M3 Italian (Closed)

餐廳位於沙田圍站附近，如果不是住附近，專程黎食都要花一段時間。落單叫左野食之後，會送上餐包，餐枱上面會有橄欖油同醋，用黎點麵包食既，食法好正宗。而且麵包外脆內軟，暖暖地，配上橄欖油好夾？長腳蟹意大利飯佢嘅意大利飯系用左好特別既米，吾似平時西餐廳食開既，大大粒，好咬口。有兩條長腳蟹蟹棒，不過吾系好長，但勝在多鮮甜，但整體有d咸。食之前記得要撈匀d芝士，如果吾系好快就會凝固咗變成一舊。桃味啤酒甜甜地無普通啤酒咁苦，有淡淡桃味，好啱女仔飲？

心血來潮想食意大利嘢，經過沙田圍呢間餐廳 覺得環境不錯於是決定一試。餐廳裝修是典型意大利餐廳格局 ，座位寬闊。 侍應 的態度亦很有禮， 我見他們亦很樂意耐心跟顧客推介食物 值得一讚。坐下不久，待應已經送上一 籃香草麵包， 麵包還是溫熱的， 吃起來很軟熟加上香草的香味配上餐廳提供嘅醋及橄欖油，真的不錯。食物上我哋叫了一客 安格斯牛扒及 一客巴拿馬火腿 蜜桃薄餅。安格斯西冷牛扒- 我們叫了一客五成熟，肉質軟滑，不會過熟。巴拿馬火腿蜜桃薄餅 - 餅底是脆薄的，巴拿馬火腿亦大大片，配上芝士及香甜的蜜桃味道一流，估不到這個組合出來的味道可以這麽好， 下次一定會再試。

M3 不嬲好出名，皆因附近都冇似樣既西餐廳，而佢既水準就算轉戰尖沙咀銅鑼灣都唔失禮。今次二人晚餐都係叫左少少野食，一個前菜蜜瓜Parma ham, 一個carbonara 意粉同一個西班牙乳豬。 火腿係好食既，油脂豐富又有少少橡實味，意粉就普通左少少，加溫泉蛋無疑令個麵更濕潤，易入口，不過就沖淡左個羊奶芝士味，carbonara 都係稍為杰身，濃郁d好食d。重點都係個西班牙乳豬真係皮脆肉嫩，配料有薯蓉、酸菜、同肉汁，酸菜解膩而薯蓉又豐富到個口感，乳豬肉配肉汁又好食又減低左個鹹度，搞到我每次黎食都係必叫，真心做得好食。

是日家庭日，晚上準備外出食飯。路經沙田圍，見到呢間意大利餐廳，可能時間早關係，人流唔多，決定入去試下。一入門口，待應有禮帶我們到一個卡位坐下，餐廳坐位濶落，坐得很舒服。我們一行2人叫了一份巴拿馬火腿蜜桃薄餅，一個阿拉斯加長腳蟹忌廉意大利飯。巴拿馬火腿蜜桃薄餅 - 巴拿馬火腿配蜜瓜就食過，配蜜桃反而是第一次，但味道出奇地好。蜜桃甜甜配上火腿的咸香，薄餅亦很脆口，不錯阿拉斯加長腳蟹忌廉意大利飯 - 意大利飯口感剛好不會過軟，加上芝士及忌廉汁後非常好味，配上長腳蟹柳及沙律菜上碟一人份量剛剛好。我們坐下不久餐廳開始多人，建議想試的朋友預早訂位。

上次同男人去左呢間既大圍分店食，今日去完河畔整完啲野，發現原來呢度都有分店。上次覺得都ok，所以今日晚餐都決定係度解決先。今日星期五，無set dinner，唯有散叫chocolate factory朱古力，香蕉，花生醬，對我男人黎講根本無得輸cafe latte好香咖啡味，非常奶滑意式炸鷄翼單骨鷄翼我至愛。鷄翼超入味，炸得酥脆帕爾馬火腿蜜桃薄餅Parma ham味道夠香夠濃，蜜桃甜而不膩，薄餅係脆餅底所以唔會好滯，加埋勁多芝士意大利腸肉野菌意大利粉係我愛既牛仔腸。好香既白酒味，望落仲以為唔夠汁但原來沾哂上意粉度兩間分店質素都好高，沙田區有啲咁既質素既西餐我真係心感安慰丫

