九町屋 (Moved) New Location

今次Lunch time 約咗朋友食飯經過呢間日式居酒屋 #九町屋 ，見餐廳佈置幾有日本風味而價錢又好親民，仲要全日都免收加一，即係入去試吓！😍🦀辛味軟殼蟹煎飯($55)呢度嘅人氣煎飯好有特色，有多款口味我哋就叫咗軟殼蟹，軟殼蟹大大隻，炸到金黃酥脆好香口，又有蟹既鮮味，下面嘅煎飯食落煙煙韌韌，配埋醬汁好好味🤤🍲 牛肉壽喜燒鍋 ($52)呢個壽喜燒鍋賣到咁平但係絕對唔會Hea你😳 呢個壽喜燒汁味道啱啱好又唔會太甜，大大塊嘅肥牛肉質鮮嫩，配搭大量蔬菜同雞蛋，好食！另外我哋亦都叫咗兩款小食，一款係🍗燒辛味餃子雞翼($39)，雞翼一人一隻，飽滿嘅雞翼釀入餡料，燒到好惹味！而另外既🥟 九町屋餃子($32)就正常發揮，有肉汁而煎得幾脆口。整體來講餐廳質素唔錯，價錢親民，值得支持！

最近疫情已經緩和，晚市終於開放返，今晚就同好朋友聚下舊，約咗喺天后同炮台山附近嘅一間好抵食嘅日式料理，食一餐充滿驚喜嘅晚飯。甫走入餐廳，就見到店內有唔少有日本特色嘅裝飾，即刻有去咗個小旅行嘅感覺。餐廳開咗半年左右，之前有大部分時間嘅晚市都做外賣，大家都冇乜留意餐廳咁有心思嘅裝修。其實除咗裝修值得欣賞之外，食物質素都相當唔錯。首先每人一款前菜，開開胃先！呢個香煎帶子腸好特別，一上菜仲以為係山藥片，咬落去就係帶子嘅口感，外脆內軟，煙煙韌韌，好新奇。因為我地都鍾意食魚，但又怕食到魚骨，呢度嘅鹽燒三文魚胶竟然係起哂肉！一條條肥美多汁嘅三文魚柳啖啖肉，外皮煎得油香滿溢，加幾滴新鮮檸檬汁，魚油香而不膩，非常之開胃！跟住到主菜，想食啲特別啲嘅菜式，就試吓呢個芝士皇帝蟹棒煎飯配咖喱汁，呢度嘅煎飯會令你諗起某burger 店嘅煎飯漢堡，呢度嘅賣相同味道都不相伯仲，加上好惹味嘅咖喱汁，送飯一流。另外，仲叫咗個牛肉壽喜燒鍋，你問我壽喜燒最緊要係乜嘢，其實除咗要好足料之外，個汁都係最重要一環，一定唔可以太鹹，配合鮮甜嘅洋蔥，送飯真係一流。我哋仲每人叫咗一杯嘢飲，水蜜桃紅茶，同蘋果汁，食到飽飽，兩個人買單， 竟

因為疫情關係, 好耐無同幾個朋友出食下好野了, 朋友話北角有間食日式炸物的小店幾好食, 今日一於試試, 坐低睇到個餐牌好靚, 環境都唔錯, 有幾個卡位都好日式下, 啱哂D女仔朋友打卡, 餐廳以日式炸物配咖喱飯為主, 個飯佢叫煎飯, 都幾有創意丫 我地點咗幾個:1.黃金大蝦咖喱配煎飯: 大蝦炸得好香脆, 好鮮味, 咖喱汁好濃, 好好味2.芥未脆魚柳肉醬汁配煎飯: 淡淡的芥未味減輕了炸魚既油膩, 好聰明的做法, 好味道3.小食方面: 叫咗個炸芝士, 一咬開係爆醬拉絲的, 好濃芝士味, 一定要食, 4.炸雞件: D肉好入味, 好多汁, 不得不提佢地D醬汁真係好好味5.蝦多士, 香脆而唔多油真係好巧廚師功夫架, 必食

已經數月沒有外出晚餐，近日可以晚市堂食，立即約朋友聚餐，今天到天后附近的水星街九町屋，一聽名字就知道是日式餐廳，餐廳外面有兩座位，裝潢日式簡約風，坐得比較舒服，適合三五知己聚餐。餐牌多元化，有鍋物類、煎飯、小食等，點了芥末脆魚柳煎飯、牛肉壽喜燒鍋、咖哩牛肉鍋、吉列炸芝士、芝麻蝦多士、水蜜桃紅茶、蘋果汁。芥末脆魚柳煎飯 - 香口的脆卜卜魚柳伴以芥末或沙律醬來吃，非常惹味，魚柳口感不錯，帶有鮮魚香味。牛肉壽喜燒鍋 - 牛肉的品質、蛋的鮮度、醬汁的香醇和恰到好處。咖哩牛肉鍋 – 牛肉不會太老，份量足夠，湯底夠熱。吉列炸芝士 -入口鬆脆，真的叫人回味芝麻蝦多士 -吃起來有脆脆的芝麻口感和香氣，滋不油膩。整體不錯，值得推薦！

