來佬餐館 (Closed)

今次我哋晚餐時間黎到來佬餐廳，地面行上一層先至到 ，喺餐廳門口前面，有個怖景同燈光都好適合打卡嘅位，仲有架小小嘅手推車仔，係一個糖果bar嚟嘅入到去個環境有好多張枱，但係都仲係好闊落， 唔會話一路行就左撞右撞入正題，前菜，我哋有茉莉茶香煙燻白鴿胸田園沙律 ，白鴿， 皮燒得香 ，肉唔韌 喺湯方面，意式泡沫黑松露野菌湯脆炸豆腐串，上枱非常精緻 ，用透明嘅小茶杯裝住 ，有非常濃郁嘅野菌香味 ，面頭嘅脆豆腐串，有啲似好香豆味嘅脆脆麵包 ，另外有一個非常值得推介嘅主菜燒西班牙橡果黑毛豬配蘋果蓉肉質燒得啱啱好，外皮有燒過嘅香味，裏面仲係好有肉汁一啲都唔會乾爭爭， 加上蘋果蓉非常清甜， 甜度適中最後到甜品，自家製心太軟配朱古力雪糕，外脆內流心 ，而且個朱古力雪糕一啲都唔輸蝕，好香濃嘅朱古力味值得再次幫襯丫😉

難得出街食飯，一定會搵啲性價比高，坐得舒服，可以同朋友傾倒計嘅餐廳。聽過來佬餐館呢個名好耐，但一值無機會試，咁岩朋友提議，一於試試呢間中西fusion餐館。因為係平日，我地又早食嘅關係， 食客唔算多，可以舒舒服服同friend 傾計。氣氛好好，裝修令人覺得好舒服。好多選擇。中又有西又有。花多眼亂我地點左帶子薯蓉： 擺得好靚好有心思呀～～帶子上面有d 蛋黃汁。好襯出奇地夾。之後有香燻白鴿胸沙律配埋特別調嘅來佬汁。好開胃。意式泡沫黑松露野菌湯：呢個真係大讚超好飲呀！夠熱，唔會太濃味同埋好杰好漏咁。岩岩好。上面有串炸豆腐串簡直係perfect match!!酥皮鵝肝鴨胸批：呢個配搭真係第一次食。感覺好似好漏咁，但其實配埋個雜莓醬就清新d..感覺呢個菜好考功夫。做得好出色☺️仲有龍蝦汁虎蝦意粉:蝦味鮮甜，個sauce 又整得好食。都係必食推介！最後當然要食甜品啦， 個tiramisu 好得意擺到好似個盆栽 😂呢餐飯真係食得好滿足。一定會再encore!!

出入依間餐廳總覺得有點貴氣，因為要經過一個旋轉樓梯先到裝修小巧，但格局非常精致，有種餐廳小館的感覺。不嬲知道呢間餐廳既乳鴿好出名，今次黎食佢地全新Menu的多國菜，見到佢地既乳鴿出左款「茉莉茶香煙燻白鴿胸田園沙律」，乳鴿肉雖然好食，食慣左滷水口味，換依種煙燻乳鴿都幾特別。一上檯已經有略有少少花茶及茉莉花香味，令到乳鴿變左部西餐菜式，非常特別難忘。其實黑松露野菌湯已經好多餐會都有做，好欣賞依間餐廳會將黑松露野菌湯做少少變化。佢地將個湯既一步份打至起泡，雖然味道一樣，但口感就完全唔一樣。幽香的黑松露露配濃厚口感，用口都試得出大廚的心機，抵讚！另一個我覺得難忘既菜式，係「鵝肝煙鴨胸批」。一上檯個陣仲以為係威靈頓牛柳。後來經理同我地分享，師傅將鵝肝與鴨胸批的配搭，用威靈頓牛柳的做法呈現。咁矜貴既鵝肝，竟然用鴨胸包裹，味道好複雜，非常好味。