平時好少去沙田，今日咁岩放學同男朋友去左沙田新城市廣場行街，就算便係呢頭搵埋野食😋👅上open rice見到呢間餐廳既評語大部份都幾正面，啲野食質素感覺上又唔錯，就揀左呢間黎試下💕💕黎到呢到第一個感覺就覺得靜靜地幾舒服，人唔多唔洗趕住走，可以兩個人慢慢傾住計咁食🙈🙈咁我地就揀左呢個set dinner😆有哂appetiser, soup, main course同dessert😍美中不足就係差杯野飲，要散叫先有，如果有埋就perfect 😆頭盤我地揀左煙肉芝士焗蠔同埋香蒜炒大蝦，兩樣野都無令我地失望！👅個焗蠔幾juicy，蝦都幾彈牙，口感好好😍之後就到main course, 牛扒份量岩岩好唔會太飽，配埋個紅酒汁簡直一流！😆香煎鯛魚柳都唔錯，特別鍾意配埋既薯蓉，連平時成日食剩野既我都成碟清哂！😝黎到我最期待既甜品💕賣相同味道都無得挑剔！下次一定再encore😝😝

Cp值成正比帕爾瑪火腿火箭菜薄餅火腿鹹味味配蜜桃同火箭菜好夾中和返火腿既鹹好食當晚想食烤豬手但賣曬之後轉試下烤西班牙黑毛鞍配燒雜菜及辣墨西哥汁意外地肉質嫩同好多肉汁配酸酸辣辣既汁好開胃黑松露野菌燒帶子意大利粉望落去分量以為好少點知隻碟好深食極都仲系好多三個人分黎食就岩岩好黑松露好香意大利入曬味推介大家晚餐吾知食咩好就去試下M3啦

今晚想食西餐，就黎左沙田既呢間M3試下！黎到見到有set dinner，岩哂我啲懶人😆頭盤:田園沙律:沙律菜新鮮，而且沙津汁酸酸甜甜好開胃，連唔食菜的朋友都讚！意大利什錦拼盤:無特別，同一般超市買到的一樣，反而配菜橋頭好好味，少少酸，又爽口！餐湯:好熱，味道淡左啲！餐包:一落完單，就放底餐包，皮脆內軟，仲有啲香草味添！烤美國安格斯肉眼扒(紅酒汁):五成熟的牛真係啱啱好，有牛肉味，肉質滑，超juicy , 有少少肥，但入口即融咁，呢個好食！香燒法國春雞(半隻)配燒新薯&四川辣汁:春雞肉質夠嫩，唔乾，但皮就唔夠香脆，配菜有秋葵都幾健康咁！😆食完主菜，都真係有9成飽，留番1成黎食甜品！法式焦糖燉蛋:我覺得不夠焦糖，本人鍾意脆脆焦糖😋，不過唔太甜，有蛋味，也好滑！意式芝士餅:有少少酒味，質地徧實，不太甜！食埋甜品，真係十成飽哂😆！

之前一直聽沙田既朋友推薦呢間餐廳，咁啱今日同朋友去沙田行街，就過去試下。2點鐘去到，咁岩仲未完午市，我地就點左兩個lunch set跟餐加$6有餐湯同沙律揀，我地兩個都嗌左餐湯。蘑菇湯幾好飲，但飲到最後有少少咸Main course我地揀左西冷牛扒跟意粉，同Caesar Salad配Parma Ham，兩個主菜我地都好滿意塊牛扒好大塊，大概6-7成熟～好juicy！推薦！意粉加左Olive oil同香草，就咁食都吾覺單調哈哈朋友揀既沙律都吾錯，加左少少蛋白係面，幾特別只係食到最後略略膩左啲，可能因為仲有啲蛋黃汁同芝士粉但整體都幾好～計埋每人嗌多杯凍飲（+$4），買單total都係用左$170～抵環境都幾闊落，播住音樂，人少少，上菜快，late lunch黎講幾舒服

