六和冰室

Open Now

Now Closed

六和冰室見有group介紹，comment 唔錯，所以就同屋企人黎試下。7大3小叫左👇🏻金菇肥牛煲晚餐set ,$79(有白飯+餐飲）沙嗲味係沙嗲火鍋果種，份量ok,牛肉唔吝嗇雜菜粉絲煲，正常蠔仔粥大份，蠔仔新鮮，好夠熱，略嫌啲湯唔夠多，食到尾淨好多粥牛仔骨，味道幾好，但啲肉有啲un砂鍋雲吞雞煲，湯好飲，雞好嫰，雲吞好食椒鹽雞軟骨，好食，香脆，惹味仲有虎皮尖椒炒大腸，尖椒唔夠辣，大腸好食地方闊落，環境光猛，下次會再嚟

老友住喺麗港城嗰邊，所以元宵節就過嚟觀塘呢邊搵食。估唔到咁耐冇黎觀塘，成條成業街竟然有咁多餐廳！老友話呢間新開嘅六和冰室唔錯，所以姑且一試！今晚都叫咗幾多餸菜，不過唔係好記得影相，好多小菜都做得好出色，熱烈推介招牌吊燒骨、豉油王大蝦、仲有豉汁聖子煎米粉底！個煎米粉底真係一試難忘，呢排夜晚冇食澱粉質嘅我都忍唔到口食咗好多！仲有老友嗌咗一個薑蔥魚卜，平時嘅我一定唔會叫呢個，因為我平時怕腥唔食魚，見老友猛咁話好食，咁就一於試一試，估唔到真係彈牙冇腥味好好食！佢哋自家製嘅薏米水都好出色，仲可以免費添加，呢樣真係非常值得一讚！估唔到做餐廳都咁周到！現場好多檯都係叫烤魚，已經約咗老友下次嚟食烤魚，希望都有驚喜。

成班朋友聚餐最啱黎呢啲空間闊落嘅餐廳飲飲食食除了茶餐廳嘢 仲有小炒 雞煲 烤魚 海鮮等 基本上係有咩想食 都有得叫今次試左雞煲 下次想試埋個烤魚🐟.🐈🎀 ᴛᴀsᴛᴇ: ★★★★☆ ᴠᴀʟᴜᴇ ᴡᴏʀᴛʜ: ★★★★☆ .▪️藥膳雞煲 - $198 (一隻) ✩▫️梅菜扣肉煲 - $78▪️香芒沙拉骨 - $78 ✩▫️芥蘭炒臘味 - $78▪️西蘭花炒蝦球花枝 - $78✩: ᴋᴊᴀɪ ʀᴇᴄᴏᴍᴍᴇɴᴅ.雞煲套餐會配上每人一盅燉湯及15款火鍋配料藥膳雞煲藥膳味重 非常正 份量都好多 超級抵食 飲飽食醉一流享受.香芒沙拉骨都值得一試配上濃郁嘅沙律醬 味道酸酸甜甜 好好食😋.❝☺︎ ғᴏʟʟᴏᴡ ᴜs @ragdoll.kjai ғᴏʀ ᴍᴏʀᴇʀᴀɢᴅᴏʟʟ ᴅᴀɪʟʏ𓃠⸝⸝꙳ • ғᴏᴏᴅɪᴇ𓌉◯𓇋 ‎‎‎• ʟɪғᴇsᴛʏʟᴇ⋆♬︎ • ᴛʀᴀᴠᴇʟ*⋆✈︎❞