今日去開北角做野，經過見到哩個餐廳裝修得幾靚，環境唔錯，所以試下。我地兩個人叫左兩個小食同主食，整體都好滿意！吉列炸芝士 $34炸得十分香脆，芝士呈流心狀態，加埋威士忌汁，更加好味。鹽燒三文魚腩 $39哩個看似簡單嘅小食，其實都好考功夫。三文魚腩一啲腥味都冇，而且仲有少少油脂，好好味，好啱做飲酒小食。醬燒牛肉撈麵 $46哩個撈麵令我好驚喜！麵質軟硬度適中，牛肉入味，而且嗰醬燒汁超好食，問咗餐廳負責人用咗乜嘢汁，佢哋話係秘密！辛味軟殼蟹煎飯 $55第一次食呢個日式煎飯，軟殼蟹比想像中大隻，炸得好香脆，飯都煎得岩岩好！好香！食物好高質，環境舒服又乾淨，重點係呢個價錢超級抵，平時食lunch都唔止呢個價錢，仲要係晚市價。餐廳提供好多款主食，下次一定會再嚟幫襯！

裝修高檔，明顯搵室內設計搞過，好日式華麗既感覺。就係咁舒服同高級既餐廳賣既好味既食物，收既價格係$50 份主食，$20飲品, 覺得勁勁勁抵。以後經過中央圖書館同維園附近一定會行多步黎九町屋食。疫情過後，有水準既餐廳仍然保留住好開心。咖哩蟹柳飯作為蟹柳控先到咁大件蟹柳，麥都抵哂。supervise 位係個咖哩汁，加左肉碎同蕃茄，仲有個生蛋，真係好好味！ 牛肉鍋有各種蔬菜同靚牛肉，最欣賞係個湯式味道濃淡岩岩好。明太子醬伴軟殼蟹新鮮即炸永遠係最正，更正係完整靚靚仔仔既蟹，配上明太子醬很不平凡芝麻蝦多士脆一脆既蝦膠上有香口既芝麻。呢個小食好開口。吉列豬扒用好林好濃豬肉味既梅頭之類既位置，質素好高哦！綠茶蜜糖茶蜜桃紅茶檸檬梳打餐廳好乾淨，店務員好勤力好好客。係令我想回頭既餐廳。

這間位於炮台山的日式料理，走親民路線，門面裝潢及室內佈置均充滿日本風味，環境舒服企理。小店主食價錢由$36起🫢還全日不加一，茶餐廳價錢吃到日式便當😋，相當貼地又親民，食物方面卻絕不馬虎，值得推介。🦋咖喱牛肉鍋 $52咖喱味道香濃不辣，除了牛肉份量十足，還有鮮雞蛋、蔬菜、金菇、什菌、粉絲、豆腐及冬菇，配埋米飯，足料抵食，性價比超高。🦋醬燒牛肉煎飯(肉醬汁) $46煎飯有點像米堡，帶微微焦香，配上沙律醬、車厘茄、椰菜絲。醬燒牛肉份量都不算少，醬汁可以選肉醬或咖喱汁，伴飯一流。🦋和風辛味軟殼蟹 (配辣蟹子醬) $49原隻軟殼蟹炸得相當酥脆，大大隻啖啖肉，配上微辣的蟹籽醬倍添惹味。🦋鹽燒三文魚腩 $39三文魚腩切成一條條鹽燒，三文魚皮燒得帶點香脆，入口充滿脂油香。🦋九町屋咖啡 +$10🦋水蜜桃綠茶 +$10凡點任何主食加$10就跟餐牌上任何冷熱飲品，真的平到沒法投訴。

之前剛剛開冇耐嘅時候嚟過，今次嚟裝修改變左，感覺光猛咗，但係就少咗日式風格。晚市都一樣咁抵食！全日免收加一。▶️唐揚雞拉麵🍜$48唐揚雞有四件，金黃香脆，味道唔錯。拉麵配料有粟米粒、糖心蛋，份量相當多。▶️牛肉壽喜燒鍋配飯$52壽喜燒湯甜甜地，有牛肉有菜都幾豐富。配飯。▶️九町屋餃子🥟$32餃子係炸餃子，一份有四件，幾大隻又多餡料。▶️鹽燒鯖魚$39呢個都幾大條，真係好抵食！燒得魚皮香脆，點配埋檸檬汁幾好食！▶️蘋果汁 點主食加$10就有飲品蘋果汁大大杯好抵飲！

