金御海鮮酒家 (恆豐中心)

Open Now

Now Closed

數人晚飯叫了4個餸全部都不太滿意：羅漢齋煲：這已經是最好食的一味菜，比較清淡，菜的種類多，但放了太多水有點像湯煲安格斯牛柳粒：好大的一碟，但7成是魚目混珠的茹子粒，挑不出幾多粒牛柳，味道調得很咸，完全吃不出牛柳的鮮味酥炸鮮魷配豆腐：鮮魷包了很厚很厚的麵粉炸到好乾，好難食到鮮魷，而且炸到過頭很熱氣，炸豆腐還可以煎釀尖椒：好油，豆豉/豉油汁的味完全蓋住了食物的味道，洗去表面的調味和油後，吃得出魚肉無乜味主要是麵粉味

呢間食過幾次，晚飯每次水準都幾穩定前晚慶祝生日柴娃娃晚飯...我提議黎呢度食一圍10個人菜色十分豐富乳豬件拼盆~~乳豬數!件燒鵝數!件海蜇!叉燒少量全部大致都ok沙拉海鮮卷~~~裡面鮮蝦、魷魚清脆爽口~~不俗的食物發財好事瑤柱~~勁多髮菜~瑤柱同蠔大粒，茨汁吾錯都幾鍾意食鮑魚菇時菜~~啲鮑魚菇又真係幾大片!!啲菜都夠爽!都ok芝士龍蝦伊麵~~汁多但芝士不夠濃~~龍蝦肉夠奭夠鮮，伊麵吾錯～雞絲大生翅~~一湯底都唔差~比想像中的翅更多！清蒸大星斑~~蒸得啱啱好~夠大條算係班中極品~~正！正！正^o^當紅炸子雞~~外皮非常香脆~雞肉仍然嫩滑~~~~滋味無窮瑤柱蛋白飯~~炒得好乾身,不會太油，飯粒幾爽壽包~~好正，原隻咸蛋黃!!裏面仲有少蓮蓉吃得很滿意~~~~~~~~~~~~~今餐滿分^o^

本月初，於特別增設的假日時間，跟家人到佐敦恆豐中心3樓的「金御海鮮酒家」食晚飯，雖然呢間野原來在港有7間分店(後來先知)，但食物質素一係唔多掂！以下只列舉其中3點：1/ 酸菜，一碟共 $30，唔算特別貴，但家人問可否唔要？部長話都係伙記的「下欄錢」，ok，照要~~~ 一碟雜綿花生物體但花生唔多脆，另一碟酸蒜頭，酸度佔不到 30%，70% 竟是咸味！根本唔合格，雖只是前菜，但要收錢的話，都要比返 d 見得人、入得口的野食！2/ 點菜時點了一道「拔絲咕嚕肉」，但後來真身竟然是……普通的一碟「咕嚕肉」！再查問時，有樓面話廚師整個茨汁時係「拉上黎」的手勢而似「拔絲」！簡直亂 Q 黎！最後取消菜式而另點其他。雖然店內有多款菜都係亂改菜名，OK，巧立名目非騙徒的新招，但要真係解釋得到點解先得架，而呢味「拔絲咕嚕肉」擺明解釋唔到菜名由來原因，咁即係「老點」啦！3/ 當日我在酒店食自助午餐，小費都只是加一，而呢間酒家竟然「加 12%」！如這是飲食業界的新風嗎？實在唔知呢間酒家何德何能，可以收取如此高昂的服務費？整體而言，呢間酒家的菜式都係一般水準以下，加上就當晚所見 (假日晚上約 7至9時)，空位甚多

做個孝子賢孫！依間酒樓我外公外婆每朝都會黎。依到嘅服務員態度好好今日依咗依兩個 fusion 菜式。覺得好特別。糯米食並唔係傳統口味，但反而覺得依種食法好清新，唔會咁膩。我好鍾意依個姜味糕，真係好重姜味！亦唔會過甜。好有趣

