九町屋 (Moved) New Location

除夕夜又再次嚟到呢間餐廳，其實今次同食廚師發板冇分別，因為我哋係完全冇睇過餐牌，由師傅幫我哋安排。今次呢我哋都一樣揀咗兩款刺身，又係師傅幫我哋攞材料，揀啲啱嘅刺身俾我哋食。我哋食左金目鯛同另一款唔記得咗叫咩名。都可以見到啦，魚非常大條，肉質厚實，鮮甜肥美。我哋有預先同師傅講過想食生蠔。今次一共叫咗兩打，可以見到非常大隻。不過呢唔知點解第一盤嚟嘅比第二盤好食啲咁。味道來講充滿海水味，非常肥美，亦都唔算話有腥味。最重要嘅係，食完返屋企唔會唔舒服呀嘛！好多時出去食生蠔，最怕就係肚痛。今次一個人食成四五隻都冇事呀！豬胺架，師傅都預先帶定頭盔，話呢有少少咸。其實呢我個人就覺得未係好鹹嘅，可能再點埋芥茉醬啦，就中和翻啲未。講返個豬先，油脂都好豐富呀，味道其實都唔錯。油脂入口即溶，好有肉味，唔會有烤燶嘅炭燶味。然後就嚟咗一系列嘅串燒，包括有青椒仔，青椒牛，燒雞翼，黃金汁燒大蝦，冬菇串，車厘茄煙肉，仲有個雞軟骨。除咗雞軟骨外，其他都係我哋之前黎食過，可以參考返上兩次嘅食評。再次食，咁當然有信心保證啦。雞軟骨都好大碟，而且呢唔會係話死炸，好多油嗰啲。咬落去真係有咬口嘅。最後又點少得，豆腐野菜烏冬鍋。將刺

聖誕節又再次嚟到九町屋，為咗慶祝節日，叫咗師傅準備咗啲新鮮嘅刺身。今次有得食池魚同鱸魚。佢將兩條魚擺埋一齊，睇個圖都知道非常之大隻呀。肉質鮮甜，爽口，唔會係好薄一片。池魚口感爽脆，脂肪比例適中，入口清甜，魚油回甘。大家食完唔夠喉，於是又嗌多咗一條細魚，魴鮄。粉紅色和白色的魚生交集，肉質紮實鮮甜。當然啦，一定冇頭先嗰兩條咁肥美。之後就嗌左呢碟，半生熟牛肉(我哋唔知其實佢叫咩)。值得一讚嘅係佢下面嘅洋蔥，好甜。牛肉好嫩，唔會韌。肥牛蘆筍卷，蘆筍好嫩，唔會有根。幼幼一條，入邊都放咗好幾條㗎。肥牛雖然唔係啲咩特別野，但係依然唔係出邊好鞋嗰啲。車厘茄豚肉卷，呢個又係我哋特意叫師傅整嘅。因為我哋實在太鍾意食車厘茄。佢個豚肉呢係豬五花，車厘茄中和返肉嘅油膩。燒雞翼，黃金汁燒大蝦同原條燒茄子，呢三樣都係上次有點過嘅，所以今次都唔多講，有興趣嘅朋友呢，我哋歡迎可以睇返上一次嘅食評。汁燒魷魚筒，雖然size就比較細，但係味道呢都OK 㗎。用嚟送下酒，唔錯。茶漬飯，估唔到呢個都好好食，味道唔會過龍，又可以食下少少飯飽肚。豆腐野菜鍋，鍋物入邊係用返原條刺身嘅頭尾去熬製。諗都諗到非常甜，一個字，正！如果你哋有想