因疫情關係，好耐無出外旅行，相信好多香港人都好掛住日本同當地嘅美食。今晚就應友人邀約，嚟炮台山呢間「九町屋」食日本菜。餐廳裝潢以木色系為主調，門外嘅狸貓擺設非常搶眼，頭戴斗笠、圓滿大肚，形象經典，配上店內嘅古式樓房設計，令人有恍如置身於日本居酒屋之感。先睇餐牌，冇諗過呢度嘅食物定價咁親民，幾十蚊就有交易，而且仲要全日免收加一，相當抵食。我哋每人點咗一客主菜，另外再加咗兩款小食同飲品。辛味軟殼蟹 Burger ($55) 配肉醬汁軟殼蟹勁大隻，炸得非常酥香，夠薄脆又輕巧，入口辣辣地，蟹肉多而味鮮。墊底嘅米飯亦煎得好香口，金黃微焦，配上濃稠嘅肉醬汁，愈食愈惹味。牛肉壽喜燒鍋 ($52) 配米飯牛肉大大片，肉質好鮮嫩，脂肪比例平均。壽喜燒湯底味道亦唔錯，甜度啱啱好，配菜有冬菇、豆腐、蔬菜同生雞蛋，配上晶瑩彈牙嘅珍珠米飯，口感十足！小食點咗香煎帶子腸 ($35) 同 鹽燒三文魚腩 ($39)。帶子鮮甜肉厚，兩面都輕輕煎過，再用竹籤串起，食落爽彈味鮮。三文魚腩油潤飽滿，燒至半熟，魚皮香脆，魚肉滑嫩，入口即化。點主食 +$10 奉送飲品，揀咗黑莓汁 (+$10) 同 檸檬梳打 (+$10)，黑莓汁

紅燈籠🏮同狸貓主題🐱就好似真係去左日本居酒屋咁🇯🇵座位闊落 食物質素唔錯 大大份主食平均只係$4X~$5X CP值高👍🏻▫️辛味軟殼蟹煎飯$55原隻軟殼蟹好大隻啊🦀炸得酥脆 啖啖肉 而且仲有膏😻煎飯煙韌 如果有飯焦就更加香 醬汁揀咗肉醬 蕃茄味濃郁 超餸飯▫️醬燒牛肉撈$46麵底香彈 秘製醬汁甜甜的帶微辣 加上牛肉🐮肉碎 半熟蛋🥚&青瓜絲🥒惹味開胃▫️香煎帶子腸$35用上90%帶子🐚就好似食緊原隻帶子咁 鮮甜juicy 口感帶少少彈牙✨▫️燒辛味餃子雞翼$39🐥雞翼釀咗辛子 脹卜卜真係成粒餃子咁 去咗骨咬落啖啖肉 微辣😋每樣都配新鮮沙律菜伴碟🥗

連假的週日，閑遊天后炮台山一帶小街，不單止有人氣咖啡店，仲有好多特式餐廳食店，裝修都好有獨特性。門口有隻狸貓公仔，好cute勁搶眼。店外有outdoor座位，仲係per friendly 餐廳～感覺閑適寧靜。內裡以木系灰牆元素裝修，蘊含禪意簡約風格。🥢溫泉蛋雞扒肉醬大碗飯呢個配搭真係好正！ 拌勻飯面濃郁肉醬，加埋流心溫泉蛋，食起黎肉汁蛋香味勁爆，仲好嫩滑雞扒皮薄金黃，咬落輕脆帶幾分油香，肉質鮮嫩夠Juicy，再加一口肉醬飯，超惹味🥢牛肉壽喜燒濃黑壽喜燒汁，浸泡各種野菜鮮菌，温熱既薄牛肉片味道特別鮮甜飯粒掛上甜身燒汁入口，夠哂滋味旭香!🥢和風辛味軟殼蟹配辣蟹子醬小食類別選擇多，點左兩款happy share，軟殼蟹外層包左少少炸粉，好香脆入口仲有點辛香度。可以加配辣蟹子醬，香辣咸鮮度明顯提升🥢燒辛味餃子雞翼另一款都係辣辣地，食落香勁既燒餃子雞翼，🍹蜂蜜檸檬紅茶呢杯唔係啤酒吖🤣蜂蜜、檸檬、茶香三種味道好平均🍹黑莓梳打莓味幾重，唔會好甜，好清爽

