M Kitchen (Closed)

見到Openrice 咁多正評話性價比高，又是比較新的店，决定一試。在疫情3.0的晚上，7點多，待應帶入內堂，有一半位有客。靠牆3張圓形沙發，各坐了2位客人，手袋背包還可放2張椅上，很Chill的模樣。但侍應安排我們到一張豬肉枱，由膠片分成4格各坐2人的空間，有點迫。不為意椅子後面中空，袋子掉在地下，袋中物品散滿一地，可是那位待應只在我前面略過，沒半點反應。我只好自己在鄰枱取一張櫈放袋。叫了海鮮濶條麵配海膽汁($88)和檸檬海鹽燒爽肉配白飯($68), 另加$18配一份飲品+甜品。無論食材質素和煮食技巧都係中檔茶記質素。即雪藏或罐頭料，預先整定，可能一叮或加汁就可上枱。上抬時食物只微暖，不夠熱令海膽汁更腥，再配生的翡翠苗，好腥。食後出現味精敏感的反應。爽肉沒有燒的香味，只在上面酒了一些檸檬皮絲，一小碗飯，男仕不夠飽。是日甜品是紅豆窩夫，窩夫凍的，所以硬 + 韌。較好味的只有凍檸茶，茶味足，檸檬比例剛好。待應執枱速度神速，香港地，每呎每分鐘都是$$。

好耐冇一齊去食西餐了，今午去左呢間新開的店去食。之前行過都不知原來裡面好大又坐得舒服，好合適各界朋友去聚餐。我地3人點了兩個套餐加兩小食，牛魔王既我地點哂牛牛食有石燒肉眼扒同埋安格斯肥牛蕃茄湯烏冬兩主餐都好有氣勢咁上枱同埋份量都不細的七成熟既石燒牛上到枱都不會鞋口，味道不錯，有水準安枱斯肥牛配蕃茄湯係好夾的，又有個湯壺載住蕃茄湯，不停加湯自己，仲有個大蕃茄又有火燒住，溫度可存暖，好有火鍋feel小食有黑松露多士 味道很好 要趁熱食是最好的仲有洋蔥圈，超大圈的今餐飽飽了，份量，賣相，味道一讚，真心看到未食已覺好味冇失望一餐正正

今日去左荃灣千色匯新開既餐廳食dinner!咁岩有位坐左張好舒服既枱😆餐廳似係高級茶餐廳咁..但好戲在後頭!!!我好鍾意食焗豬扒飯🤣黎到呢到見到個溶岩芝士焗豬扒飯就二話不說即刻叫左😆焗豬扒飯上菜已經好香！然後...諗都諗唔到 廚師之後拎左一大舊燒芝士黎加芝士落去🤩豬扒食落去好入味鬆軟😆仲有真蕃茄味唔係茄膏味🤪然後呢個飯只係$88!!!大讚！另外老公叫左巨人扒餐！又係好驚喜！感受到廚師用咗製作！豬扒又係好入味鬆軟 炸雞脾外脆內軟🥰連伴菜都好入味煎得好香😆個蕃茄係釀左少少芝士係入面嫁😘再車薯條都係$158！但完全Feel到廚師既用心🤓我地加左$38跟餐🥳有個磨菇湯！真材實料☺️特飲要左楊枝甘露😋仲有個紅豆waffle!

近日荃灣成為了我的新寵地點， 購物飲食及娛樂通通可在荃灣做到，而且每間商場都有天橋連接不用擔心日曬雨淋。今次嚟到「M Kitchen」，位於荃灣眾安街68號荃灣千色匯I期2樓，食完飯可搭巴士或港鐵非常方便。餐廳環境舒適，每枱都有一定距離，有私人空間，絕冇壓迫感。前菜「凱撒沙律拼煙三文魚$68」，份量剛好二人share，沙律菜新鮮，味道凱撒沙律醬微酸十分開胃。湯類「特色龍蝦湯$48」，熱辣辣香噴噴，很濃郁的龍蝦香，湯底入口暢滑，還有2粒爽口的蝦仁，飲後很溫暖。主菜「香草燒春雞配黑松露蛋黃醬及薯條$98」，雞肉嫩滑不會乾爭爭，薯條有啖啖薯肉，有水準。飲品「薄荷檸檬梳打$38」，新爽薄荷香，甜度剛好，消暑解渴，加上賣相靚打卡一流。