友人生日，平時我地都會係天后試下唔同嘅餐廳，於是今次就簡左黎間新開嘅日本餐廳。因為壽星女鍾意食希靈魚，所以我哋都叫咗刺身，另外仲有中拖羅刺身。因為我唔係好鍾意食希靈魚嘅緣故，我覺得呢個刺身正正常常，唔好有腥味，融雪處理都OK，唔會好硬。而拖羅刺身個樣就靚靚仔仔，但係可能係因為啱啱拎出嚟，所以都真係好硬，上到嚟仲要等多幾個字先融到雪。但係油脂分布均勻，可惜都有啲筋，不過聽講佢哋已經轉左供應商啦，所以想食嘅朋友都可以試。跟住我哋叫咗一系列嘅串燒，包括原條燒茄子，冬菇串，鹽燒油甘魚骹，雞翼，大蔥安格斯牛，牛油燒帶子串，銀雪魚西京燒，黃金汁燒大蝦。原條燒茄子清甜，調味恰當我唔會全部都係孜然粉嘅味道。另外火候啱啱好keep到茄子嘅水份。冬菇不過不失略帶冬菇嘅香氣。油甘魚骹好好味，燒完可以將油脂溶咗係啲魚肉入面，而鹽可以將魚嘅鮮味帶出黎。外皮燒到香脆，真係極力推介俾大家。雞翼亦都係壽星女最愛之一，外皮香脆，雞翼亦都有幫大家一開二，方便大家分享。大蔥安格斯牛有肉味，入口牛油會起口溶化，亦唔會太韌，大蔥亦可以幫大家解膩。牛油燒帶子好食，熟度啱啱好，大家可以一試。西京燒調味甜而不膩，魚肉彈牙，亦帶有魚肉

假期過後，又要上班了，但心情還沒回復好。所以下班以後就約了朋友一起去吃個飯放鬆一下！壽喜燒牛肉鍋（８２元）想不到吃什麼，就選這個就肯定沒有錯的！牛肉鍋熱辣辣，上面放了隻生雞蛋，用餘溫慢慢把他浸熟，吃起來又滑又嫩又有蛋香！而牛肉吸飽了鹹鹹甜甜的壽喜燒湯汁吃起來特別惹味！鍋內還有大量的蔬菜，豆腐和粉絲，真的是挺健康的一款！日式海鮮炒烏冬（９５元）這個日式風味挺濃的，醬汁是帶點酸甜的，又加了黑椒去炒，所以也有點辣辣的感覺！加了海蝦，蟹柳，魷魚仔和帶子進去一起炒的，都挺新鮮！除了海鮮外，還有大量的蔬菜一起炒的！加州卷（７８元）這個卷物真的比想像中的要大件，一口都吃不完的！上面有大量的蟹子，中間是蟹柳，玉子和青瓜，所以吃起來會帶點爽脆，又有海鮮的香味，蛋的嫩滑！甜蝦蟹膏軍艦（４２元）這個蟹膏鹹香，帶有濃濃蟹的鮮味，還配有嫩滑鮮甜的甜蝦！三文魚壽司（２８元）這裡的三文魚壽司挺高質素的，魚非常嫩滑，帶有魚香！前菜（30元）

屋企附近開咗一間dogfriendly 嘅日式居酒屋🏮🍶 日本菜真係比較少可以同狗狗一齊食🥳 最緊要佢哋嘅set超級抵食!! $108 10件壽司🍣推薦三文魚，帶子，油甘魚，北寄貝😋 賴尿蝦真係唔好嗌，超級細條🤣💩$68牛肉壽喜燒🥘 四塊牛肉，入面有粉絲，娃娃菜，冬菇，個湯底略為甜咗啲，不過撈飯食都唔錯😇所有套餐都係跟麵豉湯前菜同甜品，份量大，性價比高，環境舒服，一定會回訪❤️

意鍾食串燒的我，早前試了一閒新開居洒屋，位於炮台山九町屋。這裡有各式各樣刺身，壽司，串燒等。。店員先奉上前菜-中華沙律。我點了好幾款串燒。黄金汁燒大蝦這是必食。虎蝦夠大隻，肉質爽口彈牙，再配上黄金汁，更加好味。厚切牛舌串，肉質帶點咬口，若再厚身一些更好。醬油燒扇貝，味道調教不錯，得一隻吾夠喉。芝麻雞翼，外層脆口，內裡雞肉幾嫩滑，最啱鍾意食香口野的朋友。點了軟殼蟹手卷，因我愛食，脆身軟殼蟹，與紫菜和飯好夾。最後，奉上精緻甜點，煙煙韌韌，甜度適中。

