千歲擔擔麪

Open Now

Now Closed

觀塘都係我成長嘅地方，工作咗一段好長嘅時間，喺觀塘裕民坊一帶，都有好多喺度嘅足蹟。今次專程走嚟裕民坊行一行，變曬啦，地方起新廈，新嘅ym2上到去，真係好多人，唔同因為下面係交通要點，所以一路上去都好多人來人往，大家都趕住返工返屋企咁，我哋再行上去個平台，見到環境都算唔錯，同下面真係好有唔同嘅感覺，呢度清幽好多，見到千歲個招牌好靚，擔擔麵我又鍾意食，上海嘢嚟。咁呀坐低，兩個人靜靜哋咁嘅，食番餐啦!茶錢就照計，我哋叫咗個改良擔擔麵，改良嘅其實就係加啲肉碎，麻醬辣辣地幾香口幾好味㗎，青菜豆腐湯，今晚冇魚頭，今日啱啱賣曬，咪可能我哋嚟遲咗喇，呢個青菜，就用白菜加嘅豆腐呢個好簡單，嘅上海菜色，如果有埋雲吞或者魚頭，就呢個湯嘅更加滿意，而家都唔係錯有湯可飲。糖醋魚塊同班腩好似，酸甜可口，魚塊無骨放心大啖入口，各樣都炒得好，魚塊就啖啖肉，基本食曬飽腹。同埋最後三個餸，我哋食得幾舒服真係滿意呀!

位於官塘新私人靚屋苑凱匯平台～地方不算太大，不像平時商場大酒樓那樣，但空間感都算坐得舒適。晚上7點多到來，漸漸都多客人了，都算坐滿場。從裡面看出去的環境也不錯～～今日兩人用餐，一眼看到砂鍋雲吞雞已經很吸引亦見不少客人都會點差不多類別的食物，似乎這個都算皇牌砂鍋雲吞雞$148🐥揀了半隻份量，雞湯不太咸亦不會太油，熱㷫㷫，少許金華火腿碎，有兩種菜(娃娃菜和白菜)，雲吞有6粒，size不算太大，餡料不是大大粒肉那種，雞肉質不算鞋口，整體性價比不錯的有名叫千歲擔擔麵當然要試試擔擔麵啦改良擔擔麵$48🍜有分詠藜園和改良版之分，其實是有無肉碎的分別，其他是一樣的。一般平時食開都會有肉碎。麵亦可揀辣度，揀了少辣事實上都不算吃得到明顯的辣，湯底濃郁，都算頗大碗，可以兩人share吃！鎮江肴肉$83🍖膠質Q彈，蹄肉和上湯的豬皮膠質比例都平均，吃時蘸少許黑醋，加強豐富味道亦可平衡豬肉的膩滯感

有時晚上食飯都真係會隨心選🎈睇下行到邊有咩想食! 呢晚禁岩去到裕民坊，原來都有好多野食呢🪄我見到有千歲擔擔麵📍決定一嘗上海菜呢!🧡💚-第一次食這家，環境闊落整齊🔖仲有茶呢! 好耐無試過這感覺! 食物方面，原以為好貴呢! 但價錢也有驚喜💡首先一定點了詠藜園擔擔麪🍜選了辣味!🌶價錢抵食，又好味! 麵質彈牙，好好咬!🥢而且有濃濃的味道，好食!-另一主食點了蔥爆牛肉🥩補充一下鐵質~好惹味又好食! 有足夠的鑊氣! 真係好正!🤤值得一提牛肉唔會好硬，仲保持軟身!🎀好值得推薦!-另外，也點了紅油抄手，呢款好岩鍾意辣的朋友!🌶🌶所以我好鍾意! 真係好惹味!😋而且少少辣好過癮!抄手的枝唔會太厚，可以食到啖啖的餡料!🥟但如果唔太食得辣的朋友要留意呢!-甜品方面點了豆沙鍋餅，係我最愛的甜品之一!♥️甜甜地，熱辣辣，一定好食!🌶上海菜必點!⭐️-飲品方面則點了豆漿及石榴汁🧃都有唔同選擇!滿足的晚上，價錢好實惠呢!🎀另外要留意需要付茶介呀!🔍

