Luna Kaffe

Open Now

Now Closed

Tucked away in a charming corner of the city, "The Urban Eatery" 🍽️ has become a beloved destination for discerning diners seeking a delightful fusion of classic Western fare and innovative culinary creations.One of the standout starters is the Deep-Fried Toast. 🍞 Bite-sized cubes of bread are coated in a crispy, golden batter, creating a delightful contrast between the crunchy exterior and the soft, pillowy interior. Served with a range of dipping sauces, this dish is a delightful way to start t

上網見到依間新開嘅餐廳竟然有超抵價嘅威靈頓牛柳，當然黎試一試，仲順便試埋其他嘅野食。今次就叫左兩個set。蟹柳忌廉湯蟹柳份量幾多，忌廉湯都夠厚身，唔會太稀。鮮龍蝦汁軟殼蟹帽子粉軟殼蟹超大隻，炸到好香脆，炸粉又唔會太厚。帽子粉軟硬適中，帽子粉嘅形狀更容易掛上龍蝦汁。本身龍蝦汁都好足夠，望落去橙橙的，食落好似平時龍蝦湯嘅味道，都幾濃龍蝦味，另外仲有啲菇作配料。威靈頓牛柳主角係晚市$98嘅威靈頓牛柳。熱辣辣嘅鐵板上枱，勁有feel,份量一啲都唔細。叫左medium,切開見到粉嫩嘅顏色，熟度控制得唔錯。入口牛柳夠哂軟嫩，一啲都唔韌，而且充滿牛味。酥皮香脆而且帶鹹香，增添左食落嘅層次感。依個價錢食到威靈頓牛柳可以話相當滿意。脆香雞鎚雞鎚新鮮炸起，香脆有肉汁。焦糖燉蛋焦糖燒到金黃色，用匙羹敲落去超級脆，食落香甜邪惡。燉蛋好滑，充滿蛋香。

今日同朋友去旺角睇戲, 之後係通菜街附近搵左一間新開既西餐廳食飯。餐廳提供多款鐵板餐選擇, 其中最特別係威靈頓牛柳, 呢款唔係好多餐廳有, 價錢亦好抵食。我哋叫左紐西蘭肉眼, 以鐵板上菜, 用栗米和蔬菜伴碟, 食落去唔會太靭, 肉質都幾嫩滑, 跟餐仲有粗薯條, 炸得好脆。另外仲叫左香蒜欖油海鮮意粉, 有蝦魷魚蜆肉等, 魷魚炒得好爽口, 味道唔錯。我哋另外叫左款小食蒜香黃金螺, 食落幾彈牙。餐廳坐位幾闊落，我哋成晚仲傾左好耐時間。

依家諗返轉頭兩個人真係嗌咗好多嘢食餐湯係蜆肉忌廉湯單單小食已經叫左四款脆香雞鎚 蒜香黄金螺 黄金蝦多士 香辣魷魚唔係求其嘅小食，真係值得叫脆香雞鎚完全唔覺得有雞皮喺度 好似食緊薯條裏面有雞肉黃金乾淨冇沙 大大粒肉蝦多士香脆， 難得唔算好油香辣魷魚一個貝殼款式嘅碟裝上 睇得出係用鐵板燒形式再加辣椒去炒紐西蘭穀飼肉眼伴燒汁鐵板形式鋸扒 五成熟血紅蛋白肉汁非常豐富牛扒解凍在香煎個過程處理得幾好唔係用鬆肉粉嗰隻 香草雞扒伴蒜蓉司華力腸用香草醃過嘅雞扒係唔同啲大大條司華力腸食完呢個已經好飽如果食飯或者意粉係另外用一隻碗裝上同朋友將所有食物全清haha

老公話女人街開左新嘅西餐廳，lunch hour成日都full晒。咁今日行開旺角，老公話不如去果間餐廳食晚飯。餐廳唔算大亦唔算細，簡約西式裝修，環境舒服，乾淨整齊。餐牌種類唔少，有pizza，burger，意粉，意大利飯同鐵板餐，另外有餐湯及餐飲送。唔夠飽仲可以加$15配飯、意粉或薯條，亦可加錢配其他小食或甜品。蟹柳忌廉湯：質感結身，加左蟹柳唔會覺得單調，飲落夠味creamy。 牛油多士 (+$28)：焗得幾靚，食落又香又脆，一D都唔馬虎。威靈頓牛柳：賣相幾好，牛柳5成熟剛好，切開紅紅地，肉味濃，有咬口帶肉汁，唔韌，唔錯。旁邊伴菜仲有煎香左嘅翠肉瓜、車厘茄同粟米，幾好。紐西蘭穀飼肉眼伴燒汁：牛扒都算大塊，七成熟，口感厚實，點少少燒汁仲好食。意粉：份量剛好，意粉爽口，上面淋上燒汁，唔會太寡。薯條：剛炸起熱辣辣，好脆，唔駛加茄汁都好好味。飲品：凍朱古力味道濃，甜度剛好。凍檸茶少冰少甜，味道正常。法式焦糖燉蛋 (+$28)：連甜品都整得有心機，蛋夠滑唔太甜，食完就滿足晒。

