Lucky U

Open Now

Now Closed

我聽講荃灣有一間幾得意嘅酒吧，就約朋友過去試一試！入到去即刻已經見到有好多唔同嘅嘢玩，當然亦都有好多枱係食飯用。嘢飲選擇豐富，嘢食亦都有好多唔同類型俾你揀。北海道鮮帶子煙肉菠菜香辣蒜片鮑魚汁扁意粉$168 呢個味道比較香辣一點,如果唔食得辣嘅話真係唔好叫啊! 真係好入味架！香煎日式豚肉餃子棒 $ 68估唔到佢真係幾香脆喎，做得幾好食，咸味都十分之適中！美國安格斯牛肉眼牛排10oz $228牛扒都OK啦，不過個質感就比較薄身少少，調味都算適中！而且身邊都有好多蔬菜，非常豐富添。ROSE GARDEN PINEAPPLE JUICE，LEMON JUICE，ROSE SYRUP，PEACH SYRUP，GRENADINE大大杯，調味啱啱好，好清新。Whiskey with ginger ale朋友飲咗幾杯，下次都有試一試，原來係每一間餐廳嘅隱藏Menu嚟㗎!!

最近真係好忙，難得有晚同同事得閑啲，大家就想一齊食個飯，忙裏偷閑一下。大家都係西鐵沿線，佢就提議呢間餐廳。到嘅時候仲係好早，一行入去，唔係一間普通既餐廳，夜啲應該會做埋酒吧。見到佢有飛鏢機、桌球、仲有四個大電視睇波，夜啲應該幾熱鬧。辣肉腸碎忌廉芝士藍青口好味！食落有少少辣，幾creamy，又辣又creamy, 兩種唔同既味道搭配係幾得意，我幾鐘意哩個嘗試，推薦～多士好脆Rose garden & Victoria secretRose garden好濃既菠蘿味，果味濃，好啱夏天Victoria secret 就係清d，係桃味北海道明太子魷魚蝦仁碎他他汁意大利粉哩個意粉真係有驚喜既，睇落係一般意粉，其實幾惹味。用左他他汁，少少酸酸既味，食落係好開胃，覺得幾清新。推薦！跟餐既沙律法式香草煎焗羊架（蘇保雲）四支骨值得試。外層焗得酥酥脆脆，內𥚃都係好有肉汁。羊架既肥瘦比例啱好。另外，薯仔燒得好好味丫！食到係有調左味，邊邊燒到有d燶燶咁。左邊墨綠色既啫哩狀既，係點羊架既薄荷醬🤣伴碟既菇，係有炆過，少少酒味同甜味，睇得出係有心機製作。整體來講，我真係覺得有驚喜，因為又係餐廳又係酒吧咁，好有玩味，本

今日放工悶悶地想同朋友衆一衆，飲吓嘢傾下計。朋友搵到呢間local 酒吧，一於去試吓。呢到雖然唔係大街，但荃灣西鐡站行過嚟都好快，5-8分鐘就可以喇！入到去原來都幾大，有飛標機，有張pool 枱，我都係第一次見圓形嘅pool 枱另外仲有beer pong , 原來有咁多rules 悶悶地就梗係要啤啤佢啦！menu 好簡單，基本上係一般酒吧有嘅嘢都有我地叫咗西班牙辣肉腸車打芝士焗薯條，好多芝士，my favorite 半份spare ribs, 好味，焼得好好，味道濃度啱啱好Angus beef rib eye steak , medium rareportion 幾大，肉嫰，D配菜好新鮮，特別喜歡D薯仔，好好味仲有德國咸豬手,雖然D皮燶咗D，但味道唔錯隨餐仲有salad, 伙計話每日新鮮，都真係幾好食

