彩龍大酒樓

Open Now

Now Closed

因嫲嫲住附近老人院所以近近地試下呢間酒樓食嘢點知好不愉快嘅經歷！以後都唔會再嚟！主因一名女侍應嘅態度一入到去問我幾多位我答6人，其中1位坐輪椅跟住個女侍應答我：無問我係咪輪椅，剩係問你幾多人心諗洗唔洗咁串呀！其次第一次見一間酒樓枱枱都唔提供匙羹（見隔離枱有一隻）因為想方便嫲嫲食嘢就問佢拎個女侍應答：食粥同飯先會俾我忍唔住同佢講：都係想拎俾老人家用啫佢先走去拎兩隻食嘢方面，我哋叫左個豉汁蒸排骨上到枱啲肉出緊血水…其他點心例如燒賣、叉燒撈粗啲肉都係唔新鮮第一次食煎蝦腸食到有沙添最食得過係個奶皇千層糕（可能係交貨好啲..)啲筷子🥢一開始摸上手都好笠…我知呢啲舊式酒樓都唔可以有啲咩要求但最不憤係侍應態度問題因為嫲嫲食嘢不便難免會製造食物殘渣、紙巾、食嘢圍巾等垃圾不過我哋都盡量將所有垃圾整潔地扔入平口膠袋綁好帶走（完全無周圍扔）點知最後臨走仲要俾個女侍應話啲垃圾唔好扔喺度問題係我哋都未走！就已經同人咁講！我家人都好激氣點解明明我哋咁清潔都要咁樣俾人話？食物唔好/一般都算如果連職員態度都咁差真係完全可以black list!

母校搞咗個重聚日，我哋好幾個舊同事約埋返去走一轉，之後，當然要聚一聚食埋飯啦，因為呢個組合真喺自疫情以嚟都無見過。近近哋，就搵番當年久唔久都會幫襯嘅「彩龍大酒樓」。真喺估唔到，呢間屋邨酒店屹立到咁多年，就算疫情都無事，今晚（星期六）都坐得好爆。整體裝修就好街坊酒家嘅格局，算得上乾淨企理，加上我哋得9個人，安排張12人枱，當然坐得鬆動舒服。燒鵝皇（半隻） $228好多時啲酒樓都有自己啲燒味部，啲出品一向都唔差，所以，我哋叫咗半隻燒鵝皇，單睇賣相真喺有板有眼，而食落一啲都唔失禮，皮脆肉嫩，好甘香，之後用埋啲混有鵝油嘅汁嚟撈落糯米飯度食，包你食到另一個層次嘅味道。雙冬羊腩煲 $268以前就話冬天先有羊腩煲，依家咩時候都見到羊腩煲嘅出現，不過，都喺冬天先嚟食羊腩煲感覺好似滋味多啲。滿滿一大煲羊腩，滾住食份外芳香，而啲羊腩好軟腍，微微羶香，正呀喂，裡面嘅冬筍、枝竹嗦滿汁同樣好味。XO醬小炒王 $98港式小炒中，叫小炒王多多少少喺情意結，間間餐館嘅小炒王都大同小異，都喺土魷、蝦乾、韭菜花、腰果……等等，有啲就會加埋豆腐乾、菜譜之類，咁呢度用埋XO醬炒，自然更加惹味香口，而且份量十足，喺大排檔餸啤酒

未食佢D點心之前我都唔睇好, 經过今次, 我真係要戒除以貌評店尼個壞習慣. 落筆選點心前左望右昅附近D茶客食緊乜？諗住有得參考下, 噢, 唔係蒸飯就係廚味, 睇唔到其它出品, 無得參考添. 点春卷前同我老友測度酒楼会唔会無熱柜存放D油器呢？燒味湯粉麵, D燒味会否另上呢？講尼講去都係對彩龍無信心, 皆因此店噶舖神真係幾老餅下.但地氈同廁所都出奇地乾淨企理. 就算楼上正藉係茶舞時段, 樓下完全聽唔到半点音樂等噪音. 講番食, 我鼓起勇氣点左春卷、雞扎、鮮竹牛肉及煎虾米腸.1）春卷係新鮮炸噶, 好正.2）牛肉內噶肥肉、馬蹄及芫茜噶比例恰到好處, 打到彈性啱啱好, 皆因太死硬或太削都唔好食.3）雞扎用鮮竹包住雞件、豬肚、火腿條及魚肚, 蒸出尼賣相好鮮明, 唯独酒味太搶, I don't like. 4）至於煎腸粉, 虾米分佈均勻, 奈何 D 粉漿開得唔够靚, 真難為了那位主掌煎腸粉噶阿姊了！嗱, 尼度收十蚊一位茶, 唔算平, 但佢噶點心真係新鮮整出尼奉客, 後尼同D侍應吹水, 知道酒樓唔係用工場貨, 係請正點心師傅, 唔怪之得食落口有分別. 總結：值得再光顧.

