Lucky U

Open Now

Now Closed

《意大利芝士香草pizza》，我們叫了薄批， 廚師已經預先切好八件， 薄餅一嚟到香噴噴，芝士味好濃郁，咬落去亦都脆卜卜，是一款好好味嘅pizza。《避風塘牛油雞翼》，分別有六大隻，雞翼上面有很多乾炸蒜，好香口好好味，再加埋食落去啖啖嫩滑肉，有牛油味嘅雞翼，相當吸引。《羊架》，一碟羊架有四大件，我哋要了四成熟，羊架一嚟到，非常之香噴噴，食落去啖啖肉，一啲都唔覺得煙靭，再加埋佢嘅芥辣汁，好味。《香草帶子伴意粉》，呢碟意粉嚟到香草味道相當濃郁，四大隻新鮮帶子煎得恰到好處，八成熟，外脆內軟， 意粉炒得好乾身，一啲都唔會油膩，的確係好味嘅意粉。《和牛漢堡包伴薯條》，大大個和牛漢堡包真係好香好有牛味，食落去啲牛肉汁漏曬出嚟， 再加埋佢嘅新鮮番茄同生菜，的確係好好味嘅漢堡包，再配埋佢炸得好金黃色嘅薯條，正。食物款式多，還有燒牛扒同樣好味吸引。餐廳環境裝修有氣派，多款酒吧遊戲在場內任客人選擇玩用，例如有飛鏢機、桌球同埋Beer Point等等。

酒吧設計，但非常乾淨同寧靜，店內設有電視睇波用，幾部飛鏢機，兩台Beer Pong，仲有得打桌球，要有既ＧＡＭＥ都有，而且樓底幾高，幾有空間感。同肥仔少去酒吧食野，睇下好冇味先！松露油香蒜巴馬臣芝士薯條$68薯條香蒜味最重，搶左小小薯條味，但都炸得香脆，如果芝士可以拉絲更好！墨西哥芝士肉醬焗粟米片配酸忌廉、牛油梨醬及蕃茄莎莎$98粟米片上的芝士肉醬好香，肉醬有少少辣味，配上三種不同既醬，飲埋啤酒吹水一流！魷魚菠菜芝士煙肉忌廉汁意大利粉$118魷魚有口感，重點係芝士味好香，條條意粉都沾有芝士汁，意粉好似同平時出去食既唔同，佢就再幼身小小，易Ｄ入口。I am not a mango $78Passion fruit ,pineapple juice ,orange juice , soda water。食咁多炸野，一杯香甜潤喉的飲品是不要得的！飲完更加開胃。1664 $88去bar冇理由唔飲生啤啦!兩個人都唔算貴,可以一大班人再黎過。

是日放假同老公一齊入左荃灣行下順便探下好耐無見既表姐同佢個BB離開表姐屋企時6點半左右, 由於日頭同表姐佢地食野比較早, 走時已經覺得有D肚餓所以決定食個晚餐再行街....我地行經呢個酒吧型既餐廳見到幾特別... 老公話有D興趣....於是就入左呢間餐廳啦...入到餐廳, 樓底感覺好高, 原來有吾少野玩😁有BEER PONG, 桌球, 同飛鏢機......啱曬一班老友來玩同食...睇下餐牌都有吾少野食哦松露油香蒜巴馬臣芝士薯條  $68哇, 呢個一端上台已聞到一陣香味薯條炸得夠脆, 有淡淡的松露香同好特別既蒜香, 配上濃濃的芝士香味, 而且份量都吾少芝士蕃茄PIZZA🍕呢個係我喜歡的薄批底, 批邊好鬆脆,並吾係死實既果種脆蕃茄食得出係好新鮮既, 芝士量好豐富, 拉出時一絲一絲芝士, 好有滿足的感覺香煎鵝肝燒南瓜半乾車厘茄芥蘭苗巴馬臣芝士汁扭繩粉🍝 $128小妹我未食過"扭繩粉", 見到甘得意, 所以一試。此為意粉的其中一款, 口感都有D咬口, 係我鍾意既,南瓜香甜又綿配上芝士整既醬汁好好味....California Punch  $58老公話杯野都吾錯, 吾會過甜, 味道適中..用餐