今日黎呢間試下、之前諗住係一般酒吧、但一入去見到有飛鏢、卓球、仲有beer pong 枱，空間幾大！我哋一行四人叫芝士薯條、都幾好食但係有D乾。之後叫了一個豬肋骨配薯條同沙律蔡份量都幾多、肋骨味道好好、夠Juicy配啤酒一流！煙三文魚pizza味道不錯但三文魚可以多啲個批可以厚啲會更加好食之後嚟咗咸豬手、味道不太差皮又幾脆但係燒得燶左啲。最後叫咗個美國安格斯肉眼扒、鍾意佢有好多配菜蘆筍、草菇、番茄同薯仔、幾好味。準括嚟講呢度環境都幾好、嘢食唔錯有賣相、性價比都OK、只係地點比較偏遠荃灣市中心。一班人黎都好適合又有好多野玩！

荃灣spao 汁粒清貨，行完街就係附近搵嘢食，愉景新城對面幾間餐廳酒吧我都試過，平靚正過商場餐廳，今次搵左呢間兩條街口後的酒吧餐廳chill下。有別於之前幾間酒吧，呢間係非常大，坐得好舒服！有個大電視睇波，有張圓形桌球枱。飛標機ping pong 酒枱，不過果日唔見有人玩星期日至五，所有晚餐有7折！ 幾抵食！我地點左2個套餐同一個小食share！晚餐配的沙津一d都唔馬虎！ 配上黑醋賣相同味道都十分清新。墨西哥粟米片配上肉碎同埋芝士，熱辣香脆可口。有三款醬點，分別係酸忌廉、牛油果醬同蕃茄莎莎，三款各有特色 。肉眼扒超大塊！ 唔算厚，牛味重，不過略嫌有點肥同太熟，幸好口感都夠淋。羊架一份有4條，仲要好巨型，皮仲要脆脆的，唔太羶。 呢個價錢真係超值！自己買來煮都唔只！點左一杯啤酒同埋兩杯mocktail，左邊嗰杯係Rainbow，係一層層顏色好靚，不過唔係好影到。間酒吧仲有好多細房，如果生日包場都應該幾正！

星期五晚同朋友嚟到荃灣的「Lucky U」來一個Happy Friday Night ! Lucky U屬於一間restaurant &bar的餐廳，裡面好多遊戲可以玩，好似有飛標、桌球、 遊戲枱及大電視，仲有獨立卡拉ok房， 啱曬一班朋友嚟慶祝生日， 同享喜慶節日及happy hour的好地方。食物方面，我推介一款有創意的小食，就係「香煎日式豚肉餃子棒」，首先賣相十足日式風味， 在餃子上鋪滿的木魚， 醬汁是沙律醬，而且仲蘸滿在豚肉餃棒面，倍感滋味，煎得脆口， 餡料豐富，食落覺得同燒墨魚丸有點相似，超級美味!至於小食拼盤有雞中翼，雞鎚，炸甜薯，煙三文魚，香辣蒜片欖酒蝦，CP值極高，雞鎚炸得香脆可口，一點油膩感都冇，炸甜薯香香甜甜，好食到停唔到口。另外美國安格斯牛肉眼扒(10安士)， 水準甚高，肉質結實，口感腍嫩，多肉汁。 配菜都很美味， 露筍及炒牛油野菌，非常惹味，令人回味無窮。有美食又點少得靚飲品，呢杯Rose Lady ，粉紅色好少女系，味道香甜爽口， 女生最like。Rainbow Shadow 係打卡最強飲品之一，一層一層唔同顏色，色彩繽紛，又靚又好飲，而且仲要冇酒精成份， 絕