由鑽石山大磡村老舖開始，已經很喜歡詠藜園的擔擔麵，麵條以人手打成，富蛋香又爽滑。後來搬去黃埔美食坊後，裝修變得富麗堂皇，感覺上平民小食都升了格。最近得知原來觀塘裕民坊的千歲擔擔麵是詠藜園的新品牌，裝修變回平民格局，清雅簡潔。千歲除了擔擔麵外，少不了其他點心小食如小籠包抄手之類，當然亦有其他京川滬小菜。楊家小籠包自家製小籠包新鮮熱辣，皮薄煙韌，肉汁豐富鮮甜。酸辣麵原以為是上海菜館的酸辣麵款式，原來是擔擔麵的變奏，變成酸辣湯底。詠藜園擔擔麵傳統的手打擔擔麵以濃香花生醬做湯底，加上肉碎榨菜等帶有咬口，簡單惹味。生煎包 生煎包外層鬆軟，底部蘸上芝麻粒，煎得香脆，與外層形成強烈對比。蔥油薄餅 蔥油餅做得薄身，帶青蔥香氣，外酥內軟。豆沙鍋餅 上海甜點中最喜愛豆沙鍋餅，外皮炸得香脆，豆沙餡香滑軟熟，熱辣辣的入口，非常美味。

今日來探望朋友，先跟他到屋苑平台共進午餐。見到此店「千歲擔擔麵」。想起擔擔麵垂涎欲滴，就拉着朋友走進去。店員安排我們坐在窗邊位置，可看到花園平台景致，環境開揚。看看餐牌，點心小食至小菜的選擇也不少。 紅燒牛肉送上時，即聞到芳香的醬料肉香。外觀濃油赤醬，色澤潤亮。牛肉、香菇和筍片份量不少。整體口感嫩滑，味醇汁濃而不膩，拌飯麵也是好配搭。 詠藜園擔擔麵(辣)有辣或不辣的湯底可選擇，就選辣的吧。濃郁又帶微辣的花生肉碎湯底。麵條軟硬度剛好，不糊口，擔擔麵幼滑可口。 楊家小籠包(4隻)皮薄餡料足，肉質鮮味，小籠包內滿是肉汁，清甜不膩。 一口鍋貼(5隻)鍋貼底部煎得帶點焦氣的金黃色。鍋貼皮薄，但不失韌勁，可穩存鍋貼內的肉餡和肉汁。 肉餡鮮嫩，肥瘦比例剛好。 生煎包(3隻)底部同樣煎得金黃色，滿是芝麻。生煎包頂部灑上葱花。鮮嫩肉餡充滿肉汁，一口咬下去，夾雜着芝麻的香脆，肉餡的鮮味，加上葱花帶來的清香，美味加倍。 炸春卷(3條)炸得金黃的春卷，外皮酥脆，內餡口感清爽。重點是不感油膩，香脆可口。

新地標開咗都接近一年嘅時間但從來都未去過，於是就同Honey提議嚟試吓呢度嘅餐廳。而今次就揀咗千歲擔擔麵，因為實在太耐無食過上海嘢，特別係小籠包。點咗五款食物，包括：- 麻辣擔擔麵- 酸辣抄手- 原湯水餃- 楊家小籠包- 花雕醉雞-麻辣擔擔麵麵質我好鍾意，唔會太淋，味道都好濃- 酸辣抄手酸辣度適中- 原湯水餃嘅湯底好好味- 楊家小籠包真係好好味，皮薄肉汁多，真係有衝動想叫多一籠獨食- 花雕醉雞嘅醉雞汁好入味，雞亦都夠嫩滑兩個人食連茶位&加一$319

放工約咗朋友行裕民坊順便食埋晚飯🍚原來呢度有詠藜園擔擔麵，朋友即刻好驚訝！因為係佢細細個住鑽石山時最鐘意食嘅擔擔麵，後來舖頭搬咗去紅磡太遠就無再食過！咁唔使諗就喺度食喇😎餐廳就喺商場平台，夜晚開晒燈又有噴泉，環境好靚！望望餐牌，估唔到食物價錢咁親民，擔擔麵只係$39 ，小食或者前菜都係$50内，抵食🙂前菜最鐘意叫「花雕醉雞」 雞件大件嫰滑，陣陣酒香味，醃得好入味！🍜擔擔麵有「詠藜園擔擔麵」同「改良擔擔麵」兩款，分別在後者有肉碎，同樣可以擇辣同唔辣。我哋叫唔辣嘅「詠藜園擔擔麵」，有唔少蔥花同花生碎，湯底花生味香濃且唔鹹，麵條幼細，麵質特別彈牙！「楊家小籠包」 湯汁鮮甜！「鍋塌魚片」見個名幾特別又未食過所以好奇叫咗呢個餸，叫之前仲問樓面姐姐係咪用鍋裝住😂 原來係將魚肉切片再沾上蛋漿去煎香，魚片無骨啖啖肉🤤魚肉嫰滑，有蔥絲、薑絲、芫茜鋪面，醬汁甜甜地鹹鹹地，我覺得幾岩用嚟送飯。

