魔膳工房 (Changed Hand) New Restaurant

公司搬左黎觀塘之後每日都好努力咁發掘工廠裡面既餐廳, 上網見到魔膳工房裝修都好靚就趁lunch試下餐廳裝修好森林系, 而且好大間, 就算成班同事黎慶祝生日都無問題, 唔怕會嘈到人午餐選擇都算多跟餐會有湯同包, 麵包有烘熱到, 羅宋湯同忌廉湯就中規中矩啦~主菜黎啦塊牛扒超級厚! 而且好重牛味! 我地叫左五成熟, 食落去都幾腍另外伴碟既薯角都好好味, 熱辣辣上枱, 外層仲有少少脆醬燒豬肋骨醬唔會好濃 無搶曬豬肋骨既味食落都幾腍

人生大伏。說實話，佢個湯面包都算係中等，不過不失。啲薯角仲炸都脆卜卜。但主角係塊牛排啊大佬！一套戲，配角做到有幾出色，佢地都只係配角。塊主角切落去多筋到一個點！完全無肉味，得雪味。我真心強推大家即使黎都唔好揀排食。

來觀塘揾好朋友食下午茶，朋友愛健康但又想食西餐，我就諗起呢間黎過幾次既魔膳工坊，因為佢個salad bar好多款式，食物質素都唔錯，不過之前都係lunch/dinner時候黎，下午茶就無喇，原來而家有半價優惠羅宋湯配餐包每次黎既跟湯餐包都唔同，記得之前試過一次較淡口，今次就岩我，係圓法包，入面有唔少nuts，唔係hea既餐包沙律bar依然係我既最愛最欣賞呢到款式好多又廣，淨係沙律菜都已經有四大盤，連意粉都有另一邊既沙律bar除左生果外，有酸蘿蔔、芝士碎、蜜桃片、中華沙律、菇等，生果有西瓜、車厘茄等，加$20就有得任食，that's why我咁中意黎日式照燒雞卷暖沙律對於照燒雞呢樣野實在無法抗拒去到邊都要叫！而且岩岩食完飯，所以下午茶叫個卷就岩哂。不過原來比想像中大好多！因為呢個係單點既食品，兩人分都得，兩大卷，分享無問題墨西哥皮烤得邊邊香脆，有一定厚度，唔會太薄令口感減弱，陣陣麥香。入面作饀既照燒雞份量非常多，照燒汁非常濃郁，惹味無比，而且雞肉本身煎得香嫩稔滑，屬雞肶部位，連皮同適量脂肪令雞肉更滑溜，好滿意！沙律都佔左一半碟，沙律菜新鮮，但個人中意羅馬生菜果類較爽脆既沙律菜生果部份有蜜

觀 塘 覓 食 之 選幾 喜 歡 呢 到 環 境格 局 佈 置 獨 特 配 有 輕 音 樂坐 耐 少 少 都 無 問 題。夠 舒 服✨✨✨✨✨✨✨✨✨✨✨《OpenRice 限 定 優 惠》只 14:00-16:00🔴 星 期 一 至 五 半 價🔵 星 期 六 日 7 折泰 式 燒 牛 肉 田 園 沙 律 $76😍 一 上 枱 要 影 相 📸 隻 碟 同 食 物 佈 置 好 靚味 道 方 面 同 相 片 一 樣 咁 正沙 律 醬 汁 除 左 泰 式 應 該 加 左 麻 醬不 過 牛 肉 硬 得 制 改 良 番 就 prefect 👍🏻 黑 松 露 雜 菌 意 大 利 飯 $75飯 吾 夠 入 味 感 覺 一 般 如 果 做 到 外 軟 內 韌 就 好 了熱 玫 瑰 蜜 花 茶嘩！推 介 ❤️ 好 正 ❤️❤️❤️❤️❤️❤️❤️❤️❤️❤️❤️店鋪：魔膳工房 (觀塘) @magekitchen 地址：觀塘開源道77號業發大廈一期2樓D室

好友今日特登黎觀塘搵我食午餐聚會，佢揀左呢間Mage Kitchen，佢想食扒點知上到去先發現午市冇扒食，哈！冇牛扒就食魚柳啦，下次晚市再食過午餐menu,2點後仲有半價添用大screen播片，令我好放鬆自己，幾舒服環境清優，大張梳沙，坐得好舒服，加上我2點至去食，人又少，更加適合朋友聚會傾偈睇落去已經唔錯，加上餐廳將薯蓉整得好幼細，牛油香味好濃郁，仲要打孖一個個雪糕甘上碟，真不錯👍泰式辣牛肉粒沙律我好鐘個醬汁，甜甜酸酸的，好開胃，配埋牛肉食好清爽，而且菠蘿清甜，沙律份量足夠，幾好咖啡好飲P.S lunch 時間3點前，可以每人加$20任食沙律吧，有幾款甜品選擇，都幾岩我