假日街坊食午飯，勝在就腳，老人家唔使行得遠。平常在家吃飯，很少吃燒味。這裏叉燒（肥瘦適中，唔會燒得柴皮，好𣺉），白切雞都好味，乳鴿都唔錯，好入味。其他點心都唔錯！

一個特別的日子，本想早起吃早茶，太貪睡醒來都已經下午，於是下午與老公和他的好朋友三人一起食下午茶，之前也經常來吃，這次也毫不猶豫選擇了這裡到了之後，掃碼，人還是蠻多的，但還好有位置，不需要等位，還是蠻開心的這裡價格相當便宜，口味我也很喜歡，份量也足，服務也很周到，看圖片就可以看到啦，三個人吃了244，這些圖片不是全部，只顧吃後來就忘記拍照啦羊肚味道很純正，很入味最喜歡蝦餃，晶瑩剔透，好看又好吃這個也好好吃，第一次吃，外皮脆的，裡面有是鹹味餡叉燒腸粉，喜歡😍

疫情影響少出街 久圍的酒樓 飲早茶有幾位女侍應 有招呼 但要交紙就要揾人餐具唔見有湯匙羹 問侍應攞 …… 原來傳菜負責畀 例如叫粥叫飯至有跟上優惠點心紙 孖宝1款 : 早晨粥+牛腸 $20 其他優惠點心選擇不多 比正價平1~3元柴魚花生粥(中碗)~ 粥很綿滑 幾粒好淋花生 柴魚香味好味道 回味再order1碗 (單點$11)牛肉腸粉~豉油很香唔咸 腸粉滑但餡很少魚肉饟茄子 ~$15 煎咗加芡汁再蒸 好味魚肉鮮味 茄子淋爛……唔……比較喜歡即煎 更香口薑蔥牛柏葉 ~ $15 芫荽蔥上湯浸 牛柏葉爽脆唔韌爪骨飯~ $16 飯軟熟 份量大碗 排骨有肉香牛肉球 ~ $14 乒乓球般細細 味正常家鄉饟尖椒 ~ $18 4件半邊辣椒🌶🌶香香辣辣 + 鯪魚肉鮮味 食慾大增家鄉煎薄罅 ~ $18 少少紅蘿蔔碎 & 蔥粒 普普通通 唔推介

今個星期六下午茶，同兩個朋友在南山邨附近既彩龍茶樓食點心下午茶，餐廳之前新冠群組，停左好幾個月，經一輪消毒，到現在應該都重開了幾個月了。下午茶有一張點心紙，$12-16都有一個點心。一籠四件既薑汁糕、一碟三件既咸水角、牛栢葉、一籠三件既牛肉球、一碟三件既腐竹卷，亦都有燒味麵飯。彩龍食物同環境質素係一般平民酒樓，勝在貼地價錢又親民，想懷舊一番係唔錯既選擇。👍🏻👍🏻茶位$9 一個，我地一邊傾計一邊食，2點食到4點茶樓完茶市，都算過左一個悏意的周未。😄😄

呢日又再約朋友食飯，我地又再去返呢間街坊酒樓食晚飯。😂😂😂因為得我地2個人，唔可以叫咁多餸，就叫左3個餸一齊食。🥢干炒牛河牛河炒得好夠鑊氣，可惜略嫌油左啲。🥢豉油蒸鱔呢味一向係我最愛，魚肉彈牙，唔會蒸得過老，份量足夠2個人食有餘。🥢金銀蛋莧菜食左2樣濃味野，要叫個清淡少少既蔬菜平衡返。莧菜唔會太老，尚算嫩，配上咸蛋同皮蛋一齊食，好味。呢間街坊酒樓真係抵食夾大件，唔錯。🏠 彩龍大酒樓🛤️ 石硤尾九龍仔大坑東道窩仔街📍 港鐵石硤尾站B1出口，步行約3分鐘