呢日約咗班閨蜜喺荃灣食飯，有人提議嚟呢間酒吧飲嘢同晚飯酒吧內附設幾款遊戲供客人玩樂椒鹽魷魚鬚魷魚彈牙軟腍，粉漿夠薄唔油膩，椒鹽酥炸佐酒一流墨西哥香辣牛肉芝士焗粟米片配酸忌廉、牛油梨醬及蕃茄沙沙醬粟米片焗得香脆配埋香辣牛肉粒及芝士拉絲超邪惡，再蘸埋跟上的傳統三色醬，滿滿滋味辣肉腸碎忌廉芝士藍青口藍青口肉質鮮嫩，忌廉醬汁香濃配搭埋辣肉腸碎的辛辣，啱曬好辣一族法式香草煎焗羊架(保雲酥)羊架可選幾成熟，我哋揀咗五成，肉質依然粉嫩多汁無羶味，而外層的保雲酥則焗得非常香脆德國咸豬手豬手外皮做得相當出色，香脆鬆化，肉質仍然軟腍唔乾，而脂肪則化為膠原蛋白，口感軟糯，配埋伴碟的酸椰菜絲開胃得嚟唔覺膩美國安格斯肉眼扒(10安士)肉眼扒肉質軟腍油花均勻，經過烤煎肉味更香濃，油脂豐腴，配以蘑菇汁及跟上的香草牛油味道一流北海道鮮帶子煙肉菠菜香辣蒜片鮑魚汁扁意粉意粉做得非常出色，麵條軟硬適中，每條麵條都掛滿醬汁，搭配香煎的北海道帶子，鮮甜肉厚，配埋煙肉的鹹鮮、菠菜的軟嫩加上香辣蒜片的鮑魚汁，味道辛辣刺激又惹味Mojito/Ice AgeVictoria Secret/Rainbow ShadowMojito~白朗

Happy Friday，睇完戲，直落晚飯與好友聚舊。 酒吧內設有大電視播送球賽，又有飛鏢機、美式桌球枱等娛樂設施。  哈哈，乖乖地沒有喝酒，只是點了Apple Juice，酸酸地醒醒胃。 辣肉腸碎忌廉芝士藍青口青口不算大粒，但飽滿。值得一讚的是忌廉芝士汁做得出色，微辣夠香濃，而且加入不少香草及辣肉腸碎，更添口感及惹味。用脆包蘸上忌廉芝士汁，一滴不漏，正！黑松露雜菌芝士忌廉意大利粉黑松露及菌香突出，「芝味」濃郁，由於上一碟青口都是忌廉芝士汁，今碟又有相關材料，所以吃多了，會有少少滯膩。法式香草煎焗羊架 (保雲蘇) 四支骨份量頗大，合共有4支骨，外酥而裡面的肉質柔軟，熟度剛好，而且沒有羶味，值得一試。 配菜還有薯仔、蕃茄及蘑菇。小總結：食物味道高汁，唯當日只得一位廚師上班，變相每道菜的等候時間頗長，值得改善。餐牌：

收工見到間心水bar決定同男朋友入去飲翻杯食個飯 拍下拖咁門面乾淨企理係可以鬆一鬆既地方Ice age係一杯好岩女仔飲既調酒 易入口 有少少果汁味飲完可放鬆心情朋友叫左杯64沙漠上枱先唔同既生菜 加上沙津醋 唔會太酸 因為都有少少甜甜地既味道兩者融合酸甜比例剛剛好避風塘雞翼係即炸即上的非常新鮮 而且佢既味道好惹味仲有滿滿的炸大蒜中意食大蒜的人有福了 因為都頗香 又有風味泰式豬頸肉外皮有香烤蜜糖既風味上桌但時都幾大塊 夠兩個人伴酒一齊食豬頸肉既汁唔係普通超市泰式辣醬而係酸酸辣辣既汁 好有泰國感覺沾上豬頸肉就更滋味了呢個推介-忌廉芝士菠菜葉因為佢既底個芝士忌廉 入口順滑 而伴有咸香既芝士香味而菠菜葉掛上濃濃既芝士忌廉係一等一的享受仲有2個蒜蓉麵包俾您沾您湯汁食見5見到菠菜面上仲有好多芝士碎 可見佢幾有心意不錯安格斯牛肉眼扒超厚超大塊既肉眼扒並唔係劣質牛 而係有濃郁牛肉香味同實在質感既牛扒而配菜都唔可以錯過我自己就最中意右上角個個菇有甜甜地嘅燒汁惹味感覺 好香

