咪指定話想食上海菜所以就去左食呢間覺得個擔擔麵煮得岩岩好啲麵唔會太lum小龍包有啲太厚皮啲湯汁唔算好多但都算好食媽咪都幾中意食可能下次會再encore

前幾日喺觀塘打完拳之後約咗個好耐冇見嘅friend嚟到裕民坊食嗰dinner,因為朋友鍾意食小籠包,我哋揀咗呢間中餐廳~改良擔擔麵不辣$48有好多肉碎嘅擔擔麵,幾鍾意佢嘅湯底,有啲花生醬,擔擔面幾軟滑，配埋佢嘅湯底好正～楊家小籠包四隻$48一籠有四隻小籠包，熱辣辣，新鮮出爐，食落有好多肉汁，皮薄餡多，湯汁好好味😋配埋佢嘅黑醋幾正生煎包三隻$39大大隻煎得幾香嘅生煎包，入邊有好多肉，食落都幾飽肚蔥油薄餅$38煎得好香脆嘅蔥油餅，金黃色嘅外殼，鹹鹹地，好好味😋豆沙窩餅$48甜甜地嘅豆沙鍋餅，中間嘅豆沙餡幾香甜，配埋煙煙韌韌嘅外皮，我哋都覺得好正！

今日到觀塘行吓差唔多時間就去裕民坊搵食, 見呢間食擔擔麵好似唔錯就入左去試!!詠藜園擔擔麵（不辣） - $39對於一個鍾情擔擔麵既人黎講, 呢碗擔擔麵未算合格, 仲要佢個招牌主打, 一放低, 聞到麻醬味; 湯未算熱, 食落就好少麻醬味, 麵偏淋身少少, 好一般...楊家小籠包（4隻）- $48唔錯!!個皮薄夾起又唔穿, 湯汁多亦鮮甜, 餡料份量幾多但肉就偏鞋, 都算係咁!一口鍋貼（5隻）- $45呢個係朋友點的, 呢個鍋貼一上菜時, 我心諗有無搞錯呀, 咁細隻, 重要無特別好食, 好普通, 一出餐廳就同朋友講個鍋貼完全呃錢, 但朋友話佢名叫"一口", 好啦, 我錯...但係唔需要試, 價錢過貴炸銀絲卷 - $36朋友叫, 佢以為係蘿蔔酥, 一黎到變左炸饅頭! 但好好食, 炸到外脆內軟, 配埋煉奶就一絕!炸春卷（3條）- $39外皮炸到好脆, 餡料略為過少, 令到個春卷薄身...多返餡料口感會好少少餐廳環境就一般, 周不時有烏蠅飛過; 服務體驗OK, 侍應會好快收起食完既碟同好有禮貌

又係喺觀塘等老公收工，去咗凱匯個商場行吓，嗰度有成十幾間食肆，今晚就係Lee度食啦，這裏中西日韓都有，今晚想食中菜，所以揀咗千歲擔擔麵，8:00 左右去到，大約等了15分鐘就有位，店員非常有禮貌還介紹我們他們的小籠包好出名👍👍👍👍👍楊家小籠包小籠包是中國傳統的特色小食，一個美味的小籠包，外皮一定要厚薄適中，能承托包內湯汁，外及皺褶得非常靚，賣相吸引，一粒一口，唔會太大太細，怪不得店員極力推介👍👍👍👍👍水煮牛肉夏天食非常過癮，冬天食又能暖身，這一片紅的辣椒海，令人食指大動👍👍👍牛肉爽滑美味，還配了我最喜愛食的紅薯粉條😋😋😋棒棒雞自家秘製的花生醬非常好食，雞絲配青瓜絲增加口感層次，分量十足，大大碟。干煸四季豆甜甜的肉碎配青嫰爽口的四季豆，配白飯一流👍👍👍這裏還有其他甜品可供選擇，有豆沙窩餅、黃金南瓜糕、酒釀丸子🍡，下次約埋三五知己嚟可以食埋甜品🍮

最近都經常去觀塘裕民坊，鍾意佢多餐廳可以選擇！之前都試過幾間，今次就再試一間新餐廳食上海菜！楊家小籠包(4隻)$48每次食上海菜，都一定會叫小籠包！唔食小籠包，就好似冇食過上海菜咁！小籠包每粒大小均勻，皮不算厚，隱約看見裏面的肉餡。小籠包的湯汁是靈魂，每次夾起都會小心翼翼，好驚包皮穿咗，湯汁流失！呢度夾起的每一粒也沒有穿，一口咬落去，濃濃的湯汁充斥整個口腔，配上肉餡和薄薄的外皮，確實滿足！生煎包(3個) $39生煎包上面加了些少香蔥，增加香味。包入面都充滿左湯汁，同小籠包一樣，一口咬落去都有湯汁溶出同埋口感嫩滑嘅肉餡，再加上生煎包嘅底部煎得非常香脆，十分金黃，而且加了芝麻，更香口，食落可以享受到多重口感！酸辣湯(一位) $42呢碗酸辣湯好足料，除咗基本嘅酸辣湯材料，仲加咗好多蝦仁，蝦仁爽口！飲落酸味適中亦不會太辣!詠藜園擔擔麵$ 39除咗小籠包之外，另一款係上海菜必定要食嘅就係擔擔麵。喜歡食上海菜的你必定聽過詠藜園，呢碗擔擔麵正正就係用咗詠藜園出品嘅麵條，麵條口感夠爽口，掛湯能力非常高，不會煮得過淋，而湯底嘅花生味非常濃郁，令到成個面好香，非常惹味！糖醋肉排$88我另一半係食肉獸，點要

