神燈燒 (Closed)

約咗班frd去神燈燒 燒個靚肉~~我哋揀咗level 2 有刺身食嘅set刺身第一round 叫質素唔錯尤其鍾意帶子~~但係第二三round叫啲刺身溶雪做得一般主角燒肉質素好 擺盤精緻有心思仲有飲品款式多最驚喜嘅竟然有雪糕紅豆冰同黑牛！

👏嗰種類多到你有選擇困難症，如果你啲朋友偏食同埋腌尖呢度一定會有一款啱佢哋嘅！👏有level 1,2,3 俾你選擇, 我就揀咗level 2。因為有多啲海鮮同刺身俾你揀。我最鍾意食刺身因為唔會肥呀嘛。見到隻刺身船除咗可以瘋狂打卡之外質素有驚喜喎。係超新鮮同埋喺厚切㗎。👏啲燒肉有好多唔同嘅口味,無論豬牛雞都可以仲有串燒可以燒喎,我鍾意食麻辣系列嘅。同特別到連雞泡魚乾都有得燒，越點越興奮。👏 燒海鮮當然係生蠔最吸引，芝士生蠔好香㗎我個朋友喪食唔停手。深海大虎蝦就係我最愛啦。因為我最鍾意食蝦膏。👏啲嘢食都嚟得快唔會好似其他放題咁樣叫極都唔嚟。密密食密密嚟😂👏另外佢個醬料調味㗎真係好吸引㗎有孜然粉咖喱粉海苔粉黑椒粉同埋神燈有啲辣油㗎大大提升食物嘅口味。👏另外仲有好多炸物熱盤熟悉俾你揀連點心都有喎 (熟食) 。我哋會推介呢個明太子雞翼真係新鮮熱辣炸出嚟㗎。👏個朱古力噴泉勁吸引囉同埋呢勁多嘢飲嘅選擇喎唔會剩係得啲汽水可樂啊咁樣連啤酒都有得飲呀啤一啤佢。同埋Level two可以有得飲叫嘅可以叫珍珠奶茶啦我就叫咗杯菠蘿冰啦。安格斯燒肉水產放題-370/person -120 分鐘

肉(level 3) ok，但抽風極差，每個爐都冇獨立抽風機，一入去好似桑拿房咁，好大煙，好熱，好焗，食完全身都係油煙味，啲肉好食都焗到冇胃口，唔建議大家去食除非做返好啲抽風

疫情期間真係好少出街食飯 今日約咗我個好姊妹 打算來一場報復式的一餐 放題就能夠滿足我哋種種慾望神燈燒第一次光顧 卻令我驚喜滿滿 食物選擇真係多不勝數 放題嚟講都算多嘢食 真係太耐冇食過燒肉，壽司，刺身，我唔客氣啦，我要瘋狂點餐。自助區乾淨企理 提供多種燒烤食物(生)，熟食，醬汁 ，飲品，生果及甜品等。自助區竟然有我最鍾意嘅麻辣東風螺任食 真係超開心 又香又麻 仲要好鮮甜 肉質彈牙爽口可愛公仔麵包造型100分 由於太多嘢食 避免浪費quota所以我就冇食麵包 不過個賣相真係好得意重頭戲來了 我每款牛都點咗一份 最靚嘅有和牛 澳洲m9 m7 m4樣樣齊 有多個不同部位選擇:牛肋肉 肉眼扒 西冷扒 牛頸脊 牛眼蓋自問牛魔王真係好開心 牛肉質素上盛 款款各有優點 重點係冇雪藏味 肉汁豐富 牛味香濃和牛超正 入口即溶燒蠔必食 個人覺得配芝士或者蒜蓉 都同樣好吃 燒完之後有微微縮水 不過蠔味真的很濃刺身款式夠多 有我最鍾意嘅三文魚，帆立貝，油甘魚，赤貝 全部刺身厚切 又夠鮮味壽司都有好多款擇 款款賣相都勁吸引 味道亦都唔錯 上面嘅刺身配料都好新鮮 舊飯亦都唔係一夾就散嗰一種

