神燈燒 (Closed)

神燈燒地點便利，喺銀城廣場嘅樓下，喺油麻地站行1-2分鐘就到！ 餐廳地方算大， 以神燈為主題， 牆上畫有阿拉丁神燈😀安格斯燒肉水產放題Level 2 Level 2就有刺身，壽司， 海鮮 ，安格斯美國牛肉🥰餐廳嘅自助區都有很多熟食，沙律及多款特飲， 燒其他食物嘅時候就可以食住熟食先！肉就當然要食安格斯牛，頂級牛小排，秘製壺漬封門柳！ 薄片，肥瘦均勻， 比較高級的食😊刺身壽司款式好多，海產類有生蠔及青口，芝士及蒜蓉味配生蠔青口好夾！菜類有茄子 ， 菇菌類等等 另外有中式點心，卡通包，不過已經太飽食唔到🤣放題仲有朱古力噴泉！ 啱晒整朱古力綿花糖串! 有幾款水果可選擇！ 用Qr code落單好方便！ 食物很快送上， 員工服務態度不錯！這餐好豐富，而且食物質素頗高質！星期六，日或假日下午3時前入座係任飲任食3小時！

神燈燒，看名字以為是食中東菜或印度菜的，原來是間半自助式的烤肉店，店舖充滿中東風味，門口有隻神燈的吹氣公仔，非常引人入勝。烤肉叫了一個Level two中價套餐，沒有去到什麼肉類都有得選擇，但感覺已十分足夠，因為除了落單的肉類之外，他外面有其他生肉和串燒俾你選擇。他level2的幾款美國優質牛肉，肉質非常鮮嫩，很有牛味，非常好味。刺身刺身的選擇不算太多，但作為一間烤肉店來說，有得吃刺身已非常不錯。刺身比想像中新鮮，而且一般港人愛吃的種類也有，非常抵食。炸物炸物叫了不太多，因為烤肉和刺身基本上都飽肚了，但叫了芝士年糕和炸榴連，兩者都非常不錯，炸榴槤很有榴槤味，值得推介。

諗住同朋友試新野  幾人行座位超窄,好頂菠蘿蓋點level 2  點知埋單變左level 3(可能我地點左D肉)特飲冇咩味食物款式多，但係味道一般炸物唔熱 魷魚鬚冇味 感覺像隔夜仲返炸個爐超奇怪  開抽氣就燒得超慢  而且仲會變乾 埋單連加一 500蚊位 呢個價真係唔抵加唔值

宜家最好就係食放題，一個價錢就有多野食。夜晚同同事聚會。放題分3個level, 分別$268/$338/$428。 我地食level 2，嚟呢度當然要食燒肉，牛肉有好多部位揀。叫咗幾款。美國安格斯牛肉，有肉眼、西冷、封門柳等。呢度除左燒肉，仲有好多其他野食。有刺身壽司，海鮮、沙律、水果、甜品、等等。拉麵估唔到幾好食，大大碗，湯底夠味，料又豐富。有蛋、蟹柳、青口等。 飲品方便有多款特飲，出面自助區仲有其他汽水等。呢度平平地，多野食，真係抵食！

一個星期唯一一日cheat day，同朋友出開嚟旺角，想食燒肉任食，於是book左神燈燒環境方面：裝修幾靚有特色，一落樓梯就見到隻燈神公仔，每枱都有一定間夾，唔會迫埋一齊，坐落夠舒服👍服務方面：可以用手機掃碼，自助落單好方便，啲食物都好快送齊。出去夾野食既時候旁邊侍應都會有推介。食完一碟好快會有侍應黎清走，無炸型。我地簡左個三百幾蚊嘅Level2任食放題，本身Level1 都有炸物、刺身、牛、豬嗰啲、Level2會再多安格斯牛同水產簡燒物牛、同豬既部位而放題嚟講算多，有牛肋肉、一口牛、牛小排，安格斯牛仲會整個幾靚嘅擺盤，肉類望落都好新鮮。另外仲有啲特式野燒，例如牛肉腸、台灣腸、燒茄子，最正係有個加左芝士同煙肉既大啡菇海鮮唔單只有平時燒烤見到既多春雨、帆立貝、魷魚翼呢啲一般野。最正既係有大虎蝦，真係好大隻，同埋有得燒鰻魚同雞泡魚乾，呢個價錢嚟講係抵食刺身刺身既總類唔多，但基本平時食開既都有。每塊都係厚切唔孤寒,而且食落無個種冰凍雪藏既感覺鍋物/飯本身諗住點個花膠滑雞石鍋湯、同漢堡排蛋包飯試下，殊不知上台時候有驚喜。湯真係一大鍋咁上，而且味道好濃旭，唔似有啲放題好似水咁，唔覺唔覺成煲飲哂。

