金御海鮮酒家 (Closed)

又有一位同事要離開我地喇，搵到好路數，真係恭喜恭喜呀 ﹗五天工作朝九晚五，Good ﹗燒腩仔配芥辣，有水準，皮脆肉嫩、肥瘦適中、肉汁富豐，食得過。酥炸鯪魚球配蜆蚧，好得喎 ﹗估您唔到，炸得熱辣辣，非常香口呀 ﹗蜆蚧味道稍淡，鮮味強差人意。水晶蝦餃，不過不失，蝦鮮爽，餃皮厚度合格。蟹籽燒賣，最愛啖啖肉，豬肉香而肥膏少，雖然蟹籽味欠奉，但蝦爽肉香都好滿意。魚翅灌湯餃，食返個自私餃先，呵呵。高湯美味，浸住隻巨形魚翅餃囉，豬肉冬菇魚翅等等混合成餡，最緊要無蔥無芫茜，味道鮮甜好食。叉燒包，保持質數，叉燒餡香甜，麵包皮鬆軟。好想食返第一次超水準既叉燒包，唔知仲要等多幾耐先食到。春卷，脆卜卜，點喼汁食最開胃。腐皮卷，炸得香口，但太多韮皇喇，我唔太食到呢。蝦腸、牛腸，酒樓質數無問題，最好既腸粉都係粥粉麵檔即拉。魚蓉釀茄子，已經無左細個時煎釀茄子既味道喇，依個魚蓉釀茄子都可以啦，薄薄薄薄一層薄薄既魚蓉配實淨既茄子，茄子要夠腍先好食架。炸雲吞，食佢既口感多於味道，非常香脆，配甜酸汁都幾好食。馬拉糕、流沙奶皇包，無意見。雪菜火鴨絲窩米，係其他酒樓都食過好幾次，印象不太好，但今次味道同質量比想象中好好多，所以

叉燒腸粉，佢塊皮依舊好厚又唔夠滑。不過不失，都叫足料既，叉燒蓉甜甜地有肉味，免強合格。迷你福建炒飯，估唔到咁好食架喎 ﹗炒飯底炒得香口乾爽，配埋雞絲、肉絲、菜莖、冬菇同濃郁芡汁，特別好味 ﹗最緊要夠熱。椒鹽魷魚鬚，炸得乾爽唔會油淋淋、唔會硬屈屈，外層鬆化香口、魷魚嚥靭有趙口。布拉腸粉，麻麻地的淨腸粉，食落黏口，粉皮同樣都係太厚亦唔夠滑呀，點甜醬、花生醬同吃過得去啦。水晶蝦餃，原粒蝦仔爽彈非常，好味道啦 ﹗懷舊馬拉糕，一睇見係啡色就知道係古法炮製啦 ﹗特別軟墊香甜，正 ﹗川芎白芍蒸魚頭，又黎我既至愛喇 ﹗藥膳湯，有益又健康，唔肥膩又足料 ﹗魚頭滑、肉味鮮，太好食喇 ﹗蟹籽燒賣，質量依舊高水準，蝦爽、肉香 ﹗叉燒包，點解硬係食唔返上年第一次食既味道呢？當時評語係重未食過咁好食既叉燒包，包皮軟棉棉、充滿麵粉香味，叉燒餡香甜味美熱騰騰。但依家完全係兩回事囉，係咪差左呀？好普通既叉燒包，包皮硬實、餡料甜甜地，有啲叉燒有啲醬咁囉，過得去，但無衝動去食。

豆苗餃，我個人就不太喜歡，硬係有陣草青味呢，皮又非常的厚啊。潮州粉果，有蔥有芫茜我食唔到呀，到依家都只係食大埔新明發既潮州粉果，勁好食，仲無蔥、無芫茜、無花生、無葛架，好味道。豉汁雞腳，炆得入味軟棉，一啜就甩晒，食得容易又快，哈哈。炸雲吞，點甜酸醬同吃，好脆口加酸酸甜甜，滿意啦。懷舊馬拉糕，唔係度度有得食啡色架，特別香甜架。椒鹽魷魚鬚，炒得香口、炸得鬆化、魷魚彈牙，合格。鵪鶉蛋燒賣，大大粒豬肉球味香濃多肉汁，我鍾意。大大啖成粒啪入口，鵪鶉蛋同豬肉味非常配合，好味道 ﹗