今日夜晚經過旺角，行過女人街，見到又開咗好多唔同嘅餐廳，反正咁夜都未食嘢，就同朋友一齊入去呢間Cafe食 ，雖然已經係八點幾，但係差唔多全場爆滿，我哋就睇吓幾有料到？酥皮湯傳統嘅港式白湯，有忌廉嘅香味，加$20有酥皮碎我哋揀咗呢個，唔錯，酥皮夠火候，所以成個金黃酥脆，送湯一流！蒜香黃金螺新鮮肥美的螺肉經過精心烹調,外層酥脆金黃,切開後鮮嫩多汁的內裡令人垂涎欲滴。蒜香味濃郁,與螺肉的鮮美風味完美融合。黃金蝦多士又係港式經典小食，蝦多士，有兩大條，加呢個價錢都算係CP值高✅炭燒美國煙燻豬肋骨配BBQ醬肉質肥嫩多汁,在炭火上慢慢烤製,外層帶有一層誘人的焦香。淋上濃郁醇厚的BBQ醬汁,令整道菜品口感更加層次分明。而且係用鐵板上的所以林執落去嗰陣喳喳聲幾過癮。😋😋蕃茄忌廉牛肉大通粉鮮美多汁的牛肉絲以及酸甜可口的蕃茄忌廉醬,整個口感層次分明,讓人回味無窮。牛肉的鮮香與蕃茄醬的酸甜,完美融合在一起，而且牛肉冇個熟到係完美嘅5分熟，非常唔錯

經過通菜街搵食，見到這間新開西餐廳，看到餐牌食物和價錢幾吸引，一於試下。晚飯時間full了，等左十零分鐘就可以入坐。餐廳空間闊落，坐得舒適，食物質素ok, 上菜快鐡板餐B | $128紐西蘭豬肉眼伴黃金菠蘿+$15 是日餐湯，白飯和熱飲鐵板上枱要準備好紙巾遮擋，鐵板好熱，一落汁就吱吱聲。厚切豬肉眼，肉質嫩滑多汁，鐵板烹調令豬扒係高溫下快速熟透，表面形成微焦外皮。加上菠蘿、粟米、翠肉瓜和白飯，十分滿足鐡板餐Ｄ | $148紐西蘭穀飼肉眼伴燒汁+$18 是日餐湯，薯條和涷飲肉眼好大塊和厚，肉質軟腍，口感好好。配菜有粟米和翠肉瓜，食得肉多食下菜冇咁膩焦糖燉蛋+＄28焦糖皮薄，如果再脆ｄ更好。燉蛋香濃夠滑，甜度OK

今次黎到旺角新開既西餐廳食晚飯，未到夜晚7點，但餐廳已經差唔多滿座了🍴發現原來呢間餐廳唔洗$100就食到威靈頓牛扒，即刻叫一份試試，真係出乎意料，呢個價錢竟然可以食到咁好既質素👍🏻我叫咗7成熟既牛柳大大件，牛柳又大又厚🥩充滿牛肉嘅香氣🐮 外層酥皮更是香脆可口,而且酥皮與牛肉之間更有濃郁嘅菇汁烹調🥘 牛肉唔會煮到好乾，反而好嫩滑多汁😋非常好食，下次有機會一定會再黎幫襯呢間餐廳

呢間餐廳新開嘅！都幾有人氣！公眾假期嚟食都差唔多坐滿☺️幾有氣氛！套餐湯: 蟹柳忌廉湯, 夠熱夠濃厚。超水準！威靈頓牛柳(-5成):。這道精緻的牛肉菜品,酥皮好香，而且酥皮與牛肉之間亦都有濃郁嘅菇醬。在烹調過程中,牛肉保持了極佳的嫩度和多汁的口感。內裡仍然維持著鮮紅的嫩色,散發出濃郁的牛肉香氣。平民價食到高級嘅享受。紐西蘭穀飼肉眼伴燒汁(-5成):肉眼唔會好多根好軟腍腍，肉質細膩鮮甜,佐以香醇醬汁沒有蓋過牛肉味！脆炸軟殼蟹:外皮酥脆,內裡鮮嫩多汁,蟹肉鮮甜。估唔到軟殼蟹都可以咁甜🤪🤪🤪入邊好似仲有啲蟹膏好鮮甜黃金蝦多士(2件):金黃酥脆的麵包,上面鋪滿鮮美多汁的蝦肉！簡直係心機菜式！檸檬茶(熱):清新酸甜,令人提神醒腦。

