倫哥火鍋私房菜 (Closed)

鍾意嚟倫哥就係貪佢刺身、雞煲、肥牛、海鮮、火鍋配料樣樣齊, 一次過滿足你N個願望。火鍋店嘅刺身質素一向參差, 呢度嘅刺身就夠晒冰凍、新鮮, 仲大大塊, 非常抵食。刺身唔係你杯茶唔緊要, 雞煲轉眼就到, 揀BB辣度, 有少少麻勁, 但又唔會太辣, 啱晒我口味。食到一半記得將牛柏葉、豬皮、魷魚鬚加入雞煲, 炒拌上濃味醬汁後, 惹味非常, 簡直有衝動再來一碟。不過好戲在後頭, 火鍋緊接而來！呢度嘅火鍋湯底不時會轉換新款, 今期係冬瓜椰子雞湯, 一大圈冬瓜肉 , 中間泡著半邊雞, 咁足料, 湯頭就當然清甜啦。一大盤海鮮, 每次送到, 都先引來大家嘅相機。各款海產都非常新鮮, 其中貴妃蚌特別爽甜味美。不過牛頸脊先係我最愛, 牛肉片滿佈油花, 入口脂香豐盈, 肉味仲非常濃郁, 正呀！其他火鍋配料亦一點不馬夫, 記得留肚食啦。最後, 送上滑捋捋嘅冰涼粉, 清涼微甜, 打完邊爐食一流！

今晚約左個住在元朗的舊同事傾吓計，我提議去倫哥，因為真係又抵得又好食首先上左個刺身拼盤先，有大蝦，三文魚，北寄貝，八爪魚和帶子，刺身都幾新鲜，其中尤以大蝦，帶子和北寄貝最為鲜甜之後就係食雞煲嘅時間la, 等個雞煲滚起，要每2分鐘攪一攪，一共攪四次(共八分鐘)，食得la👏👏雞肉好嫩滑，味道辣中帶甜，好惹味雖然雞肉可以任加任食，但記得唔好加，留番個肚一陣食火煱呀！食到一半，記得加埋牛柏葉，魷魚落雞煲呀！ D牛柏葉和魷魚又入味又爽，正呀食完雞煲就送上一碗黑糖冰涼粉俾我地解左口中D辣味先，食完真係好舒服，好潤喉然後準備食火煱la!好驚喜呀! 今期個鍋底係椰皇冬瓜雞呀半個冬瓜放在椰皇雞湯鍋中間，仲有好多椰皇肉和雞脾肉，湯頭好清甜，椰皇味好濃，忍不住飲左2碗雞湯先，好滋潤呀海鮮拼盤的海鮮種類都好豐富，有海蝦，鮑魚，脆鯇腩，脆骨腩，龍躉片，蟶子皇，蟹，貴妃蚌，魷魚，帶子和蜆。所有海鮮都好新鮮，好美味尤以海蝦又大隻，肉質爽甜，大蜆肥美，仲有海水味， 龍躉片皮厚肉嫩，膠質重，蟶子皇肉好鲜甜安格斯牛頸脊肉質嫩滑，牛味濃，紋理好靚，份量很多，黑松露蝦滑和墨魚滑~ 黑松露蝦滑有粒粒蝦肉，黑松露味濃，好出色韭菜

元朗出名多嘢食，不過雞煲邊爐呢啲我都通常會出去番市區食。今次近近哋喺元朗食半任食嘅雞煲邊爐，雖然並唔係全部食物都可以任叫任食，但其實我地全部嘢食都冇再添，因為食咗一round已經超級飽！🤰🏻.一開始會食刺身做前菜，刺身都幾新鮮。刺身係跟人頭份量，唔係任食㗎！.仲有呢兩碟前菜。之後就上雞煲🐤雞煲就可以任添嘅，不過我地食完本身煲入面嘅雞就夠啦！雞煲不過不失吧，唔算特別出色，大家可以留肚for之後嘅打邊爐環節😜食完雞煲就有第一份甜品送上！黑糖冰涼粉甜度剛好，作為中場甜品都OK。.食完雞煲之後，就同店員講可以打邊爐啦！店員會叫你地將啲雞骨掟番落雞煲入面，呢個時候你唔洗驚訝，因為呢到係會換過另一個新煲for打邊爐㗎。我地揀咗番茄薯仔湯，另外加湯嘅話就加椰子雞湯。.火鍋配料質素都唔錯，當中有啲係任叫任食，有啲就限人頭份量。.🐮牛頸脊雖然唔係任食，但本身份量都幾多，我地兩個人差啲食唔哂🤣.🦐🦀🐟海鮮盤有多款海鮮，好似款式每日都未必一樣，大概每日有6-9款。今次食嘅都幾新鮮，我幾鐘意鴛鴦海蝦、脆鯇魚同龍躉片，呢三樣都係任叫㗎！不過就算好想叫多round海鮮，我地個肚都唔夠容量了😹另外每人一隻鮑魚仔、蠔