一家人齊齊整整先好食架 ﹗四寶雞札，難得還有靚魚肚食，好多酒樓已轉用平價硬實魚肚又或用豬皮代替，好失望。拆散一個續樣嘆先，魚肚又棉又滑又鮮味，吸收晒所有精華，好食好食 ﹗火腿條咸香彈牙，冬菇鮮嫩爽口又多汁，腐皮嚥嚥靭靭，好食呀 ﹗無芋頭真好，我唔食的呢。另外一件成舊食，大大啖一口，四種口感四種味道非常夾，又好味又特別，其實四寶雞札係唔應該拆開食架 ﹗點可以拆散人地一家人架 ﹗蟹籽燒賣，好好好味 ﹗我就係燒賣皇喇 ，最愛食燒賣。豬肉味濃有肉汁，口感實淨不鬆散，半大部份為瘦肉，半點肥膩感都沒有 ﹗加埋爽口蝦仁，好食啊 ﹗煎釀雙椒，魚肉釀尖椒一放低已被我消滅左喇，辣辣地又炸得鬆化香口，好食喎，掛住食唔記得照佢既遺照添。青椒我唔食的，唯有留返比同事們處理啦。川芎白芍魚頭湯，我最愛的其中一款湯，真唔好意思呀，只可獨食不能分享，一人份量呢。好清甜又唔油啊，最愛飲藥材湯。魚頭滑，如果 size 可以大一點、肉又多一點就更好喇。椒鹽魷魚鬚，每次都必叫，應為炸得靚囉，味道香口、肉質嚥靭，都幾好架。香煎鍋貼，層皮層到您唔信，彷如食緊麵包，豬肉味淡、亦無咩肉汁可言，溫度微暖，不試也罷。腐皮卷，都鬆脆香口既。

晨早忙到痴線，lunch 一定要出去食飯勁食減壓 ~ 最好係唔洗等位啦，好采只有七成滿，食客不是太多，我地張枱對正電視機唔洗咁悶，坐得舒服。白灼菜芯，好正 ﹗好好味呀 ﹗莖爽、葉嫰，整棵都充滿水份，而且完全無渣。我一都唔食莖部，因為大多又硬又多渣，一係太粗而烚得太生，但今次例外，一條不漏 KO。黑椒豬肚，似乎份量少左啲喎，得兩三舊豬肚，好爽滑，唔同一般烚豬肚嚥嚥靭靭。豆腐卜墊底，索汁一流，好好味，但有點油。蝦餃皇，簡單皮薄餡靚，蝦爽、足料，好大粒，連我個口都係緊緊可以成粒啪落去乍。即叫即蒸熱辣辣，已非常滿意。蟹籽燒賣，雖然無咩蟹籽味，但係豬肉味濃又香，咬落啖啖肉又多肉汁，肥豬肉不多，蝦爽味鮮，同樣即叫即蒸，熱到噴晒煙份外好味。豉椒蒸排骨，好肥呀 ﹗又無咩肉食。唔係太食到佢咩味道，因為一咬落口已經成口油喇。全港最好食既蒸排骨始終係大埔街市林記 ﹗點解依家間間酒樓都搵唔到梅子蒸排骨既，失傳左？都好好食架喎。四寶雞札，今日無魚肚既？無魚肚既四寶雞札，感覺怪怪的，不過總好過豬皮扮魚肚既。見有蟹柳、火腿、芋頭同雞件，雞件黎架喎，唔係雞柳，連骨咁奇怪，唔通佢諗住連骨蒸啲雞味會出啲？依個理論都啱既，

