六和冰室

Open Now

Now Closed

環境非常寬敞，而且大枱都夠多，啱晒一班朋友食嘢吹水😛明爐烤魚（一條）$268超級超級大條，色香味俱全！條魚本身已經炸得夠香脆，再放喺爐上面一直keep住熱食，非常滋味。 本身想落單嘅時候叫定啲火鍋配料，但店員提我地可以等烤魚上咗菜先先決定。果然烤魚下面真係有好多配菜，食到我哋勁飽😹😹$268兩個人真係超級超級抵！除咗烤魚雞煲呢啲重口味之選，佢仲可以叫小菜，咁我哋就叫咗個椒鹽豆腐（$68）～脆得黎又好滑☺️🤤好正！

觀塘一向都多野食，平時都會喺啲工廈到捐窿捐罅搵嘢食，今次就簡單又直接，同一行嘅朋友好隨心咁入咗一間地舖食飯。環境有啲港式感覺，空間都幾大。呢度嘅選擇都好多，有雞煲、烤魚、小炒等，當日就好想咩都試吓，於是乎叫左烤魚同幾碟小菜。香芒沙拉骨甜酸口味嘅沙拉骨，芒果味未算好出，但配上濃郁嘅沙律醬，即刻想食多幾舊。蒜香粉絲中蝦煲香氣十足，粉絲好入味，而且仲有唔少蝦喺入面，美中不足要自己去殼，哈哈！避風塘椒鹽鮮魷次次食小炒都要叫返碟椒鹽鮮魷，即叫即整，熱辣辣！蜜椒薯仔牛柳粒推薦必點，粒粒牛肉方便入口，薯仔天係精華，好快比人清晒嘅一碟餸明爐烤魚*BB辣重頭戲—烤魚，煎到香香地再煮嘅魚，入面已經包括咗不少嘅菜，味道不錯。驚唔夠飽，我哋仲叫咗芝士腸、蟹柳、唐生菜、炸魚皮、自家制蝦丸、魔芋絲加餸，一大班人嚟唔洗驚唔夠食！

之前試過呢度嘅雞煲覺得唔錯，今日同朋友放工決定黎試一試呢度嘅烤魚。餐廳都幾大，係港式懷舊風格嘅裝修。一條鱸魚($268時價)， 有唔同辣度揀，我哋揀左bb辣。 條魚好大條， 炸到金黃酥脆， 唔多骨亦都好多肉。底下亦都有好多配料例如萵筍，蘿蔔，芽菜蓮藕片，豆皮同埋豆卜， 另附上一碗薯粉。 湯底十分惹味。我哋嗌咗一份手工墨魚丸， 用個魚湯打邊爐好正。我哋亦試咗兩款小菜， 分別係馬拉盞啫啫通菜煲同埋椒鹽豆腐， 正正常常，我哋都鍾意烤魚多啲。呢度有是日涼茶，今日係薏米水都唔錯，唔會太甜

呢日放工餓住個肚趕去觀塘工廈陪朋友買camping gear，shopping完之後嗱嗱聲喺附近搵地方醫肚，見到呢間冰室新簇簇，望落光猛企理，有小炒、雞煲同烤魚食，入去試試先🔸蜜椒薯仔牛柳粒 啖啖肉冇骨嘅好選擇都幾大碟，分量十足牛柳粒夠淋，夠入味薯仔可以再脆皮啲仲吸引🔸漁香茄子煲賣飛佛，每次到未去過嘅中餐廳都會叫嚟試吓佢哋嘅水準《六和》嘅魚香茄子煲熱辣辣咁上檯，聽到咋咋聲之餘，個煲仔熱到啲汁係咁彈出嚟 😲😲茄子🍆爆過鑊，保持靚靚嘅紫色，肉粒同鹹魚粒漁香味👍🏻，油膩感唔重，送飯一流水準中上～🔸川醬炒田雞呢個係店員介紹㗎，我都唔記得自己有幾耐冇食過田雞，見係推介，叫嚟試吓先小炒夠鑊氣嗰川醬汁好惹味田雞髀啖啖肉，食得好滋味有部份位置炸到脆卜卜，連骨都食埋～推介俾鍾意食田雞嘅朋友 🙌🏻🔸鹹菜胡椒豬雜湯陣胡椒味啱啱好(有啲地方陣胡椒味會太搶，太辣喉)除咗有豬雜: 肥腸、粉腸、潤、豬肚; 仲有幾片滑滑嘅厚切豬肉片叫咗細啲嘅份量，點知都一大鍋，仲要落足料，結果打咗包，第二日lunch叮翻熱嚟飲，公司嘅同事個個走埋嚟睇吓乜嘢胡椒味咁香！😏😏呢到嘅小炒唔錯，而且上菜速度超快，鑊氣十足！環境光猛，空間感大