二訪 六和冰室烤魚、小炒同樣出色烤海鱸魚 （香辣-BB辣）- $268烤魚有香辣、酸菜、蕃茄湯三隻味，我地就選左香辣，雖然只係叫BB辣，但上面d辣椒一d都吾少，怕辣嘅係一開始最好拎走部份辣椒先。香辣湯底真係好正，吾會死辣，麻香、咸味都剛好，煮到最後都仲好惹味。烤魚拎去炸過，皮脆肉嫩，海鱸魚吾算多骨、但就好多肉。配料十分多，有薯仔片、蘿蔔片、蓮藕片、豆卜、同大量芫茜、芽菜、豆皮。另外仲有一大碗薯粉，吾會吾飽，但有興趣可以再付費加火鍋配料。🥢六和小炒王 - $88小炒王配料十足，除左有大量韭菜，仲有脆口嘅腰果、彈牙嘅魷魚、肉粒、銀魚乾、蝦乾等，有鑊氣得黎口感豐富。🥢菠蘿蜜桃咕嚕肉 - $78咕嚕肉份量好多，咬落吾會硬，，而且好黏汁，酸甜汁好正，配搭洋蔥🧅、青椒🫑、蜜桃🍑、菠蘿🍍，色彩繽紛得黎，又有蔬菜配搭，健康d。菠蘿酸酸甜甜，蜜桃都香甜，洋蔥青椒爽口。

同男朋友仔放工黎食下野，由於唔係太肚餓，所以淨係叫咗啲小炒。砂鍋雲吞雞煲$108做得好出色，鮮蝦雲吞彈牙有口感，而雲吞皮亦都好薄，吸收晒雞湯嘅精華，令到雲吞皮食落都有雞味。至於雞件，雞皮好滑，雞肉亦都嫩滑吾會老。墊底嘅仲有娃娃菜，一樣吸收晒雞湯嘅精華，好好食。一鍋就有菜有肉有雲吞😆豉椒炒蜆$98蜆肉大隻，炒得入味，份量亦都唔少，豉汁煮得好好味，亦有唔少青紅椒同洋蔥做配搭。椒鹽豆腐$68豆腐切成三角形比較大件，雖然個皮都好薄好脆，但豆腐並吾滑，所以口感吾太好，但調味係唔錯嘅除左小炒，呢到仲有雞煲、酸菜魚、烤魚、打邊爐，都好出名，有機會可以試下。

好味嘅烤魚，魚很新鮮味道又好，加上配料很多。再加埋所叫的火鍋料，三個人都食唔晒，很抵食又實惠；每人都係二百一十元便吃得很飽，薏米水很適合呢種天集喝，很窩心的冰室。

六和冰室-觀塘好耐冇食過烤魚，黎到觀塘一於去搵下有邊到有得食，就搵到六和冰室，店舖裝修好有香港傳統特色的圖案/相片坐低後叫了G餐，招牌烤魚(海鱸魚）$268由於唔知辣度所以先叫了香辣味（BB辣）落單後等左大約10-15分鐘，烤魚終於到，條都好大條同埋能夠見到條魚係半煎炸過。辣椒數量都唔少，愈煮愈辣，可能下次要叫唔辣好啲。 烤魚內有紅薯粉，吸埋啲汁都幾香口。另外亦叫了一些火煱食材包括日本黑豚肉（＄68）、自家制黑魚丸（＄48）、竹笙（＄38）、高原娃娃菜（＄38）火鍋配料其實就非常一般般，自家制黑魚丸煮落食落亦沒有彈牙的口感…另外因為食到辣辣地叫了薏米水及 ZERO無糖可樂,薏米水清清地飲落都幾舒服總結，食物及環境屬於一般

呢日同朋友去觀塘camping 店巡完舖，大家都諗起上次《六和》嘅小炒唔錯，地方光猛企理，店員有禮，記得佢仲有雞煲同烤魚食，一於去試埋🐔 vs. 🐟🐟✌🏼✌🏼結果揀咗招牌烤魚（因為我同朋友其實都未食過烤魚鍋㗎😅），諗住得條魚悶悶哋，所以另外加多4款火鍋配料 同一jar自家制薏米水招牌烤魚魚有得揀海鱸魚或者沙巴龍躉味道有得揀香辣、酸菜或者蕃茄我哋order 咗BB香辣海鱸魚上枱嘅時候wow咗一聲！條魚大大條兼炸得香脆，個鍋好大仲有好多配料！分量比想像嘅多好多，我哋兩個人食應該已經夠哂，早知唔使加配火鍋料都得 🤪魚肉經炸過之後表面香脆，喺鍋入邊滾一陣再食，肉質啱啱好，保持鮮嫩湯底香辣汁非常惹味，配有大量芫荽、芹菜、萵荀、蘿蔔、大豆芽、豆腐卜、千張同紅薯粉睇得出佢哋放配料度落咗心思，樣樣配料都同炸魚同埋個湯底嘅香辣味好襯～ 自家制韭菜餃店員話餃子係店舖自己包嘅呢到嘅韭菜餃加咗馬蹄，中和吓濃郁嘅韭菜味，幾啱想食韭菜但又怕陣味太濃嘅我午餐肉呢款火鍋配料係朋友指定order，係佢打邊爐食火鍋必食之選，估唔到同啲烤魚汁又幾襯啵油麥菜啲菜吸晒烤魚汁，不過對於我呢個食辣BB學員嚟講～有啲辣🥵～穀飼肥牛打