星期日最鐘意飲茶, 之前都幫襯開尼間酒樓, 貪佢夠經濟實惠, 下午茶可享7折侍應們招呼周到, 食物質素唔錯, 最鐘意食甜簿罉, 已經好少地方有得食不過隔左幾個月冇黎食, 感覺食物質素下降了今次叫左3碟點心+1碗义雞瀨, 點心包括燒賣, 南瓜甜簿罉同埋酥炸芋角先尼左我嘅至愛南瓜甜簿罉, 唔知係唔係換左師傅, 所以變左南瓜口味個人最鐘意都係尼一款點心, 雖然個班戟皮比較厚, 但勝在糖粉花生餡唔甜又香口百吃不厭, 因為男朋友唔太鐘意個班戟皮太厚, 所以我食左2/3, 正呀第二樣到嘅係义雞瀨(平日$18.8, 星期六, 日加$1), 雖然份量的骰左但整體質素都保持到, 雞唔太肥但略嫌多骨, 义燒肥瘦度適中又唔鞋, 值得推介第三樣到嘅係芋角, 金黃色賣相十分討好, 但一啖咬落去竟然一啲都唔熱, 只係微暖不過味道卻唔錯, 餡料豐富又唔太咸, 係唔錯嘅點心, 如果可以熱番啲會更好最後到嘅係大大粒又熱辣辣嘅燒賣, 賣相就略為遜色, 餡料鬆散, 仲見到黑色蝦腸不過勝在夠熱辣辣, 明顯係啱啱出籠嘅點心整體尼講都係唔錯嘅

六人行, 無人有意見, 唯有撞手神, 剛巧又在地鐵上蓋商場. 雖然聽其聲名不太好, 但時間緊迫, 就試一試吧. 而可能無甚期望, 反有驚喜. 雖不至非常滿意, 但仍比預料中要好.隨意點了一個六人套餐, 首先上檯的半隻乳豬, 可真稱得上是皮脆肉滑, 皮下肥脂不多, 無需動手術把肥脂切除, 整件放入口也不覺肥膩, 碟底伴了些炒飯, 連脆豬一起吃, 有風味.芝士龍蝦伊麵, 這個就真是比期望低很多了. 疑於價錢關係, 用波士頓龍蝦, 無問題. 龍蝦肉也頗算新鮮, 但芝士味道差勁, 有上少燒焦味道, 芝士醬一舊舊未炒散均衡, 伊麵炒得半硬半軟.沙律海鮮角, 海鮮材料不足, 但勝在即炸起即食, 味道也不差, 伴碟的蝦片非常脆口新鮮, 最正!半隻燒雞, 炸得皮脆肉嫩, 不需要點醬汁已經夠味, 因餸比想像中的要大份, 所以最後都係打包攞走.另外的幾味餸, 沒有影相, 西蘭花斑片, 西蘭花爽口, 斑片新鮮, 但獻汁太多. 蒸頭腩, 上檯時十分熱, 味道夠濃, 份量不多, 骨多肉少.送大支生力啤, 我們不要, 員工自動替我們換了兩罐可樂, 還送了一渣酸梅湯, 一讚!

是日星期四和媽媽與妹妹行街.啱啱到下午茶時段就黎下午茶.我地下午ニ時多,一入到去就有位我哋叫嘅都係大路野.d野食算黎得快燒賣賣相美觀豬餡肉質煙韌,有口感.加上一隻蝦,鮮味十足蝦餃皮薄煙韌咬開看到很足料蝦仁中等Size彈牙爽口叉燒湯瀨粉同切雞拼油雞湯瀨粉雞份量普通，每款約六七件食落無乜鮮味，都夠淋身叉燒肉質偏肥不過好軟好嫩蜜汁濃烈惹味瀨粉好大碗啲都幾爽,湯夠熱,不過太咸鮑汁炆鴨掌,鴨掌份量不多,個汁咸左D不過鴨掌炆得幾淋幾入味鹵水豬腳仔唔錯 不會太肥很有咬口薄撐唔油膩d薄撐皮都熱騰騰既香蔥都幾香,味道淡淡的!但如豆板醬更佳小籠包包熱皮薄裡面汁多有水準的出品XO醬炒羅白糕同煎餃子是我之前食過都好好味道，值得推介呢間幫襯過幾次.食物方便都唔錯,午市點心有好多選擇,水準穩定侍應服務好, 不時加水.抵讚環境:地方企理坐得又舒服...冷氣較弱,如可開大小小,就更好但加12%服務小費,但食咁多野埋單每人$60都唔洗算低

假日約埋老豆媽子去飲唐茶 諗住之後去永安同海味店血拼一番雖然是星期日 這裡都有下午茶(七折) 折合價為~小9.8 中12.6 大15.4 特18.2 頂21茶位收$6 合理 點既鐵觀音同香片 兩款茶都夠香又夠茶味叫左七個點心 大致上都不差 味道中上 雞扎 叉燒飽 籠仔糯米飯 蝦多士 鮑魚雞粥 蝦餃 芒果布甸籠仔糯米飯 飯爽多料好惹味蝦餃 蝦夠大隻 餡有荀粒 美味最失敗之處係無人添水 見到你揚手又不睬不理 跟本不夠伙計亦無service 埋單睇單 才知道收12%服務費 完全不合常理 認真掠水該會轉戰其他酒樓