好耐無食燒肉，於是就同Honey嚟試吓呢間神燈燒。呢度嘅套餐有三個級別，Level1，Level2 & Level 3。我哋就揀咗個Level2試吓先。食物款式都好多超過過百款，而Level2就多咗美國牛肉、海鮮同埋特飲。第一Round先叫咗一D餐前小食，包括泡菜、螺肉、芥末八爪魚同泰式鳳爪，估唔到呢頭撳完送出再點其他嘢食之際，未夠一分鐘，我哋點嘅餐前小食就全部送到過嚟。有食過放題嘅人都應該體驗過等好耐、催勁多次或者甩單嘅情況，但呢次喺神燈燒呢到就完全無呢個情況發生，重點係每一次點撳完送出後，食物就好快手上枱，真心值得一讚！另外Level2嘅牛肉有5款，呢度細心位係每款牛肉都有個名牌，等我哋食過邊一款都知，仲可以因個人口味容易再點返自己嘅喜好口味。整體所有食物都好好，仲可以食到靚仔版熊貓雪條（不過唔記得幫佢影寫真）

又係放肆一下嘅時候，好耐冇食過放題了。試左神燈燒， 顧名思義主打燒肉， 我叫咗個level 2中間價錢放題，120分鐘任食 ，多咗靚牛同刺身可以揀。一入到店，已經感覺到拉丁風、有燈神、阿拉丁公主同神燈歡迎我哋， 仲有機械人喺度捧餐㖭。 坐得都算寬敞乾淨。外面有個自助吧已經好多嘢食， 趁野食未嚟攞咗個雞翼同麻薯波波， 個雞翼好香脆， 麻薯波波煙煙韌韌，好味。 用QR code點單， 真係好多款式可以揀。安格斯美國牛肉非常吸引，有安格斯肉眼扒，牛頸脊、雪花小排、 頂級版西冷同風門柳， level B先有得叫， 其實食一兩轉已經值回票價。刺身款式多，新鮮。水產類蒜蓉帆立貝、深海大虎蝦同時興隆魷魚魷魚，份量十足，仲好新鮮添。 鰻魚， 原來自己燒一燒好味好多。小食同炸物類吉列大蝦， 上枱時熱辣辣而且蝦都幾爽口。 榴槤炸彈， 榴槤味好重入面軟淋淋外面脆脆加鬆化。 黑糖牛油番薯，好得意，在爐上燒一燒後有點焦糖脆脆的外皮。沙律類胡麻豆腐沙律和蟹棒沙律， 沙律菜好新鮮而且醬料勁多。爆芝牛肉蛋蓋石鍋飯原來份量都唔少， 啲牛肉醃過幾好味，同埋好多芝士粒粒。飲品方面好多嘢揀花多眼亂，先上凍水果茶醒醒胃。 臨尾

門口個牌大大個燈神卡通，成個燒山咁嘅樣，原來係佢開嘅食足3個鐘嘅放題，食物選擇超級多！熟食，刺身壽司燒肉，蒸品，甜品，糖水，任飲酒精飲品仲有清酒！omg!!好多盞土耳其燈，全程播阿拉丁(神燈/燈神),壁畫係jasmine. 環境好闊落，坐得好舒服，慢慢食一d都唔急，大家都可以揀到啱自己食嘅野。手機落單，上菜都幾快。野食擺盤幾有心思，好多裝飾嘅生菜，有時有菠蘿。燒肉最尾要食燒菠蘿，無咁飽幫助消化。個爐係用發熱線，格網燒，唔會彈油，仲可以較火力。都唔容易燒燶。抽氣都幾快，睇到d煙喺爐邊即刻抽走嘅。選擇太多，所以上枱每樣野份量都偏少，但石鍋飯見隔離枱係成個lunch size咁大兜。。。點食啊？~~~Menu有珍珠奶茶，但嗰日賣晒。。。叫咗仙草奶茶，好飲，但無得揀少甜，好夠凍！雪糕紅豆冰勁大舊雪糕，飲野都飽晒！自取飲品櫃勁多野飲揀！仲有雪糕櫃，真係超多野揀！肉方面我地食level 2餐，有特飲，美國安格斯牛肉同水產。刺身質素都唔錯，帶子魷魚，三文魚都幾新鮮軟滑，味道幾濃郁。食早鳥時段最好，一早身已經中午，開始嘅時候就好肚餓，食3個鐘飽到夜晚唔洗食，全日淨係食一餐！

