彩龍大酒樓

Open Now

Now Closed

路經睇倒有 冬瓜盅 38元優惠 先到先得無得留 細細個料唔多比較淡味清清地 一路漏緊湯得番一半湯水得幾枱客人 冷清清 但跟……著入來個枱客已經無冬瓜盅龍蝦伊麵 臨時減價30元 但加伊麵又加番30元 =128元好味道蒸魚有水準 豆豉蒸帶子豆腐 ~ 太多汁 & 豆豉粒太多 豆腐很薄 餐紙無嘅~ 叫咗碟炒麵 虾醬通菜鮮尤 無落椒絲 淡味免茶芥 但要加一 

在一個某年某月的某一個星期日,閒來無事於是乎又同太座踱步去又一城, 途中經過不知多少次的這間位於大坑東村口的彩龍酒樓, 時值差不多三點肚亦有點餓了順便入去醫下肚反正從來未入過去, 茶客不多, 見位隨便座, 想必因為二樓有茶舞跳有部份茶客上二樓了吧, 可以叫的點心也不多了, 當日柯打五款點心如下:南乳炆豬手(大)- 南乳汁較稀身, 豬手有點過份淋, 但都OK嘅潮州粉果(中)- 粉果皮普通厚薄, 饀料屬於粗切那種薑蔥牛柏葉公(中)- 呢個至唔得, 食到好大陣’化學品處理過嘅味道, 顏色雖然好白淨, 質地亦好爽口, 四寶滑雞扎(大)- 內餡係最傳統嘅雞肉/魚肚/火腿/豬肚 , 味道都OK鮮竹牛肉球(小)- 口感同色澤都OK, 千層馬拉糕(中)- 最唔似樣的一個”化學馬拉糕”, 中間無咸蛋黃粗粒都算嘞做乜夾d奶黃饀入去咁呃人呀今次試食結果好壞參半, 或者來次試過第二樣啦

事隔幾年無係度飲茶.上星期早茶叫左四碟點心,三個人食,4蚊個茶位,點心不錯48蚊.十分超值.今天一班人和栢哥係度食晚飯慶合皮啄地我地叫左成十一味餸,約9罐可樂和白飯.冬瓜宗-消暑必食,正!大子豉汁蒸豆腐-大家都話豆腐好滑.椒鹽鮮魷-唔係太feel到椒鹽味囉.新奇士橙骨-有新意,小小橙味幾開胃,可惜呢個係骨,無咩肉食.孖寶餐-清蒸紅魚,我無食到,但睇個樣唔錯. -燒味併盤:一般蠔餅-無咩蛋味.但唔油膩灼蝦-新鮮,味道鮮甜.芝士蝦球伊面-蝦球好味,芝士伊面味道一般海鮮雜菜粉絲煲-on diet人仕最啱食,清清地又多正菜.脆皮燒鷄-賣飛忽-good爆單都係880蚊.真係平靚正.最重要彩龍係兒時常幫襯的地方,感情分都俾一百分喇.大家行開石硤尾和九龍塘可以嚟彩龍試吓.呢度好近石硤尾地鐵站,九龍塘行開去都係10分鐘度.彩龍食飯夠晒經濟實惠,又唔駛同人迫.絶對值得一試.

爸爸竟然提出想去飲茶, 於是小妹跟爸爸就2口子, 買份報紙去嘆個茶~ 彩龍雖然在家附近, 但平時甚少機會光顧的, 加上對上1次的記錄好像不是太好, 更加少來。星期天, 未至於要等位但也算人頭湧湧的了。 不見有嬸嬸推著蒸氣飄散的點心車, 跟隨大趨勢的是寫點心紙。 開茶後就寫點心, 陪爸爸來嘛, 都是爸爸選他想吃的點心。煎薄餐, 配料隨了蔥外還加了雜豆, 不過份量是少得對味道沒有多大影響~ 煎得蠻好吃的, 美中不足這不是即煎的, 應該早市時煎好1堆, 暖著留到午市吧。爸爸飲茶必吃的蝦腸, 其貌不揚, 雖米香不濃但滑溜搭救~ 熱呼呼的叉燒包, 應該不是新鮮叉燒, 餡料的調味做得很對辦, 中規中矩~ 燒賣的賣相就討好, 味道就不太行,, 餡兒沒甚麼肉味, 很怪。 雞紮~ 不過不失~~~ 貪吃的爸爸還說要點糖水, 小妹繼續奉陪XD 小妹想吃紫米露~~ 可能我們太早就點了, 本來是熱的, 到我們吃時已放涼了,,, 紫米露的面頭已輕微結成1小塊1小塊, 小妹舀1匙來吃, 有點不對勁,, 喔 -0- 除了紫米還混了入西米,,, 整碗糖水都很稠,,, 多吃2口就文棄了 = . ='' 可能