同屋企人 下晝3點幾去到 可能平日 無咩人 入到去 知客都好好咁帶我地坐低小點$7 喺同區都叫平啦 牛柏葉 唔會硬到咬唔開 不過味道一般般馬拉糕 古法蒸(聲稱) 咖啡色幾靚 不過有D濟....南瓜餅 甜而不膩 值得推薦 入面好似包左芋泥 好正!鹹水角 唔多好食...原只上 又唔問要唔要剪開 =.= 餡料差勁川弓"己子"蒸雞腳魚雲 聞落去 藥材味好香...不過齋聞真系好過食 = =" 隻雞腳 腳趾都未剪 =.= 而且好似比人打過來 部分位置淤黑色....魚雲就唔錯既 叉燒包...平靚正 打包2籠返歸先...仲抵過去超級市場買急凍=.="懷舊三星燒賣 塊冬菇...好核特 太大舊 下面舊肉就鹹到要即刻飲水.... 豬潤同豬肚就唔差 服務方面 飲茶叫斟水指定動作 佢地侍應都好識做 有時都唔使出聲就幫你斟上菜速度 適中 讓人滿意 埋單3個人 $123 飽...===後記===見到個燕麥雷沙湯圓 賣相好似好正 無奈太飽未試 下次去試下先 ==========

在我中學年代,大約是十七,八年前,佐敦恆豐是潮流之地,你差不多說得出的年青人名店,如Green Peace {I.T前身},Bauhaus,People and people,ICE FIRE............應有盡有.昔日的零用錢,大多散盡在此.如今?已同百利一樣,沉淪得永不超生.這一個晚上,來到恆豐並不是等人,並不是落去地鐵站,而是......開飯,地點還要是金御.早前在中環分店中招不久,現今又來到佐敦分店.這是家母的意思,表舅在外國回來,選址在此因為就腳.五個人的飯局,叫套餐也是來半份.舅父酒意大發,未吃飯之前先來一瓶黑牌.首先上檯的是燒乳豬,老實說水準不俗,乳豬皮脆,皮下肉厚,如果你喜歡有點肉吃的乳豬,或會喜歡此乳豬.芝士龍蝦伊麵底,龍蝦肉質瘦小,芝士如水汪汪,不過混合了芝士的伊麵,是全碟之中最好吃的部份.現今反魚翅之聲正盛,老一輩之人一於話之你,還是照吃可也.菜膽翅只得寥寥翅針,當喝菜膽湯好了,但心理上,還是食翅,騙不了自己.炒駝鳥肉算是清淡的一味,駝鳥肉入口很稔,即是梳打粉發作.論味道真是沒有什麼味道.龍皇海鮮卷,本身是芒果蝦卷,都算入口酥化,上次

經常偶爾想不到吃什麼好，又偶爾試試廣東式飲茶，歎番一盅“多件”點心，可以同時滿足歎多款食物的食慾。第一次光顧這家酒樓，步進一看內部裝修與國內裝較舊式的酒樓的顏色及氣氛都很像“土氣”，其實應該是比國內大部份酒樓更“土氣”，就以深圳的酒樓為例美輪美奐，清雅有氣派的多的是。算吧! 還是食物為首要目的。白粥: 明顯可見粒粒米煮到開花，未到徹底“煮到爛”那種，我個人十分喜歡這種綿綿煲成的粥，視之為靚粥，這個粥完全沒有咸味，可說是清甜的一碗純白粥點心:布拉白腸粉: 的確確是白腸粉一碟，無懷疑它是否即拉腸粉，上台即食，腸粉在廚房運送到台上前已經被冷氣吹冷了點，要快快送送入口，如果熱騰騰即食就最滋味了，無論點豉油後再點甜醬或麻醬都好千層馬拉糕: 並非如其名千層，與傳統酒樓相比不是那種千層馬拉糕，它蛋黃餡料較厚，味道一般不太甜，頂部有些瓜子仁幾好食蜜汁叉燒包: 皮薄的餡料唯獨包的賣相不夠靚，皮爆開大大口，餡料味道幾好沒什麼肥肉，叉燒包很細件，(個人認為) 獨食三件絶對無問題客家咸茶果: 糯米皮過厚了，本人5天前在另一間酒樓食同一名稱的茶果，皮薄得多，以我食過多次茶果的經驗得出結論，這裡的餡料不好食，更談