香港是美食之都。要在宏宏餐廳當中突為而出不是一件易事。來到餐廳門口已經見到頗有特色的標記。今天惠顧的是120分鐘無限任食任飲的套餐。有熱食，有刺身壽司，有各種各樣的飲料，包括精精飲品。主打食物還是燒肉。電子下單。看到燒肉除了可以電子下單，各人也可以按所需的份量，自己提取食物。熱身當中比較特殊的是這種蒸包。我看到各木台少女都拎了一籠來打卡。吃下去味道也不錯，是奶黃包跟芝麻包。刺身擺盤是特色的刺身船！魚生也很新鮮！燒肉方面，除了肉的部位花多眼亂，不同位置都可供選擇。就連調味料也有各種口味。絕對適合各人口味。整體而言，這餐飯我是享受的。我認為食物上菜速度快，食物選擇多；食材新鮮。這些都已經足夠是一間好餐廳必備元素

餐廳以神燈作為主題，裝修都好特色。燒肉任食中有3種level，今次我就揀左level 2。飲品櫃有好多與其他燒肉店不同的飲品，特別啤酒種類極多選擇，有我最喜歡泰國象啤，小麥味重。枱上仲放了不過同調味粉同裝有醬油的神燈，切合主題，其中竟然有甘梅粉同黃姜粉，幾特別的調味粉。自助區有熟食，有沙律和蒸包都相當精緻，特別是豬仔包，好適合打咭，雖然味道就一般般。另外有好多唔同的肉類包括雞肉，牛肉，肉類選擇多，整體來講不是佳寶貨色，蔬菜選擇都不少，而且洗得幾乾淨。其他在QR code上點的食物，都可以在自取區自取。豆腐蟹柳沙律，有啲驚訝竟然是這隻貴蟹棒，配軟豆腐幾夾又開胃。牛肉方面有美國安格斯肉眼扒, 美國牛頸脊, 美國頂級雪花牛小排，而且有個牌仔說明牛的類別，唔怕叫錯，雪花肥牛就最香油脂味道，而且大部份牛肉肉質幾多肉味有濃。還有串燒同肥牛金菇，幾款都值得一試。 蔬菜就點了芝士大啡菇同孜然肉碎茄子，非常香口，茄子要燒耐啲先熟，啡菇出水之後好香。真係冇其他食評講到咁差，同埋同路人要多多支持。

久違了的放題，因為搭車成日經過，就趁堂食開返去試一試，雖然openrice評語好壞參半，但都要試一試這間良心小店。有幾個級別選擇，試了中間的level 2。飯品櫃有好多啤酒，竟然有1664任飲，仲要好夠凍，相當有誠意，加分。自助區有幾個櫃枱，有沙律吧、蒸包、同一些熟食嘅例如咖哩牛腩，辣酒煮花螺，味道不過不失。中間位置有好多醃左嘅肉類同醬汁，至於甜品部就有朱古力噴泉，綿花糖，蛋榚泡芙等等，特別推薦朱古力噴泉，不是太甜，而且溶掉的朱古力淋面很快乾返。其他就用手機落單。沙律同刺身，個帶子真係有驚喜，好鮮甜要encore。Level 2嘅肉都幾高質，例如美國安格斯肉眼扒、美國牛頸脊、美國頂級雪花牛小排、秘製壺漬封門柳同美國頂級板翼西冷，牛肉味濃而且入口油香，美國的牛肉比較多肉少油脂，可以多吃。海鮮都幾新鮮 ，對得住價錢。