係印像中，彩龍係好落後，好混亂，但當佢地重新"裝身"過之後，環境同衛生好左好多。今次試左青班仔，覺得都幾新鮮，一部分都好滑，另一小部分有d韌，不過熟過頭總好過有血唔熟。之後又食左個西芹腰果炒駝鳥肉，西芹爽口，而又發覺d駝鳥肉幾似牛肉，但一d都唔肥，不過佢地碟野都係一貫酒樓做法，好油！跟住就飲左個西洋菜煲唐排，都好足料，有鴨腎，南北杏，蜜棗，羅漢果。好可惜係煲湯好好肥膏，點解d豬肉唔攞去出出水先煲呢?!以街坊酒樓黎講，價錢唔平，而食客多數都係附近街坊，以老人家為主。我相信VIP房d環境會好d，因為近門口會比好食風，而且有大量二手煙由出面扯入來，睇黎都好多食客都好鍾意煲煙。

延遲慶祝父親節，極力推介家人到此試菜，一行15人當日6:30pm食飯，選既菜單係$1588金裝虎蝦宴(星期一至日都係呢個價)既一圍飯錦繡六福大併盤：叉燒係半肥瘦，好味！其他海哲、燒鵝、牛展、燒肉同雞，水準都不賴畔塘花枝珊瑚：材料有蓮藕、豆、珊瑚蚌，落既味精極少，夠清淡脆奶併金絲蝦卷：脆奶用春卷皮包，奶香濃不過就嫌油左少少。金絲蝦卷蝦可以再多d，仲 有粉絲同菜，好脆口。頭抽煎澳洲大虎蝦(12隻)：汁調較得好，好惹味，蝦可以再大隻d仲好紅燒鮑參肚翅：用料好過好多大酒樓，絕對唔馬虎！有參絲、仿翅、真翅、肉絲、冬菇絲，係我食過平價圍菜裡面做得最好飲既一家。碧綠花膠筒玉掌：西蘭花圖邊，花膠雖然唔係最靚，但都發得好軟淋同入味清蒸大海班：size大條，似$2000-3000飯局既魚，蒸出來熟度剛剛好，成條魚係尾二先上，但都可以食晒(多數都食剩仲要強行食0個隻)，簡直不敢相信蒸方利：有優惠劵送既，古法蒸有肉絲同冬菇絲係魚面，大條又好味，肉夠嫩蒜香一品燒雞：極力推介，又係清碟既一味餸，即席炸，上檯時皮脆肉嫩，唔太咸無乜肥膏，家人一邊食一邊讚，食到個個咀舐舐荷葉飯：一般地魚炆依面：唔太咸又唔油，可能無用

琴晚一心再去打平、抵又好味既邊爐，點知侍應話街坊近期唔支持，所以暫停，最快都要冬天先再做見佢小菜做緊3送1，都即管試下啦...叫左牛肉炒通菜(約$50)、蜆介炸鯪魚球(約$50)、冬菇煮豆腐($38)，2個靚仔，另贈送一碟椒鹽豬扒除左蜆介炸鯪魚球外，其餘3樣餸都好快上檯，以餸既價錢來睇佢既份量，話多唔多話少唔少，我地2個人都可以食晒4碟餸。如果多D人來，就要叫多D先夠食講番餸既味道，其實唔差，最緊要係落既師傅唔多，食完唔會口渴。1.椒鹽豬扒睇落以為佢好咸，點知食落口，各方面既味道都做得好平衡，好味！2.冬菇煮豆腐清清淡淡，似住家餸3.牛肉炒通菜，牛肉落既鬆肉粉唔重手，亦食到牛應有既質感4.蜆介炸鯪魚球，最遲上檯，以為大廚慢工出細貨，會有驚喜，所以我好期望...點知來到見到鯪魚球已經縮細番，即係話大廚煮完唔係即時上檯，應該係放左一段時間幸好食落都仲夠熱，魚肉都夠鮮味最後仲有任食糖水送，自制合桃糊、紅豆沙、蕃薯糖水，3樣都好好味好有水準，我就食左5碗先夠喉埋單時酒樓仲送左一張優惠劵，下次去有一碟蒸魚或炸魚送，真係生意難做呀...期待再重遇你既邊爐~~~~~~~~~

