有口福

Open Now

Now Closed

惡劣天氣下加上黃雨，身在區内剛巧是晚餐時候，見到這以水煮魚及酸菜魚主打的家庭式小菜館，决定留步光顧🙂先點主力菜-酸菜魚及樟茶鴨(半隻)上桌時驚見盛器勁大，份量足四人用， 熱氣騰騰的湯面更灑上色彩鮮豔的黃菊花瓣，好吸睛👏用原條鯰魚起肉拆骨浸在酸菜湯内，底墊大量芽菜粉絲，味道鮮而不酸，魚肉嫩滑，好吃魚骨的我更欣賞魚頭及骨塊，不愧為招牌菜😋😋再來樟茶鴨，肉冧味美，咸度適中，甚有口感😋😋啤酒是重味餸的好拍擋，正好解放一下味蕾👏意猶未盡，追加少見的干鍋帶皮牛肉，牛肉連筋皮好少吃得到， 爽脆而不太肥膩，好好味道😋😋最後清炒萵筍絲，爽口清淡，正好纯化之前濃郁味道👏好回味的一次晚餐

自從疫情開始之後冇去過大陸, 成日好想食返正宗川菜，朋友就介紹我食呢間有口福～生日晚上和朋友約在此吃飯. 自地鐵屯馬線開通宋王臺站後真係會嚟多啲九龍城. 今次仲係第一次搭地鐵去宋皇臺站, 沿著嗰條超級長隧道一出轉右行一陣就到. 入到去見到平日都全間餐廳爆曬，除咗酸菜魚仲有烤魚川菜嘅選擇，款式種類多，仲可以飲啤酒啤啤佢🍻入來已見老板安排我们座近廚房位置，所以能望入去，見到廚房也很乾凈。又可以見到不停忙著煮出一味味的好餸。看牆上的相片就已经好想試。呢間小店！一點都唔起眼！簡單嘅鋪面！無華麗裝修，但勝在貼地。第一次黎，餐廳地方好細，得幾張四人枱，有閣樓，好多雜物，隔離就有個凍櫃，估唔到啲嘢又真係好食，夠火喉，所以係值得幫襯嘅。各種川菜非常正宗！2個人，食物放滿整張枱都唔使500元，抵食. 下次會來試吓打邊爐🍲涼拌海蜇絲$48海蜇絲切得比較幼細， 調味比較清淡， 青瓜爽脆夠味! 食到我舔舔脷👍🏻豬耳麻辣汁好味伴菜是惹味青椒和芹菜，好食，老公叫我食多些🥢口水雞雞肉嫩滑 辣辣地 非常惹味。口水雞唔似出面只係紅油包住, 加埋大粒嘅花生一邊食軟滑嘅雞加埋個醬成個感覺好有口感雞嘅份量比一般嘅例牌來講叫做

雖然已將近夏天，但我對“火煱”有點情意結，加上呢間係九龍城嘅「有口福」，見佢哋餐牌上啲火煱配料款式多多，於是與 honey 一齊嚟試下 😉自選湯底都唔少，每款各具特色。最後揀咗“皮蛋芫茜湯底” ～ 蛋白淡黃色晶瑩剔透，食落好煙韌、有咬口，又有淡淡皮蛋香味，兼且這款湯底比較降火添！😚“鮮豬什” ～ 豬雜拼盤非常，可同時品嚐豬的不同部位，包括豬脆喉骨、豬脷、豬肺、豬肚、豬蝴蝶腩、豬大腸等等…非常新鮮。尤其豬脆喉骨、骨脆肉淋，豬肚嫩滑，豬大腸洗得好乾淨，一啲酥味都冇、好有咬口，豬肺淋甜 “金錢牛展” ～ 片片薄牛肉好吸引，兼且鮮味十足，又不肥膩，食到舐舐脷！“手打三寶丸” ～ 墨魚丸、蝦丸、鯪魚球，每款都大大粒，各自有其鮮味，尤其墨丸彈牙，蝦丸多蝦 “水魷魚鬚” ～ 呢碟真超值，魷魚鬚非常新鮮，大大條，又爽脆又滿有魷魚香味 “炸支竹”、“蓮藕片”、“窩笋片”～ 支竹軟硬適中有口感，蓮藕片爽脆，萵筍片清甜