神燈燒位於旺角，交通方便，旺區來說地方算很寬躺，可以自助用電話點餐，部份食物也可自行到食區拿食物，當然飲品甜品自助最方便。新會員自助餐可以88折，計返這裏咁多食物嘅選擇，其實好抵。點餐後上餐速度很快，店內有一個小機械人會把食物送出來，然後店員便會把食物分別送到相關的枱上，很有趣！始終因為疫情少咗外出吃飯，每次外出也會吃的比平常多。今餐也不例外，吃了很多刺身和牛牛，這裏的服務很好，上枱速度快而且沒有漏單。可能流轉速度快，刺身也很新鮮，吃得很滿足。熱食其實也不少，鰻魚有水準，另外點了一些炸物，新鮮炸起十分香脆，尤其是榴槤炸彈，我一個人也食咗三粒來燈神燒當然不能不燒肉，尤其是牛肉。如果留意到相片，每次上牛肉店家都會跟着一些蔬菜，頗貼心。牛肉擺盤靚，而且這裹的牛質量都很好，和牛油脂花紋靚，吃起來有牛味，入口很嫩，有時燒耐了一點也不會靭。水產款式也很多，我們主力點大蝦，帆立貝及生蠔。全晚不停談天，燒食物及吃吃吃，內心實在很滿足。

依間燒肉放題夠平民，食物種類超級多。我哋揀咗中間Level 2嘅任食套餐$338/位。出邊自助區有飲品任飲，仲有啲熱食、牛角包、麻薯波波、雞翼、點心、甜品等等，主要肉類同食物就以QR code落單，相當方便。基本上刺身、壽司、卷物、豬牛雞肉、小食、海鮮、應有盡有。我哋叫咗唔同款式嘅牛肉，慢慢燒。仲有蒜蓉蠔、泡菜、年糕。我鍾意燒雞泡魚、魷魚，味道好香！炸蝦夠脆！當然唔少得叫刺身，款式都幾多。擺盤用上刺身船！我推介麻薯波波好味道！我仲攞咗棉花糖嚟燒！甜品仲有牛奶公司嘅雪糕🍦

本日行程早上先去紅米食個靚早餐先，為新既一天打打氣!做到咁上下，就落時代食個下午茶叉叉電。眨下眼就到8點幾。諗都唔洗諗落神燈燒放鬆一番食個放題!就當獎勵下自己今日付出!遠遠系外面見到有隻四眼籃色公仔，不停系度揮手，招財又吸引眼球!入到掃碼落餐，即刻整番杯失傳黑牛冰，消消暑先隨之而上就系安格斯系列，既有肉眼、西冷，亦有雪花牛小排、封門柳。全部薄切成幾件，只須煎幾下，即可入口。質素唔差又唔韌。源源逢上，食得曬先好嗌!值得推介蒜蓉芝士青口，大size青口上鋪滿蒜蓉芝士。食落冇沙亦有鮮味。120分鐘放題絕對令你物超所值!

神燈燒喺港鐵油麻地站出口附近，好放便！ 原來係堅韓牛嘅位置，喺銀城廣場LG！ 餐廳以神燈為主題！原來成為會員嘅話有88折優惠！放題可選擇level1, 2, 3, 我選了Level 2，星期六，日可任食三小時😊 ！自助區有多款熱盤及 飲品，例如 汽水，茶， 益力多，總有一款啱飲！ 肉類有安格斯牛肉, 豬頸肉，雞肉等等 牛肉都幾有肉汁，呢個價錢質素唔錯質素唔錯！刺身夠晒新鮮， 唔會覺得霉！ 蔬菜類都不少，生菜，蘆筍，菇類都一定有，所以食得多肉都可以平行返！甜品有雀巢雪糕，朱古力蛋糕夠淋👍🏻餐廳用Qr code落單的， 食物款項非常多，每樣落單一次其實已可以食到好飽🤣🥰☺️