去旺角睇完平版電腦，又到左晚飯時間，就行入女人街睇下有咩好食，行過見到呢間餐廳menu上個威靈頓牛柳好平，就入去試下。鐵板威靈頓牛柳$98以鐵板上枱，熱辣辣，叫左五成熟，入口好juicy，牛味又夠濃😋😋仲要個酥皮勁鬆化，以$98 黎講呢個質素非常之高👍👍👍👍配菜有粟米，車里茄同西蘭花。炭燒慢煮豬肋骨伴BBQ汁$98豬肋骨整得好入味，配菜同樣係粟米，車里茄，西蘭花，呢個價錢冇得輸。仲包左飲品同餐湯，外邊呢個價錢一定做唔到。另外加左$15要左個薯條，同芝士煙肉焗薯皮$38(有兩舊），薯條熱辣辣，焗薯皮入面仲保留到濕潤，唔會乾，加埋煙肉食，perfect match😍😍🤤🤤兩杯餐飲都加左$15 upgrade 要mocktail，兩杯都好解渴，好適合夏天飲，Yakult同Fruit Punch🙊🙊最後加$28要埋個焦糖燉蛋，面個層焦糖焗得好脆身，蛋香味夠，仲要係好滑身，以呢個好味的焦糖燉蛋甜品為呢餐飯畫上一個完美句號。🤩🤩

睇見食友嘅貼文，竟然唔使「一嚿水」就食到威靈頓牛柳，喺真唔喺呀？真喺好好奇咩質素喎！所以，都趁好耐未同夏總食過飯，就約佢出嚟聚一聚，兩個佬講下波經、又講下旅行嘢。「通菜街」（女人街）兩旁小販檔後就有好多餐廳，大多數都喺屬於小店形式經營，好似今次嚟到嘅「Luna Kaffe」鋪面唔大，但入面都幾深長，兩邊仿磚牆，天花掛上大大個波燈，裝修簡約。翻一翻餐牌，食物嘅選擇有漢堡、意大利麵、意大利飯、鐵板、沙律、咖喱同薄餅，所有主食已包括餐湯及餐飲，餐飲有升級優惠，又有加配小食優惠，而飲品方面，除咗基本嘅港式嘢飲之外，仲有幾款沙冰。食物嘅定價真喺好相宜吓，貫徹返通菜街喺走平民路線嘅聚腳點。是日餐湯是日餐湯喺蟹柳忌廉湯，客人可以加$20轉為酥皮湯，不過，我哋就簡簡單單飲返基本嘅餐湯就可以喇。質感較為挺身，忌廉味重，裡面有少少蟹柳，喺幾港式嘅做法。炭燒美國牛仔骨伴黑椒汁 $128鐵板餐有多種牛肉類嘅選擇，老友就話好少食牛仔骨，今晚一於試返吓。「鐵板」嚟到滋滋聲響，聽聲都感覺到熱力逼人，一客有兩大件牛仔骨，非常夠份量，仲配咗好幾類型蔬菜，並伴上惹味嘅黑椒汁。佢就話啲牛仔骨好有肉味，而且比預期軟腍好食，百

Luna Kaffe （14/5/2024）今天同朋友去旺角行街睇戲，到食晚飯時就係附近搵吓嘢食，我朋友喜歡食西式料理，佢話附近有間好食又抵食嘅西式餐廳，這間餐廳叫Luna Kaffe，位於旺角通菜街25號地舖，旺角地鐵站E2出口，行幾分鐘就到，非常方便。Luna Kaffe 門外招牌有個好光小月亮，令人一眼就望見這間餐廳，餐廳內空間都好寬敞，亦裝修得好靚好整潔，四周都有大波吊燈，採光度十足，座位都坐得令人舒服，餐廳員工亦有禮貌，服務態度好，來這裏食都唔錯。餐牌都有很多種食品選擇，有鐵板、漢堡、沙律、咖喱、薄餅、粉飯、飲品，我朋友最喜歡食鐵板食品，食品都正有牛柳、牛仔骨、牛舌、豬肉眼、豬肋骨、雞扒，仲有餐湯同飲品一齊食，還有可以加配小食，包括有甜品，而這間餐廳都有特別飲品，是無酒精雞尾酒，睇餐牌相都見到好靚，價錢又唔貴，有藍黃紅白嘅顏色，同朋友嚟傾偈聚會好啱。我哋就叫咗鐵板嘅炭燒美國牛仔骨伴黑椒汁及紐西蘭豬肉眼伴黃金菠蘿，亦加配小食黃金蝦多士，同埋甜品焦糖燉蛋，飲品就選咗檸蜜和利賓納。首先上枱係熱辣辣嘅餐湯，忌廉蘑菇湯味道好香濃，湯嘅濃調度適中，飲起來令口感好清新，真係好味好飲，跟住來