今日同朋友慶祝生日食飯，因為朋友鍾意食日本嘢所以我就專登揀咗間居酒屋嚟同佢慶祝 明太子雞翼去咗骨嘅雞翼中間釀入明太子，識落啖啖肉而且明太子辣辣地咁好好食雞軟骨串燒牛舌燒雞腎黑椒牛柳粒石頭鍋飯呢個一上枱已經超級香，牛柳粒好林而且肥瘦適中，黑椒嘅味道同成個飯非常之夾，中間仲有隻溫泉蛋撈埋一齊食一流海膽炒飯同樣用石頭鍋呈上所以食到最後會有少少飯焦好特別好好食，炒飯亦都吵得非常之乾粒粒分明金龍卷面頭有吞拿魚茸，配埋炸蝦卷配搭新穎得來好好食，炸蝦炸得好脆埋單每人都只係$300食物質素好同朋友都食得好開心下次一定會再嚟

前菜三款 $30有核桃魚乾 八爪魚同中華沙律雜錦魚生沙律 $65好多魚生 而且好新鮮 沙律菜加左柚子醋 酸酸地 好開胃厚燒牛舌串 $45好厚 燒得好香 牛肉味香濃 而且不會好韌 清煮煮蜆 $79清酒味唔算好濃 蜆嘅份量好多 幾鮮甜火炙三文魚芝士卷 $88火炙三文魚喺最上面 中間包住芝士同青瓜 呢個組合好好食 因為三文魚同芝士好夾 火炙三文魚好肥美 食完仲想再食壽喜燒牛肉鍋 $82呢度嘅鍋物都唔錯 有好多材料 有牛肉、豆腐、生雞蛋、金菇、雜菌、娃娃菜、粉絲個湯甜甜地 唔會好油膩 牛肉嫩滑同入味 日式粉絲好吸湯汁 所以好惹味全部配料索左壽喜燒湯汁都好好味 雞軟骨串 $22雞軟骨幾爽脆, 加左鹽調味已經好足夠七味雞腎串 $25雞腎夠爽口 不過調味好似唔太夠花魚一夜干 $129一夜干好大條 魚肉煎得幾滑 同埋一d都唔會腥炸雞軟骨 $45炸得好香脆 份量亦都好足夠 不過有啲咸

今次同朋友去左呢間位於北角同炮台山交界嘅居酒屋食晚飯，成個體驗都幾唔錯。餐廳唔算大，位置唔算多，7點左右黎到都full house. 價錢係居酒屋黎講又唔算太貴,$200內都可以食得飽。我同朋友就叫左一個三文魚茶漬飯、燒油甘魚鮫、蟹子沙律同埋火龍卷，整體味道都唔錯。我自己就特別鍾意個燒魚鮫，新鮮燒起，外皮香肥魚肉細嫩。茶漬飯相對黎講就較一般，主要係個湯底麻麻。蟹子沙律食落味道清新開胃，安全之選。火龍卷都唔錯，可惜嘅係飯多左啲，不過勝在夠飽肚。整體黎講食物水準都唔錯😊去開果頭食飯不妨一試。

Discovered a new restaurant in a hidden alley, offers good food and quiet environment, great for small groups and couples! Their service was attentive and friendly from the start to the end. The above was all the items we have ordered. We started off with their skewers and some hot items like lobster with cheese and chicken livers, scallops and onions with beef . Their chicken wings were outstanding and overall items were superb!!!! for hot main dish we had their kimchi pot with pork slices, fil

今日去左試新居酒屋裝修滿滿和風又令我好掛住日本了！坐低會先上前菜有幾款日式涼菜但會收費㗎～黎得居酒屋當然食串燒啦～我地揀左幾款燒物炸物但為免唔夠飽都叫左個窩物同炒飯厚燒牛舌串，七味雞腎串牛舌雞腎烤得剛好有炭火燒烤味但唔會老原條燒茄子大大條燒茄子唔會燒到乾爭爭配上日式木魚係和風口味～芝士加膽玉子燒蛋味香濃入口好嫩滑～加左海膽芝士，更加鮮味壽喜燒牛肉窩湯底好香甜～☺️☺️牛肉嫩滑仲有好多好多配料全部都勁入味好正！九町屋炒飯用石窩上全程保持到熱度珍珠米粒乾爽無油熱辣辣好味道！飲飽食醉仲有甜品綠茶蕨餅細細粒少煙韌食物價錢唔貴新開張服務好殷勤等我放入pocket list先～