早幾日旺角行完街，經過銀座門口有個藍色公仔飄下飄下，一望原來係一間叫「神燈燒」既餐廳，再望下個公仔唔怪得咁似蕭燈神啦。坐低就見到有盞裝豉油既神燈，都幾有趣。我地叫左個Lv2 set 跟住就出去凍櫃攞飲品。飲品種類算多，啤酒汽水茶類都有，而且亦有沖調飲品選擇。今晚諗住主打燒烤，所以都冇乜點留意出面既熟食。-等咗一陣食物陸續送到，幾種Lv2專有既牛肉賣相都好吸引👍🏻，油脂分布均勻。經過幾十秒既燒烤之後，一試果然味道非常好！不得不提除左鹽之外，呢度仲有6種調味粉可以選擇，包括孜然，咖喱，海苔，黑椒，香辣同埋甘梅👍🏻，都係燒烤放題比較少見既。-Loop左幾轉牛肉之後，再叫咗茄子，玉子，酥炸魷魚鬚等等👍🏻，全部味道都不俗，絕對對得住呢個價錢。私心推介「時興隆魷魚」👍🏻，加幾滴豉油燒完之後正正係以前戲院門口車仔檔小販賣既烤魷魚，非常之咁好食！-最後，我地揀咗兩款泰國嘅西瓜雪條同熊貓雪條👍🏻做甜品作為今餐嘅結尾。******************************👍🏻好食 | 👌🏻可以 | 😔 難食評分 : 7.5/10簡評 : 性價比咁高嘅餐廳絕對值得推介。

跟朋友選擇了位於旺角市中心的神燈燒吃燒肉放題，我們選擇了Level2的套餐，跟Level1的套餐相比，食物選擇多了特式飲品、美國牛肉及海鮮，牛肉及海鮮是我的喜愛！先往自助區走了一圈，熟食的食品有很多選題，亦有甜品，最特別是有朱古力噴泉。飲品選擇亦有很多，就連教主代言的無糖飲品都有。美國牛肉選擇有五款，包括：- 美國安格斯肉眼扒- 美國牛頸脊- 美國頂級雪花牛小排- 美國頂級板翼西冷- 秘製壺漬封門柳在第一輪就選擇了美國牛頸脊及秘製壺漬封門柳，我個人喜好就是美國牛頸脊，牛肉味道比較濃。隨後食物有燒生蠔、大啡菇、海鮮及刺身，但最意想不到是有時興隆魷魚，這款魷魚已經很多年沒有品嚐過，令我回想小時候在戲院門外吃到的即燒魷魚一樣！大滿足的一餐！

因為家人鍾意食放題，適逢今日家人生日同佢哋嚟咗呢間食，點知係中伏嘅開始…..首先，係大門口、樓梯間見到兩個大嘅價錢牌（因無即時影，都係上網搵返）咁我哋就揀咗Level 2 $297，但都買單嗰下就發現個價錢唔對路，收左每位$338，睇返原來收銀處對住嗰個價錢牌係唔同的👇🏿雖然落單嗰陣店員都有俾個A4牌問我哋揀邊個LV，但因為入門口之前已經係樓上樓梯口揀左係食LV2，所以都冇特別留意就同個店員講咗（呢度算自己大意，無諗到擺門口個價錢係不一致嘅🙄）首先講吓啲位，店員安排我哋坐嘅位窄到連女人腳都冇辦法平放，好在要求調枱店員都冇拒絕😮‍💨再嚟係佢個爐，當開着咗抽風嘅時候，個熱力係唔足以燒肉，只可以煨肉，好彩隔籬枱個先生好好人咁教我地要熄咗個抽風個爐先夠力，但缺點係會煙霧彌漫🤦🏼‍♀️佢每張枱都會有幾樽調味粉，好不幸地我哋枱面個set係濕嘅，濕到倒唔出🙄燒肉汁定醬油汁？個樽已經乾到見晒底都冇人fill（重點我地未開始食，店內長期有吉枱所以唔會係一時忙到無fill到）🤷🏼‍♀️🤷🏼‍♀️隔離枱見到我地咁嘅情況都無奈地苦笑😅最後講講佢啲食物，真係搵唔到一樣好食嘅！ ！刺身唔新鮮，啲肉真係唔知點講🤦🏼‍♀️🤦

睇完見到咁多好評所以過嚟試吓結果好伏🚁🚁🚁🚁🚁🚁🚁完全冇抽油煙機 大煙到好似火燭咁枱底好似焗桑拿咁 個爐又唔大火燒又燒唔到餐牌上有嘅嘢叫嘅時候好多都缺貨難食 俾錢買難受

