倫哥火鍋私房菜 (Closed)

聽好多人推介過呢間雞煲火鍋，不過我都係第一次食。係抵食ge，一個價錢滿足3個願望，又雞煲又火鍋又海鮮刺身🐟佢係一set俾齊你，然後某d可以免費任refill，某d就加錢refill.... 不過人大左其實食量真係冇以前咁大，冇辦法好似以前食放題咁瘋狂食，所以任食的吸引力都相對冇咁大了。望到係幾開心的，但由於食量有quota，我都係希望有得選擇，淨係想食的野。就好似，食雞煲火鍋，就已經冇咩空間食刺身。而且我都唔認為兩樣野岩feel，所以呢個set我都係麻麻地🙈

想試倫哥好耐，朋友都話食物質素不錯地方環境方面, 比較難搵，招牌唔太突出，隔離多左間fitness,當晚係樓下比fitness既職員企圖派傳單，避走dull左成個圈搵左5分鐘以為行錯路，原來就係係fitness個位一路入去間餐廳由樓梯以致廳面都比較不乾淨，作為一間收$330既食店，未食心裡感覺已不良好，坐下的椅子又爛爛地，又有蒼蠅，更加滴多兩下汗食物方面，先上雞煲，味道不錯，我地添食咗一round（但建議留肚食海鮮更好）,之後上既海鮮都非常新鮮,同行朋友都一致讚好，而刺身睇落唔錯（但由於一開始見到既衛生情況，所以唔夠膽食）再上既牛肉，雪花分佈均勻， 入口亦充滿牛香，值得一讚至於，其他火鍋配料就不過不失，正正常常總括而言，食物質素尚算不錯，但環境衛生有待改善

難得近排天氣持續凍凍地，梗係要食打邊爐啦，倫哥聽聞幾好，就和大班朋友過來吧。前菜好一般，留肚食其他吧。倫哥雞煲呢度雞煲係任食，但要自己煮，跟住侍應講既時間去炒下佢，好快有得食，雞煲有大量香料，未食前聞到幾香，顏色都好靚，食落味道都唔錯，不過雞肉應該係用雪藏貨，肉質麻麻地。溫泉雞湯底食完雞煲，就可以打邊爐，雞湯底，味道清甜，椰子味濃。火鍋料有好多，刺身、海鮮、牛肉、菜、麵等。總結一下，打邊爐黎講呢度算多野食，除左上面介紹既仲有一人一隻鮑魚、水果、甜品，氣水任飲，上菜都快同齊，可惜冇啤酒任飲。

魚頭煲要遇先訂，完全唔知，雞煲好濃味，雞肉唔滑，刺身拼盤，蝦唔夠新鮮，牛肉一般、鮑魚一般，北海道牛乳豬骨煲、沒有牛乳味，豬骨有一粒粒胡椒，無乜湯既時候就會在底食倒胡椒海鮮拼盤，貝殼類海鮮食到有沙，有款海鮮好鹹，唔係鮮味（唔明點解鹹）一般飲品任飲（有韓國飲品，汽水，涼茶）最好味墨魚滑菜有一款黑黑地有好幾樣食都無食過就飽晒！（一set 定既餐未食晒都飽晒，無機會再叫）總括比上一次差（上次要龍蝦湯底）現金付款

住係元朗咁耐都冇係元朗打過邊爐，今次有朋友生日 所以揀左倫哥私房菜打邊爐第一次吃這間倫哥火鍋，是任飲任食，先雞煲後火鍋的那種。佢係無限時任食都只係$318加埋1, 每人都係$350啱晒我同朋友可以傾耐D~呢間係樓上舖, 門面吾太起眼, 同朋友繞左一陣先搵到~ 上到去好多人, 但等左一陣就有位入得座~餐廳裝修簡約，地方整潔，座位之間不會擠迫，感覺舒適。任食的有雞煲/蟹鍋/鮮茄薯仔湯/龍蝦鍋、海蝦、魷魚、鯇魚、蝦滑、墨魚滑、雲吞水餃、響鈴、魚皮、蔬菜、汽水、涼茶等。的確唔錯！