結婚日真是忙呀，簡單的教堂結婚儀式後，終於成為人妻的我，還要趕兩家人的飯局~　原本一張檯夠座有餘，因為重慶親戚的來訪，而要訂下兩圍才夠，考慮多項因素後，最後揀了位置最近、環境排場不俗，又可提供獨立房間、唱K及麻將玩樂的金御海鮮酒家。眼見親友都自得其樂，酒家還會為怕凍的客人提供毛毯，各方面的表現實在滿意；而最慶幸的，是食物也是預期之外的好水準：　 鴻運乳豬全體-未足月的小豬烤至金黃香脆，皮香肉嫩，趁熱吃滋味真是一流，美味下惻隱之心都要丟在一旁!　碧綠珊瑚蚌片-大廚功力了得，以精彩的乳豬開胃後，緊接而來的珊瑚蚌更加出色，賣相精美絕侖也就算了，難得是鮮味程度無以上之，又是極端美味的一味。　杏片百花球-此店炸物水準就差點了，百花球炸得有點硬，幸仍做到香口不膩效果；件碟的蝦片就有點過油。　瑤柱扒雙寶蔬-鮮濃的瑤柱扒，配搭清爽草菇蔬菜，做到滋味平衡，濃淡得宜，也是不錯的。　紅燒花膠生翅-十分之足料，鮮香美味而不過咸，不用加醋已經非常美味。　清蒸大海石斑-火候掌握極佳，大魚蒸至剛熟十分嫩口，鮮味突出，又很好吃。　蠔皇鮑片扣鵝掌-味道不差的，但食到後期再嚐此芡汁較重菜式，感覺開始滯膩，開始有吃剩要打包

補返之前既食評~爸爸鐘意食龍蝦, 上次同fd食過覺得唔錯, 於是帶佢黎試~~一來到比左碟牛"剪"(切粒), 唔錯bor, 總好過花生 ^^d龍蝦比較細, 三個人叫三隻共兩斤半, 用芝士焗, 加伊麵$30好味ar, 芝士唔會過濃蓋過龍蝦, 又唔會炸得好緊要, 有肉汁, d肉又彈, 份量都ok~三滑浸時蔬-->墨魚滑, 蝦膠,鯪魚滑+小棠菜+白菜仔, 份量冇上次咁多, 但依然冇咩味精, d湯好清, 我都飲左幾啖燒鵝例牌-->有1/4隻到, 肉味幾濃, 皮脆, 但唔夠熱飯後送糖水, 要南瓜西米露x2, 綠豆沙-->兩樣都唔過甜, 南瓜西米露有南瓜絲, 綠豆沙起曬沙共$477

補返之前既食評~同好朋友仔試龍蝦, 做promotion $88/斤佢d龍蝦比較細, 所以要左兩隻, 共2斤二重, 用上湯焗, 加e麵要比多$30碟龍蝦好足秤, d肉唔霉, 幾彈, 但yam唔夠粉去炸, 整到d殼好似薯片咁脆,怪怪地e麵索曬d上湯, wonderful!!!! 好過用芝士焗, 起碼冇咁溜另外叫左玉子豆腐浸三蔬, 有莧菜, 白菜仔, 芹菜, d玉子豆腐係炸過既, 入面好滑, 又有d魚湯浸住, 我飲過d湯覺得冇咩味精仲有叫左蛋炒蝦仁, 呢碟野好細, 但蝦仁爽口, 蛋都滑食完有糖水送, 南瓜西米露-->有一絲絲既南瓜肉, 唔太甜, gdgdgd~~多謝好朋友仔請客

都好耐之前，同爺爺上去呢度飲茶。呢度假日九點前加一後有半價，所以我地都早左幾多去飲茶。現場所見，都唔算太多人既，咁做可能係見小人就平俾你啦。XO醬炒蘿蔔糕唔係太得，因為唔多夠熱。而蘿蔔糕都算幾實既，配料都唔錯。個醬又唔會太鹹，算係咁啦。都係稻香好食。炸春卷都係唔夠熱，而且都幾油。個味道都係普普通通，春卷係用芋頭整，我又唔多鍾意食。所以呢個既印象都係麻麻。紅油炒手呢個唔得既，因為唔辣之餘。只係得個鹹字，菜肉餃既皮太厚。蝦餃呢個就好好食。因為好大粒架。而且皮又唔算厚，又有好多粒蝦。而呢個時候仲有半價，就真係好抵食。鹹魚肉餅飯鹹魚我就無食到，個飯整得幾煙韌。而肉餅又唔會太實，又有肉味。算唔錯既。奶皇包我對呢個期望唔會太高，但呢間都整得幾好食。個包好軟熟，又多流沙既奶皇。不過我食得太飽啦，其餘兩個包就返去先食。呢間飲茶都唔錯既，但食物都係稻香好食小小。而且優惠時間就局限咁短既時間，食完唔夠飽就要收正價。算啦，優惠就係咁。