喺OpenRice見到咁多like諗住試吓，晚上六點後冇得堂食唯有叫外賣返去，份量正常，味道好港式，唔夠四川味，辣味又唔夠，試完之後，同朋友都覺得唔好味！咁多樣餸之中覺得最失敗就係炒四季豆，個四季豆唔單只係難食，而且啲四季豆有酸宿味，我仲食到有兩嚿四季豆係完全唔熟嘅，調味方面係無味的籽然寸骨老闆話係佢哋嘅招牌菜之一，好大浸急凍肉味，肉係無味的，炸得有啲過龍，表面好硬其他嘢食都覺得好普通，唔會有下次!

為食Niki去搵好嘢食😋見天氣凍凍地，最好就係去食熱辣辣嘅酸菜魚。見到呢間餐廳好評如潮，一試又何妨？酸菜魚🐟本身餐廳有得打邊爐，所以叫酸菜魚嘅時候可以多加幾個餸，可以淥熟埋一齊上。我哋叫咗小辣，唔係好食得辣嘅朋友都食到。酸菜夠多，魚亦都好滑，唔腥。份量十足，我哋最後食唔晒打包拎走，朋友第二日用返個湯底煮麵食，咁又一餐，一舉兩得👍🏻👍🏻👍🏻干扁四季豆呢間餐廳嘅所有食物都好有鑊氣，呢個四季豆上菜嘅時候熱辣辣，出晒煙，淨係呢樣嘢都會為食物加分辣子雞🐔好食，但個人覺得雞件可以大塊D容易夾亦都有多啲口感雖然餐廳本身座位唔係坐得好舒服但所有食物都好夠鑊氣下次會來試吓打邊爐🍲

暫時係我食過最好味嘅酸菜魚😎📍九龍城有口福 九龍城打鼓嶺道15號地舖～～～～～～～～～～～～～～🥢必食酸菜魚好多魚肉！好多魚鮫！件件都大大件！好滑溜😎酸度啱啱好！辣得有層次！完全同酸度配合得perfect!就算我原本唔食辣都食到！😍配菜仲有大量芽菜薯粉！索哂啲湯既精華仲好食！我額外再加左萵筍！🥢口水雞非常大件！食極都有！又係滑到不得了！辣味又淺到深！非常惹味！🥢皮蛋佢哋唔係用普通嘅皮旦係用白皮蛋，再配上秘製嘅酸辣汁🥢干扁四季豆👍🏻 必食出面食過好多間都係查得唔夠乾身！一係就油得滯！搞到濕立立！搞到林晒！有口福！👍🏻鑊氣十足！四季豆十分乾身！混合乾辣椒🌶️！非常香口好戲在後頭炸魷魚鬚👍🏻必食邪惡到爆！又係抵食夾大件，分量多到不得了！好耐都未食嗰啲炸嘢炸得咁乾身咁好味！又脆又爽口！呢間小店！一點都唔起眼！簡單嘅鋪面！各種川菜嘅係非常正宗！火喉十足！最重要性價比極高！四個人都食唔哂！$600有找😺下次要食埋個水煮魚🥢

1月1號生日,約齊d朋友去有口福.舊舖就以前去過新舖就第一次幫襯,今次仲係第一次搭地鐵去宋皇臺站,沿著嗰條超級長隧道一出轉右行一陣就到.胡椒豬肚雞-足料真係好味,加咗冬蟲草,d湯好飲,胡椒味唔重.燒蠔-有相你睇,味道有一種炭燒味,正椒鹽九肚魚,椒鹽鮮魷-好味,邪惡食品食到停唔到口.孜然串骨-好香,又係食到停唔到口尖椒魚皮-夠曬辣,用嚟送酒最好,魚皮又好彈牙.而家有地鐵方便咗好多,都會嚟多啲九龍城.

