好運印尼餐廳

Open Now

Now Closed

週五，雖入冬已久，猶雨水不斷，彷如與寒冬的錯配。自來港以來，已光顧此餐室多年，近年於觀塘工作，總是意欲再到此進膳。此印尼餐室食品地道，然老闆娘卻精通廣東話，其口音與家母相似，甚有親切感。今日，我依舊點了一客黃錦飯，即雜錦飯，作為今天的午食。進食時無次序之別，惟小弟常留炸雞塊於最後進食，小時務農，家貧，雞為貴食，珍而重之。炸雞肉質乾而不硬，香氣四溢。先吃青瓜，清新怡人，為午膳作序，雞蛋與香口花生作續，黃薑飯與炸椰碎為絕配。米飯分明不至油膩，薑味不溫不火，炸椰子碎是遊走於飯粒之間的遊子，兩者於舌頭上呈現南洋格調。巴東牛肉香辣醒神，肉質香腍，辣味消逝之前再急忙吃下炒豆菜，妙也。後以香炸雞肉作結，快哉。再呷一口南洋風味之Kopi(咖啡)，令人忘卻窗外之寒、胸中之愁。此處食餚味道多年始終如一，雖非山珍，卻足以撼動味蕾，令人動容。

家中工人姐姐要回家鄉，今晚特別選擇了這家印尼餐廳買外賣回家歡送，order了兩個炒飯，疏菜加小食及飲品，先介紹名為多加多加的疏菜，內有白豆，芽菜，薯仔及豆卜等伴上花生醬汁，感覺似沙律很清新，接著有粟米餅，由於是生粉加粟米做成，食落比較軟身亦可能拿回到家吃沒有了香口的感覺，所以味道一般，另外有牛肉及雞肉串燒伴蝦片，這個加上醬汁很好吃，最後還有無得輸嘅印尼炒飯😋超好食，及印尼黃錦飯很特別（工人姐姐都話好食），這餐雖然是外賣但很滿足，值得推介👍🏻

印尼菜並非喜好的菜式之列，若不是友人多次提議到臨這間老牌印尼菜，自個兒一定不會主動前來。加喱牛腩飯味道普通，飯則又乾又硬。比較可喜的是牛尾湯麵，湯底濃厚而牛尾軟腍滑溜，跟麵條融為一體；蕃茄湯難得不肥膩，用料新鮮不化學；多喝也無妨。老板娘推介的黃錦飯則沒甚驚喜，算是一次過能嚐到幾款熱門食品，最不濟是乾巴巴的炸雞，巴東牛肉很香辣，但質感與外形太像湯渣，基本上飯面其餘餸款都給人一種"餸頭餸尾"之感；至於黃薑飯算是較特別，聽說可防治老人癡呆症呢﹗友人極愛炸雞，但吃罷這裏的炸雞便有後悔之感，更著我幫忙吃一點，我當然不會浪費胃的空間兼令自己受罪吧﹗全晚最好吃的要數串燒沙嗲，肉質嫰滑的雞串燒最受歡迎，牛肉也很不錯。加上美味的沙嗲汁充滿花生香味，總算沒有白來。加多加多這款印尼沙律，很難說好吃不好吃，對我來說是有點不倫不類之感；不喜歡煮得軟軟的豆角和蔬菜跟花生醬混在一起吃；還是比較喜歡伴黑醋汁或芝麻醬吃的新鮮蔬菜沙律，口感會更爽甜清新。翻看其他食評才知原來這小店也是米芝連推介食府，看來米芝連不再是殿堂級食府的天下，加上聽聞最近連雞蛋仔等地道香港小食也入圍，看來從前所謂能登大雅之堂的菜式，其定義已來了一個

點印尼黃錦飯，份量相當足夠，亦有不少材料，巴東牛肉，肉質好鬆，香辣惹味。花生雖然幾香口，不過我就唔多岩。小魚乾蘿蔔絲爽脆，加上肉鬆用來送飯好岩我個type仲有雞肉，雞蛋，青瓜。不過我嫌黃薑飯好乾，無咁油，我鐘意再油點。結論，大滿足。價錢都只係40幾，不錯。

When thinking about the dinner, my girl and I suddenly wanted to have East Asian food like Thai or Indonesian. By coincidence, we were at Kuwn Tong where has a famous Indonesian Restaurant which was recommended by Michelin in 2013, h4h4. Since I haven't not tried this before so we picked this for the dinner.The name is simple and easy to remember, of course, the meaning is also kinda lovely, Lucky<3Many choices but no any recommendation, maybe all that good? We ordered Skewered Satay Chicken