今日去沙田探朋友，未夠鐘於是搵下食先！心諗入到沙田圍搵食，應該見唔到強國人唔駛爭位啦？好彩最後都無失望，呢到嘅侍應同客人都好斯文，好啱傾計拍拖！食嘢，當然唔止食食物，仲有氣氛啦！柔和燈光、清靜環境，呢個時勢邊到搵？有老婆大人數口精，計完數發現二人套餐抵食過散叫！有湯、有2個前菜，2個主菜，仲有2個甜品！首先嚟嘅係是日南瓜湯，夠熱又夠味，開胃！之後嘅前菜有各式冷盤同沙律，parmaham同三文魚好味！但要大力推薦嘅係主菜，我哋叫咗個牛扒同埋燒雞，牛扒要咗5成熟，上菜時熟度剛剛好！牛肉軟身多汁，一切就切得開！最驚喜係啲脂肪位，女孩子可能唔喜歡，不過呢個牛牛嘅脂肪唔韌，入口即溶！好香口，不過講真我都唔敢食太多XD燒雞都好出色，雞皮夠哂薄身，不過勁脆口！加上有香料口喺面，好有異國風情。仲要擺盤幾靚仔，一讚！不過作為甜品控，我就梗係留意tiramisu同cream brulee好唔好食啦！cream brulee忌廉同奶味比較重，而且個焦糖面一流，勁厚身落足料！但係我最愛都係tiramisu，好creamy好香濃！記得一叫！

因為有朋友斷咗腳骨，放工嚟完探病之後，同個fd 一路漫無目的咁傾住計向街行，最終唔知行到去沙角邨附近，平時嚟打邊爐就多，但之後對呢到唔多識路，最終見到呢間西餐啱兩個人就入咗去見佢門口有個398二人餐，平日一至四先有，入到去比較過餐牌價錢之後，呢個的確抵食，湯，前菜，主菜同甜品都有，二話不說就叫咗湯是日喺南瓜湯，唔太濃但味道足，熱上，配埋牛油包食啱晒前菜方面覺得個菠菜批幾特別，初初以為喺平時批&撻咁好大個，點知上到嚟一口版，蛋味同菠菜幾夾，食落兩隻味都感受到，煙肉就被蓋過主菜嚟講春雞我個人幾like，扒都抵食, 但個雞好嫰口，個皮整得有少少脆但唔係好油，個汁喺配辛辣汁，幾特別，如果少啲花椒會更好😂😂甜品法式燉蛋喺我至愛，我點都覺得好食，呢個奶味同cream夠，令到個甜品好滑， very nice, 加埋呢杯配合咗orange, pineapple and mango mix埋嘅smoothie ，幫助消化同解胃，成餐飯食得滿足而唔洗頂住個胃咁辛苦咁走，有朋友行開呢頭嘅話，呢間都幾值得推介

真係無咩幾可入到黎沙田圍食飯,我地呢區既認識係中學時期成日同班同學黎仼食火鍋!朋友仔落力推介呢間意大利餐廳,叫我同佢食番次!就一於睇下有咩好食喇><餐廳距離沙田圍站吾遠,交通幾方便入面裝潢吾算好grand,簡簡單單紅色格枱布入口附近有個bar位!上菜前會有餐包食,牛油要問侍應拎不過包身略為吾夠軟, 要咬多幾啖order方面朋友仔推介必食M3沙律,係正喎!好小沙律會配3款醬汁我中意白色個款,食落芝士味較重!至於黑色黑醋就比開胃無咁膩配料方面有我中意食既煙三文魚, 好滿足!沙律份量都吾小,幾個人share會較好!另外我揀左忌廉汁青口,青口夠鮮味而且大大隻,配合個汁好惹味!我地仲留低d汁點個main course:香煎三文魚伴芥末薯蓉三文魚我揀左7 成熟,表皮脆脆地,入面軟冧冧食落幾香三文魚魚香!不過點都不及side dish個芥末薯蓉咁有特色,薯蓉混合芥末籽,食落辣辣地有點攻!個感覺比一般薯蓉吾同好特別!整體食物選擇都幾多,下次有機會想試下brunch set,幾吸引