喺水星街街頭望落去，呢間餐廳啱啱喺轉角位，俾佢嘅裝修外型吸引，真係好有居酒屋小店味道。外邊有少量位置可以食煙，入邊嘅卡位設計私隱度都幾高。一點完食品即刻送上餐前前菜，水準都幾高，尤其有我最鍾意食嘅合桃。劍魚腩壽司，脂肪分布平均，睇落好似一嚿肥豬肉，食落去感受到脂肪嘅香氣同埋好鮮甜。油金魚壽司都幾厚切，大大件完全覆蓋壽司飯。海膽帶子壽司，帶子夠大size，配上新鮮海膽，性價比好高。板燒安格斯牛扒，好清楚睇到中間嘅牛肉仲係鮮嫩嘅粉紅色，時間掌握得好準確，牛肉味濃厚。吉列蠔係我另一至愛，炸得夠酥脆，外脆內軟，蠔味濃。軟殼蟹手卷，炸得酥脆齊整嘅軟殼蟹，賣相吸引。

同事生日，約咗去北角九町屋食日本野，佢最鍾意去日本旅行，但因疫情冇法成行，所以佢就揾咗呢間無論食物和擺設都與日本居酒屋相似嘅餐廳慶生，置身其中，真係好似去咗日本！前菜有三款，我最鍾意合桃小女子，甜甜地又有咬口！日式海鮮炒烏冬：炒得都好香，而且材料多過烏冬，大大隻蝦和元貝，新鮮爽口，還有魷魚、蟹柳、蔬菜和木魚絲等，配合彈牙嘅烏冬，好味！鰻魚炒飯：用石鍋盛載，除咗保溫，底部的飯重有一層焦香脆口的飯焦，飯炒得粒粒分明，用鰻魚和鰻魚汁炒，再加上木魚絲，啖啖都好惹味！帶子壽司：帶子爽口鮮甜。三文魚壽司：三文魚油脂甘香。吉列蝦：即叫即炸，熱辣辣香脆可口。串燒雞中翼：皮脆肉嫩又入味！

今日到天后炮台山和朋友聚舊，好耐冇去過天后炮台山食飯，地膽朋友帶我去左水星街哩間新開業的"九町屋"食日本野，有室外座位又幾Chill，最緊天氣凉凉地啱曬Feel。前菜三款 $40/位甘粟薯餅 $32金黃香脆，內軟糯，鮮炸夠熱。天龍卷 $78餐廳推介嘅天龍卷，材料配搭豐富，味道口感有層次。三文魚腩壽司 $38赤貝壽司 $38海膽帶子壽司 $48三款壽司都新鮮，帶子厚身，配上海膽更鮮味。赤貝口感夠爽脆又鮮味；三文魚腩厚切，口感柔軟，整體不錯。壽喜燒牛肉鍋 $82壽喜燒賣相吸引，湯底甜度適中，牛肉份量多，蔬菜豆腐粉絲鋪底，拌勻日本生蛋更吸引。

辛子燒明太子明太子意粉食得多，燒明太子就第一次食！明太子原條咁上，燒完之後鹹鮮惹味，做開胃菜岩岩好！🤪壽喜燒牛肉鍋有4塊大大片牛肉，好嫩滑，又唔算好肥，仲有超多紹菜、蛋、冬菇同豆腐等配料，全部索左壽喜燒湯汁都好好味，尤其係個豆腐，竟然都幾香同有豆味😆😆海膽玉子燒平時玉子燒食得多，海膽玉子燒真係比較少見，玉子燒已經分開4份，上面有一口海膽，呢款玉子燒口感係比較硬身，味道香濃👍🏻芝士年糕一口既size好方便，外皮香脆，入面有拉絲同流心既效果😋😋