觀塘真係好多好野食，而且我發覺好多都有共通點，就係地方大，喺疫情之下出街食飯依樣野都幾重要，距離遠啲都食得安心啲。好似我早排去既 #六和冰室 咁，位處工廈中，地方相當濶落，而且唔係一般茶記食快餐，晚市亦有鑊氣小炒、雞煲、火鍋、海鮮等，約埋朋友啤啤佢唔錯。私心推介小炒必試👍炸乳鴿皮脆肉滑，夠入味，鴿鴨算中型size, 都幾多肉，$38隻抵食。鳳梨蜜桃咕嚕肉夠晒鑊氣，咕嚕肉香脆挺身，包裏着酸甜醬汁特別醒胃。仲有新鮮菠蘿和蜜桃，水果入饌更清新，夏天好岩食。避風塘椒鹽鮮魷鮮魷彈牙而充滿韌性，一食就知好新鮮，脆醬鬆化唔油膩，加埋香脆炸蒜。送飯一流。雞煲套餐都勁抵食，只要每人$198，可選一款雞煲+ 15樣配料，我初初都以為自己聽錯🤣 真係好豐富。🐔清香椰子雞煲湯底本身已經係豬骨煮成，有椰子肉、杞子、紅棗等，鮮甜滋潤。雞件有半隻雞既份量，光澤新鮮，煮熟都唔鞋口，好嫩滑仲食得出雞味。配料選擇都唔少，我地點左肥牛、黑豚肉、幾款丸類、自家製雲吞、炸響鈴、蔬菜等等。15款真係包羅萬有，可幸份量不是太多，食完小菜雞煲飽飽地，依個份量剛剛好，唔怕浪費食材。最後記得要點飲品🍹，巨人爆檸🍋、洛神花茶🌺、菠蘿青檸蜜

今晚同朋友去左呢間冰室食飯呢度環境整潔明亮，場地好大～呢度既食物種類好多元化既有烤魚，又有不同口味既雞煲又有各式小炒，選擇好多我地先要一份椰子雞煲～一份已經係全隻雞既分量椰子雞煲超足料後添的仍是椰子水，所以湯頭清甜潤喉，雞肉肥嫩食完雞煲後我地都點左兩款火鍋料過下邊爐癮小炒水準也不錯不論係避風塘椒鹽鮮魷定係香桃菠蘿咕嚕肉都香口夠鑊氣！！！呢度仲有幾款珍寶size既特飲！！！夏天熱辣辣，飲完呢杯之後即刻消暑又解渴

我同朋友都好鐘意食雞煲 觀塘收工近近地搵到間冰室晚市食雞煲邊爐 二話不說即刻去啦呢度除咗雞煲仲有烤魚 但我哋今日目標係雞煲 想香口但月事嚟所以選擇咗麻辣雞煲既小辣 味道方面啱哂怕辣但鐘意鹹香味既人食 佢另外仲有藥膳雞啦 清香椰子雞 同埋胡椒豬肚雞 幾種口味可以選擇 雞件份量都足二人份量$200有找 飲品超大杯 店員好nice仲包另外十五款邊爐料食完雞煲後接著就到邊爐時間 每份配料都係小份上 可以食到多款配料又唔洗驚會做成浪費 味道價錢方面都ok 附近返工 收工想打個平平地既邊爐過下口癮都得