某日午飯和同事到這家米芝蓮小店吃午飯，店在斜路上，不算難找，但烈日當空之下還是有點吃力。原本以為多人到要等位，最後大約八成滿。四人分吃了一打串燒，原本想豬/牛/雞各四串，侍應卻說只能半打半打的點 (其實餐牌又的確係用半打做單位既)，最後只好要了半打牛肉半打雞肉。雞串肉質鬆軟好吃；牛肉卻是雞肉的相反，雖醃得入味卻硬得像吃著一粒粒石仔…沙嗲醬分量不少，入口也充滿花生香，不錯吃！印尼黃錦飯，黃飯配上一堆食材：鹹菜/䒫生/巴東牛肉/炸雞/半隻烚蛋，賣相相當東南亞風 (?)，配料入面最喜歡的是巴東牛肉，入味之餘也軟而不爛，帶微辣的好好吃；但遠處的炸雞，硬到該可以把侍應 del 死 囧 黃飯大概是用了黃薑粉 / 咖喱粉來炒，非常香口！三色冰，下單時侍應說是沒椰汁版，入口沒一般的濃膩，下了菠蘿也令整個飲品更清新，糖漿的味道帶點椰子味，也許是用了椰糖的關係？買單約 $100，其中$25是飲料的 (因為主吃沒設套餐)，單論主吃的話也真是不錯吃，下次來想試粟米餅!

這一間在openrice很易找到，因為是觀塘區也算多好評的一間餐廳，我對印尼菜有種情意結，可能我本人比較重口味吧。這天來到叫了店裡最有名的雜錦飯，友人叫了印尼炒飯，價錢也算貴，每份要$55，但份量不算多，所以覺得有點失望，味道方面是不錯的，乾身的黃薑飯加上黑色的雞肉，還有很多配菜，混在一起吃很棒，黃薑飯很香，加上雞肉很好吃。友人的印尼炒飯很普通，我以為會有一點辣味，但是完全沒有，像普通的是油炒飯加上蛋和蝦片，沒有什麼特品。比起之前在銅鑼灣吃過的一間印尼餐，對這一間有點失望。

很想食這間餐廳已久，那日就算要走耐一點也是值得！甫坐下看餐單已是目不暇及，已經暗裡跟自己說以後要食光餐單上的東西。叫了榴槤冰、蝦片、印尼黃錦飯及雞肉串燒。蝦片很脆！雞肉串燒夠火侯，但沒有弄焦一點，十分難得，而且醬汁十分醒胃，為之後食炒飯做好準備。印尼黃錦飯一入口，有點點辣味，對於完全食不了辣既人可能會受唔住，否則只要能食到小辣，就已經承受到，而且好醒胃，令人食到好似唔識飽咁。巴東牛肉同雞肉肉質鬆軟，入口快融。炒飯夠鑊氣而不覺熱氣。

好運印尼餐廳係米芝蓮推介餐廳,咁耐只係得一個差評,就等foodki同同事一齊試下,因為今次係成十個人一齊食,所以叫左幾多野食menu好運印尼餐廳@觀塘加多加多(7.5/10)($45)係印尼隨處可見既印尼菜,亦可稱為gado gado 或者Lotek。Foodki會稱呢道菜係印尼沙律。材料有豆腐卜,烚蛋同蝦片等等,淋上自家製既花生膏,作為前菜真係好開胃,花生膏沾上蝦片真係好正。foodki有個同事係印港混血兒,佢都話呢道菜夠正宗。好運印尼餐廳@觀塘印尼春卷(6/10)($45)呢個有啲似小學食既咖哩角,不過春卷樣,都係唔錯既小食。好運印尼餐廳@觀塘印尼黃錦飯(8/10)($55)即係雜錦黃薑飯,乜野都有啲,岩曬貪心既香港人食,佢有巴東牛肉,印尼炸雞,蛋,花生,芽菜,青瓜同肉鬆(?)。味道非常好食,首先講講黃薑飯,一食入口有好香既薑味,炒到粒粒分明,配上花生同埋其他配料送飯真係一流。再要講下巴東牛肉真係好腍好入味,少少辣,好開胃好好食,而炸雞就覺得有啲乾身,有啲失望。整體黎講,呢碟飯真係推介,因為乜都可以試下,食左半間好運既野食,哈哈。好運印尼餐廳@觀塘印尼炒麵(7/10)($55)炒麵

