北海道爐端燒 (Closed)

四月，小妹雙腳剛踏入地獄，已苦不堪言了﹗ 她，長年累月，一直處於水深火熱之中。真不知道，她是如何捱過來的﹗？ 這夜，難得她有興致，想去這間餐餐吃爐端燒。根據資料，「爐端燒」即「炭火網燒也」。日本沿海漁民，捕魚歸來，好即席架起炭網，把新鮮海產放在網上燒烤。與客人，邊飲酒談天邊享用美食，這就是「爐端燒」的起源。 她一直，滴酒不沾。小妹，雖非杜康之輩，然，這夜，突然想飲一杯梅酒。朝採梅酒$48，選用清早新鮮採摘的紀州南高梅釀製而作。梅酒通過梅子在陳釀的過程中，，讓梅子慢慢熟成達到柔和的口感，入口味道帶甜，散發獨特清香。呷完一小杯，教小妹面紅耳赤也﹗ 牛油燒緋扇貝$58，七彩顏色的外殼，純天然，不經染色，予人夢幻之感。緋扇貝肉質肥厚富嚼勁，以牛油燒製，伴上鹹鮮海葡萄，香氣四溢，鮮味更為濃郁且突出。 或許，她實在太累了﹗竟然，一反常態，揮金如土，點來了一客只有三片，且索價不菲的大拖羅刺身$198。愛吃刺身的人，必定試過鮮味而帶魚油香的拖羅。眼前這三片貌似肥豬肉的東西，正正是頂級的大拖羅刺身。油分適中且無筋的大拖羅，入口即溶，魚味濃郁，油花四濺，教

今晚同好友慶祝生日，佢指明要食日本野～所以帶佢黎左ＴＳＴ既北海道爐端燒！一入到黎，環境舒服，高級的感覺～朋友極愛壽司，所以今晚點左好多壽司，先黎一個特上盛盒～一共有 10件即叫即製既壽司，入面有鮮帶子，醃漬軍艦，三文魚，青魚，蟹棒，立魚、甜蝦等，件件新鮮又好味！另外加左海膽同左口裙邊魚，海膽味道甘甜，質感細膩，入口即溶～左口裙邊魚甘甜魚油緩緩滲出，層次豐富，濃郁甘香。最近仲叫左碟串燒，串燒5款，同樣都係即叫即整整，熱辣辣又香口！ 三文魚金菇串, ，味道濃郁～外酥內脆既雞軟骨，口感豐富！另外仲有露筍豚肉串，豚肉片包着蘆筍和紅蘿蔔，食到蘆筍脆嫩～甜薯串， 味道香甜！而明太子雞肉串，雞肉非常嫩滑，唔錯！OVERALL 朋友都好滿意！下次會再試其他野～

較早前同朋友一行五人去尖沙咀食飯，朋友仔推介呢間唔錯就去左食。當日下午先打去book位，好彩都仲有位。我地當晚比原定時間早左半個鐘到，上到去見到全場滿座，店員示意叫我地夠鐘先再上去。順帶一題，餐廳係3樓，上去最好都係行樓梯，因為架𨋢令我有d不安。我地5個人嗌左好多野食，有雞軟骨，燒牛扒，壽司，牛舌，明太子玉子燒，帆立貝，炸雞，仲有炒麵。個人認為食物而言，全部都唔錯既，而個炒麵係比較出色既，油而不膩xd 牛舌都唔錯，熟度岩岩好，食落好有口感。帆立貝都幾抵食，一串有成三粒，仲張大大粒，每人食一串實在係太多，味度方面就不過不失咁。燒牛扒個人認為就一般，冇咩特別。而飲品方面，個人認為一般，唔建議飲cocktail。但因為野食唔錯，有機會我都會再去^^

兩姊妹做完facial心情靚靚，跟住去搵嘢食，日本菜係我哋嘅首選，今日嚟到尖沙咀一間口碑唔錯嘅餐廳，第一款蟹肉蟹膏甲羅燒，一端上枱已經聞到香噴噴，豐富蟹肉蟹膏滿滿的，載滿一個蟹蓋，蟹肉鮮甜無比，蟹膏甘香濃郁。一件正宗日本豆腐，豆味香濃，滑捋捋，外皮脆漿鬆化，內心暖洋洋。一碟意大利寬條麵，煙煙靭靭，綿滑彈牙，芝士濃香撲鼻，煙肉鹹香，大廚調製醬汁，恰到好處，非常滋味。還有一款我特別至愛河豚乾，柔韌蜜甜，愈食愈甘香，好吃到停不到口，高質食材配搭手藝非凡大廚簡直無懈可擊。不得不提新鮮海膽，鮮味十足十分好吃！