22/6/2022 晴男朋友知我中意食烤魚, 個肚未好返曬都帶我黎食❤️ 咁今晚唯有你食少d 我食多d 啦😗一去到餐廳好大好光猛, 坐位空間闊落, 已經見到有人食緊雞煲同烤魚😍埋單時細問老闆先知原來餐廳上個月15號先新開張, 接手黎做, 唔怪得成晚完全feel 到老闆好有heart, 服務態度又超好, keep 住團火啊💪🏻明爐烤魚 $268烤魚係鱸魚黎, 多肉唔多骨👍🏿本來怕一條食唔曬想叫半條, 但原來而家暫時只有一條可以叫😯不過最後我地都食曬成條, 證明一開始ge 諗法係多餘, 哈哈因為男朋友個肚未好返曬所以叫左bb 辣, 黎到都好多辣椒同花椒, 好有味☺️鱸魚炸到超香脆, 肚餓得濟已經唔等下面d 湯滾起直接食用😝因為冇咩細骨, 所以好arm 男朋友食, 而我呢, 梗係所有骨都"孫"曬, 連個魚頭都食埋啦😂 男朋友次次見我食魚都覺得好神奇, 同覺得條魚死得好值😅烤魚配菜都有好多, 入面已經有萵荀, 薯仔, 豆卜, 豆皮, 蓮藕, 白蘿蔔同豆芽, 仲配埋一碗薯粉, 真係食配菜都飽！萵荀我至愛, 男朋友竟然唔好, 唔洗同我爭, arm 曬😂薯仔蘿蔔同蓮藕等佢煮耐d 入味d先食超正🤤身為大食

不嬲都好鍾意食烤魚，曾經都中伏左幾間，去開觀塘今日就試吓呢間小店❤環境方面，入到去比想像中大好多，位置都坐得舒適小店位於工廈附近，價錢相對上比起出邊實惠，配菜大件夾抵食，烤魚時價錢都係二百幾蚊！！！真係好抵！ 烤魚一上枱都幾驚喜，好少有廚師咁俾心機煎到條魚黃金香脆🥹🥹🥹食落去好惹味，就算冇麻辣汁都好好食，朋友們對條魚都讚不絕口認真！🤣同埋原來呢間舖頭外賣嘅話會有埋盤同埋爐，都好方便！！ 喺屋企同朋友聚會食呢個一流！

今日放學後，同同學仔一齊去食烤魚，見觀塘工廠區開咗一間食烤魚打邊爐冰室，價錢見得適中，於是就入去試吓，個餐廳場地都好大，接近一半都係卡位（大大張)都好闊落，都啱晒一堆人打邊爐張枱又可以到好多餸菜🤭🥰我哋係烤魚迷，啲配菜都好多款式價錢唔貴。1.明爐烤魚 （時價，我哋叫個時差唔多$200多小小 不是特別貴）烤魚真係要讚一讚！佢原先廚房已經炸到金黃色，熱辣辣脆卜卜，出到嚟嘅時候再煲一煲，明顯同出邊一下會有少少唔同😆出奇地好好味！暫時係我最鍾意嘅烤魚，而且味道都好足夠！2.配菜：萵筍、娃娃菜、粉絲、牛肉水魷魚都唔錯！3.竹笙（朋友仔好鍾意❤️佢一人已經食咗一大半，佢話好脆口）另外我哋叫咗每人一杯凍檸茶、1扎竹蔗茅根！買單都係$700左右，好平！下次會再幫襯

講唔停一直都好鍾意食辣烤魚❤️‍🔥 前排發現咗觀塘有間新嘅冰室有得食雞煲烤魚 所以就同朋友去咗試吓啦😛✔️明爐烤魚$268講唔停嗌咗中辣🌶 面頭有勁多辣椒但係食落唔會太辣啊 好欣賞烤魚肉質紮實 完全唔會有細骨 魚嘅外層仲脆脆的 好惹味🥰✔️日本黑豚肉＄68呢個有驚喜‼️ 肥瘦適中 肉質柔軟帶油脂感 重重嘅豬肉味 很值得一試💯✔️自制墨魚丸＄48雖然墨魚丸size唔係話好大粒 但係夠晒爽口彈牙😋 ✔️毅飼肥牛 $85✔️金針菇＄38✔️生根$38✔️炸魚皮$32整體來講 講唔停覺得呢間餐廳嘅性價比都唔錯 講唔停最鍾意都係佢哋個烤魚同黑豚肉💫