水星街九町屋裝修得幾別緻，而且價錢非常抵食！多為便當和小食為主打，價錢平份量大！menu都幾多選擇。溫泉蛋醬燒牛肉肉醬大碗飯，肉醬味道濃郁惹味！非常開胃送飯，温泉蛋汁 prefect, 牛肉片燒香過後更有焦香感！飯粒幾香，size大大碗，相當抵食唐揚雞配手作他他醬汁，手作他他醬幾香，豐富沙律醬香，唐揚雞脆口，肉汁嫩滑！口感清爽唔會膩口。吉列豬扒拉麵，湯頭夠味，豬扒夠肉汁夠香脆！燒靖魚非常加分！熱辣辣，外層煎香脆口，魚夠滑！加上酸汁更提帶出鮮味。整體真係夠抵食又大份。

上星期係天后個邊閒逛時，見到有間居酒屋價錢非常親民，見到軟殼蟹煎飯都係50幾蚊，二話不說即入去食。雞軟骨小丸子，一串有3粒，用雞軟骨整小丸子口感豐富，彈牙得黎又帶點脆口感。芝麻蝦多士（配威士忌汁）件件都有爆多芝麻，入口酥脆，蝦味十足，加威士忌汁，油膩感大減。辛辣軟殼蟹煎飯配肉醬汁，50蚊食到軟殼蟹嘅地方真係唔多，重要係原隻軟殼蟹，炸得相當酥脆，，肉醬汁有點曾相識嘅感覺，淋落煎飯到份外惹味。香煎帶子撈麵，醬汁帶點辣，沾上醬汁同肉碎的撈麵份外惹味，麵質不太淋，經煎過嘅帶子更香口嫰滑。步入夏天，飲杯蜂蜜檸檬紅茶和青蘋果紅茶解渴，爽到爆。

今日同朋友黎到北角哩間日式食堂。餐廳裝修設計類近日本居酒屋，門口掛上唔少紅燈籠🏮有戶內、戶外及吧枱座位。餐廳既食物性價比幾高，$40至$50就已經有大大份主食，再加$10就有埋飲品，仲要全日任何時間都唔會收加一服務費👍🏻🍤黃金大蝦煎飯 配肉醬汁 $44第一次試煎飯，佢係將米飯兩邊都煎得金黃焦香，再淋上飯素、沙律醬及椰菜絲，米飯入口粒粒分明，煙韌有咬口。醬汁可以揀肉醬或者咖喱，肉醬既蕃茄味濃郁，送飯一流，煎飯上面配有三隻吉列炸蝦，炸蝦粉漿薄身，炸得香脆可口。🐂牛肉壽喜燒鍋 配米飯 $52壽喜燒鍋湯頭味道濃郁清甜，入面牛肉既份量都唔少，仲有娃娃菜、粉絲、金菇、什菌等，哩個價錢真係幾抵食。🍡雞軟骨小丸子 $29小丸子有三粒，內裏用豬肉丸混合少少雞軟骨碎，食落爽脆有咬囗。🐟鹽燒三文魚腩 $39三文魚腩非常香口，入口充滿魚油香，而且已經切好一條條，非常方便易食，好食推介👍🏻🍎🍹蘋果果汁 $20🥭🍹芒果果汁 $20整體黎講，餐廳環境舒適，食物味道唔錯，而且夠曬大份，性價比真係幾高，去開北角都可以一試。

九町屋係上年大約十月開業，我年頭食過覺得好正，其中串燒同刺身好出色。可惜最近疫情嚴重，加上限聚令、禁堂食等因素，餐廳暫時停止刺身串燒既供應🥲不過午餐款式仍然好多，我地叫左兩個lunch set同小食。- 吉列炸芝士入面係車打芝士，而且係流心，仲有少少拉絲效果！- 芥茉脆魚柳炸漿較薄身，口感輕盈，仍然食到魚柳嫩滑口感，芥茉醬同魚柳好夾！- 辛味軟殼蟹Burger餐廳既burger用左白飯，令我諗起麥當勞經典既飯Tastic🤣。白飯煎到焦脆，配上肉醬汁，令整體口感無咁乾。至於軟殼蟹有少少油膩，但夠大件同炸得好香脆，飯同軟殼蟹比例啱啱好。- 咖喱牛肉鍋牛肉入口即溶，油香豐富。咖哩湯好香，唔會過鹹，送飯一流，蛋黃令咖哩口感更加嫩滑😋- 凍咖啡餐廳將咖啡放入葫蘆形狀既玻璃樽，然後再放係一個裝滿冰水既用器入面，令咖啡唔會因冰塊而變得淡味👍🏻以上兩款午餐都只係$50左右。即使餐廳現時只提供較便宜既食物，但餐廳食物仍然充滿誠意，大家要盡力支持一下小店！