臨去旺角之前見到ins follow緊嘅foodie介紹咗旺角呢間新開嘅餐廳居然有$98嘅威靈頓牛扒,要知道beef wellington普遍出面餐廳嘅價錢起碼$300up，主要係因為烹調做法工序繁複，呢個$98真係要過去試下咩味道🫥—————————————————————📍 Luna Kaffe地址: 旺角通菜街25號地舖✍🏻/食評/◍ 威靈頓牛柳 $98叫咗5成熟，本身酥皮就會焗住牛柳，切出黎其實已經係7成，牛柳好厚肉，夠重牛味，不過放咗十幾廿分鐘左右就開始冇咁嫩，基本上一上檯要儘快食用，呢個價錢性價比還可以一試。◍紐西蘭肉眼 $148肉眼扒比較薄身，juicy多d，配燒汁幾搭，冇咩肥膏位連帶少少筋，肉質都唔錯。◍牛肉餅&焦糖燉蛋+$28 x2 跟餐+$28，即叫即炸牛肉餅，熱辣辣上檯好酥脆；焦糖燉蛋可以後上，燉蛋蛋身口感嫩滑，加埋上面焦糖脆脆真係好夾！◍益力多沙冰好大杯，口感好綿滑～～都重益力多味，啱晒而家嘅天氣！

位於通菜街嘅新開西餐！價格望落好抵好吸引，唔洗$100就有鐵板威靈頓牛柳餐。餐配是日餐湯，加$20仲可加配酥皮湯是日餐湯係白湯，忌廉湯，湯質感挺身，加左蟹柳，增加口感。鐵板 威靈頓牛柳，五成熟，見咁抵嘅價錢，點都有少少擔心牛柳會唔會好韌或者硬。但上枱到食落口，質素係喺呢個價錢之上。先講下賣相，鐵板非常夠熱，上枱時一路冒煙。威靈頓牛柳酥皮紋路明顯，漲卜卜，一睇就覺得好新鮮。牛柳唔難切開，鐵板上嘅五成熟中間帶少少紅，食落口肉質都唔錯，唔會太韌，太實或者太乾。食落都有牛肉味，性價比好強！酥皮亦都唔會完住同牛柳分開，食落都唔覺油膩，厚度啱啱好。鐵板配上少量蔬菜，甜粟米，車厘茄，翠玉瓜，燒熱食真係特別好食。餐加$15配薯條，薯條份量多，新鮮炸起，好夠脆。餐飲跟左杯熱奶茶少奶，味道正常，飲落都幼滑性價比高嘅menu，絕對吸引左唔少人前黎一試。

今日遲咗放工,知道呢排D餐廳好多都好早閂門, 唔知去邊度食飯, 就出去旺角睇下有咩食喺女人街嘅中間見到這間餐廳開到十點門口睇完餐牌覺得都ok就入去叫咗個鐵板紐西蘭穀飼肉眼伴燒汁 +卡邦尼大通粉+凱撒沙律兩個人share食餐湯係週打魚湯, 唔係用普通白湯,覺得味道都不錯鐵板紐西蘭穀飼肉眼 $148, 比一般港式扒房 好好多，牛肉質素比想像中好好多 食落咬後有咬口重牛味， 唔係嗰啲醃到淋啤啤嘅牛肉肉質都好結實, 醬汁唔會預先倒曬落,去所以唔會太過鹹五成感覺都符合卡邦尼大通粉， 食落煙煙韌韌每一粒都沾滿曬醬汁凱撒沙律上面有幾片煙肉好耐冇見過凱撒沙律上面真係有煙肉,唔係煙肉碎, 煙肉非常惹味， 麵包亦好脆口上面仲有一隻流心蛋， 可以用蛋汁撈蔬菜食少啲醬更加健康餐廳服務質素都幾好， 侍應們都好有禮貌