這家酒樓對上的一個食評已是三月初, 看來這家街坊食肆真是不太多人去幫襯. 好, 說回正題, 昨天晚上又與爸媽到這兒吃飯, 由於爸媽住在石硤尾的關係, 所以晚上要吃晚飯時, 通常都會來這兒解決. 好了, 點菜, 我們點了一條清蒸龍琍魚, 一碟滑蛋蝦仁, 加一碟瑤柱爪甫, 由於酒家現時正做著叫三碟送一碟的優惠, 於是我們便又再叫了一碟炒雜菌, 這碟是送的.好了, 菜來了, 坦白說, 街坊食肆, 質素自然也不會太高, 但是菜仍然是維持基本水準, 我特別欣賞其滑蛋蝦仁, 蛋很滑, 有蛋汁, 不錯呀!!!!!!!!!!! 條魚也蒸得很好呢!!!!!! 沒有過火, 僅熟, 正!!!!!!這家街坊食肆服務都是一般啦, 也不錯的, 值得一提的是, 這家酒樓不收茶錢, 也不收加一, 所以其實也很懷疑究竟它有沒有得賺, 昨天晚上周六晚去到, 也有很多吉桌, 也很擔心它做不做得住, 如可以的話, 大家也多點去幫襯吧!!!!! 哈, 不要誤會, 我是絕對不識這裏的老闆的, 所以也無必要替它賣告白, 只是不想又有人失業而已, 因為在這個經濟低迷時期, 要搵工絕對不容易呢!!!!!! 食物質素不錯, 服務一般,

老公介紹下，上星期五第一次試食彩龍既邊爐。平日$58+酸菜+醬料費，都係$83。唔算貴因為佢係較偏僻既南山村附近，做街坊生意，平日都唔會好多人，所以可以任坐。佢既食物都幾豐富，蝦同蠔都係任叫，汽水、酸梅湯、蔗水又係任飲。其他都係普通打邊爐既食物。當晚叫左共14碟食物，魚皮餃係四海味道一般、魚皮脆卜卜夠薄唔會食到一口粉、蠔夠新鮮夠大隻煮完都唔會縮水、娃娃菜都夠甜、芝士腸冇芝士味、其餘既都so far so good。除左邊爐料外，佢仲會有張紙仔，入面有蒜香雞翼、白雲鳳爪、薰蹄、泰式豬頸肉，可以點來食，最好味係豬頸肉，甜甜辣辣夠開胃大廳設有大電視，可以一路食一路睇電視，又少食客，唔會糟。服務態度一流，始終職員唔忙，可以慢慢服侍你。整體來講，以$85價錢可以任飲任食任坐，其實都幾超值，食完仲可以慢慢行去九龍塘行又一城，好過好多旺角既火鍋酒樓多多聲

一年一度中秋節，原本打算去多彩，但因多彩已沒有walk-in，唯有轉移陣地來彩龍。一樓爆棚，被迫坐二樓，對帶住老人家的顧客十分不便。四人要了四碟小菜，免茶免加一，糖水任食唔嬲！抵食！「豉油雞」半隻，豉油味十足！雞肉尚算嫩滑，味道算是不錯，雞的size也不會太細。「海皇什菜煲」，海鮮包括有蝦、帶子、珊瑚蚌、花枝，菜不算多，但粉絲卻多得很，湯底味精不少，吃後不久便感到口乾，不過整體水準不錯。「豉汁涼瓜少牛肉」，賣相極度不佳，汁太濃，牛肉份量雖多卻很淋，炒得太過老。「清蒸海立白」，抵食。魚很大條，肉質也不會太鞋，蒸得剛剛好，手勢不錯。飯後糖水自便，先到先得，任食唔嬲！最滿意！埋單只是三百多元，大時大節收這個價錢算是很合理。