我哋搭車附近 就係荃灣嘅酒吧街 ，有一日我哋經過見到有間比較特別嘅酒吧，就話諗住不如搵日過嚟食過晚餐。 因為要等埋男人收工所以我哋差不多九點幾先到 ，可能因為早所以人就唔算好多，有音樂同埋有電視機播足球， 都唔算好嘈同埋坐得都幾舒服， 今次我哋嗌咗三樣嘢食，但係因為羊架實在太好味所以都唔記得咗影相添， 價錢畀我心目中抵食同大件， 應該下次我哋會再嚟試下其他嘢食或者搵朋友一齊多啲人會開心啲 。鵝肝燒南瓜半乾車厘茄芥蘭扭跳繩粉 trofie goose liver $128…… 第一次見有這種粉都幾特而且好有口感，鵝肝燒得幾香口，南瓜夠甜，而且配上粉食落去都幾特別 ，最特別冇諗過西餐入面有芥蘭，但竟然配合南瓜味味道同口感幾好味喎，整體嚟講都好大碟其實都差啲我哋食唔曬㖭。安格斯漢堡包配薯條 angus burger $118…黎好堅大份，以這價錢沒想過，肉質都有濃郁牛肉味同肉汁，但要快手食，面包多芝麻都香口，薯條夠熱又脆，粗身有口感，不錯推介。烤紐西蘭羊架配燒新薯及法邊豆 grilled lamb liver $168…羊架有4件，羊味濃吾會太肥同（蘇），份量都幾飽，而配菜有少少沙律和法

今日約左個 勁耐冇見嘅朋友 約左喺荃灣，佢話公司附近開咗一間裝修唔錯的酒吧，傾計都幾好嘅地方。 所以今日就約咗大約十點鐘去到嗰度。因為大家都食咗飯嘅原因，只係嗌咗一個小食拼盤同埋兩杯嘢飲……傾計傾咗大約兩個鐘頭先走 ，原來呢度仲有其他遊戲， 可以下次一大班人嚟嗰陣時可以玩下。lucky u 小食盤 $188……都有吾少吾同的食物，魷魚圈 唔太油都脆口入邊由於份量都大，雞翼 勁脆口 ，雞肉都唔錯。食完炸野再食返冷盤 ，巴拿馬火腿 濃郁味道 ，而且三片都唔少添（如果有粒生果或餅乾更好……哈哈）。當然 仲有最愛 煙三文魚 ，都係有三大片 ，三文魚味道濃 又香，岩晒我！西班牙辣肉腸 有少少辣而且好有口感幾特別 和薯角 分量都唔少，食完成個併盤之後都幾飽肚，朋友仲想消滯下，仲食中間酸瓜，都話好味喎…其實我諗其實3個人黎食都得添……當然傾偈唔少得就係飲嘢啦，但係因為我哋聽日要返工嘅原因，所以今日冇飲酒，叫咗一杯果汁 蘋果汁和橙汁$58 ，味道都正常唔差…而且份量都算做大杯 ，下次等放假可以下次同一班朋友再嚟飲唔同嘅調酒。

昨晚我行經荃灣見到一間門口裝潢唔錯嘅餐廳,於是我同朋友入去食晚飯,在9時前有一個happy hour時段,飲品有 優惠,十時後會轉做酒吧時段,營業時間會去到凌晨四時,喜歡品酒嘅朋友,可以吃完晚飯直落玩樂到凌晨,這裏是一個不錯的選擇。先講佢嘅食物啦，質素都唔錯，一客烤加拿大安格斯肉眼扒10安士配田園沙律及薯條$248，當你把牛扒切開後已經見到肉質鮮明，放在口裏感覺到肉汁源源流進口腔，肉眼扒肉質鬆軟，肉香四溢，鮮甜無比，上等嘅肉眼扒配上多種嘅調味醬料選擇，更另個肉味提升到更高層次，仲有個田園沙律相伴，新鮮蔬菜嘅素材加上自家配製嘅沙律醬汁，令呢個肉眼扒更加錦上添花，仲有 伴碟嘅薯條同樣咁有質素，薯條外脆內軟，薯蓉味濃且甜，香脆可口。香煎鵝肝燒南瓜半乾車厘茄 ，鵝肝煎得芳香無比，軟綿綿嘅質感，滑滑肉味鮮甜可口，火路控制得非常到家，食後令客人仲有回味嘅感覺，南瓜嘅清甜，口感好像食栗子一樣，加上半乾嘅車厘茄配合進食，簡直係絕配。芥蘭苗巴馬臣芝士汁扭跳繩 粉$128優質嘅巴馬臣芝士，濃味非常，質地滑溜溜，香氣馥郁，配合幼嫩嘅芥蘭苗，嫩滑清甜，嬌滴滴嘅扭繩粉，煙煙靭靭，非常有咬口，高質素嘅素材配合，加