印尼餐廳除咗尖東好時，仲有間觀塘好運，連經常出入觀塘的男友都未聽過。餐牌得字無相，睇得明D字又唔知其實係乜。最終由店員協助下叫咗個印尼黃錦飯*，即雜錦黃薑飯，係呢度的推介，有印尼炸雞、巴東牛肉、半隻蛋同芽菜、青瓜同甜脆花生等配菜。黃薑飯色香味俱全，而且炒得夠乾身，非常好食。巴東牛肉肉質軟腍，椰味香濃，非常入味，不過都幾辣下。食得印尼菜，點少得沙嗲呢？因為無得互mix的關係，揀咗半打沙嗲羊肉。炭燒羊肉肉質鬆化軟嫩，加上少少羊脂同點點羊羶，香口惹味，沙嗲醬夠哂椰香，不過食慣有花生粒粒，呢度就無。另外，叫咗個印尼炸雞（擺明男友揀的），由於本人對印尼炸雞無咩概念，以為同平時普通炸雞差唔多，但原來印尼版本係比較deep fried，deep到有點過份乾身同「鞋」身，唔太啱我口味。 亦無諗過印尼版的龍眼冰同一向飲開泰式個隻係咁唔同！本來杯龍眼冰係透明，底部有D綠色糖水，手多多的我攪下攪下之後，成杯變咗綠色，我個人係比較驚D有色素的飲品。飲咗一啖之後我已經唔想再飲，有陣好濃好濃的甜味，唔係話勁甜，但個甜味好濃同好熟但一時諗唔到係咩，後來係門口櫥窗見到擺哂一支支syrup，先知原來係melon味。但係

投openrice今年最佳餐廳嘅時候發現咗哩間餐廳嘅存在，又咁啱有事出觀塘，路過嘅時候就走入去食試吧。睇過啲食評，有人話哩間嘅雞有時會烤得有啲乾的，所以我有考慮過食【巴東牛肉飯】架 但記得上次去荃灣嗰間好出名嘅【正宗山西刀削麵】，因為我個人唔係幾中意刀削麵嘅口感，反正嗰段時間我又經常喺嗰邊，所以食咗醉雞菜飯，結果大失所望。結果到宜家都仲未有機會返翻去，令我有多少耿耿於懷添 今次唔博喇，就要大受歡迎嘅【印尼黃錦飯】啦先食右上角嘅豆。。。辣係第一感覺，醃辣咗嘅豆令旁邊嘅飯都變辣了 但其實並唔係太辣，辣得黎保仲留咗豆本身嘅清甜味，豆口感嫩嫩的～可能係因為廚師知道豆算偏辣，唔係個個人受得起，旁邊放咗兩片新鮮青瓜協調一下，非常唔錯 黃飯帶少份量嘅薑令到啲飯唔會有單調嘅感覺，亦唔會搶走其他餸嘅風頭，口感乾中帶軟，廚師深明此中之道啊因為食咗啲辣野，所以我想試試左下角嘅瓜，連帶食咗啲椰絲。哩隻瓜感覺係節瓜，軟軟的，調味甜中帶鹹，但唔會過濃，感覺上就似祖母輩嘅出品，食得舒舒服服 椰絲係橙色的，味道同一般白色嘅椰絲唔一樣，稍為甜少少，感覺上就係白糖同黃糖之間嘅分別 但辣豆係辣的，同瓜嘅甜味完全唔同，就好

某日路過果邊附近，起斜路睇到呢間無論係位置定係門面都唔起眼既食店，外面都冇任何餐牌之類的東西，所以只是停一下看看就繼續行。然後某日無意中睇到其他餐廳食評既時候又見到呢間餐廳，就點入去睇下有乜好食，再搵日得閒去食。呢日下午三點幾，呢種時間入到去只有兩、三枱客食緊野，就隨便搵個位坐，叫左個呢度唔少人推介既"印尼黃錦飯"。由味道最清淡的青瓜開始吃起，最後是味道較濃的巴東牛肉。薑飯：薑飯夠乾身、薑味都唔算輕，很正！雞肉：今次係一隻小小的雞全翼，唔知係咪部位問題，相對其他部位而言較容易將雞肉煮得太乾、頗咸？牛肉：成碟飯我最鍾意係個巴東牛肉，好入味、好淋、好香濃，中辣度也很合我小配菜：蛋及炸菜絲正常，辣豆角好好味，炸魚乾花生香脆，另外果個樣同埋顏色似是肉鬆色既原來是椰絲？(但之前呢度其他人既食評係寫"肉鬆"，唔通改左？)不過就算係由肉鬆改做椰絲都係好事黎，會覺得整體上更加平衡(冇咁多肉類，而且我喜歡椰香味)。