行完荃新天地唔想再食連鎖餐廳又想飲番兩杯於是去沙咀道搵左間酒吧試酒吧設有電子飛鏢機同啤酒乒乓；比較特別嘅係呢度嘅美式桌球枱係圓形感覺更有挑戰性Ice Age基調選用陳年時間較長嘅黑朗姆酒香醇馥郁同時略帶甘蔗焦香配搭橙酒酒體香甜；調液選用熱情果糖漿以及菠蘿同埋檸檬汁平衡基酒甜度Mojito經典古巴調酒；白朗姆酒相對溫和配搭青檸以及薄荷微酸清新；調液選用梳打感覺冰涼清爽Rainbow Shadow / Victoria Secret漸變色彩鮮豔，多種果汁混合製成層次豐富而且梳打汽泡感足；色澤粉紅少女，蜜桃清香微甜配搭青檸以及蔓越莓汁酸甜恰宜墨西哥香辣牛肉芝士焗粟米片配酸忌廉、牛油梨醬及番茄沙沙墨西哥粟米片焦香薄脆配搭芝士拉絲以及牛肉香辣惹味佐酒啱哂墨西哥粟米片跟配三款傳統蘸醬；酸忌廉醬香濃稠密；牛油梨醬綿密幼滑；蕃落沙沙酸辣消膩椒鹽魷魚鬚炸魷魚鬚熱辣酥脆啱送啤酒；魷魚口感爽彈而且漿粉輕薄感覺輕盈辣肉腸碎忌廉芝士藍青口辣肉腸碎辛香刺激配搭忌廉芝士香滑濃厚；藍青口體積較小但勝在肉質鮮嫩德國鹹豬手真心係我食過最好食嘅德國豬手；豬皮焦脆鬆化而且膠質豐富脂肪軟爛；肉質嫩滑軟腍而且肉汁豐盈配搭酸椰菜絲

酒吧原來都有好野食！荃灣嘅朋友話附近有間酒吧食物唔錯，就去試試囉一黎野飲已經超驚喜！我呢杯叫rose garden，好似係菠蘿桃汁之類嘅mocktail，唔太甜好fresh，我啲朋友飲左一啖都想跟我叫，但已經sold out喇，睇黎真係好多人叫佢跟住就黎左個日式豚肉焗茄子，原條茄子焗完好淋，加上再吸埋啲醬汁，好好味呀呢個薯片本來我地諗住食，但唔記得落單，哈哈...但隔離枱果碟真係太香喇，真係聞到都流口水，於是叫返啦⋯⋯原來真係無叫錯！份量超多，薯條係即炸架，新鮮熱辣，我地今次揀左紫菜味加松露蛋黃醬，好開胃最後當然有主菜 — 德國豬手。豬手肉同皮都好正，皮好脆，肉唔太咸，隻豬手都幾大隻架，我地幾個食完都己經好飽喇！原來酒吧唔只得酒、花生同薯片，今餐我地真係大滿足！

隱世荃灣酒吧，大會堂行5分鐘就到👏🏻👏🏻環境一流，光線較暗，最適合與閨蜜👭暢談一整夜，服務員從沒有趕走我們🙊🙊🙊🙊傾計之餘，仲可以玩下飛鏢，先再食過🥣四圍參觀完，終於上菜了，CP值非常高！不過上菜時間有點長，可能個人比較肚餓🙈先上前菜，送個精美沙律🥗蔬菜非常新鮮👍🏻用心製作❤️美國安格斯牛肉眼扒（五成熟）岩岩好👍🏻同朋友開心share小食一絕：墨西哥焗粟米片雖然叫小食，但份量絕對夠四人食👍🏻🙊最愛❤️❤️法式香草煎焗羊架 四支一d都冇酥味都冇，不過真係睇小左個份量,差d食唔哂...（🙊今晚羊架、牛扒仲有七折）左：Rainbow Shadow👍🏻👍🏻👍🏻左：Matcha （糖漿較多，可叫小甜）