所講嘅麻雀雖小五藏俱全，係因為講緊呢間餐廳，竟然有勁多款唔同嘅食物選擇～行過油麻地見到呢一個蕭生阿拉丁公仔，好搞笑🤣俾佢吸引咗之後望一望個餐牌，覺得啲食物都好似幾唔錯，所以就決定今晚食佢啦🙌🏻-呢度嘅燒肉係任食，總共有三個唔同嘅級數可以揀，今次我就揀咗Level2，做會員第一次幫襯仲可以有八八折添！除咗燒肉仲有好多林林總總嘅嘢食，連刺身都係任食-呢度嘅食物分左點餐同埋自助區，自助區有飲品、甜品、熟食、醬汁同埋部份燒烤料可以拎，其他食物都可以透過QR code自己落單-呢度嘅特色真係有好多種類，首先講咗最主角嘅燒肉今次食得比較多嘅就係1 2限定嘅牛肉，食落都真係唔錯，有牛味，大概燒到七八成熟就可以食啦！最回本嘅位haha🤣-另外可以試吓芝士蠔同埋蒜蓉蠔，蠔嘅size都唔細，所以燒完都唔會太細粒-除咗燒肉之外，如果大家覺得唔夠飽仲可以嗌其他小食或者主食，我今晚就叫咗芝士年糕，炸得好脆仲試咗個叉燒拉麵，估唔到佢又幾好食，麵質都幾有咬口；同埋佢隻蛋係糖心蛋嚟㗎！-有嘢食當然唔少得嘢飲，除咗有出面現成嘅嘢飲之外仲有好多自家製嘅選擇，今晚試咗綜合水果茶同埋奶蓋阿華田，好大杯好夠凍

神燈燒呢間餐廳位於油麻地，交通非常方便，地鐵站一出行幾分鐘就到，門口有大大隻燈神隻手轉轉下咁叫你入去，喜感十足。入到去餐廳裝修係有多少童話故事感覺，加埋不停播埋主打既主題曲，令你真係覺得係有燈神會出現架。卡位位置寬敞，唔會好緊迫。地方乾淨清潔，比起其他燒肉場，我覺得算係唔錯喇。放題套餐我揀左Level 2，我自己覺得選擇已經足夠晒，唔洗燈神出現其實已經滿足我既願望。烤肉有好多款選擇，已經調味既或者要自己落調味料既肉料都齊備，我呢D牛魔王一定先燒先食牛肉，你會發現D牛肉真係靚牛肉，有雪花紋又有牛味，係令人有驚喜既。另外，燒肉既同時亦唔好錯過刺身同壽司呢D選擇，因為壽司質素真係唔差，而刺身亦非常鮮甜好味，比好多任食場都出色。除此之外，仲有點心，熟食，天婦羅，餃子等等呢D小食，其實我自己黎講全部都好吸引，我自己每樣掂下已經飽，round 2 都堅持唔到，建議大家作好準備先黎大戰一場。食唔到咁多都唔緊要，飲多D野都可以回下本，佢D特色飲品又真係好鬼正，除左雪櫃自己隨便攞野飲之外，仲有咸檸7，大檸樂，黑牛冰呢D野飲，真係幾出色架。整體我係滿意既，加上價錢合理，我認為值得一試。

話說蕭生向來都好多gimmick，今次黎到依間神燈爐一黎就俾係門口外既蕭生神燈造型吸引左🤩佢係會不停咁向你招手，十分趣致。依家仲做緊新會員88折promotion，仲要係免費就可以做到，咁就梗係唔可以放過啦！今次揀左佢地level 2既燒肉放題，包括level 1超過50種野食之外，仲有特飲同安格斯牛有得嗌架！係自助食物區，除左有啤酒任飲之外，仲有d好搞笑既動物造型點心，大家可以黎打下卡！黎到主菜，安格斯牛質素幾高，有多款牛肉可以選擇添！海鮮都夠哂多款！芝士烤蠔都值得一試，蝦都算新鮮！