疫情稍稍緩和，多返好多人出街食飯，去荃灣行吓買完嘢，就打算喺商場入面開餐，揀咗citiwalk2樓嘅M Kitchen，由於時間尚早都仲有位，由於地方濶落，間隔咗透明板都仲坐得舒適睇睇餐牌，介錢幾相宜，兩個人都幾肚餓，所以都盡情咁叫，點咗原個蕃茄濃湯安格斯肥牛烏冬，煎安格斯紐西蘭西冷牛扒，三文魚凱撒沙律同埋炸物拼盤配蟹皇醬前菜先嚟凱撒沙律配煙三文魚份量適中，當前菜幾開胃烏冬用小火爐熱住湯底，保持温度，夠貼心。原個蕃茄剝咗皮，切開好Juicy，唔會太酸好好食。湯底夠濃厚，配烏冬食一流，安格斯肥牛質素高，夠諗又有牛味，完全係出乎意料，$68真抵安格斯西冷牛扒都幾大塊，叫咗七成熟，個熟到啱啱好，比起好多其他餐廳嚟得準確，肉質軟得嚟有咬口，配上大量薯條，啱晒大食人士炸物拼盤有茄子、番薯、冬菇同埋南瓜，炸起唔會油立立，夠香脆，配上香濃惹味嘅蟹皇醬（蟹糕），幾上癮。整體來講，質素高而且街坊價錢，下次去荃灣應該會再回頭。

下午茶好難食Brownie 唔似brownie 炒飯⋯仲衰過小學飯盒簡直圖文不符⋯淨係薯條好食少少完全唔值依個價🤮仲諗住新開靚靚地好似幾正可以唔使試了 失望😫

難得平日有假，點都要出一出去買下日用品，順便食埋飯先番屋企，揀左呢間喺千色匯果邊嘅餐廳。可能我太耐冇來荃灣，完全唔知有間咁抵食嘅餐廳，今次一試，有下次。(日日煮飯煮到頭都痛，廚部間唔中都要休息！)呢度都幾大，比一般快餐店裝修得靚、企理，而且d staff都幾有禮貌，抵讚！暫時d枱都仲有透明膠板相隔。menu款式多，價格實惠。【食肉獸巨人扒餐】真誇張，包左雞脾、厚切豬、熱狗腸、煙肉、薯條都係158，其實兩個女仔share都足夠有突啦。選擇困難症嘅朋友可以參考呢張對精選推介，將推介項目一覽無遺，好似炒飯/焗飯/螺絲粉/意大利飯/墨魚麵/湯飯/闊條麵都係$68-88。比較豐富嘅仲有鰻魚飯/西冷牛扒/龍蝦伊麵/燒春雞/加拿大豬鞍等，應有盡有，價錢係$98-168。主餐牌仲會有小食、炸物、甜品添，通通都好吸引我地就決定點多少少share食，勁滿足！點晚餐可以用$28升級套餐，就會包左餐湯同凍飲，餐湯揀左南瓜湯，都ok嘅，甜甜地，唔會太稀身凍飲揀左凍檸茶，唔洗少甜都可以接受。凱撒沙律煙三文魚 $68：沙律菜新鮮，簡單用沙律菜調味，煙三文魚質素都唔錯，唔係一味死鹹，伴碟兩片麵包幾好食呢，香脆架我點左