放工同幾個同事食飯，觀塘工業區出名食肆多，同事介紹話呢間嘅烤魚正，地鐵站行大概5分鐘就到好方便，一於就跟大隊試一試先。 餐廳牆壁設計具心思，貼滿香港繁榮街道的牆紙，滿滿本土情。枱與枱之間有相當的距離，坐得舒適。 先來個烤魚，有BB辣、中辣、大辣可供選擇，我哋當中有不太吃辣的朋友，還是BB辣比較好。十分足料嘅烤魚煲上桌，有白蘿蔔、薯仔片、䈑筍、蓮藕片、豆卜等等，雖說是BB辣，但魚的表層上堆滿了辣椒粒、花椒，是來勢凶凶的，麻香味十足。對食得辣嘅朋友仔而言，下次的確可以試試中或大辣，相信會更滋味。對不太吃辣的朋友仔都覺得這個BB辣是可以接受。 條魚很大條，師傅將外皮首先煎至金黃香脆，魚的肉質鮮嫩，餐廳另外還附上薯粉，剛好吸收了鍋內的麻香，好好味，而且䈑筍同豆卜吸收曬麻辣嘅香味，正呀！食到停唔到口！ 吃過烤魚後其實都半飽，另外我們加了美國肥牛、炸魚皮同自家製蝦丸，全部都係麻辣湯底必叫嘅。特別要讚蝦丸，細細粒一口蝦丸，爽口彈牙。 我地食下傾下就一晩，食物有質素又坐得舒服，約定同事下次再來食雞煲。

今晚去左觀塘覓食 搵到呢間冰室😆 有烤魚 雞煲 同小菜 勁多選擇 😚😚 因爲天氣熱既關係 我同朋友選擇左小菜😂😂😂 老細好好咁過黎介紹招牌菜叫左魚頭煲 椒鹽鮮魷 同 吊燒骨魚頭超大 魚雲嫩 入味 好味 然後底下仲有驚喜啲。有紅燒豆腐 腩肉 同埋 兩三塊魚肉🤓 超抵食 平時吾食魚頭既我對魚頭改觀了😆😆 老闆系我地食緊個時都同我地講佢最中意呢個小菜😂椒鹽鮮魷系我去親呢類餐廳既no1 choice 黎到果然不失期待 大大碟 出面脆口入面軟熟😋😋之後招牌吊燒骨 味道好好搭配蜜糖 吾會話好甜 感覺剛剛好 仲會見到好多蜜糖系底 老闆大方🤣🤣 但佢上面啲腰果我吾太好果仁 所以有啲浪費了食緊期間望左兩眼雞煲同烤魚既選擇 發覺雞煲好抵食咁 打算下次要黎試下佢既雞煲😎😎 海鮮粥底火鍋都好吸引啊🤓🤓

明爐烤魚bb辣係今晚既主菜，直接跳到結論就係好食加抵食。先講份量，其實細食啲既人黎講，2個人真係唔會食得哂。味道更加冇得彈，魚肉係鮮嫩既，但記得唔好太遲食，煲耐左冇咁滑。啲魚皮本身係煎到好香脆，加上本身既四川麻辣湯底係極惹味。個餐本身包左啲好易入味既配菜，例如豆卜，芽菜，仲要好好味好爽口既薯粉。萵荀係個四川辣汁入面浸住慢慢煲入哂味簡直就係一絕。我地另外加左以下配菜：美國肥牛唔會太肥但好有牛味，炸響鈴加上呢個湯底又係超正，自家制蝦丸啲蝦肉好爽口彈牙，鮮腐竹係好新鮮嫰滑同埋佢每片都好薄身，簡直係滑入口腔既感覺。以上既食物已經令到2個人極飽，因為呢度既野都真係幾足料抵食。