今日去咗元朗搵女朋友食飯 我同佢都好鍾意打邊爐 所以就去咗一間叫做倫哥私房菜嘅餐廳到食啦 入到去地方都幾寬敞 而且座位都幾好坐首先店員就畀咗兩度前菜 係木耳同埋豆角 兩樣都有少少辣 比較刺激 唔錯唔錯之後職員再畀多一個刺身拼盤 材料有北寄貝 八爪魚 帶子 三文魚 同埋珍寶甜蝦 全部都非常新鮮 鮮味之後就到任食雞煲幾時間雞煲喺電子爐上面炒咗大概八分鐘就食得 雞肉鮮嫩可口 皮脆肉嫩 而且有少少咸香同辣味 非常之惹味之後就到打邊爐嘅時間 首先就揀咗一個湯底 我哋揀咗一個 冬瓜椰子雞煲 材料十分豐富 而且椰子嘅味道非常之突出 值得一讚之後就有一個海鮮拼盤 有大蜆 白蟹 鮑魚 龍躉片 脆肉鯇魚 沙白同埋聖子 海蝦 全部都好新鮮而且富有海水味 尤其是龍躉片非常之肥美之後就叫咗一個墨魚滑同蝦滑 呢兩道菜式都係呢間餐廳嘅招牌菜十分推薦 蝦滑嘅蝦味同埋墨魚滑嘅墨魚味亦都非常之香濃最後就有一個牛肉拼盤 牛肉非常之肥美 而且富有牛肉味 值得一讚

好失望既一餐，以為$318既價錢做得任食一定有返咁上下質素，結果原來唔係所有野都飲野，任食只限某d野，一開始完全無人會解釋係點運作，淨係叫你等下同等下，我淨係知開頭個雞煲係任食，食完雞煲又係叫你等，等乜ja等。問職員可以唔解釋淨係叫我等，叫佢拎個餐牌黎，叫左3個人先會俾，我第一次黎食，乜都唔知，想搵個人問下但原來都好有難道lo。海鮮拼盤（送，但我地另加$40將個蟹轉左龍蝦，超後悔）海鮮唔新鮮，蝦係霉既，龍蝦都唔新鮮，牛唔好食（相都唔想影），第一碟係送第二碟係俾錢。我地一家6口埋單每人$4xx，早知呢個價錢就入流浮山食真正海鮮啦。都唔明點解會有咁多好評⋯如果佢係300內我會接受，但上到4百幾呢個質素，唔會有下次！

星期六同老豆慶生飯局之倫哥火鍋今日終於試聞名以久想試好耐ge倫哥la.$318任食雞煲+魚生刺生+限定海鮮併盤+部分海鮮火鍋枓任食打邊邊+任飲Drink+甜品開動開動.開始大滿腹火鍋la一黎上個魚生併盤先（又幾新鮮wo)之後到雞煲任食.食到夠先會轉火鍋.不食時就要按指示焗下攪下4次先食得la.需要花D心機la.不過又幾野味幾好食wo我地仲追加左一份雞.好野味.我地想清清地就叫左個蕃茄薯仔湯底海鮮併盤加左$30轉左食龍蝦D海鮮真係幾新鮮wo.頭號鐘意食佢個龍躉片仲有脹卜卜ge蠔同可任加的蝦。墨魚滑任加響鈴魚皮蔬菜餃子🥟脹卜卜好味只得一份的肥牛.有牛味又爽囗勁爽囗鮑魚i like it龍蝦唔知點解只得一半多肉一半小肉.有D不爽.食到個鉗時有D唔新鮮wo肉質不彈牙...最後食埋個透明涼粉超飽ar!!!埋單4位$1477.約$370一位.有咁ge質素ge海鮮同咁多野食.真係ok la.不過講真.我覺得個食個雞煲出色過食火煱la.個湯底未夠好.（可能應該試其他湯底會出色D la)倫哥係可以一試的吃到飽火鍋店