現在在這區選擇真係多，但今晚就係落車行過去嘅新商場，就環境同方便這裡絕對唔錯，而今晚就係去了平台的其中一間唔錯嘅餐廳，這間店最出名就係佢嘅擔擔麵，而且亦有喜歡嘅小食，價錢都合理，最緊要座位座得舒適！望望餐牌絕對要點的就係招牌詠藜園擔擔麵，可選擇辣唔辣，當然要帶辣嘅口味，朋友就點了個酸辣麪，兩個人加了份紅油水餃 、同生煎包當小食加餸！落單等一陣就先出了兩碗麪，大大碗內放滿了湯，在湯中放了份麪底在熱湯中，擔擔醬混合在湯中個陣花生香味香濃，入口味道濃郁加埋個麪身夠彈牙，十分有口感！而朋友的酸辣麪嘅湯底就係上海店個種口味，十分醒胃，而麪底都係一樣咁爽彈！小食紅油水餃餃皮包住足料嘅材料加埋少少辣油入口除了有啖啖肉嘅感覺外，在口中個陣香辣感十分唔錯！ 生煎包亦十分出色，個底煎十分香口之餘上面加滿了芝麻，咬開內裡會有爆汁嘅情況，入口夠熱，超好味！還有追加了一個蔥爆牛肉，師傅除了煮面了得，中菜亦十分出色，大大塊牛肉片炒得十分香軟，加埋爆得香香嘅京蔥亦十分入味，配飯配麵作為主食亦十分配合！整體滿意，招呼服務感覺良好，上菜速度快，下次上來可以再點其他口味試一下😊

重建後的裕民坊, 新派新氣象, 放工後是我們的新蒲點.  三樓花園平台,  設計好靚.   食肆有多間, 我們獨愛上海菜. 今晚想食擔擔麵,  找到 千歲擔擔麪.   餐廳整潔亮麗, 通道寬闊.部份座位對著花園, 坐得舒適. 侍應招呼好, 安排座位, 送上餐牌, 即開茶. 食物種類有多樣, 從招牌擔擔麵, 水餃, 點心小食,  炒飯湯麵,  海鮮, 雞豬牛, 甜品都有........花多眼亂,  但不難找到合心意的.必食擔擔麵, 少辣.   舖蓋著艷麗的橙紅色油光及滿滿的材料.呷一口湯, 濃厚香滑.  擔擔麵的麵條幼細, 口感爽彈, 韌性十足. 花生醬濃郁甜香, 微微帶點辣, 纏繞在麵條上一併吃, 帶來層次的豐富味道.咕嚕肉，賣相不錯, 咕嚕肉也不少, 伴碟用了新鮮菠蘿, 紅綠椒.   咕嚕肉  炸得夠香脆, 而不乾身.   半肥瘦肉質好, 入口鬆化, 酸甜醬汁好惹味.  調味正,  好睇又好食.砂鍋雲吞雞,  (半隻)    砂鍋熱騰騰上檯, 打開蓋後, 香氣上揚.湯頭足, 娃娃菜, 及白菜仔, 浸至入味, 雞肉足有半隻之多, 侍應替我們 夾起落碟.雞肉質嫩滑美味, 配有蒜蓉甜豉油.

今晚和友人到裕民坊，第一眼就見到擔擔麵非常吸引，而且有中式茶樓的感覺，享受一邊嘆茶一邊食小菜的感覺非常棒。主菜方面選擇了改良版擔擔麵（辣）濃郁的湯底充斥著花生香，而且肉碎滿滿，多到每羹入口都可以有大量的肉碎。麵方面，非常軟糯而且入味，唆上口的感覺簡直順滑爽口。不可或缺的必定是楊家小籠包（四隻），皮薄，燈光底下見到湯汁在皮內盪，非常正宗匠心獨造。雞絲拉皮的份量也適中，而且配料和拌醬都滿滿的，吃上口有香濃的花生醬香味配合雞絲和粉皮的味道，簡直是一個爽字！皮蛋拌豆腐的味道是出奇地清新爽口，夾起來彈韌性十足，吃上口入口即溶而且清涼爽口，配搭皮蛋的組合亦非常搭。小菜方面點了蔥爆牛肉，是一款非常經典的家常菜，食得出鍋氣十足，而且醬汁包裹著牛肉的吃上口亦感受到肉汁有保留和肉質亦保持到。最後一定要有豆沙鍋餅作為今晚晚餐的完美結幕，豆沙餡香甜熱辣辣好好味，而出面的薄脆亦充滿了咬口。

好耐冇黎過食千歲擔擔麵，開返晚市堂食就約左朋友黎幫親下。糖醋魚塊$98份量好多，糖醋汁好開胃，酸酸甜甜，加上波羅等配料，魚塊炸得香脆，炸粉唔會太厚，入面魚塊仲係好滑溜。干鍋福菜花$88辣得好惹味，但又唔會搶晒d 味道，福菜花炒得好乾身，好爽口，岩晒送飯。絲苗白飯$12楊家小籠包$48小籠包即叫即蒸，咬開爆晒湯汁，肉汁夠多，皮薄煙韌。詠藜園擔擔麵(不辣)$38唔辣既擔擔麵更加帶出湯底，麵身有口感，好吸湯，湯底好濃郁。