上個星期六閨蜜gathering 齊齊去酒吧飲杯野chill下我地係晚飯時間過去 環境都幾舒服好坐 靜靜地幾好feel呢杯Rainbow shadow 顏色好靚好吸引 味道同一層層既顏色一樣有層次 每層都有唔同既味 好fresh閨蜜既Victoria Secret 顏色好lady 味道一樣好少女 係帶有蜜桃味既梳打呢杯Mocha 聽閨蜜講有好濃既雲呢拿味 我地當日諗住坐耐d傾計為住 所以無叫main course 主打小食薯條當然係落bar送野飲既必然之選 除左有得揀醬 仲有topping揀 我地就揀左最邪惡既芝士估唔到黎bar都有生蝦刺身食 仲要好新鮮個汁調較得唔錯 唔比泰國餐廳輸蝕辣肉腸碎忌廉藍青口 個汁帶微辣 好creamy 有2塊蒜蓉包跟 點汁食一流埋單果陣 侍應哥哥同我地講原來呢度既Main course 如果weekday黎 除左會跟沙津仲會送埋杯mocktail 最震驚係仲會有7折抵勁多!!! 睇黎下次要揀weekday再過黎先得

假日夜晚同朋友去食晚餐同飲番杯chill下，呢間係一間酒吧餐廳，想同朋友食飯飲酒就啱晒啦。而且惠顧晚市有七折嘅優惠，大部份飲品都有八折，好吸引人嘅優惠餐廳同一般酒吧一樣環境昏暗，而且有得掟飛鏢玩桌球，仲有大大嘅電視螢幕俾一堆足球迷睇波，啱晒一大班人嚟聚會食物嘅款式都應有盡有，主打係西餐，另外仲有少少泰式同日式嘅小食，感覺多樣化，而且價錢合理先來飲品，呢杯叫rose garden由多種果汁混制而成，味道都幾Fresh，酸酸甜甜幾開胃另外朋友就叫咗杯matcha，賣相都幾靚，試咗一啖真係有綠茶味，都幾唔錯叫咗個安格斯肉眼扒，呢個係配扒嘅沙律，係用黑醋醬整成，沙律菜新鮮企理，配黑醋酸酸地，味道清新個扒到啦，非常大塊，大個任何人塊面😂，旁邊有蒜蓉牛油醬，可以塗落塊牛扒度更香，牛扒肉質幾腍，食落有肉汁，牛味幾出而牛扒嘅配菜一啲都唔馬虎，係焗新薯同炒雜菌，雜菌用燒汁炒，爽口惹味。而薯仔外脆內軟，好重薯味另外仲叫咗德國腸拼盤，非常大份，有六條唔同口味嘅腸仔咁多，有辣有唔辣，味道香濃，另外仲附上蜜糖芥茉醬， 同腸仔好夾，啖啖肉，大班朋友分享嚟食就最啱啦

Happy Friday, 當然找地方試新野，這裏相當寬闊，好多設備，供客人玩，好似飛鏢，美式桌球枱，好適合一大班人開party 。  用餐當天有一班後生仔在開 party, 見佢地玩得非常興奮開心.  這餐廳食物，好特別，有啲中西合璧。我們叫了西班牙黑毛豬梅肉扒，黑毛豬燒得焦香，另上Apple sauce 還有不同嘅配菜，蘆筍新鮮，雜菇加少少甜汁，本人好喜歡，再加上燒得適中嘅薯仔，避風塘雞中翼，第一次喺西餐廳見到這道菜，當然要試吓，香脆嘅蒜蓉加小小辣椒，辣辣地好野味，外皮好脆，肉質柔嫩。當然唔少得，每晚嘅蔬菜，欖油蒜香西蘭花，味道適中，又不會太林及太硬，好有家嘅感覺。飲品方便， Victoria Secret - 好fresh, 小小的 soda, 又不會太甜。Rainbow orange ，個名同賣相真係好貼切，而且真係有橙味，味道到OK。