第一次吃這間倫哥火鍋，是任飲任食，先雞煲後火鍋的那種。我們一班朋友聚會，位置舒適乾淨！(因為我們有一位朋友懷孕，店員還提醒她坐較方便的位置)飲品方面有很多選擇，除了有一般的汽水，還有很多韓國飲品選擇！想健康一點還可以飲五花茶！(店員跟我們說還有一支支清水，懷孕媽媽可以選擇)調味料方面，有這些選擇，可以自由加減份量，自己調味。食物方面，首先來的是雞煲，味道夠，很入味！而且有洋蔥、蔥、蒜頭等配料，很香！不吃得辣的我，BB辣都覺得很辣(笑)有點麻煩的是，雞煲竟然要攪拌四次才可以吃（因為店員說雞時生的，要繼續煮，攪拌防痴底）平時雞煲一來就可以吃的呀～這裡要等一會兒了！不過店員會幫我們攪拌，很好服務至於這個火鍋，真係超級讚有多款湯底選擇，我們選了豬骨湯底，是乳白色的湯底，還有點類似奶油的味道！沒有很濃的豬骨味，但我們都覺得很好吃，很特別的味道，正！食物 真 的 是 超 級 正 ！！！超級豐富竟然有刺身吃，而且是新鮮，又多，質素高的刺身，特別是原隻甜蝦，很鮮甜。除了刺身還有豐富海鮮！！全部都超級足料，大大份，還有龍蝦！至於肥牛的水準也很高，不乾，半肥瘦，有一定厚度狂吃！這裡就算連普通的丸類也這麼好

住係元朗咁耐都冇係元朗打過邊爐今次有朋友生日 所以揀左倫哥私房菜打邊爐仼食邊爐$318一位先包左一個刺身拼盤刺身種類都幾多 有三文魚，八爪魚，北寄貝，帶子同甜蝦刺身都幾厚切又新鮮另外，重有一個環遊海鮮盤。海鮮拼盤有好多海鮮今次拼盤包括蟶子，鮮鮑魚，海蝦，魷魚，脆鯇魚，蜆等等好似話每日6至8種時令海鮮。每件海鮮都大大隻，放入鍋中整熟，能增加鍋既鮮甜其實打邊爐前係先食雞煲。由於我地有人唔食辣，所以食辣既朋友就要將就下啦店員好好 辣可以另上講講d雞，份量都幾多架又多肉 好入味食完惹味雞煲就打個邊爐我地揀左個溫泉雞鍋又係雞呀 哈哈今次隻雞用個冬瓜圍住賣相已經好有特式令落好清甜 因為入面重有椰子肉呢除左可以將頭先既海鮮令去浸浸之外重可以仼食響玲，炸魚皮，金菇，魚皮餃，蝦滑，墨魚滑，各式各樣既丸等等另外非仼食部分點小得肥牛牛頸脊一大碟，夠哂喉成座山咁 好多件唔算太肥 但都幾好食架打邊爐必點牛架嘛！但我最最最愛吃的就是響玲響玲浸幾秒就要食，否則就唔脆架啦當響玲吸收左濃濃既湯底既汁 美味程度達十級 必點！除左食，汽水果汁都係仼飲但如果想飲酒就要自費加啦同朋友吹吹水，打個邊爐幾嘆呢