Mammy一向對 #京川滬 菜式情有獨鍾，聽講 YM² 裕民坊 樓上有間唔錯嘅餐廳 千歲擔擔麪，一於帶佢去試吓新嘢🤩由商場搭扶手電梯直達3樓平台，#千歲擔擔麪 就開喺花園嘅一旁，環境都幾清雅😉 服務員先帶我哋坐低，再為我哋介紹佢哋出名嘅小菜。嚟得幫襯，梗係要試吓佢哋馳名嘅 #詠藜園擔擔麪 同 #小籠包 啦，另外服務員推薦我哋可以試吓佢哋嘅 #乾燒大蝦，話試過包我哋滿意🤤先送到我哋面前嘅係熱辣辣嘅 #擔擔麪 🍜 濃湯充滿花生醬嘅味道，少少辣再配上幼細嘅麵條，好有懷舊嘅風味🤤 爆汁嘅小籠包，一啖咬落去鮮味都係嘴巴裡面… 正呀喂🤤 而呢餐最值得一讚嘅估唔到係個 #乾燒大蝦，師傅用乾蔥蒜蓉加埋一啲甜甜酸酸嘅調味料，同 #大蝦 一齊煮，蝦身又大又爽甜，醬汁更係令人回味，真係撈汁都可以送幾碗白飯🤤 餐廳食物質素令人喜出望外，員工服務又親切，mammy 話下次有機會一定要帶埋老竇嚟試呀🤩

住喺附近都唔知YM原來開咗咁多餐廳，行行吓嚟到平台花園，見到有間食擔擔面嘅餐廳，原來係有名嘅詠藜園擔擔麵。挑起咗之前喺蔡瀾美食坊食過嘅馳名擔擔面嘅美好畫面。決定入去回味一下！首先必點嘅就係「詠藜園擔擔麵」，一如以往麻香味好豐富，一啖又一啖掛滿湯嘅麵，麻醬味依舊濃郁。麵做得細嫩幼滑，唔知係咪自己搓嘅呢？！兩個人叫一碗有啲唔夠喉，另外點其他嘢。叫咗兩款都比較難整嘅家常小菜，分別係賽螃蟹同埋糖醋魚塊。賽螃蟹一定要沾醋食，係史上最夾嘅組合，白飯都可以食多幾碗。糖醋魚塊，甜甜酸酸非常之開胃，魚柳炸粉唔會太厚，剛剛好可以掛起醬汁。

第一次到訪，職員帶位坐下埋邊雙人枱，一坐低就見地下有隻已反肚小強，地下有垃圾沒掃乾淨、地板亦有黑麻麻的污漬。立即同樓面要求調位，坐咗隔離一張4人枱。清潔衞生有待改善！

重建後的裕民坊形像時尚， 屋苑下層有商場 進駐了商店和食肆 ，真是一派新面貌。 今天朋友約在這裡平台的「千歲擔擔麵 」見面，我第一次來感到與從前大不同！ 這個平台環境優美，有花草樹木和噴水池。 這間「千歲擔擔麵」裝潢清雅，落地玻璃引入園景，坐下感覺怡神。不少 川滬風味菜式選擇～ 我們相量了片刻點了以下……紅燒豆腐 78元滬菜特色充滿啡啡醬油顏色，熱騰騰的鑊氣足夠 。筍爽口豆腐嫩滑滑的很滋味！東坡肉 88元這個經典的蘇杭名菜一定要嚐！非常趣緻的豬仔盛器！顏色漂亮，油光閃亮入囗即化，甘香肥美！採用了約三吋立方體狀，半肥半瘦的五花肉。待應代剪開四小件，吃過這一小件感到滿口餘香，十分滿足！楊家小龍包 48元皮簿肉餡嫩滑有汁！詠藜園擔擔麵(不辣)39元馳名老店的擔擔麵一定要試！醬汁濃濃， 充斥著蔥，花生和蒜的香氣，湯底鮮甜。麵條爽滑彈而不糊口，沾上醬汁更加惹味。很滿意這家店的菜式，招呼也很好，吃得舒服！

天氣唔係咁好就去咗屋企附近嘅呢間餐廳試吓😍門口擔擔麵不是很吸引🫣點知入到去叫咗幾多個餸有驚喜砂鍋雲吞雞✅個人評分真係好大兜我諗四個人先食得晒啲雞冇雪藏味，娃娃菜也夠味✅炸銀絲卷兒時的味道，幾好味，D油冇太大陣味，應該唔係千年油✅水煮牛肉呢個有少少失望，唔夠麻也不夠辣下次唔會過嚟試吓擔擔面，見到隔籬枱食都幾好味