琴日去深水步行街買野,4點幾行到6點幾,眼見老深冇野岩食,不如去食晚市,行去石夾尾呢間出名多時既酒樓食晚市,點知一來~失望失望!!D餐單既選擇少之又少又貴又冇特色選左好耐,選左個金銀蛋娃娃菜檸檬雞,蒜香雞翼~最基本既野夠熱,唔係超熱辣辣,但係起碼都叫熱但係味道就一般,賣相又求其,又拿西問佢有咩菜個陣求其答2句,又唔加水,廢得想死檸檬雞竟然檸檬都冇片,好明顯用李咁記個D湯包煮啦咁我使乜同你叫?檸檬2片做下樣都好啦大佬!去大排檔食我仲開心啦!差到死!冇吹水有圖睇!皮蛋娃娃菜~~係夠甜既,湯底又係平平冇其,又係味精湯底,真係自己煮都好食過佢,失望到極點~只怪自己信食評,到雞翼,上碟時係熱既~但係只係求其炸完加D炸蒜放面幾蚊既送賣貴幾十倍真係食M記仲開心啦!頂!失望到極點~~~~~~雖然味道OK,但係完全冇心去做一碟菜比人食感受唔到一間酒樓晚市既應有水準,絕對係下等水準環境夠大,又冇人黎食,唔迫味道衰過自己煮服務冇服務抵食完全唔抵食拿西到爆乾淨一般

因為婆婆住係石硤尾, 所以每逢過時過節我地成家人都會陪她到彩龍酒樓食晚飯, 因為這間酒樓一年到晚都是免茶免芥免加一, 非常抵食。一到步, 知客和侍應生都會友善地走來跟婆婆打招呼, 還會犀利到記得她的姓氏同飲咩茶啊!至於D食物都幾好味, 據我所知這裡最出名的菜是"冰梅醬燒骨"同"名火例湯", 前者酸酸甜甜很野味, 而例湯就落足料夠哂火喉, 好過自己煲, 每人平均消費都只係$55左右, 真係唔錯既選擇!

低能的我們去開九龍塘, 想搵茶飲下咁岩路過, 見到門口話點心4.8起諗住入去問下價啦, 點知個亞姐...掛著磨指甲都唔得閒理人...問佢點心咩價...佢仲問番我地咩點心...心諗...唔通依間酒樓唔賣點心?!定係佢唔知咩野係點心...搞左一輪, 佢竟然叫我地去囉點心紙睇...之後就走左入酒樓入面, 原先以為佢去囉...點知...唔對路...見佢咁既態度, 原先都想走...但係方圓幾里都冇酒樓, 唯有就範...入去坐低, 4.8 點心得兩款粥同炒米粉...唔抵!叫左4 個點心同炒貴刁, 先講貴刁...慘過茶餐廳...炒得好唔均衡, 炒到白賴哂咁...唔知想點...點心麻麻, 不過不得不提下大點既小蘢包...皮厚, 一d 汁都冇, 乾真真, 又係唔知點咁...野又污糟又唔好食, 服務又差...如果唔係獨家村, 做街坊生意, 真係搵鬼去...

最近婆婆身體唔係隻腳行唔到冇得落街去飲茶作為一位孝順o既小朋友~=v=朝早特登過黎呢到探下婆婆~黎呢到外賣左一籠叉燒包$6有三隻熱熱的~拎到上婆婆屋企o既時候叉燒包的溫度猶在即刻拎起一隻俾婆婆食拎上手感到包身軟熟從婆婆食叉燒包時滿足o既表情可以知道包的味道應該唔錯~食完一隻再一隻~見到婆婆食包o既樣終於明白咩野叫「千里送叉包物輕情意重」一d好平o既野都可以換來快樂~

唔係第一次黎食次次都係一樣咁抵!今日一家四口黎呢到食個個食到飽飽~好抵食!孖寶=鮮茄煎封海上鮮+ 豉油雞半隻咁都只不過係$76!!!條魚大大條~~加埋d茄汁好好味~食到停唔到口~隻雞d肉嫩滑~~good!!蒜蓉開邊蝦($55)d蝦肉幾新鮮~味道ok~冇乜特別~~西蘭花鮮魷($58)又係大大碟~不過d汁唔均勻....唔知係咪豆粉太多...有時食到一pea杰撻撻o既野...呢碟野真係麻麻地....食完飯可以自己出去任食糖水超正!!!埋單都係$200幾蚊~~抵到爛!!大把機會再黎~~~