雞煲＋刺身＋火鍋呢個組合，相信無人可以抵抗到。倫哥火鍋應該係無人唔識，而且分店越開越多，連元朗都有佢既蹤影～因爲朋友住元朗既關係，我地成班九龍人又有藉口入元朗一試倫哥既威力！《刺身》先黎既係份量十足既刺身拼盤，包括有三文魚，八爪魚，帆立貝，北寄貝同蝦，雖然係以人頭計算份量，但感覺份量真係好多！三文魚更有魚腩部分，相當肥美，而帆立貝亦較甜美《雞煲》因為有朋友唔食辣既關係，我地點左一個唔辣既雞煲，但店員非常貼心，特別為我地提供一碟加辣醬料，方便我地自行加到自己既食物中調味！而店員亦經常黎視察雞煲既狀態，以防燒焦及提醒我地幾時食得，認真抵錫！《火鍋-冬瓜雞湯》本身想要豬骨湯底既我地見到隔離枱極度吸引既雞湯之後，忍唔住即刻轉軚！冬瓜雞湯有一大件冬瓜包圍住雞件，湯底真材實料，煲耐左之後可以叫店員將冬瓜切開，食落清甜又軟綿。《牛頸脊》呢碟真係大家都搶住食！哈哈～牛頸脊平鋪於冰盤上，賣相非常吸引，牛肉油花分佈平均，未食已經feel到唔會差得去邊！果然真係無令我地失望，牛肉肉味夠濃，有咬口，雖然好大盤但不消15分鐘就比我地食曬《海鮮拼盤》呢個拼盤真係不得了！有貴妃蚌，蟶子，鮑魚，海蝦，鯇片同蜆，真係好

天氣轉涼又好想打邊爐, 上網搵左好多間, 最後同朋友都揀左呢間倫哥私房菜~ 因為見到佢係無限時任食都只係$318加埋1, 每人都係$350啱晒我同個朋友可以傾耐D~呢間係樓上舖, 門面吾太起眼, 同朋友繞左一陣先搵到~ 上到去好多人, 吾知係咪我地得兩個人, 人少嘅關係, 我地等左一陣就有位入得座~坐底之後就有服務員問我地雞煲要咩辣, 我地揀左BB辣, 個煲好快就上到枱, 服務員教我地每2分鐘就要炒一炒同埋調細一度火, 一打開個煲蓋就好香~ 炒左四次之後終於食得~ D雞都算滑, 吾”鞋”口~ 食左一陣D刺身就上枱, 刺身新鮮, 無咩腥味~ 食完個雞煲同個朋友已經飽左一半. 服務員行埋嚟問我地想揀咩湯底打邊爐, 仲推介我地揀溫泉雞鍋, 我地見周圍都好多人食, 就信佢揀左呢個, 上到枱好大鍋, 好有氣派, 個湯中間有個冬瓜, 入面有D椰子片同有半隻雞, 個湯一路滾起就一路嗅到陣陣好香嘅椰子味, D火鍋配料都一路上枱, 最推介一定係佢跟餐有埋個海鮮盤同牛頸瘠, 海鮮新鮮, 牛頸瘠好味同埋吾係度度都有得食~呢間D火鍋配料都算多，質素都好好，嚟緊冬天一定會再嚟食，仲要拉多啲朋友嚟，畢竟佢係任食無

火鍋對於我來説真的一年四季都合適，因在這涼快舒服的環境下享受美食，就算吃幾熱的食物都無問題啦！昨天經朋友介紹去了位於元朗的倫哥火鍋私房菜吃半任食海鮮火鍋，品嚐下新鮮的火鍋食材。餐廳裝修簡約，地方整潔，座位之間不會擠迫，感覺舒適。餐牌上有 $318  半任食海鮮火鍋套餐，食法是順次序，侍應會將安排每一個步驟，所以我們不必操心，可以食得自在，開心地享用美食啦！ 非任食 :刺身拼盤  : 三文魚刺身、帆立貝刺身、特大蝦刺身等，原隻蠔皇扣鮑魚、粉絲蒸蟶子、蒸蚌仔、象拔蚌BB、牛頸脊、甜品等。任食 :雞煲/蟹鍋/鮮茄薯仔湯/龍蝦鍋、海蝦、魷魚、鯇魚、蝦滑、墨魚滑、雲吞水餃、響鈴、魚皮、蔬菜、汽水、涼茶等。先來刺身拼盤，冰凍爽口，鮮甜美味。阿嫲雞煲雞煲可以選BB辣、中辣、大辣，雞肉嫩滑，啖啖麻香味，醬汁惹味，雞煲裡也有紫洋蔥、蔥、蒜作配菜，另外再配備牛栢葉、魷魚、豬皮，將所有豐富材料拌勻，吃起來很惹味，不錯。湯底 - 溫泉雞鍋很大的銅煲盛載著雞、冬瓜、椰子，中間放了圓圓的冬瓜作間開，所有傳熱的地方只有冬瓜內，食法就是只需將食物放入冬瓜裡滾熟即可，湯底是椰子雞湯，濃濃雞和椰子香味，鮮甜無比，香濃美味