本來想到北海道遊玩的，因遇上公司有特別安排還是留於香港消費算了。結果免於被獎門人撞車都算是不幸中的大幸。先來一件香草羊架燒，羊架外層燒得剛剛好香草及其他香料令其更香口、內裡肉質嫩滑不羶。每次 L 吃日本料理必定吃玉子燒，這碟明石燒風雞蛋卷外層很香口，內裡軟綿綿那種感覺就像在吃燒綿花糖一樣。華味鳥雞皮及雞翼串華味鳥於日擁有百多年歷史，其雞肉料理以新鮮馳名。因為華味鳥擁有自家的「銘柄雞」養殖場，每日為所飼養的雞隻準備含有 六十多種從植物、藥草提取成分的飼料，雞肉嫩滑可口。燒鮑魚很大隻而且不乾身，內裡仍然很鮮嫩。至於三文魚及三文魚籽飯很飽滿、很鮮美。招牌酥脆雞塊則不得不試，將美式、韓式及台式炸雞比較，這種日式做法不會太乾身，而且香料比例亦恰當不會將雞肉的鮮味蓋過。鹽燒花鯽魚（Atka Mackerel），所謂一夜乾就是源於北海道獨有的漁獲保存方式，將當日新鮮捕獲的花鯽魚剖開內臟後再以低溫鹽水浸泡，經浸泡過的漁獲風乾於北海道冷風。經過一夜冷風吹，魚肉則變得紮實，魚體內含有的脂肪經過鹽水醃製及風乾處理，魚肉不僅不油膩還增添風味。以炭烤來烤到表皮微焦即可食用，擠一些檸檬於烤魚上，外酥內軟的肉質帶有

今晚放工已經好夜，突然好想食日本野，呢個任務就交比我老公，佢話去尖沙咀食日本野吧！簡簡單單就去食啦！ 其實日本野有經濟亦有高級，今次較實惠而且太夜唔敢食太飽，唔夠四個鐘就已經零晨了。曾經同朋友食過覺得幾唔錯，環境裝修有點日本居酒屋般，又有點懷舊，門口已經見到招牌啦！直上3樓等安排入坐，我地去左到 d客人已陸續埋單，我同老公好似包場呀！ 其實係後面還有客人的。最有特色係他們真係有正宗榻榻米供客人的，好有 feel呀！神奇炒麵 $72唔知點解見到個麵名就好想 order睇下有幾神奇，賣相跟普通嘅炒麵無乜分別，但食落慢慢滲出甜味再而係咖哩味，還有椰菜，洋蔥，香菇絲紅蘿蔔絲同豬肉片，味道又真係幾得意，豬肉片好爽口，熱辣辣也不錯。特上壽司盛盒 $19810件即叫即製時令壽司，鮮帶子，青魚，蟹棒，醃漬軍艦，三文魚，立魚連虾亦有兩款，好好味因為佢地的壽司飯不是普通白飯，而且飯同材料比例好適中啱晒我地！ 燒物選左雞腎，雞亦同牛舌 三款，又什麼咁勁呀。原來係用日本九洲銘柄雞黎的做嘅又叫華味鳥。用優質飼料餵飼的 食得健康兼雞味濃！ 當然牛舌更加無得輸，惹味有多汁！ 雷魚天然鹽一夜干 $88魚香味濃帶少許腥

店鋪裝修都幾靚，bar枱位可以見到師父。有時整燒物仲會好大火添。加埋d燈籠幾有feel叫咗兩隻燒蠔，大約十分鐘之後店員攞咗出嚟燒。(本身以為係廚房入面師傅搞掂)所以拎出嚟嘅時候打定輸數，以為會一般般上到枱見隻蠔都幾靚，睇落非常之肥美個人都定返d咬到一半，非常之正！外面燒熟而入面仲有少少生。呢個真係燒蠔最啱嘅境界真心好味！雞頸肉炒茄子雞頸肉連埋皮非常之香口，連埋茄子同旁邊嘅沙律，食落就平衡啲，無咁油膩。分量都幾多，兩三個人share就good啦！帶子魷魚燒， 睇落個樣就好似大阪燒。醬汁同個皮都係一樣，而入面嘅餡就係用咗帶仔同埋魷魚。食落幾好味，而且價錢一啲都唔貴，性價比爆燈！！牡丹蝦刺身，非常之鮮甜而且夠大隻，唔錯唔錯！最後呢個係梳打加whisky，飲品上面有個柚子雪糕，其實本身雪糕可以就咁叫，我冇記錯係廿幾蚊。所以我覺得叫呢杯嘢飲會抵啲，有得食有得飲！而且個雪糕的確幾好食人，入面有果肉。whisky味唔會太搶口，飲落幾舒服，推介呢杯飲品！