想係旺角搵一間坐得舒既既燒烤放題朋友推介神燈燒 貪佢地點就腳又多野食果然呢度都真係幾旺場 不過好彩全部卡位 地方都算闊落 坐得係舒服既3款套餐任選 要食多D選擇有海產同日式野既緊係要揀LV2除左手機落單既野食 出面自選區都仲有好多食材可以自己拎包括熟食沙律點心丸扒類菜類飲品等整體感覺係幾多野食而且多款啤酒任飲 抵玩食材方面一D都唔馬虎每碟都有好多配菜伴碟 可見其用心牛既質素挺不錯的 夠肉味 新鮮 而且仲有多種調味粉板翼西冷同牛頸脊最好味~雪花牛小排油花最多，入口超香牛舌因為本身熟左既 燒得快好多 而且都好食金菇肥牛卷隊長B很喜歡!刺身壽司都有好多款鮮甜肥美 最中意D卷物 而菜類必食牛油金菇﹑黑糖蕃薯同燒茄子!海鮮類好surprise 既係竟然有時興隆魷魚燒完加D豉油落去再燒香噴噴 王樣魷魚翼同深海虎蝦都推介 加埋個香草牛油汁真係無得彈 好夠細心可惜無試到燒蠔 相信都一定好食

最近都鍾意晏晝食得豐富啲，一來感覺上好似冇咁肥，二來食放題類別都掋啲，哈哈。今日就去到旺角一間叫神燈燒嘅燒烤放題，當然除咗燒烤之外都有一系列嘅熱食炸物刺身壽司等等。先講講環境方面，地方都好大唔會坐得好迫，以燒烤來講現場嘅油煙都尚算可以唔會太厲害。至於食物方面先從前菜講起，叫咗啲炸物，分別有炸魷魚，雞軟骨，明太子雞翼，芝士雞翼。好肯定全部都係即叫即炸，因為熱辣辣脆卜卜。另外仲有試到佢嘅芥辣八爪魚，泰式鳳爪，呢兩樣都好開胃。刺身選擇都好大路，我今日就食咗三文魚，油甘魚，帶子，赤貝，北寄貝。當中我就覺得油甘魚同帶子係最出色啦，雖則油甘魚切得比較細啲但係食到油脂香，唔似得其他地方有啲放題係好瘦削。壽司就分別試咗兩個卷物，有鰻魚同燒三文魚，都唔錯。燒肉方面當然都有好多選擇啦，Level two嘅選擇其實啲肉類都有好多可以揀。我就集中叫咗好多美國牛肉，上菜果下都幾搞笑，因為好似一個月光寶盒咁。我覺得咁多款裏面最好食嘅就係肉眼，西冷，牛頸脊。啲三款都肉味香濃，油脂比較好。我之後encore都係不斷集中叫呢幾款。另外一般其他地方有嘅豬頸肉，豬腩肉，雞翼當然都有啦。另外值得一提嘅燒海鮮啲到都好多選擇，燒

今日Lunch同男朋友去神燈燒食燒肉 價錢合理 但選擇真心多 員工都好有禮貌 而且收碟都算快出面有幾款熱盤 例如辣酒煮花螺 咖哩牛腩 卡通樣嘅蒸包 我食咗個豆沙包 其實都幾好味幾軟熟 咖哩牛腩都好好味 有口感得嚟又唔會太硬 另外又有炸物 例如炸薯角炸雞翼 同時又有甜品 例如朱古力蛋糕 麻薯波波同埋朱古力噴泉等 好多選擇我哋叫咗Level2套餐 牛肉可以選擇安格斯牛肉 肉眼 西冷 牛小排 牛頸脊等等 海鮮又有大蝦 生蠔 魷魚等 仲有呢度出名嘅芝士煙肉大啡菇超級Juicy 又有雞泡魚乾 仲有太多不能盡錄嘅嘢食選擇 啲嘢食一上枱擺盤好靚 而且味道都唔錯同埋呢度啲刺身壽司都好靚 啲壽司飯又唔會硬炸物都有好多種 而且係新鮮炸起 仲好脆 我哋就叫咗芝士釀雞翼 雞軟骨 魷魚鬆等等同時出面同時可以夾好多唔同種類嘅嘢食 例如雞翼 雞扒 豬腩肉 豬頸肉 菇類 蔬菜等 全部醃料味道正常 嘢飲選擇都好多 有支裝嘅涼茶 啤酒都有好幾個牌子 例如Asaki 汽水除左有最Classic既可樂之外 仲有Anson Lo代言嘅OOHA tim總之以呢個價錢食到咁多種類嘅嘢食嘢飲 而且座位都舒適 真係好高性價比 推介大家

食物選擇唔多而且唔新鮮。隻蝦係腥臭味，牛肉超油膩，食完幾舊已經唔想再食。通風做得好差，一係就大煙攻眼，一係就座位熱到傻 但個爐又無乜火，有排等。最慘係埋單接近人均500，同朋友食完後返屋企肚屙真係無下次。好差既用餐體驗！