這晚是為了我的生日而食的邊爐生日飯。這間酒家有兩個fds 都常來，所以本身想0係豬骨煲打，但冇位就走黎呢度打啦！呢度朋友都只黎食中午飯多，第一次黎呢間打邊爐，真係唔知點解，我地坐底左落左單成20至25分鐘都未有人放底個湯底，而野食都已陸陸續續到，野食黎第二轉，佢仲未放低個湯底。我地追佢幾次，個女既侍應好似好難做咁，話幫我地check，睇到佢根本冇打算check，再等五分鐘又係未有。我地再搵個似經理既部長，話我地等左好耐，餸都黎晒，但未黎湯底，佢即刻週圍叫下d 同事，話我地張枱要湯底，兩分鐘後湯底到！真係激氣嘛，咁之前d 人究竟做緊乜？我地起碼同唔同既侍應投訴左幾次冇湯底，我地當時都真係好肚餓。終於黎湯底，好彩個火好夠猛，電磁爐，但超快滾水，可以快快脆脆放野落去淥。野食幾好味喎，粟米又甜，竹笙又鮮，芋頭又好味，牛肉都好味。只係肥牛就真係唔掂！碎濕濕，好以煙肉咁，好唔完整。羊肉都好味。四寶丸粒粒彈牙，菜都鮮味。魚都好味。雞又嫰喎。講左咁耐，真係得肥牛唔見得人，好似餸頭餸尾咁，仲有豬潤都好難食，唔爽之餘真係質地好古怪。我地同侍應講，傳菜阿姐咁0岩行過，佢話俾酒"拿"過係咁。我地覺得唔係味道問

每日星期六放半晝，就約埋啲舊同事聚舊、親子兼飲下午茶 ~ 見個個一雙一對、一係一家大細，自己又單身寡佬，突然心頭有點酸味 ﹗但絕對無緊要，最緊要有好野食 ~ 今次真係超乎我預期，竟有超水準表現，樣樣點心都比之前美味可口、高質數 ﹗食得又驚喜又開心 ﹗真係叫左好多好多點心呀 ~ 今次仲可以坐房添，唔洗迫唔洗嘈，好舒服呀 ﹗燻蹄，好正好好味呀，肉質軟塾、皮又嚥靭彈牙、咸香恰到好處，難得冷盤又夠凍。依道有落麻油調味架，勁添香味，點埋加糖白醋，酸酸甜甜好開胃。豬腳仔，嘩 ﹗未食過一間可以煮得咁腍滑、肉汁又多、啖啖肉，好好味，上枱時仲要熱騰騰，非常滿意。以前食過好多間都係乾爭爭、硬屈屈架又凍冰冰。真係第一次食到啲肉質咁軟墊、皮又爽口架。白烚唐生菜配淡豉油，新鮮爽口、水份足，已經好好味喇。蟹籽燒賣，最喜愛無咩肥肉，口感實淨唔鬆散，豬肉香、蝦爽口，但食唔到蟹籽鮮味，但啖啖肉已好正。魚茸腸粉，見到有新野梗係第一時間要叫黎試試啦，食落無咩特別，腸粉皮卷住淡淡既魚茸，有啲啲魚既味道，大部份都係豉油味，但清清地都幾好。小龍包，無湯小龍包，失敗之作，口感硬實且乾，一般。豉汁鳳爪，非常濃味，大路無特別。水晶蝦餃

上星期我個助理開到口想我請食飯，無所謂啦 ~ 就決定今日成 term 六個人一齊飲茶食午飯聯誼吓啦，一餐半餐、大家高興，我請絕對無緊要，大家起筷食多啲，雖然今日我請客，但我唔發板喇 ~ 有咩覺得好味既，就隨便叫黎試吓啦 ~ 我都係第三次黎依度乍 ~ 但試真講句，出品既質數真係好飄忽，時好時壞，係天堂同地獄之分 ........蒜香拍青瓜，真係好好食，每條青瓜真係有拍過，又新鮮爽口又入味，酸酸甜甜好開胃，冷盤又夠凍，好多餐館求其掉堆生蒜蓉係面就算架喇，連撈都懶撈。暫時食過最好食既，係係度 ﹗奶皇流沙包，因我一向都唔太好甜野或飲茶食包。今次係第一次食流沙包，好香蛋味，未算太甜，可以接受，口感滑滑的，又熱辣辣，感覺唔錯，幾好。炸雲吞，唔係錦滷嗰隻，蝦彈牙、雲吞皮炸得脆，汁普通，無特別。蠔汁花生雞腳，都炆得夠耐，雞腳夠膠口軟棉滑溜，一啜就去晒骨，夠晒快感。爉味糯米飯，味道好香，口感嚥靭，其實好好味架，但最失敗係濕嗒嗒呢，唔洗放落口，淨係睇已經見到亮立立，賣相麻麻，顏色程深啡色 ~