好耐無食倫哥，今日好掛住，一行三人跑左黎元朗食🤣其實倫哥真係好多分店，不過都好full, 要提早book 位。一開始既雞煲都係完全唔欺場，雞味濃，辣度先選，而家無限任加👍🏻之後既火鍋係椰子雞湯做底，d用既係椰青，非常清甜，椰子肉好好味海鮮盤都係咁eye catching大大盤, 而且清理得好乾淨，鮑魚仔好新鮮彈牙waitress 提我地，除左呢d 火鍋料其實仲可以隨意order一般打邊爐料，如午餐肉，烏冬等等，不過講真，食完兩轉雞煲已經好飽！打卡仲送甜品～水晶涼粉，完美的一餐。

滿滿的一桌@倫哥火鍋私房菜 這是我第一次到倫哥打邊爐，一直都有很多朋友推介好食!其實想來很久了，今日終於有機會了! 元朗好順利大廈倫哥是新開的，客人超多，記得一定要訂桌，即使你只有兩個人，都必須要訂，否則就會無得食! 這裡基本上都是食半任食火鍋，海鮮盤，雞煲，刺身，安格斯牛頸脊較精緻的食材都是限定份量的，而其他菜蔬，丸類和肉類都是任食 但我肯定的是當你食完限定的食物後已經無空間再食任食的項目了 雞煲好惹味!店員好細心幫我地每兩分鐘打開蓋炒，炒了幾次才可以食。這裡的口味是偏辣的，我們平時都好食得辣點了小辣都覺得有點辣，不食辣的朋友要留意!份量大約有半隻，肉質好嫩滑 自助飲料區 食完雞煲送上的水晶涼粉，涼粉好爽，味道很清新，順便可以清下口腔 接著就開始打邊爐，店員為我們換上冬瓜椰子清雞湯底，一上桌我們便呆了!好精美呀!真的不用加錢嗎?!!! 真的不用加錢!!!!嘩，用料真係好落本，大冬瓜入面放住半只雞，用椰子湯煲住，超香！我們先飲湯食雞，那湯頭很清甜很香！而雞也很鮮嫩，之後就開始打邊爐！ 限定的刺身拼盤，件件厚切，色澤鮮艷，食起來沒有腥味! 三文魚肥美，我最喜歡就是甜蝦

打完風好想安慰下自己心靈，跑去食好西又黎到元朗倫哥，由觀塘開始食，食到而家周圍都有分店，真係好方便。今時今日倫哥因為分店多，已經唔洗幾星期前book 位，但平日都依然全場爆滿，大家想食記得訂位先黎前菜：豆角好香甜，木耳好辛辣！坐低無耐即刻送上大大雞煲，味道依然，好惹味，而且無限encore刺身新鮮，esp 三文魚腩，好滿意冬瓜陣打邊爐，好浮誇，中間打邊爐，出面係for溫泉蛋。 waiter 教15分鐘食得，我試左，20分鐘食好d🤣冬瓜煲中間係椰子雞煲 好鮮甜海鮮好新鮮，部分可以encore, 倫哥真係好抵食。。。 不過你要夠大食全晚最愛魚皮響鈴，好新鮮，上果時仲熱，唔通解炸咁勁？

趁星期日放假，約舊同事P聚舊，好耐無去元朗，同P去逛公雞碗店，順便買些小吃。P提議吃倫哥火鍋，原來元朗都有，一於就食佢啦！(早有打算搵日去深水埗試吓)去到時大約6點九，可以即時入坐唔駛等，稍後已經人頭湧湧，lucky!剛坐下先來兩碟涼拌(四季豆和雲耳)然後再來一盤魚生， 味道和鮮度都唔錯，飲品櫃有各式各樣的罐裝汽水和紙包飲品，唔會煲涼茶嘅我，揀咗佢哋自家五花茶。食到咁上下，小辣雞煲來了。見煲內味半熟雞件沾滿醬汁、奶白原粒蒜頭，雞面有些青綠芫茜，顏色吸引。店員說雞要按時翻動，重複4次才熟透可吃我們掛住傾謁，店員又會過來幫忙炒動。抵讚！有得食喇，雞肉滑滑唔鞋，醬汁惹味唔算辣，如果芫茜多些更好。雞煲差不多食到一半，P熟練地把豬皮、牛栢葉和水魷魚倒入煲內，這些食材煮一下就有水份釋出，補充了快乾的雞煲，又把醬汁吸收入味，好煮意。食咗雞煲已經半飽，不如轉火鍋啦…收去雞煲送來2碗透明的甜品，吓，甜品唔係最後先至食嘅咩?店員講解話用來清去口腔內雞煲的餘韻，好似食高級魚生之間要食片薑咁。甜品係黑糖冰涼粉，原來涼粉有透明的， 口感冰涼滑滑，沒有涼粉草的味道，仰賴黑糖給予靈魂，清除餘韻恰如其分，又幾正喎。火