今天與好友來到這間玩樂 x 美食的餐廳酒吧，一邊玩掟飛鏢，一邊品味這裏的美食。今次顧客頗多，幸好有三部飛鏢機，不用同人爭着玩。墨西哥芝士肉醬焗粟米片，粟米片薄脆香口，面層佈滿車打芝士/肉碎/青蔥/蕃茄粒/橄欖，再蘸上藍芝士混合的酸忌廉/牛油果醬/番茄莎莎，鹹酸醒胃，甚具墨西哥風味，佐酒一流!北海道鮮帶子煙肉菠菜意粉，厚身的帶子煎得鮮嫩彈牙，意粉彈牙，盡收X.O.醬料/煙肉/洋葱/蒜頭的鹹香及辣椒香，鹹中帶辣，同時又不會蓋過帶子的鮮味，令人回味，不愧是該店的招牌菜!黑松露野菌披薩，餅底煙韌，餡料豐富，黑松露/野菌/芝士/洋蔥/蕃茄醬味道濃郁，菇香味濃，滋味十足~Riesling，淡淡的甜味及酒香，與鹹辣的意粉小食絕配!I am not a Mango，保持水準，果香四溢，清新可口!雖然今次人流多了，但依然不覺混雜，這裏確是與好友盡情享受吃喝玩樂的好地方~

荃灣有一間幾特別嘅餐廳,在九時前有一個happy hour時段，飲品做特價，十時後會配合喜歡飲酒嘅朋友到來消遣，營業時間至凌晨4時。晚餐嘅菜式質素唔差，原隻波士頓龍蝦法邊豆油浸車厘茄冬陰功辣番茄汁天使麵$228，龍蝦肉質鮮甜，肉汁豐盛，自家製嘅冬陰功醬汁 ，製作非常可口，蟹鉗肉質爽口彈牙，原隻龍蝦大大隻，絕不欺場，由龍蝦頭到尾同樣好味，放在龍蝦底部個番茄汁天使麵龍蝦汁流進入天使麵裏面，整個麵把龍蝦嘅鮮鎖住，配合新鮮番茄嘅清甜，天使麵嘅爽滑，加上惹味冬陰功嘅辣，多種味覺集於一身，令你食不停口，大廚嘅功力真係工不可沒。飲品方面都好有質素，在九時前happy hour時段，飲品有優惠價，一個 l am not a mango$58,多種嘅新鮮果汁，熱情果味濃郁，清甜潤喉， 菠蘿嘅芬芳，橙汁濃密甜美，幽幽香氣嘅清爽梳打，多種新鮮果汁集於一身，優勝於別家的，值得一試。另一款飲品 Manzana$58,有蜜味蘋果汁,芳香嘅青蘋果汁，配上呢個清香青檸梳打水，在現今嘅秋高氣爽時分，清爽又潤喉，飲後令你心曠神怡，精神一振。

早前在愉景新城閒逛完，打算去荃灣廣場吃晚飯，途中發現了一間運動型酒吧，晚餐的菜單款式也滿吸引，於是進去試試看。感覺悶的時候可以玩玩飛鏢，當天有一兩台是一家大細共進晚餐，氣氛也不錯，也可令人對酒吧改改觀感。松露油香蒜巴馬臣芝士薯條微微的散發松露的香味，不會搶過薯條的原味，炸得很香脆可口。魷魚菠菜芝士煙肉忌廉汁意大利粉意粉煮得剛剛好，帶一點煙韌，配料互相配合，令醬汁味道不會太過單調，很合我的口味。帆立貝大阪燒Pizza餅底是薄身的很酥脆，每一份都有帆立貝，口感不會過韌，配料還有大量洋蔥及木魚，味道不錯，個人覺得醬汁少了一點，與大阪燒有一點對比，雖明白多汁會令餅底變淋，如醬汁可另上個人覺得更佳。Asahi來這裡當然要喝一杯，解解渴，味道偏重的。

今日國慶日和太太往荃灣lucky u食晚餐, 我們點了魷魚菠菜芝士煙肉忌廉汁意大利粉, 烤西班牙黑毛朱扒配燒新薯及菠菜,Califorina punch和Manzana特飲, 魷魚菠菜芝士煙肉忌廉汁意大利粉魷魚彈牙, 菠菜味新鮮爽口, 芝士味香濃而且好滑, 煙肉味道適中、忌廉汁味道香滑, 意粉好爽口, 整份魷魚菠菜芝士煙肉忌廉汁意大利粉份量十足, 味道香濃食落不油膩, 十分美味；烤西班牙黑毛朱扒配燒新薯及菠菜黑毛朱肉質鮮甜, 烤得香脆, 配上美味燒汁和香甜芥茉醬食落更能帶出黑毛朱的惹味, 新薯烤得香脆爽口, 菠菜食落爽口清甜；mocktail我們點了Califorina punch和Manzana特飲, Califorina punch內有菠蘿, 橙和cranberry, 菠蘿味,cranberry和橙味好出好鮮甜, 飲落口感清新, 味道可口；而Manzana賣相吸引,內有蘋果, 青蘋果、青檸和梳打水, 蘋果和青蘋果味道清甜, 青檸味道好香, 梳打水味道可口, 飲落有消暑感覺。餐廳座位舒適, 食物美味, 價錢合理, 而且氣氛一流,有飛鏢機,beer pong 和球賽觀看, 適合朋友聚會

Great service from a very friendly Alex, who recommended different dishes and drinks when we couldn't decide what to eat. We ordered a spaghetti black truffle scallop crab meat cream sauce and a Japanese style 6" pizza. Both dishes tasted excellent, especially the spaghetti !