上次係灣仔返工，朋友介紹我食呢間lunch，話環境好價錢又唔貴，試過一次真係唔錯，就試吓佢個晚餐。先叫左個茉莉茶香煙燻白鴿胸沙律，感覺白鴿胸比鴨胸更滑，更有肉味，而沙律就好清新。焗原隻帶子伴薯蓉，想講個擺盤超靚，喺沙灘嘅感覺，好好打卡，而且味道都相當唔錯，估唔到個帶子咁大隻！意式泡沫黑松露野菌湯配炸豆腐串，呢個湯係我覺得全晚之中最好味嘅一道菜之一，首先真係好似杯野飲，熱度好夠，入邊有粒粒蘑菇同黑松露，好香好濃郁，我將啲炸豆腐放入個湯度食，成件事又昇華左。主菜方面，叫左燒西班牙橡果黑毛豬配蘋果蓉，唔知點解我覺得好似牛，一樣好濃肉味，唔似雪藏肉，好厚身，唔會un,而且配埋蘋果蓉食，酸酸地好開胃，又解左油膩感。跟住叫左個酥皮蜜糖鵝肝煙鴨胸批，成個外表好似威靈頓牛扒，相信係用咗好多手工做成，切開完全唔會散，鵝肝亦比得相當大方，多重口感，覺得好好食！配埋雜莓醬令到無咁乾身，配搭得幾好！女仔有個甜品胃是真的，一口氣叫左兩個甜品，Tiramisu 味道不過不失，好濃酒味，值得一提係好似盆栽，幾可亂真，打卡打卡！心太軟配雪糕呢個配搭根本就冇得輸，而且個流心相當完美，令到我呢餐都相當完美咁結束。

今日食評有✍🏻來佬餐館試食指數⭐️⭐️⭐⭐️⭐店舖衛生⭐️⭐️⭐⭐️侍應態度⭐️⭐️⭐️⭐⭐((每項5⭐️為滿分)) · 由中環移址到灣仔餐牌部份嘅食物改咗不過水準依舊👍🏻·晚市套餐『二人三餸』係相對抵食啲不過我同老公都喜歡試特別或者係普通得嚟又係必食嘅食品🤣我哋點咗1️⃣黑松露野菌炒飯⭐️⭐️⭐⭐️⭐/5賣相吸引上碟上枱至食落口都係熱㗎炒得好不在話下炒飯的配料都切得存細配搭得勁靚2️⃣芝士肉醬焗意粉⭐️⭐️⭐️⭐/5夠熱已經好吸引肉醬同意粉係撈得好均勻面頭嘅芝士份量啱啱好唔會太多唯一要挑剔嘅就係焗得唔夠乾身3️⃣紫菜薯條⭐️⭐️⭐⭐️⭐/5好多人都會買黑松露薯條係好味嘅我哋就想試吓紫菜味一試難忘🤩龍點睛之處係Wasabi沙律醬你哋有機會一定要點嚟食😋·散點三樣嘢同剛才提及嘅套餐價錢相若所以如果想抵食就嗌套餐想試新野就好似我哋咁散嗌啦·題外話餐廳店員唔多但係當值經理同埋員工態度非常熱情有禮仲好有心機介紹特色嘅食品俾我哋下次一定會再試新嘢😉👍🏻·599•Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生·我哋599•Eat幫到你無論大鋪小店我哋都會盡試盡講

來佬餐廳都開左好多個幾年，之前去蒲時候經過得多，食就未食過。我本身個人麻麻地 fusion 野，覺得有 d 時候左抄抄右抄抄，搞到兩頭唔到岸，通常唔係咁好食，但係食完今晚，我有 d 改觀。間餐廳環境清幽，服務好周到。坐低無耐，已經有人介紹個 set dinner，見佢咁落力，就信佢一次啦。一開始揀左個乳鴿沙律，fusion 野，又幾好味😋乳鴿胸味道好濃同 d 沙律菜夾埋一齊，真係第一次食，同埋出其不意地夾。聽講個來佬汁係自己溝既，俾土炮瑞士汁濃味少少。帶子薯蓉焗得幾好食。我真心無諗過鬼佬薯蓉同帶子又係夾既 😱上碟時有 d 藍色鹽配起，presentation 好特別，又有心思。個湯有野菌泡沫，第一啖係以為有 d 怪怪地，但係夾埋 d 泡咁飲又幾特別，好似 cappuccino 咁。上面條豆腐串點下 d 湯來食，吸曬 d 湯味。幾好幾好！個鵝肝煙鴨胸批就真係考功夫啦 👏🏼 面頭係酥皮，再包住舊熟左既鴨胸同鵝肝，好似某某酒店出名既 beef wellington。但係幾百蚊貨仔可以食到呢 d 菜色真係算好抵。橡果級黑毛豬呢個味道好好好濃烈。但係呢有 d 漏，要陪返個蘋果蓉就可以中和返味蕾上