過到黎元朗YOHO參觀朋友的新居後，原來我有好多年都冇入過黎元朗了，發現元朗西鐵站附近的位置近年多左唔少新的食肆，令到這個地方都變得比以前更熱鬧。朋友介紹附近的倫哥私房菜，這店既可以食雞煲又可以享用半任食打邊爐，是個幾唔錯的選擇。店員給我們調味配料，包括有莞茜、香蔥、生蒜、辣椒和炸蒜等等的選擇。先上了2碟前菜，豆角 & 貓耳，有點微辣及醃得好入味。店員送上黎的雞煲，好足料而且份量好多，之後就根據倫哥餐紙上的指示，每隔2分鐘就攪拌一次炒香雞肉，重覆再做4次，雞肉炒得好入味，雞肉質地入口非常嫰滑，因為我地只叫了BB辣，所以雞煲的醬汁不算辣，還帶點甜甜、麻麻辣辣的味道。當雞煲食到一半時，倫哥的建議食法是加入牛栢葉、魷魚和豬皮，這些配料本身是沒有用任何的醃醬料醃過，利用了雞煲醬汁的濃味炒香了牛栢葉、魷魚和豬皮，炒兩炒已經好入味，感覺唔錯。店員再送上2人份量的刺身拼盤，包括有三文魚、牡丹蝦、八爪魚片、北寄貝及帆立貝，各樣刺身都鮮甜肥美，每樣刺身都各一、兩片，食得好滋味呢!當雞煲食到七七八八就可以同店員講轉食打邊爐，任食種類超過50款，包客人食到滿載而歸呢! 湯底的選擇同樣是別出心裁，選擇唔算多只

雞煲、刺身、火鍋、甜品，倫哥一次滿足你四個願望。每次來到都好期待，一定留肚。今晚同朋友又來大拆一餐。 來到先食麻辣冷盤，木耳和豆角，又麻又辣好過癮。先來惹味雞煲。依個時候，看一看枱面的餐紙，「倫哥教你歎雞煲四步曲 」，雞煲滾起，每隔兩分鐘炒下佢，每次打開香氣四溢，流晒口水。唔識都唔緊要，職員會幫手，唔怕燶。超級惹味！啖啖肉，味道香濃，食到一半時加入豬皮、魷魚和牛柏葉炒一炒，吸收雞煲的精華。食雞煲的同時，刺身拼盤上場喇！三文魚、帆立貝、北寄貝、牡丹蝦、八爪魚。夠冰凍，夠新鮮。溫泉雞湯中間是冬瓜環，入面是濃郁的椰子清雞湯，成隻雞脾喺度。湯頭超清甜，仲有一樽椰子雞湯自己加。一個咁正的湯底，配新鮮的海鮮特別甜。環遊海鮮盤花蟹、蟶子、鮑魚、帶子、鯇魚腩、八爪魚、花甲、貴妃蚌、大蝦等。超級豐富，其中幾項仲可以追加。牛頸脊肥瘦均勻，1、2、3，食得，肉質柔軟，肉味濃。黑色的墨魚滑和白色蝦滑十分彈牙，入面仲有粒粒蝦肉。低鹽少油響鈴魚皮、阿媽雲吞、水餃將響鈴和炸魚皮浸一浸湯汁，吸收盡湯頭、海鮮和牛肉的鮮味。飲品款式多，各式汽水、罐裝飲品任揀。打完邊爐食個黑糖水晶涼粉，清熱、解辣。