出品時好時壞，且參差，有部份好好食、有部份食一啖已經想倒落垃坄桶 ~ 上次第一次黎都幾滿意，所以今次諗住帶個朋友添食啦，點知係極度失望既第二次 ~ 今次比第一次食客較多，但都有約十張枱未有客坐。個侍應阿姐帶路，我見到行緊個方向，望到張枱已臉色一沉，個阿姐安排我地坐係路邊摺枱位，搞錯呀，咁多位咁多枱要我坐細細張正方形摺枱，無病麻？所以坐低無耐，我就同朋友自行轉到電視機側的六人圓枱，坐得舒服啲，張枱唔夠大點放野食呀 ~ 如此召乎使我心情不佳，今次食物欠質數，心情更差 ~白灼菜心，鮮嫰清甜，今餐最好食就係依碟菜喇。叉燒腸粉，一般口味，粉皮唔夠滑，餡少、皮厚，蔥就勁多，因我唔食蔥呢。流沙黃金蝦，完全唔知點樣流法囉。只不過係好傳統簡單煮法囉，先炸脆啲蝦，再同啲咸蛋黃一齊煮囉，但依度啲殼唔脆既。依碟蝦味道其實都唔錯架，蝦味鮮不過未夠彈牙。如果係熱的話就更好啦，當碟野攞黎時，都唔熱既，只有好微弱既餘溫，唉 ...... 應該係炸定放係啲暖爐度保溫，咁點會好食呀。 炸乳鴿，定炸老鴿？好普通既鴿囉，都係同依家市面上皮厚肉實既貨色一樣，巢皮油淋淋無特別，大路可接受，大部份酒樓都係供應依啲貨色。好懷念十幾廿

估唔到原來商場入面有間酒樓，lunch 無咩人，枱密度唔算高，算坐得幾舒服，靜靜地最鍾意，唔會太嘈又有電視睇，出品味道大眾化，價錢合理 ~白烚菜心，都好新鮮，烚得剛好又鮮嫩，無煮過時間，點淡豉油食，清清地，good。百花釀魚肚，但完全唔覺有釀既動作喎，只係兩舊墨魚丸放係啲魚肚上面囉。墨魚魚彈牙味鮮，幾好食。魚肚偏硬身但口感爽，唔夠腍同棉滑。總括黎講清清地都唔錯。炆茄子，如果可以再炆腍啲更好，使到茄子肉完全軟化最好食，加左啲木魚同豉油調味，味道可以啦。香芋春卷，一向我都唔食芋頭，初時食唔出係芋泥，味淡，無咩香味，所以食唔出。餡料九成係芋泥，食唔到特別有其他配料，食到有啲肉碎囉，點啲喼汁同吃，酸酸地又炸得香脆，味道無咩特別，可以啦。蟹籽燒賣，都算做得唔錯，豬肉蝦同肥豬肉比例都掌握得到，都唔會有肥膩感，肉香蝦爽，口感有啲散，無蟹籽味，都算合格。四寶雞札，用上雞柳、魚肚、冬菇及火腿，大路滿意，魚肚夠腍又棉滑，索晒啲精華，好味。乾冬菇大件味鮮又濃且爽口，好食。腐竹皮有啲乾，放左一段時間，可以再做好啲。荷葉飯，食唔到荷香味，飯好濕，豉油味蓋過所有味道，太濃。炒得唔香又唔均勻，又無咩配料，味道好寡，