前幾日收工勁大雨同個frd直接衝咗入嚟坐住先，地方好闊落，兩個人都有得坐卡位！見到有呢到有雞煲食又心郁郁想試下，所以嗌咗個雞煲套餐。每人一盅燉湯，個湯真心正，好足料！食到有螺肉，雞肉同雞腳，飲到一滴不剩～😍我哋揀咗招牌麻辣雞煲，可以跟15款配料，啲雞食落好惹味！我揀小辣就啱啱好，雞嘅份量都好多，重點係啲雞肉唔老，口感嫩滑，個雞係令我surprise嘅！重點講下幾款配料～美國肥牛：好好食！！牛味濃帶油脂，食落似安格斯質素，感覺唔係 cheap牛！手打墨魚丸：彈牙好味竹苼：吸曬啲湯汁好正雲吞同蝦丸味道都唔錯～個略嫌雲吞皮厚咗啲食住雞煲飲埋個檸檬薏米水已經好爽～對得住價錢，CP值高，下次想試埋佢個烤魚同小菜😝～

今日接完老婆放工，又喺觀塘搵嘢食，行到成業街見到依間六和冰室，以前嚟過但係轉咗手，記得之前嗰間都唔錯，就入去試吓。環境唔錯，都闊落坐得舒服。見到有幾檯叫咗烤魚，老婆鍾意食魚，都叫咗一個烤魚鍋，因為時價，店員話2xx元一條（吾忘記😅），今日冇得半條賣，擔心食唔晒，就叫咗BB辣魚先，再加一份細榖飼肥牛，食住先。條魚都唔細條，對我嚟講有少少辣，我老婆就啱啱好。我怕有骨，唔想食太多，但係原來條魚淨係有一條大骨，其實好多肉，店員話係鱸魚。同下邊好多伴菜，有芫荽，豆卜，蘿蔔，萵筍，等等，唔怕唔夠菜。跟魚送一碟薯粉，同埋一jar薏米水。真係好夠兩個人食。其實吾叫碟牛肉都夠。條魚真係好好食，我老婆已經即刻約朋友下星期再嚟食，因為佢可以叫辣啲，唔使就我。

觀塘有間新開嘅小菜雞煲🍲餐廳嘅設計主要以香港作主題雞煲每位只係💲198雞煲有3款選擇👇🏻❤️麻辣雞煲❤️花雕醉雞煲❤️胡椒豬肚雞煲今日想食得滋補啲，就揀左「花雕醉雞煲」每位仲有一盅燉湯「姬松茸淮山螺頭」湯料好足完全係滋補養生湯水味道好濃郁，好有ʜᴇᴀʀᴛ❤️另外，花雕醉雞湯好正好好飲呢個價錢，可以有咁高質嘅鍋底，真係好有驚喜雞件我哋用浸熟嘅方法，所以啲雞肉質好嫩滑大家不妨都用呢個方法整熟啲雞喇‼️我哋仲叫左15款火鍋料豚肉片好大塊我哋揀咗好多蔬菜蔬菜好乾淨新鮮全部都好翠綠！皇帝菜勁好食，吸收哂湯嘅精華想搵間性價比高嘅雞煲🍲，呢度係一個唔錯嘅選擇

今日放工突然落勁大雨，決定同同事一路食飯一路等雨停🤣🤣餐廳應該主打港式情懷，裝修都係十分貼地，坐低見到啲小炒同烤魚好似都幾正咁，所以最後點咗一份bb辣嘅烤魚，另外配咗啲芝士腸、蟹柳、生菜、肥牛、芋絲同埋炸魚皮～烤魚本身已經十分足料，除咗大大條嘅魚之外仲有啲白蘿蔔、蓮藕片同埋粉條係底，條魚嘅肉質都幾嫩滑～麻香味十足，食完烤魚再打邊爐，正！另外，我地都點左好幾道小炒，味道同埋鑊氣都足！有香芒沙拉骨、蒜香粉絲中蝦煲、避風塘豉椒炒鮮魷同埋蜜椒薯仔牛肉粒～芒果沙拉骨啱啱炸起，食落啖啖肉，配埋啲香芒沙拉醬，有一種食緊生炸豬扒配雜果沙律嘅感覺，幾好食！蒜香粉絲中蝦煲很貼心地會剪短粉絲，可以好輕易咁夾起，蝦嘅數量都唔少～避風塘豉椒炒鮮魷即叫即炸，食落辣辣地好惹味，份量又大份，推薦！最後就係蜜椒薯仔牛肉粒，食落充滿黑椒味，牛肉粒亦好嫩滑，呢道菜可以送到幾碗飯！最後仲有檸檬薏米水，紓援我地今晚放縱嘅肚皮🤣🤣🤣滿足的一餐～～