今日到觀塘辦點事，因黃雨關係，諗住順便約老公係觀塘食晚飯。check過呢間人氣餐廳，決定試下。雖然叫工廈餐廳，心諗可能會好難找, 但原來係地鐵站附近，地下門口又放曬大牌，揚眼又易搵，落大雨都唔洗點揼雨。店內裝修走型格路線，枱與枱之間空間很足夠，坐得舒服。好在有投影機播放美式搞笑卡通，搞笑卡通一向都係我杯茶，幫我踢走雨天帶來的blue mood.點左個set dinner, 要了羅宋湯，三色芝士配豬肋骨。羅宋湯跟餐包端上，好味的羅宋湯，不是死硬的酸甜，呢個湯好層次。餐包鬆軟有質感，勝在用的麵粉夠靚。燒豬肋骨超大份，好好味，滿瀉嘅芝士造到切每一件都有拉絲效果，豬肋骨本身夠入味，骨與肉剛好容易切開，好味。食到最後，老公仍未收工，雖然有黃雨又被放飛機，但食到餐好食而又坐得舒服嘅晚飯，心情馬上好起來

與住在觀塘區的朋友們見面，就一起發掘觀塘工廈的餐廳。今日試嘅魔膳工房好近地鐵站，餐廳內都幾多座位。我地食late lunch,所以一黎到就可以入座。午市套餐價錢是$65-$138，唔駛加一。餐包有提子、合桃和紅莓做餡，製作見心思。南瓜湯幾滑泰式燒牛肉田園沙律 $76以泰式甜酸醬汁調味，再加上辣椒碎、菠蘿粒，令沙律更惹味，好醒胃。燒牛肉肉質稍為硬啲。香煎鈕西蘭西冷拼配黑椒汁跟薯角 $138西冷扒有牛味，煎香後仍保留了肉汁。朋友說薯角也香脆。配菜的翠玉瓜、甘筍仔也不俗。朋友點的龍蝦汁露筍海鮮意大利飯 $86

見網上好多好評，於是今日就和兩好友一起來試試。地點很近觀塘地鐡站，行5分鐘就到。餐廳在樓上的，一上到去餐廳，餐廳很濶落。見餐牌，有好多選擇，價＄range都係6十幾至百零蚊一set,又不貴喔。我地三個每人點一個餐，order了香煎紐西蘭西冷拼黑椒汁跟薯角🍠--》西冷吾錯呀，叫了7成熟，值得一讚龍🦐汁露筍海鮮意大利飯，這個就一般般啦。泰式燒牛肉田園沙律，沙律好食不過牛肉就煮得過火了。另外這裡有我鍾意食餐廳的餐包，是紅莓的

下雨天，不想走太遠吃晚飯，所以在官塘工廈隨意找了一間餐廳試試看，這餐廳地方都頗大，餐牌上選擇也算多，我們原先只點了一個羊架和牛扒，但店員告知可以似半價點清酒煮青口，所以都叫了一客，羊架味道十分不錯而牛扒相對地較為一般，最後店員還送了我地兩客藍莓甜品，值得加分！

我諗真係喺工廈搵食搵上癮，星期日晚又係唔煮飯日，想開飯睇一睇有決定咗今晚食乜啦，於是即刻打去book枱，兩位搞掂曬。一開頭行錯路🤔原來喺鱷魚恤條電梯落返去開源道右手邊第一棟大廈已經係啦。真係好彩有訂位，上到去發覺佢原來都好多人去食，如果walk-in真係可能無位。由於佢有set dinner ，我地就唔駛散叫啦，於是我哋就叫咗兩個餐我就食法式鵝肝香橙意大利飯（$198），老公就叫烤法式春雞配薯菜（$168），個餐仲跟湯同麵包，老公飲熱檸蜜就加$3，我就飲荔枝玫瑰梳打加＄5。但我地就無加錢食沙律吧。餐包熱辣辣，我地一個紅湯一白湯。法式鵝肝香橙意大利飯黎到時候，老公即變心心眼，因為塊鵝肝好大塊而且好厚身，意大利飯微微橙色，淡淡橙香既意大利飯好配鵝肝，減低左鵝肝油膩感！我個set dinner 仲有個小吃，係蔬菜汁煮藍青口，一客有三隻，老公話好喜歡佢個汁😋春雞是即烤的，所以要等耐少少。佢既色澤幾好，感覺唔會好乾😃，都算做到外脆內軟，肉質juicy ，薯菜有薯仔、露筍同番茄仔，份量ok。為食推介：香橙意大利飯比較少見，值得一試。