平日的晚上，我與友人相約這酒吧晉餐談談天。到達的時候才六時，酒吧只有我們一桌食客。環境挺好，而且BEER PONG、飛鏢也一應俱全，晚上應該滿足到很多小酒鬼的要求。對我們來說，六時多來卻是剛剛好，可以靜靜的享受一下聊天的時光，也可更專心嚐一下這裡吃的。輕煎帶子鮮橙沙律：酸酸甜甜的，吃下口裡盡是鮮味。煎帶子也處理得很好，保持得到帶子的鮮味，這沙律的壓是道很好的開胃菜，推介！在選主菜時，店員看到我們的掙扎，便推介我們嚐嚐這裡的薄餅，說是全自家製的，而且每天只售二十份。見他這樣極力推介，我們便試試吧！這冬陰公薄餅也算是罕有的口味吧。這裡搓的餅底真的不錯，我個人本身也是喜歡脆身的薄餅的，覺得吃進去沒那麼飽滯，而這款酸酸的，更加開胃吧。它的SIZE也較小，兩個人解決一份絕對沒問題！另外我們也點了和風炸魚漢堡。炸魚處理得很好，和風的醬汁也可以，算是中上水平的漢堡啦。下次可以試試這裡的牛呢。薯條也好吃。整體來說，以酒吧來說，這裡的食物質素十分不錯，看得出廚房和餐牌設計也很費心思。在集團橫行的今天，我定會更多支持這家心思小酒吧的。荃灣人也多多來支持一下跑！

地方又大～而且都幾多野玩！成班朋友去就剛剛好！好舒服黑松露帶子蟹肉忌廉意大利粉 🍤$128 評分: 7/10 黑松露味幾香，配上份量幾多既蟹肉，整體食落幾creamy炸雞拼盤 🍗 $108 評分: 7/10 原本有雞搥 😂但係賣哂 😂所以轉哂雞翼 🤤味道不錯，外層好脆，調味啱啱好，肉又唔會dry 👍🏻旁邊仲有薯條同沙律菜，份量都幾多Mancana 🍹$78 評分: 7/10 Mocktail 🍎蘋果加青蘋加梳打水 🍏甜甜還不錯

今次黎到荃灣飲酒！但個日頭痛食藥 🤦🏻♂️所以就無咩試到d酒啦 🤦🏻♂️依到既環境唔錯，感覺唔會好雜好亂，地方夠哂闊落，坐得幾舒服 👍🏻另外仲有飛標，圖形桌球，投杯球玩 😜投球杯係鬥快將乒乓球拋入對方既十隻杯內，令對方變成無杯，咁就贏啦 🙂投入左仲會變色同有聲架，好鬼過癮 一一一一一一一一一一一一一一 輕煎帶子鮮橙沙律 🍊$108 評分: 7.5/10 幾fresh既沙律，用左橙汁做sauce 🙈帶果香 🍊食落好香甜，仲有橙肉添 😜帶子係刺身帶子，煎得夠香口，食落鮮甜 香煎魚手指伴薯條 🐟 $98 評分: 7.5/10 今次既魚手指係用左原條魚黎煎，而唔係炸！食落無咁油外，魚味好出，夠嫩夠juicy 🐠同平時食開既確係有唔同 🤤另外仲有沙律菜同炸幼薯配自家製他他醬，咸香味配帶甜既他他醬，不錯喔 冬蔭公辣牛肉鮮蝦Pizza 🐮$68 6"/$118 12" 評分: 7/10 冬蔭公味幾重，餅底幾脆口

呢間餐廳唔算係荃灣市中心個d位係比較偏小小, 如果平時唔行遠d其實都唔會發現到!餐廳係以酒吧咁樣既形式有得玩 ,有野飲, 有野食!呢到魚手指係主打,不論肉質上同味道上都係一流,唯獨要講唔好既,就係熱氣!意粉好大碟要注意,都係傳統既圓頭意我比較中意食偏意粉, 一般會吸引到人再次食同推介給朋友既都係偏意粉多! 因為口感上會彈牙好多!意粉味道不錯, 唯太大碟, 盡力食都食唔晒t_tpizza黎講呢間餅底比其他餐廳要脆,師傅應該落左d特別既整法,主要係餅底!其他如果問要改善既話~我覺得如果有千島醬選會更出色!不過始終餐廳主打不是pizza成間餐廳氣氛服務都好,夜場會比較優勝!玩下野飲下野既話就岩~!