之前睇開HKTVmall ，見到倫哥做特價，又可以近近地食生日飯，之前聽其他朋友講個用料好新鮮，就緊係要朝聖一下！首先店員會比醬汁混下醬先！我哋點左一個微辣既雞煲，雞係生炒既，上枱後炒多十分鐘到就食得，因為同小朋友一齊食，如果食得辣嘅朋友可以點中辣更加嘢味！每位都有份刺身，三文魚肥美，蝦都好甜！食完豐富嘅雞煲加刺身其實都係前菜，食完個雞煲會比個黑糖水晶涼粉，清下口腔，個黑糖味重但又唔太甜。今晚重點係溫泉雞湯，個湯好似平時燉雞汁咁，好濃雞味。海鮮拼盤，海蝦，大蜆好新鮮，可以無限追加，龍躉片好重魚味，蟶子皇同貴妃旁好大隻，呢個拼盤真係落重本！安格斯牛頸脊，肉紋靚，淥幾秒就食得，又係重本之一！餃子都係人手手包嘅，細細隻可以食多幾款口味，丸類每人一粒其實都已經夠晒飽！最後甜品係360牛奶燉燕窩，好香奶味好滑。之前都驚個雞湯咁濃味會唔會落咗味精，但係返到屋企又冇口渴嘅感覺，抵讚！

成日聽朋友講食倫哥火鍋，今次特意約朋友一齊黎試下，地點幾方便，週邊都係食肆 ～首先我以為要單點菜，但原來唔洗～美女先放低配料整醬油，再講解一下食物係由他們按人頭配上的，先食雞煲後轉海鮮火鍋～然後不到十分鐘送上雞煲～當我食左半個雞煲既時候，放埋魷魚同牛柏葉仲有豬皮落去， 個豬皮吸收雞煲既精華超級好食～雞煲食唔到十分鐘又送上一盤刺身～刺身有 北極貝，八爪魚，三文魚，帶子，虎蝦～虎蝦超大隻當我食完雞煲後，要轉海鮮鍋等待中，美女為我地送上甜品～美女為我送上海鮮火鍋，火鍋湯底用雞耐煮出來的，非常清甜～薄薄既牛肉，油脂分佈剛好～墨魚滑做得不錯～入口爽口彈牙～整體上價錢非常合理，首先講個雞煲足料～味到濃，雞肉滑～海鮮份量配得剛好～新鮮大份～另外配上火鍋配料也足夠～丸類餃類也剛好～我既食量不少，亦都食唔哂～仲有任飲既飲品選擇多～雞煲一般食完加湯轉火鍋都比較油，但這次係轉清甜雞湯～非常岩我～

呢餐飯每個人$400都唔洗就可以任飲任食，仲有埋糖水送。問你死未...先黎個刺身醒醒胃先，唔好以為放題冇好野，D刺身夠大夠鮮，一D都唔HEA嫁~前菜上兩碟小食..如果兩個人黎食其實佢地既份量係真係好多..點解咁講?一陣睇埋落去你就知呢個係俾你一邊食雞煲一邊炒呢D黎食，夠哂惹味留意返，食住雞煲可以無限fill但轉左食打邊爐之後就唔可以再食返雞煲嫁喇~D雞既size 岩岩好，一件一口，調味適中，岩哂我口味~再俾大家睇下我既火鍋配料有幾齊全，呢到兩個人係食唔哂.... ...我地叫左呢個溫泉雞。雞既肉汁鮮嫩，而且仲有個冬瓜圍住，記得可以既就唔好整爛個冬瓜，伐D湯汁可以keep住係入面滾更鮮味...呢個海鮮拼盤就算兩個人食，食材都好新鮮，夠哂甜..不過食完佢都開始冇咩肚食其他野TIM><最後黎多個燕窩"登"蛋，好夠滑呀~~雖然唔係所有野都係任食，但第一round對我地黎講已經好抵食好滿足。之後都唔夠位再叫多轉T.T下次要帶多D朋友黎再食多D開心D!