門口以紫色為主，再配上拱形假草裝飾， 有一點神秘感。一推開門，原來是來有乾坤，餐廳面積大，燈光柔和，所以覺得好舒服。我們被編的座位那邊牆壁上掛了幾幅富有藝術感的掛畫，還有的是有幾張兒童坐椅，很適合一家人來。lunch menu的選擇在我來說也算多。 set lunch 含有餐湯，主食及飲品，hkd100有找，很戈算。雜菜羅宋湯多雜菜，甜酸適中。餐包上枱時仍是熱辣辣的，也夠軟熟。厚切豬扒配鮮洋蔥汁跟意粉那塊豬扒比我的手掌還要大，肉質也算嫰及juicy，多汁，意粉份量大約是一小飯碗那麼大，　配上少量蔬菜。跟餐飲品: 檸檬茶夠大杯，茶偏向西式的CEYLON TEA，好飲。食后感 : 價錢在hkd100以內，服務OK，環境也舒適，感覺良好。

我地一行8人, 一早book左位, 亦預留左房間。最低消費只需每人一個餐就可以了! 非常合理!套餐價錢大約$100尾至上$200幾左右, 選擇也很多。餐湯配麵包餐湯- 南瓜湯, 唔算好飲, 比普通茶記好dd。尚可接受！麵包- 就幾好食, 香脆新鮮!有d today special既餐係有前菜既。有沙律或青口揀。青口- 味道唔錯, 汁夠味~但就唔係好大隻。牛扒- 擺盆幾靚, 我地叫5成熟, 唔算太韌。但牛味唔夠濃, 唔係靚牛扒。不過呢個價錢宦算唔錯。其他配菜就幾好味! 牛肋骨- 好好味! 真係要推介! 佢燒到個邊好香脆, 而肉質夠林又入味! 如果唔夠味仲可以點黑椒汁或燒汁!一份有3份, 份量夠多, 好味又抵食!帶子意大利飯- 帶子煎得恰到好處, 意大利飯都唔算太硬, 整體OK!鵝盰意大利飯- 只得鵝盰, 無咩其他配菜, 比較寡!最後有餐飲, 咖啡、茶等, 仲可以揀橙汁, 蜜桃茶之類!都好多選擇!總括而言, 餐廳食物OK, 環境寬敞, 好適合gathering! 價錢唔算費, 不失為一個好地方!

I've been here twice and it's one of the best restaurants I've been to in terms of food and value, the salmon was just exquisite, and it's a big piece of salmon! The staff is friendly and the ambiance is quaint, and feels very comfortable. Highly recommended for families, couples for a lovely, quiet evening! A tip would be to go early to avoid the dinner rush, but if crowds are your thing, then you can obviously go later lol.

有個星期六下午約左姊妹來食lunch 方便食完去附近既工廈試姊妹裙因為見評分都咁高 係觀塘區咪試一試一行6個人6個叫set lunch 每人叫唔同既餐4個餐都超級咸 咸都食唔到我叫左雞扒薯菜 咸到只係食左幾啖 有朋友叫左一個海鮮意粉連一滴 汁都無乾都爆炸意粉又硬身餐湯加水飲都覺得好咸得個餐包叫正常少少另一個朋友叫左沙律 個沙律係最正常⋯真係可一不可再唔會再黎食食完個腎一定會事⋯價錢又唔係特別平都唔知自己食左啲咩囉！！

放工唔想去咁遠，就係公司附近搵好野食。呢間餐廳雖然係工廠區裡面，但離地鐵站都好近。大廈外牆平平無其，但行上餐廳的時候卻充滿驚喜。牆上面佈滿藝術畫作，心情都輕鬆點。餐廳內裡空間感很大，中間有沙律吧，盛著幾款新鮮沙律，只需加$35就可以任食了。餐單有不同的菜式，價錢都大眾化。和同伴點了兩個餐SHARE，各都包了餐包、餐湯、主菜和飲品。首先奉上是餐包，軟軟暖暖的提子包，沾點牛油，沒有不好吃的道理。餐湯方面，有雜菜湯及粟米忌廉湯兩款選擇。兩款餐湯的口味都十分香濃，雜菜湯的味道酸味開胃。及粟米忌廉湯則稠身，重奶油味，暖暖胃不錯。主菜首先是三式芝士醬燒豬肋骨配薯角($168)菜式份量非常重，整塊有8條骨豬肋骨上面佈滿邪惡的拉絲芝士，又香又濃。配上惹味的燒烤醬，相當入味，味道豐富可口。肉質亦啖啖肉，骨肉很容易切開，滿口滿足。配菜薯角都十分香脆，值得推介，趁熱食味道最好。另一味是蒜香香辣大蜆意粉($138)。有四大隻大蜆圍在碟邊，肉質肥美，無沙鮮甜。意粉用上大量香蒜和辣椒炒，入口香口惹味，帶點點辣度，把大蜆的鮮味帶出來。建議意粉的量可以多一點點，若是男士則恐怕有此少不夠滿足呢。餐茶點了兩杯凍檸蜜，大大