同朋友係附近行下談心，見差唔多食飯，經過M3 italian，之前係大圍食過，未食過沙田圍呢間，就入去試下。一入到去，店員非常有禮貌，立刻比左兩杯水我地。店入面的環境非常唔錯，好有格調，氣氛好好，好適合情侶，三五好友去。我地嗌左個意式香草醬海鮮薄批同北海道帶子鰻魚忌廉汁意大利粉。不得不讚，嗌完野食後，店員好快就比左餐包我地，同埋不停加水，態度非常好。我個人非常中意個意式香草醬海鮮薄批。雖然我平時就對薄批興趣唔大，因為我唔太中意薄批太脆，但食左呢個薄批後，就覺得原來薄批都唔錯。首先，佢賣相好吸引，亦都好香。食落去外脆內軟，口感十足。佢d料好足，d魷魚都好大舊，仲有d小帶子同埋蝦，配搭香濃芝士味加香草醬，味道香口濃郁，非常唔錯。而個北海道帶子鰻魚忌廉汁意大利粉好特別，佢個汁食落甜甜地，有別於一般意粉，我中意佢個醬個濃度啱啱好，d意粉的軟硬度都啱啱好，每一條意粉都有濃濃的醬，睇得岀有用心製作。佢d帶子真係好大粒，而且佢係有煎過，係香口d，帶子亦新鮮，加上其他蕃茄，魷魚，蜆等等的配料，味道同視覺上都令我覺得非常好。下次應該會再光臨，因為真係好唔錯，亦都值呢個價。

過左中秋真係有番d秋意 岩晒踩單車本身踩完係沙田交車入去新城市揾食點知勁多人勁難揾位朋友仔提議去沙田圍個邊睇下有咩食沙田圍站附近大排檔比較多 呢間西餐廳簡直係漆黑中既螢火蟲餓到爆坐低好快就落order前菜揀左藍青口配芝士忌汁呢個不得了10級好食 個汁忌廉味吾算好重 芝士味會較突出味道超濃 青口吸收晒d汁好正而青口本身都幾高質 粒粒夠大漲卜卜食落有海水咸味一碟有好多隻夠足料 $158抵食另外仲叫左個招牌m3沙律配料黎講係最多款式 有齊火乾火腿,煙三文魚,燒雞肉醬汁都有3款 岩晒吾同人既一需要特別一讚個燒雞肉好燒得香口同平時沙律D無味白雞肉完全吾同LEVEL主菜係紅花忌廉海鮮意大利飯飯量略為少左D (始終個晚勁餓) 但海鮮都幾足料 魷魚吾UN 仲有帶子,青口,蝦等等好快成碟KO雖然呢餐吾係叫左好多但都夠飽飽始終西餐忌廉汁/芝士比較多 會比較容易膩口人均$200多都吾算太貴下次踩完單車可以戰

今晚去左沙田圍區探完我朋友的小BB後，就睇下附近有咩好野食。搵到呢間M3意大利餐廳，心絲絲想食下Pizza, 意粉，咁我地就打去BOOK位。佢地夜晚主要分為2個時段: 18:30 & 20:30.呢間M3 Italitan 外觀真係似一D 較高級既意大利餐廳，大約有15-20張枱，座得舒服，服務都很周到。首先我地叫左個M3沙律同埋炸雜錦三式作為前菜。前菜送上麵包，麵包很熱，包皮有點脆，睇黎係即焗出黎，再配上Olive oil。正!!M3沙律: 用西式沙律菜配上煙三文魚、Parma Ham及雞肉同埋3款醬作伴碟，味道不錯，可以一試。炸雜錦三式:有炸薯角、炸蝦同埋炸雞翼。炸薯角炸得很好味，外脆內熱。炸蝦炸粉份量適中，沒有用得太多，味道不錯。炸雞翼就略遜一籌，比較乾身。意式香草醬海鮮薄餅: 係薄PIZZA黎，有魷魚、大蝦做材料，配上香草醬，外面很脆，味道不錯，又唔太肥!煙肉忌廉流心蛋黃意大利粉: 推介，Carbonara 配上流心蛋，首先將流心蛋與其他配料搞勻，食落去好creamy，好多cheese. 再加蛋醬，有層次，味道很濃郁。烤大啡菇野菜意大利飯: 意大利飯有點生，味道濃，不過意大利飯