終於黎到食「倫哥」！其實佢都已經有好幾間分店，但為左就另一半，就黎左元朗呢一間，佢位於1樓，一上到去，有耳目一新既感覺！望落去完全唔似食雞煲既地方，真係有啲似茶樓、住家私房菜既FEEL，佢仲有間房，好好彩今日被分到入房既位置，房內得三枱，比出面靜少少，傾計唔洗好大聲先聽到，亦都感覺私隱度高啲海鮮火鍋尚品無限時任食  $318/位 (星期期五至日、公眾假期及前夕每位加$10 (只收現金))包括：1.刺身拼盤、2.계절 전채(季節套餐)、3. 阿嬤雞煲、4.自選鍋底、5.環游海鮮盤、6.無與「倫」比牛頸脊、7.手切黑豚肉、8.黑松露手打黑白雙丸、9.阿媽雲吞水餃、10.低鹽少油響鈴魚皮、11.田園有機時蔬、12.真的假不了第一時間當然係出左去拎野飲先，呢到既野飲係自助都分左汽水類同非汽水類兩個櫃，今晚咁熱氣，我就拎左佢地既自製涼茶，飲落少少苦唔會好甜問左你雞煲要幾辣之後，首先就黎左兩碟前菜麻辣木耳、豆角唔辣，但做前菜涼盤都OK之後就上刺身拼盤呢個就冇得Refill ，每枱只得一盤，有三文魚、帶子、甜蝦、北寄貝，質素正正常常。阿嬤雞煲要每隔2分鐘炒一炒，仲要分4次炒，不過店員會幫你炒唔洗驚。

今日又去咗元朗度行街 見到有間雞煲任食 嘅餐廳 叫做倫哥私房菜 朋友話呢間都ok㗎 所以就一齊入去試下啦首先入到去 自助茶水任飲 有五花茶 酸梅湯 同埋各式汽水 地方亦都尚算寬敞前菜有涼拌雲耳同埋豆角 兩款都酸酸辣辣 非常之醒胃 之後就有刺身拼盤 材料非常之新鮮食兩味道非常之鮮味 有三文魚 北寄貝 八爪魚 仿鮑片同埋珍寶甜蝦 樣樣都正之後就有一個椰子燉雞腳湯 啖湯非常之鮮甜味美 而且湯面有層油非常之香 之後就到任食雞煲嘅時間啦 佢都係任加嘅 我哋食咗兩隻 炒兩炒 炒到香口同熟之後就食得啦 雞肉非常之嫩 而且有少少辣味 非常之惹味 之後就到打邊爐嘅時間喇 有個海鮮拼盤 材料有紅花蟹 大蜆 海蝦 龍躉片 脆肉鯇魚 扇貝同蟶子 貴妃蚌 樣樣都非常之新鮮 只係貴妃蚌有少少沙 大家食就要小心啲啦之後就叫咗肥牛肉同埋墨魚滑 蝦滑 牛肉嘅牛肉味非常之重而且油脂豐富 值得一讚墨魚滑食落非常之彈牙可口 蝦滑亦都非常之富有蝦味 唔錯唔錯最後就有甜品 燕窩燉鮮奶蛋白 燕窩甜甜 鮮奶嘅奶味完全同蛋白嘅味道融合埋一齊呢一餐非常之滿足呀

之前喺朋友口中都聽過下倫哥火鍋私房菜呢個名，今次男友醒水，打去book枱，一上到去就可以開枱食了本身自己未食過，唔知究竟係食火鍋啊定係炒餸食飯(見到私房菜幾隻字就覺得係食住家野）。上到黎，見到menu，嘩！原來乜都有，刺身、雞煲同埋海鮮火鍋，一個套餐有咁多野，估佢唔到雖說佢個名話私房菜，但其實佈局都係普通餐廳成日都比私房兩個字搞到好多遐想先黎個刺身拼盤，餐廳因應人數，平均安排份量，因為我地得兩丁友，份量就冇乜睇頭，不過見隔離枱五六個人嗰盆刺身就大到呢～視覺衝擊到啊！當然，要食靚刺身就梗係去返正宗日本刺身店好啲啦～呢度始終唔係專門做刺身，要求好鮮甜肥厚高難啲。但呢個價錢，呢個質素又真係唔差喎！件件都夠凍又唔霉，而且色澤都夠紅潤，兩隻甜蝦拎起都手掌咁長又好肉，呢盆野喺呢度黎講，高過合格分數啊！雞煲一黎已經好香侍應都每格幾分鐘就黎搞搞佢，唔好比佢燶之餘，確保佢煮得入味～男朋友之前都黎過，話雞嘅份量同上次差唔多，都係偏少，我就話可能係特登比你留返個肚打邊爐。份量雖然略嫌少左啲啲，但味道真係幾impressive食過咁多雞煲，呢個雞煲嘅味道係最入味同香口，可能就係因為要佢夠入味，雞件切得比較碎，