由於疫情關係，選擇餐廳的時候都會考慮餐廳的衛生情況及室內的環境。所以今次我哋就去咗來佬餐館用餐，因為佢地環境優雅精緻，餐廳設計簡約，坐得好舒適，同時，位同位之間的距離唔會好近，大家都可以保持距離安心咁食飯。今次Lunch我哋就叫咗佢哋經典美食，我試咗個「無骨海南雞飯」，雞肉當然已經去骨，肉質鮮味，嫩滑有彈性，雞皮爽口唔會太肥。一上枱就聞到好香油飯味，油飯粒粒分明，帶有油光，食落帶有淡淡香料味。醬料方面，三色醬酸、甜、辣都有，恰到好處，配埋個雞令人胃口大開！另一位朋友就叫咗「來佬汁炒河」，佢地個牛河超惹味，配埋個橙色的辣椒醬真係好夾，我既朋友好快就清哂個碟同辣醬。值得一提係佢地用咗餐廳秘製的「來佬汁」炒，聽講個汁用乾瑤柱、蠔豉、大地魚等海味，加上各種香料熬煮，有獨特的鹹甜味道，值得一試！另外仲叫咗「闊佬叉燒蛋飯」，聽講佢地既叉燒自家烤製，配上新鮮煎蛋同埋秘製醬汁及蔥油，係午餐的一個好選擇。

好耐冇出外lunch了，今天約咗位同事諗住年尾食好少少。 揀咗來佬餐館試吓。內裏環境十分寬敞，雖然餐價比起其他餐廳是貴了一點點，但坐得舒服。未來漢堡半黑松露薯條我覺得呢份餐都幾化算，因為未來漢堡喺出面都不便宜 的，漢堡煎得不錯，比起真牛肉雖然冇咁juicy，但感覺健康一點。而薯條份量多， 配上黑松露醬份外好味。來佬叉燒飯叉燒十分滑而且燒到有燶邊，分量足， 加上一隻荷包蛋。一啖叉燒一啖蛋配飯來吃，真的不錯，但以叉燒飯來說了一點點。

You could still find the typical neon light of Hong Kong here!🇭🇰餐廳依然備有傳統嘅霓虹燈飾 彷彿置身80年代🇭🇰 就好似太x館一樣 我諗佢哋應該係同一類型餐廳👍🏻雞翼--往往就係豉油西餐嘅精髓👍🏻 而佢嘅雞翼係冇令人失望 夠腍 入味 已經足夠與你嘅舌頭翩翩起舞 以令人回味無窮Soy Sauce Chicken Wings is always the signature here 👍🏻  soft, juicy and mindblowing😃It would probably be the best wings you have ever had before嚿威靈頓牛柳雖然會散 但勝在牛肉夠味夠腍冇筋 酥皮夠香脆 皮薄餡靚 做到咁已經夠佢拋離其他行家⭐️The puff pastry smells good and tastes good, the beef is soft without tendon⭐️海南雞都係 嫩滑唔「鞋」應該係我食過最嫩滑嘅其中一個 同超出名海南雞嘅某中環5⭐️酒店有得揮The boneless Ha

生日朋友請我嚟灣仔食飯，本來上網訂位訂遲咗1小時，好在今晚少人，店員俾我哋照入去。呢度好多卡位，環境都算好大，較靜，坐得都幾舒服。今晚叫了威靈頓66牛柳，酥皮包着牛柳，牛好嫩滑，不過就有少少蘇味；北海道帶子蟹肉蕃茄意粉，帶子大隻；我一向都好鍾意食芝士焗西蘭花，好多芝士，好creamy 😋好好食。本來甜品係叫焦糖燉蛋，不過因為賣晒，所以叫了火焰焗雪山，火焰焗雪山好大個，最入面係兩個雪糕球，淋上着火嘅酒，一定要影相留念。

睇到網上介紹話好掂，於是上星期去左試下。叫左一個一人晚餐 + 咖喱牛肋條 + 梳乎里松露湯正常既，個湯熱熱地，味道ok來佬汁駝鳥肉沙律呢，其實都正常，但完全食唔到咩來佬汁，啲肉有少少鞋口。不過跟餐既野，你懂的，算啦。主菜安格斯牛扒。我初頭仲以為會係鐵板，但原來係碟上，即刻有少少失望。雖然我花左1分鐘影相，但唔知點解放入口係暖既，完全高興唔到。。$300一塊牛扒，唔熱、牛味唔重，其實，店家可唔可以俾返少少心機補救下呢？原本叫左既係咖喱牛肋條，但上菜錯左係咖喱海鮮。即刻問侍應，原來係廚房搞錯。我心諗，塊蘇皮我都整開左，咁就算啦，廢事浪費晒食物。食落，覺得海鮮做得幾有水準，要讚既！但問題出向啲咖啡汁上面。我食完兩三啖已經要飲一杯水，濃到苦，苦到我差啲無左味覺。其實係我有問題定廚房有問題？唉。。。全餐飯唯一最滿意係甜品。梳乎里堅好食。埋單，收$500。其實無咩野好講，小插曲係，原本我叫既酥皮牛肋條係貴過酥皮海鮮$30既，事後我check返，原來佢上錯左又無幫我減返錢，照收我牛肋條既價錢。所以總括黎講，試下無妨，但再食就no了。