2009-10-21(星期三)下午茶四位，茶芥埋單連十六款點心，只需付$140。我們叫咗優惠點心紙既山竹牛肉(2籠)$5.8、鮮竹卷(2籠)$8.8、牛肉腸粉(1碟)$10.8、咸水角(2籠)$8.8、雪菜肉絲炆米$28、雞扎(抵叫〝一碟〞既是大點–11.8)、咸薄餐(1碟)$8.8、牛肚$10.8等。整體下午茶點心，抵食OK好味。晚市推出既1,388八餸另需連加一需付1,488–是指包八款餸及『生果拼盤及糖水』。八餸有北京田鴨、魷魚翠玉瓜珊瑚蚌、海鮮魚、翅、節瓜乾瑤甫、鮑粒鴨胸–夾生菜、龍蝦焗芝士伊麵〝龍蝦份量很多都是殼，吾抵食〞。蛋白菜粒炒飯。以上套餐，我已與家人食過兩次，每次都食吾哂。今次，值得一提是，龍蝦焗芝士伊麵，我們十月頭黎過，龍蝦份量十足，今次此餸做得令我們十分失望。

開頭以為呢間酒樓上咗樓上就無乜人食,但原來都幾多人食,星期日下午茶原來幾抵.燒鵝米$14.8 -- 比咗隻肶,肉算滑,亦有鵝味.紙包雞$11.8 -- 非常難得現今酒樓仲有紙包雞食,調味ok,不過啲雞唔係好夠滑.菜苗餃$11.8 -- 好大隻,咬落去成口都係菜苗.雞絲腸$9.8 -- 好大碟,料好多,腸粉很簿.另外,無諗過呢度啲服務態度不錯,遇到的傳菜員幾有禮貌,同佢地講唔該既時候都有回應.

心血來潮的報了PE courses的Aerobic dancing，可是日子到了卻又縮沙不想去，但點都要做點運動，就用了“飲早茶”做incentive，needless to say, it does work!!!好彩紅磡附近都有不少間可以飲早茶的酒樓，體育課有八堂，如果不重樣都可以試八間酒樓呢，哈哈哈九時幾的金御人客都幾多，尤其是老人家們。但侍應就明顯不夠，等好耐先有人招呼我們的。早茶真是幾抵，小點$7.8，中點$9.8，大點$11.8，此外單算價錢的小食一般也只是20~30蚊。茶叫了鐵觀音淡而無味，不飲也罷。香麻叉燒酥：最先上的是我最愛的點心叉燒酥，這里的叉燒香甜不肥膩，酥皮也夠鬆化，但嚴重問題是不夠熱。鮮蝦菜苗餃：超大的三件，餡料很飽滿，又是蝦又是菜苗，似乎還有少量的菠菜，十分輕怡；餃皮稍弱，有一點鞋，不夠滑，但整體依舊頗滿意啦。金御蝦餃皇（特價$14.5）：又是大大件，每個餃入面都有三隻蝦，爽口彈牙；外皮亦比先前的菜苗餃出色，薄厚適中又咬口，很滿足。生煎素菜包：包子皮整得有水準，表面一層煎得脆又香，未過油的部分又十分綿軟香甜；菜餡雖然略少卻很細致，香氣四溢。陳皮紅豆沙：不合格

肚餓想打邊爐, 結果去左呢間從未去過既酒樓! 食物種類不算很多, 而且湯底亦唔特別。但食物既份量真係好驚人, 我地兩個人叫左4,5種料, 竟然用左一個面盆咁大既碟盛住一堆king size 份量既食物!!! 我地叫左一份芝士丸, 海膽丸,牛丸, 但夾夾埋埋竟然有2,30粒!!!芝士腸叫一份都竟然有成十幾廿條, 真係抵到爆! 但真係多到食唔晒, 就反而希望佢俾少0的我....! 0野飲係任飲, but全部都係under"綠力" 呢個大陸品牌, 啤酒可樂就要額外俾錢!!! 埋單每人約100蚊, 好抵呢!

除了鹹肉及鹼水糉，也分別在兩度地方買了兩隻裹蒸糭，第一隻在這裡，88蚊一隻，不是便宜的價錢。大大隻糉，也要下水去滾四十五分鐘才可以熱透心。包得不太佳的，上水拆葉，外邊已經「散散地」。內裡綠豆奇多，料卻少，除了基本的原料如蛋黃及肥肉以外，還有瑤柱、粟子、冬菇等等，不過蛋黃不油，肥肉也不夠肥，令糉內乾乾的，基本的不夠質數，就什麼也沒有作用。只是有度好，吃完全隻，就必定飽肚。下年要列這裡的糉子入黑名單。