在東南亞菜系中，越南菜是第一喜愛的，因為地緣關係與中式菜系有點相似。第二就屬印尼菜了，這個就是家族的關係了。想起差不多有兩年沒吃過印尼的食品，就約了朋友交收同時去吃印尼菜，又偶遇到舊同學好兄弟，就三人成虎…三人同行搵食了。這店座落的位置在山坡，有點斜度，不過對比上次第三街的坡段，這個算是好走了。但即使是路不好走，又過了午飯時間，整間鋪頭還是人頭湧湧，幸好剛好有三個空位可以坐下，走慢一點都要等。因為決定三人分享，幾經辛苦才定好點甚麼東西吃，等待之際看一看眾姐姐，好像有點像華僑，可能佢都係我同鄉喎？裡面的裝修很古舊，不知已沿用幾多年了，牆身的掛畫也很有原始時代旳味道。 印尼菜最出名的是黃薑飯，不過餐牌裡只有印尼黃錦飯，原來是黃薑雜錦飯的簡寫，一碟有好幾個菜式，巴東牛肉、炸雞和一些魚鬆花生豆角，最適合個體戶但又貪心想多吃的人享用。看見黃薑飯粒粒染上薑黃的顏色，立即就食指大動了。立即吃一口黃薑飯，炒得相當乾身，亦帶有薑黃的辛香，妙品。巴東牛肉是個繁複的菜式，香料很多又要慢慢煮才入味，絕對是道心機菜，這牛肉煮得軟淋，而且味道很好，茴香和薑黃的馥郁，辣椒的辛勁，香茅的清新，吃得出有用心。炸雞就很

觀塘, 對於我黎講係一個話遠唔遠, 但去到淨係諗到apm既地方(而家愈來愈無野行)由於尋日要去維修電腦零件, 亦有得收早, 當然要順便試下呢間餐廳早係學生時期都聽過呢間餐廳, 但一直無機會去如非預先決定去, 就咁係店面真係唔會入因為門口完全無餐牌招徠到達餐廳大約下午2點幾, 只得一檯熟客及一兩位散客環境乾淨, 坐下後, 老闆娘放低餐牌同水望望餐牌, 無香港人最熟識既「套餐」(做左功課, 當然係意料之內)二話不說嗌左印尼黃錦飯($50)同三色冰($22)黃錦飯配料唔洗多講, 花生魚干,炸菜,青椒,豆角,牛肉, 每樣都獨當一面比預期中更好食, 唯一要講就係個飯似乎加左價, 睇之前D食評都係$4x....三色冰主要用罐頭雜果+椰水做成, 酸酸地又清清地, 非常開胃埋單$72, 大約就係一個拉麵既價錢以質素黎講算係合理範圍, 但真係希望加個set lunch, 例如特飲加10蚊///XD

喺觀塘通明街享譽幾十年嘅印尼餐廳，呢度靠熟客支持，雖然位置偏僻，仍然坐無虛席。喺2013同2014都入選米芝蓮。小店歷史悠久，裝修仍然停留喺7,80年代，店內不少工藝品同布畫作為裝飾，好似去到印尼街頭小店一樣。今晚一次過試咗幾樣招牌菜沙嗲羊串(半打)$55SATE KAMBING食沙嗲串燒就可以知一間印尼餐廳嘅功力，而沙嗲嘅靈魂肯定係沙嗲汁。呢度喺沙嗲汁夠杰，微甜，勁香花生味，肉串有炭火味，但可能太多客叫串燒，餐廳係預先整定，如果係即叫即燒，相信會更完美。加多加多$40GADO GADO即係印尼雜拌什錦沙拉，也稱為Lotek。 這道菜起源於印尼的蘇丹人。呢個傳統菜式，餐廳做法正宗，材料有豆腐卜、豆角、通菜、芽菜、烚蛋、蝦片，最重要梗係自家制花生醬，作為頭盤非常開胃。龍東十五夜$55LONTONG CAPGOMELONTONG，其實係飯糰，而叫十五夜因為原本印度華僑喺正月十五先會整呢個餸。有人形容LONTONG好似我嘅食開嘅粢飯，都係長條形圓碌碌嘅飯團，但其實整LONTONG係用蕉葉包起浸泡過嘅米，再蒸熟而成，而粢飯係將熟咗嘅糯米飯擠壓成糰。湯汁中有佛手瓜(合掌瓜)豆角、醃菜、烚蛋、炸蝦