二人限聚前夕，放工後一家三口在灣仔吃餐好的。平時午餐時常常在來佬餐館點叉燒蛋飯，女兒說想吃，趕快在網上訂座（還有折扣）。餐廳內人不多，安排了卡位，疫情期間最怕就是人迫迫，這裏座位寬敞，乾淨企理，帶小朋友來也吃得安心。服務也非常周到。女兒最喜歡的是有個糖果櫃，經理說吃飽飯後便可以隨便挑選😄。原來晚市餐牌是沒有叉燒的😅，便點了海南雞、來佬汁乳鴿。海南雞很嫩滑又不失雞味，醬汁也很對版，原本打算不吃白飯的我也忍不住點了一碗。乳鴿是即點即浸的，來佬汁比瑞士汁還好味😋。想食點蔬菜，九唔搭八地點芝士焗西蘭花，出乎意料地好吃。女兒又要吃肉醬意粉，她竟然又吃得完一整碟。最後經理介紹火焰雪山甜品，簡單來說是兩球朱古力雪糕，被蛋糕包住，最外面是忌廉，上枱時淋酒點火，有得睇有得食😆。飲品對我們來說也是一大驚喜，很多款式，我最喜歡的檸檬薏米水再了蜂蜜，很滋潤。主菜甜品飲品我們三個都十分滿意。可惜短期內只限二人同枱，要遲一點才可以一家人再來了。餐牌價錢合理，再加上有折扣，好抵食，捧住肚子走，十分滿足。

港島區餐廳性價比高數一數二之餐廳，服務非常有誠意，每樣食物都非常有水準，來佬汁乳鴿果然名不虛傳，值得大家去試！餐廳位置亦十分容容易找到，一定會一去再去！ 大家唔好錯過

見飲食blog 推介港式鋸扒，依間評價唔錯，決定一試晚餐。我地早食晚餐，冇乜客人，環境係舒適寬敞，而且裝飾係幾有懷舊feel，仲有個黑膠唱片機。點左一個晚市套餐加配甜品，另加一個主菜.餐湯黑松露野菌湯，好足料，每啖都有野菌，而且黑松露都唔少，好味😋前菜想試佢招牌既來佬汁，所以選左茉莉茶香煙燻乳鴿胸西洋菜沙律來佬汁，味道不過不失。見說明以為來佬汁係咸，但味道好似沙律黑醋味🤨去到主菜，就感覺有啲失望。美國頂級穀飼肉眼牛扒，唔夠熱，冇牛味，感覺唔值$298既價錢。原本叫酥皮焗咖喱牛肋肉，點知佢落左酥皮焗咖喱海鮮，我地費事換都照食。 其實個海鮮係煮得好既，酥皮都整得好，好香。但一食落去個咖喱就覺得個味道好怪，香料味唔似咖喱，而且太濃。令到成個主食有啲敗筆。😟成餐最滿意係跟餐甜品梳乎厘，味道剛剛好，唔太甜，而且發得好，唔怪之得之前啲食評話好食😋另外，有一樣不太明佢價錢計法。咖喱海鮮$126.4同咖哩牛筋$158係唔同價錢，我地繼續食來錯既咖喱海鮮。埋單果時，佢加一服務費係用返咖喱牛筋既價來計🤷‍♀️。由於趕住走冇睇清楚，事後回家睇單先發現。雖然差幾蚊，但都感覺不良好。唯有當買個教訓下睇次清楚先埋單

3個老友相約聚舊，來到來佬餐館。這餐館的佈置取懷舊風格，座位寬敞，有很多卡位，增加私人空間的感覺。其實，這餐館之前是在中環的，後來才搬到灣仔。在中環的時候我都去過一次，感覺上中環的佈置更加懷舊。3個人叫了招牌的來佬汁雞翼、來佬汁炒河和來佬梳乎厘，另外還叫了法式香草焗田螺和北海道帶子蟹肉番茄意粉。大致上食物都很美味，河粉好彈牙，唯雞翼略為鹹了一點。我覺得梳乎厘味道不同了，我比較喜歡中環時候的味道，但兩位朋友說好吃。來佬汁炒河法式香草焗田螺北海道帶子蟹肉番茄意粉來佬梳乎厘來佬汁雞翼