跨年的晚上和朋友約在此吃飯，三個人點了五個菜，菜份量不錯，我覺得素菜稍顯遜色，因為不太入味，最好吃的是雞軟骨，小魚處理的不算很好有點腥氣，豬肉排的孜然很多，肉質也還可以，總體份量不錯，解饞可以去試試！

自從疫情開始之後冇去過大陸🥲成日好想食返正宗川菜，朋友就介紹我食呢間有口福～整體評分：6.9/10味道：7/10服務：6/10環境：6.5/10人均消費：$100-200地址：有口福 (九龍城)九龍城打鼓嶺道15號地舖孜然寸骨（$108）：好懷念大陸食嘅孜然寸骨，香港好多地方都冇，所以好驚喜！😍用孜然調味，寸骨入味又燒得好香！水煮魚（$188）：水煮魚一上嚟個下已經聞到好大陣香味！🤤🤤🤤魚片好滑一啲都唔老，湯底調得好正好正宗！仲有紅薯粉係底，夠飽足大盆花菜（$58）：好惹味！唔錯干鍋田雞（$158）：有驚喜嘅菜式，田雞炸過再燒，好吸汁！可以食幾碗飯

❤️今次真係有口福，有人堅持要帶我食呢間酸菜魚，環境普通但食物一流，食到我舔舔脷👍🏻📍酸菜魚D魚啖啖肉唔散又大碟，食極都仲有，推薦👍🏻📍椒鹽魷魚鬚好邪惡但新鮮香脆爽口又大碟，預咗生暗蒼🤣📍椒泡豬手表面看似唔辣，第一口都冇野，第二口開始麻出嚟，正📍鮮炸響鈴卷以為街市盒裝貨色，點知睇住佢真係自己炸，好鬆脆👍🏻📍豆腐串浸落啲酸菜魚度吸晒啲汁好正，有成四串咁多，超飽食物：9/10抵食：8/10環境：7.5/10。。。

自地鐵屯馬線開通宋王臺站後真係吸引咗好多平時好少去九龍城嘅人去九龍城食飯，今晚就有三個。朋友睇Openrice揀咗呢一間，試吓啦。一入到去，全場都好緊張咁睇跑馬，心裡即刻一沉，無期望咁叫咗四樣嘢：酸菜魚、蔥爆羊肉、家鄉炒米粉同埋欖角四季豆。家鄉炒米粉最先到，炒得幾香幾乾身，唔會太油，配料有午餐肉，真係想知家鄉喺邊度🤣酸菜魚無要海魚要了普通魚，叫了少辣，另外加咗鴨血同豆腐卜，超大盤，酸同辣好平均，魚好食兼無乜骨，勁多芽菜勁開心，仲有粉絲底，味道唔錯而且真係好抵食。欖角四季豆正常野啦，不過個蔥爆羊肉就麻麻哋，羊肉無乜羊味，羊肉片偏「un」。4個人總共食咗$639，好抵食。