前排約左個大半年無見既朋友出黎食飯吹水, 佢約左我去佢屋企附近既平民酒樓食晚飯。由於係街坊酒樓, 食物價錢都好平民化, 好抵食。果皮蒸鮑魚-         果皮好香, 鮑魚唔會蒸過火, 好味。蒜蓉粉絲蒸風扇貝-         粉絲索哂D蒜蓉味同豉油好香, 好好味, 但可惜蒸得過左火, 扇貝比較韌。上湯龍蝦伊麵-         龍蝦都好多件, 伊麵唔會過淋啱啱好。彩龍大酒樓石硤尾九龍仔大坑東道窩仔街港鐵石硤尾站 B1 出口, 步行約3分鐘

彩龍 屋邨酒樓 兩層 舊裝修招呼很一般 上菜快 味道好 中級家人聚餐就番腳 都唔錯新春都免茶位要加一餐牌價錢比平時加咗10幾% (新年)可接受爆晒場 上菜快冇漏單叫6人餐 + 幾個小菜 夠晒食計番都係散叫會更好 樣樣都係鐘意食好似個6人餐有1隻切雞 就要包走(新年日日都食雞)沙薑鹽焗雞 ~ 嫩滑但肶骨仲係紅血色 有啲怕紅燒鮑參肚翅$238 vs 紅燒花膠海味翅(餐)兩款係1樣 唔推介湯底淡 湯色淺 翅勁粗(難分真與假)上湯波龍伊麵2只 ~ 龍虾碎上 肉少売多 龍虾鉗冇拍 冇畀工具伊麵濕 份量少花菇皇扣鵝掌大廚制作 蠔汁大鵝掌 夠淋滑夠入味龍躉兩味 西芹雲耳炒球 ~ 魚肉易碎 腥味果皮蒸頭腩 ~ 汁香微腥腰果黑椒牛柳粒~$120菜式油膩 牛柳粒熟硬乾 生炒骨 $98 好味脆口 甜酸適中略嫌成嚿肥肉佔多肉少雲耳鮮竹浸菜苗 $88菜嫩夠清

想當年好友擺酒既地方真是令人懷念， 呢間位於石硤尾既酒樓，歷史由久，經濟平民酒樓，侍應就好似街坊一樣跟你打招呼，基本上大部分做左都很多年，菜式簡單大碟，經濟實惠，樓上仲有茶舞跳，真係買小見小。

這次吃的是一桌2000共十道菜的桌菜，幾乎每一道都有三種以上的食材，兼顧色彩豐富與調味，讓我還蠻滿意的。第一道是燒辣拼盤，叉燒外面那一層酥脆的烤皮我非常喜歡，烤鴨也很不錯。糖醋排骨應該是我最喜歡的一道，溫度很夠、切得大小適中，上色也很均勻，肉質吃起來扎實有彈性，調味更是入味。第一次吃煲仔飯，上面的各色香菇不知為何特別吸引我，吃起來有彈性，拌入醬汁非常開胃。最後的甜點是果凍口感的方形椰奶紅豆果凍，份量足、紅豆均勻、椰奶味道不過於搶戲，還蠻清爽的～

今日同男朋友嚟附近做嘢 ，所以喺度飲早茶。 屋邨酒樓 ，侍應一個至兩個 ， 叫咗15分鐘都冇人應。點心剔好， 到上枱時已是 25分鐘後的事了。 粉果皮太厚， 牛柏葉有點靭，珍珠雞不過不失， 炸雲吞則香脆好味， 不油膩。普普通通吧。。。

有個朋友新搬咗去石硤尾住，佢介紹咗呢間舊式酒樓， 彩龍大酒樓 其實細細個我都知道有呢間酒樓，不過從來未幫襯過 ，原来裏面都好乾淨 ， 見到隔離枱同D侍應傾計 好大聲似返咗屋企咁 我哋食母親節晚飯居然唔使茶錢 食物中上， 價錢平民化， 椒鹽鮮魷燒鵝 每人120蚊。 母親節超超抵

此酒樓位於石硤尾舊區的屋邨，已有幾十年的歷史! 由於是舊式屋邨酒樓設計, 所以酒樓的地下設有一個外賣部, 早上是賣點心, 下午則是賣燒味和飯盒!!! 每天早上,外賣部都在門口放置了幾張枱，讓長者可以在此享用點心和茗茶! 其實都幾有風味!!!由於要返工, 所以只好買外賣! 今天買了山竹牛肉球和香茜牛肉腸!! 牛肉球很嫩滑, 配上喼汁之後, 十分美味! 而牛肉腸是剛剛蒸好的, 所以回到office後仍然是熱熱的！腸粉的皮算滑, 牛肉的份量都足夠和新鮮, 所以味道頗佳!! 說實在, 佢的點心質數個人覺得不會差過添X運, 味道真的唔錯! 不過位置偏僻，外觀殘舊, 是這酒樓的死穴!