同朋友係荃灣搵晚飯食咩果陣見到呢間新開張既餐廳，門面唔錯座位闊落，裝修幾柔和舒服，menu選擇多又唔貴，就決定試下～朋友叫左份美式豬肋骨加杯半價既紅豆冰，我叫左日式麵豉鱸魚～佢話佢杯紅豆冰奶味好重但幾滑，紅豆夠淋，唔會太甜，幾好飲👍兩樣主菜都等左大約十五至二十分鐘，不過新鮮熱辣好值得👏🏻👏🏻豬肋骨燒得好靚仔👍面頭焦香，骨同肉好易分離，肉質夠淋，調味恰到好處，直頭可以用“perfect”黎形容👍👍👍👍我嘅鱸魚有淡淡嘅麵豉味，香得黎唔會太鹹，摻咗啲白芝麻係面頭就更加香，肉質滑，無腥味，份量都幾多😗薯條香脆而一啲都唔油膩，炸得非常好👏🏻食食下張枱下面嘅餐具同調味櫃唔夠茄汁問店員拎，佢好積極話“無問題”，到俾我地果陣仲係咁話唔好意思，非常有禮貌👍👍食物水準非常高，店員態度又好又坐得舒服，咁多選擇如果要試晒想食既野都有排試，一定會再幫襯👍👍

在荃灣約了朋友一起吃飲，選了這間餐廳由於我地都好肚餓，叫左都幾多野食😆前菜分別叫左蘑菇忌廉湯、蕃茄伴芝士、炸雞翼爽脆海蜇配海膽醬同埋焦糖雞軟骨，仲有芝士茄醬焗大啡菇蘑菇忌廉湯，好足料，而且蘑菇味好香濃😆蕃茄伴芝士，個裝盤好特別，本身以為係水牛芝士，但原來唔係，不過都好食而且開胃👍🏻炸雞翼爽脆海蜇配海膽醬，海膽醬嘅海蜇第一次見，都幾唔錯👍🏻焦糖雞軟骨，又甜又咸嘅滋味，正😋芝士茄醬焗大啡菇，又係冇得輸嘅配搭👍🏻小食之外，我地叫左一個主菜，熔岩芝士焗豬扒飯，呢個一定要試，係成舊熔岩芝士係面前切落去😆😆野飲方面叫左士多啤梨法國牛乳特飲，奇異果法國牛乳特飲，兩杯都好正👍🏻👍🏻

今日難得放假去左千色匯行街，見餓餓地上網睇下有乜好野食，發現呢間餐廳門面幾好，comment都唔錯就入去high左個tea☕☕嗌左個流心芝士西多士同埋一杯熱咖啡👇🏻流心芝士西多士 $45味道唔錯，外脆內軟，而且有做到流心既效果😋😋杯熱咖啡我覺得好似甜左啲，但係都可以接受。環境同服務態度都好好，可以有一段平靜又舒服既用餐時間👩🏻整體黎講都好滿意 下次會黎試埋晚餐🍽️希望可以繼續keep住呢個水準，加油💪🏻💪🏻

這間店位於荃灣千色𣿬，位置容易搵到！今日行過這個商場，見下午茶又幾抵食，所以就試下！點了一個肉醬意粉，份量比想像中多，顏色望落一般，味道還可以！炸薯條和洋蔥圈炸得好脆，而且不油，值得推介！奶油脆豬烘得不夠全面脆，邊邊好脆，但中間的位置不夠脆，幾軟熟😂似奶油脆包多啲😅下午茶免加一，份量大份幾抵食的！

餐廳新開既時候黎過一次食晚飯，感覺都唔錯，適逢今日又係荃灣，又再一次黎到食晚飯🍽️🍽️。今次個menu加左好多新菜式，成個餐牌轉左，但依然有我最中意食既芝士系列，但今日我想試下新款式😋😋，所以就唔嗌芝士野啦💪🏻首先小食方面叫左個一口避風塘炒茄子，而飲品就叫左薄荷檸檬梳打，朋友就叫左雪糕紅豆冰👇🏻一口避風塘炒茄子 : 作為小食黎講，都算唔錯，茄子淋身🍆，加埋用左椒鹽炒好香，味道岩岩好，又唔太咸，好味👍🏻！薄荷檸檬梳打🍋: 上次係度試左百香水果茶，今次試新menu薄荷檸檬梳打，甜甜地好fresh，加上而家天時暑熱☀️☀️叫返杯可以降溫，黎食飯既朋友有興趣可以試下。雪糕紅豆冰: 朋友話個雪糕球好好食😂😂同埋紅豆冰涼浸浸飲落好舒服🍹之後叫左個德國雞肉腸拼盤，原本以為啲腸唔辣，點知食左其中一條辣到飛起，然後先知原來拼盤有辣肉腸🌶️雖然好辣，但係幾好食🎈🎈主食: 韓式雞肉意粉 :當我係menu上見到呢個意粉既時候我就想嗌黎試下，如果唔食得辣都唔緊要，因為可以嗌小辣，個意粉雖然好簡單咁用雞肉同埋加啲韓式醬黎炒，但係味道已經岩岩好🍝海鮮闊條麵配海膽汁:因為我本身都好中意食啲芝士啊忌廉啊既野食，所以我睇到餐牌個圖