自從有咗宋王臺站之後，九龍城就變得方便好多🤩🤩今次喺附近搵到間食酸菜魚嘅試吓，覺得比起出面連鎖式嘅餐廳更加抵食！酸菜魚💰188喺香港食到嘅酸菜魚通常都會同你計份量，呢間就統一嘅，一份就係大大煲😂😂 真係好大好多份量！四個人都食！同埋見到個湯底係有奶白色，應該係真係落咗魚去煲湯嘅🤤 全部魚肉都大大件，夠爽滑，煲底仲會有紅薯粉，大家記得撈起黎食！如果唔食得辣嘅可以好似我咁，一上菜就夾起啲辣椒，同埋放凍少少先至食，就唔會熱同辣加埋🥵😂 干煸四季豆💰58雖然好多辣椒🌶️ 但識落啲豆係唔辣嘅，都幾開胃~麻辣牛肉💰48呢個係男朋友想食嘅，我本身見到麻辣兩個字好驚，但好彩都唔係好啦，仲有啲青瓜撈埋一齊中和返脆椒雞軟骨💰88呢份雞軟骨炸得啱啱好，如果配酒飲就一流！同埋份量係超級多😂 如果有得叫半份就啱啱好😂-總括而言，我哋兩個人太睇小呢間餐廳嘅份量，因為全部都大大份好抵食！酸菜魚值得推介👍🏻👍🏻 -人均消費: 💰 231(免加一) (服務費：每人$20)-餐廳: 有口福 地址：九龍城打鼓嶺道15號地舖

自從食過有口福之後，現在去九龍城都不想食泰菜，反而想試有口福的其他菜式。酸菜魚食過，今餐食豬肚雞煲涼菜都有很多款式今次試個爽滑涼拌魚皮竟然好大碟，可以當一個小菜🤗🤗魚皮切成粗絲，另有清脆青瓜、花生粒和芝麻配料，味道清甜爽口，完全食不到有魚腥味炒豬皮伴菜是惹味青椒和芹菜，豬皮黏 糯，充滿骨膠元，好食又養顏，老公叫我食多些半隻豬肚雞煲老板話加蟲草花會更好味，當然要服從指令雞肉香滑，豬肚煲到好冧又入味，仲有紅棗黨參……藥材，補氣強身，飲完湯全身都暖笠笠，大盤花菜菜花爽甜， 調味紅椒唔辣，還有去濕作用😋😋冰涼啤酒作飲料2個人，食物放滿整張枱都唔使500元，抵食

去九龍城食泰國菜就食得多！今次經過見到有雞煲酸菜魚烤魚嘅餐廳，即管入去試一試！餐廳唔收加一，價錢定位合理，入到去見到平日都全間餐廳爆曬，除咗雞煲酸菜魚仲有烤魚川菜嘅選擇，款式種類多，仲可以飲啤酒啤啤佢🍻酸菜魚魚肉係用鉗魚，師傅整到魚質好滑，湯底奶白金黃色，酸味辣味剛好👍🏻有芽菜水晶粉做配菜，仲可以另外加唔同嘅配菜！雞煲嚟到嘅時候聽到吱吱渣渣聲，新鮮滾熱辣，每件雞都掛滿晒醬汁，醬汁惹味得來帶少少甜，十分香口🤩我哋另外左加配墨魚油炸鬼，油炸鬼朔晒汁嘅味道，正！

又到咗天氣轉涼的季節，最好就係去食下啲熱野，雞煲、羊腩煲、酸菜魚等等都係呢啲天氣必食嘅菜式👍今日出去九龍城，去我平時都有幫襯開嘅一間食店，佢嘅酸菜魚同埋川味小炒非常有風味每次嚟到必定點嘅酸菜魚😍魚片厚切，有口感；湯底酸酸辣辣之餘，仲有花椒八角之類嘅藥材，令到湯底「酸」中有「辣」，「辣」中有「麻」，有風味😍呢個胡椒豬肚雞煲嘅湯底亦都非常香濃，有淡淡的藥材味、加上鮮嫩的雞肉，非常補身👍呢個鮮蝦滑，我係非常驚喜，因為入邊竟然有好多原隻蝦粒爽口彈牙有鮮味，必試👍新鮮炸響鈴，鬆脆之餘仲帶咗少少豆香味👍水晶粉炒得幾乾身，爽口煙銀，每次嚟都會叫總體來講，除咗鎮店之寶嘅酸菜魚之外，其他菜式都幾有風味，價錢合理，可以一試