與女朋友去附近的球場散步，之後再去吃晚餐。食肆位於某大屋苑的花園平台，花園環境優美。食肆內部裝修新，清潔衛生，座位寬敞，店員服務殷勤。功夫燻魚68元，魚片外層香脆，內層肉嫩多汁，醬汁有甜味、酒味和少少酸味，味道層次豐富。楊家小籠包48元，有四隻，熱辣辣，小籠包皮的厚度適中，小籠包中含有熱湯和豬肉，味道鮮甜。改良擔擔麪48元，可選擇辣或不辣，麪質彈牙，湯底有香濃麻醬味和花生味，配料有豬肉碎、菜脯和葱花，十分惹味。雞絲炒飯98元，飯粒被炒得香口且軟硬適中，雞絲嫩，金華火腿粒香脆味濃。茗茶每位5元，可選擇普洱或香片。總結：環境清潔，食物美味。

今日約咗大家姐出嚟觀塘食飯短聚，家姐話未去過新的裕民坊，咁我話不如去裕民坊食啦！叫她先去搵自己想食嘅餐廳。最後她搵咗位於3樓嘅千歲擔擔麵，係詠黎園的。我返工去到6：30，人不是太多，因為時間尚早。到我地食完差不多7：30已經多人了。餐廳燈光火猛，坐位舒適，仲有一間房有一張大枱，啱晒一家人飯聚職員介紹食明爐燒雞，就叫咗半隻，雞皮好脆，雞肉嫩滑，不過就要快快先食，因為放耐咗皮會淋晒。詠黎園擔擔麵（辣），內有肉碎，麵質彈牙，辣味剛好紅油抄手，有6隻，看似好辣，但食落只是微辣，但味道唔錯楊家小籠飽，皮薄饀正，飽內有湯的。好味, 值得推介豆沙鍋餅，有9小件，皮比較淋咗小小，但不是太甜的順便話比大家知, 有母親節套餐

觀塘新開的裕民坊商場進駐了不少新餐廳，這家主打正宗上海菜的千歲擔擔麵是其中很吸引的餐廳之一，一直都想來光顧。今晚便約了朋友來吃晚餐，可以一嚐出名的擔擔麵。小籠包皮滑餡靚，肉汁充沛，鮮甜無比，肉質嫩滑。詠藜園擔擔麪（辣）湯底較濃郁，有香料和花生香味，帶有微辣，不能吃太辣的人也吃到。麵質爽滑香甜，吸收湯底的精華，美味可口。紅油水餃皮薄餡靚，水餃皮很滑溜，肉質嫩滑多汁，紅油惹味香濃，辣而麻香。炸銀絲卷即叫即炸，銀絲卷外脆內軟，𥚃面鬆軟香甜，入口即溶，外皮香脆，點上煉奶吃很配搭。蔥爆牛肉一端上檯香氣撲鼻，熱辣辣，大蔥惹味而可口，炒得很入味，牛肉嫩滑多汁，醬汁香濃惹味。

嚟咗觀塘呢頭行街 知道裕民坊平台花園有唔少嘅餐廳選擇😉 見到呢間上海菜館 係詠藜園嘅姊妹餐廳 因為食過詠藜園 覺得味道唔錯 所以就入咗嚟呢一間千歲擔擔麵試吓🤪同黃埔嘅詠藜園比較 呢一間價錢就訂得比較進取 可能係因為位於豪宅樓下啦 不過依然有唔少捧場客㗎😮詠藜園擔擔麵一定要食呢度嘅招牌菜啦 擔擔麵唔算好辣 麵條幼身 口感唔錯 味道幾特別 有別於一般擔擔麵嘅味道😝蔥油薄餅鍾意食蔥嘅朋友一定會叫呢一碟 蔥油味係有嘅🌮 但係並冇喺口腔爆發出嚟 未必滿足到好鍾意食蔥嘅朋友 薄餅亦都可以鬆脆一啲功夫燻魚呢個燻魚味道好出色 燻魚炸到好香脆🐟 同外面甜甜地嘅醬幾夾 不過食嘅時候要小心啲 都有幾多碎骨㗎至尊炒飯唔係好明白點解呢個炒飯可以賣得咁貴 炒飯有蝦 帶子同蟹子一齊炒 但係味道就一般 覺得唔值呢個價錢🥲如果要同本店比較 呢間新舖的確唔夠本店好食 不過可以俾多次機會嘅🙈