抵食餐廳👍🏻，我本身好少去荃灣區搵食，但係因為上次用餐體驗都幾nice! 😁 加上今日返工既關係都要入荃灣，就打算再食多一次！今次係第二次幫襯佢哋啦✌🏻，新開張左一排，呢間餐廳啲嘢真係好正😀突然間想食鰻魚飯，見到佢哋都有，當然要試下先。其實食鰻魚飯最驚佢唔新鮮😧，食落口有其他不好既味道😭，但係佢哋就完全冇呢個問題💪🏻。鰻魚食落好香口，鰻魚味濃，夠入味，又夠細嫩，肥瘦均勻，配埋佢本身D醬汁，甜甜的味道降低佐油膩感😻，色香味齊曬。正阿🔱！餐廳配色柔和，用佐淺色去做底色，但又不失重點⭐，而且餐廳位寬敞，裝修一睇落去舒服明亮🌈。環境乾淨，仕應都好有禮貌🙎🏻‍♂️，呢排都冇地方去，食D靚嘢心情即刻都開心翻😄而且宜家有夏日精選優惠，食鰻魚飯仲唔駛一嚿水添🤩另外佢哋每日仲會派湯比長者嫁😘！ 呢種餐廳頂可以唔多d幫襯佢哋阿💜。快d去支持良心食店❤️❤️

今日行開荃灣千色匯見到門口好靚既tiffany blue，引唔住就入左去試下，中午時段都多人我地等左5分鐘就可以入座啦。我地好鍾意食雞翼架，就叫左個炸香草雞翼(3隻)，流心紅豆西多士，巨雞脾薯條拼黑松露蛋黃醬，2杯野飲：白桃玫瑰花伴愛玉、雪糕紅豆冰巨雞脾薯條拼黑松露蛋黃醬：巨雞脾大過我手掌架🖐🏻，裹面都多肉汁唔會好乾身╴但我唔記得左影低佢個SIZE🤣，佢個黑松露蛋黃醬好香黑松露味，如果你地好鍾意食黑松露蛋黃醬既話你地可能唔夠點，我地兩個都爭住點果個醬真係好好食架我地另外又叫多兩個小食SHARE食，炸香草雞翼(3隻)，流心紅豆西多士唔知係咪關炸香左香草事，一上碟已經聞到好香既香草味，一咬落去就流晒啲雞汁又唔會好乾身，好緊要係好香口啦。🤤流心紅豆西多士都要讚一讚丫，一黎到就見到好大舊牛油係面啦，我好鍾意架啦，切開左就好香紅豆味，甜得黎帶有牛油香，又唔會過份甜到漏，都唔錯白桃玫瑰花伴愛玉、雪糕紅豆冰雪糕紅豆冰懷舊野，可以過過引😽白桃玫瑰花伴愛玉雖然甜左少少，好有台灣味道，白桃同玫瑰花好夾喎又👍🏻

今天難得放假，終於有時間可以同老婆出去食飯，行街見到呢間新開既餐廳，當然要試下先。石燒肉眼扒配薯菜日式燒汁 7成熟 $128肉質軟嫩，入口就化開來，同時肉味濃厚，喜歡吃牛扒的人一定會喜歡。同埋旁邊附的燒汁一齊，味道更上一個層次番茄濃湯安格斯肥牛烏冬 $68本來不想打邊爐，但看到番茄湯實在忍不住，番茄湯底鮮美，原個番茄上，原汁原味，正啊！