約了舊同事聚舊，要我去觀塘附近，因為有間新開的六和冰室想跟我試試。地方好大幾舒適，又有電視睇幾好。有烤魚、雞煲、海鮮餐、小菜，選擇眾多。巨人爆檸 $28嘩大大杯，成個檸檬加可樂，打邊爐絕對需要！招牌烤魚海鱸魚 $268 少辣原條大魚炸好上檯，表面有辣椒、花椒八角、芫茜等，畫面相當壯觀，好吸引！另外配有吸汁的薯粉可以先食脆卜卜嫩滑魚肉，骨不算多，好適合我。鱸魚下有豆卜、蓮藕、萵筍、蘿蔔、薯仔、千張等，配料十分豐富。另外點了脆卜卜魚皮 $32，夠薄可即食，浸湯又夠惹味。還有黑豚肉 $68，剛巧賣完未夠一份，所以老闆加部分肥牛。也有竹笙 $38 一碟好多條，吸湯一流。黑豚肉好大塊，有肉味有點嚼勁。

觀塘友發現#六和冰室，點只冰室咁簡單，晚上可以食下雞煲、烤魚同打邊爐，仲有其他小菜，佢聽同事講食物質素幾好，於是約埋我黎擦番餐☺️。坐在卡位闊落又舒適，點了胡椒豬肚雞煲（1隻），待湯滾起了，即盛起一碗品嘗，胡椒味道很濃郁香口，雞肉都很入味跟嫩滑。隨後再點選了竹笙、蟹柳、皇帝菜跟讚岐烏冬加入打邊爐🍲，正啊☺️。喜歡食魚雲的我，額外點左刴椒蒸魚雲，很大碟蒸到熟度剛剛好，之前雞煲己飽左大半，但佢個汁辣辣的幾惹味，傾下講下就食晒佢了。自家制涼茶（煲薏米），大大支都只售$30，清熱又解渴☺️👍。

我無意之中見到有一間餐廳有烤魚、雞煲、火鍋、小菜於一身滿足晒我幾個願望不過今次主要食雞煲既，因為有人想食我第一次試全個椰子煲既椰子雞😆因為之前無食過同款雞煲無咩比較到但可以食到雞係新鮮既，唔會有雪藏既味道比起我以前食嘅雞煲健康好多椰子味好香，一開始飲左湯先👍🏻店員仲送咗薏米水俾我哋添薏米水清甜，好足料有成四分一支既薏米分量都大概有4杯左右雞煲可以自由選擇15款配料，火鍋配料選擇多用料新鮮，牛肉比較薄身，好快就熟啦，肉味唔係好濃，但對得起依個價錢。cp值都幾高另外見到佢啲小菜，心思思都想食粉絲煲最後加埋蒜香粉絲蝦煲，做得幾乾身，好惹味，一煲都有6隻蝦🤭勁快就俾我地兩個人ko 晒，好滿足下次會想食小菜，見其他客人都叫小菜，好吸引，今次食左雞煲就食唔落其他小菜😂

朋友在觀塘工業區工作今天到他附近探他，隨便在附近的餐廳吃個飯，主要目的是聊天為主，但竟有驚喜。兩個人叫了兩個肉一個海鮮再加過個豬油飯及飲品賣單才三百元有找，正。我們叫了一個餐牌推介的話梅骨，一個三杯雞及一個中蝦粉絲煲，配合了懷舊味道的豬油飯。話梅骨酸酸甜甜的非常引起吃飯的胃口果真沒有介紹錯，不習慣晚上吃飯的我也吃了一點。另外他和三杯雞很有獲氣，而且味道不會過咸，味道剛好。中蝦粉絲煲的中蝦尺寸份量都不少，抵食。最特別是有豬油飯，是一個久違了的味道，乾身蒸出來的白飯配上香濃的豬油及少量的鼓油，如果是下午時段應該可以吃上兩碗。總體來說，性格比不錯，有機會會再來。見旁邊有人吃烤魚，下次有機會可以一試。