香港人，勞勞碌碌、營營役役，拼命追求的似乎只是「生存」，而非「生活」。此事聽來有點傷感、帶點唏噓，卻是個不爭的事實。偶爾，小妹也會思索人生意義何在？在未有結論之前，姑且拋開這個沉重的話題，容許自己無限放鬆，盡情地享受一頓晚餐。或者，不刻意尋找，答案會自然出現。這間位於亞士厘道的日本餐廳，氣氛熱鬧，晚飯時段坐無虛席，大家你一句我一句，笑聲不絕。店子富有居酒屋格調，近門口處掛上燈籠，靠牆則是放滿美酒的櫃子，加上泛黃燈光，容易令人迷醉。如果坐在吧枱，更會不時看到紅紅烈火，又聽到烹煮食物的滋滋聲，感覺很捧。首先豪爽地點了一客價值不菲的大吞拿魚腩($198)，讓味蕾感受奢華的滋味。嬌嫩粉紅的大吞拿魚腩，發出閃閃光彩，脂肪紋理滿佈每個位置，將之夾起時幾乎要滑掉下來。把厚切刺身放進嘴巴，油花不停滲出，快速擴散至整個口腔，潤澤肥美。我們不禁閉起雙眼，細嚐那份極尚的豐腴。接下來是日本直送廣島蠔($118/2隻)，餐廳提供生或熟的食法，這次選了後者。體型珍寶的廣島蠔，肥嘟嘟、漲卜卜，遇熱後未有過份收縮，單是賣相已很吸引。用嘴輕吹正在冒煙的燒蠔，再小心翼翼地咬開。嘩！鮮味濃郁、充滿蠔汁。蠔身嫩滑非常，中心位

在尖沙咀的日式居酒屋，一進門就能看到乾淨明亮的酒櫃，擺著數量眾多的瓶裝酒令人目不暇給，還有沙發能候位，餐廳內除了正式枱櫈也備有TATAMI 區。在價格方面，可以說是高CP值的餐廳，但服務一點都不打折melon sorbet highball , 在威士忌中加入大量冰塊和蘇打水同melon sorbet調成的Highball, 既保留烈酒的豐醇香氣，又有低酒精濃度的爽口感, 味道隨住melon sorbet而令口感不同, 越黎越香甜燒花魚, 肥美厚肉, 入口多汁嫩滑,鮮甜，入口甚有鹹香，基本上不用再沾任何調味料，燒好直接吃已經很濃味很開胃味道濃厚，送酒一流串燒5款, 串燒因為即叫即整整, 所以熱辣辣, 好香口, 雞軟骨外酥內脆的雞軟骨，口感豐富, 露筍豚肉串,豚肉片包着蘆筍和紅蘿蔔，配搭清爽，亦能保留蘆筍脆嫩的口感三文魚金菇串, ，味道濃郁, 一次過可以滿足到兩種口感慾甜薯串, 味道香甜，亦有入口即溶的感覺明太子雞肉串, 明太子醬非常夠一層 烤過後伴隨著鹹、甜的口感再搭配雞肉的嫩, 口感豐富

在尖沙咀睇完表演和另一半行街搵食,另一半話想吃日本串燒,邊行邊看,發現了這間樓上店,同乘電梯的全部人都系去這層,上到去只有吧枱位可選,還要8:00交枱,當時6:30左右,星期四也咁早full,原來多數來的也訂了位,好在行早两步真好運😊。燒九州華味鳥肩肉串,肉彈多汁,一夜干金目鯛🐟,肉質實厚燒得乾身,燒蟹膏及炸薯餅👍👍😋燒物師父手藝真的很💯,果然好運遇到間好嘢。炸物可能人太多有些少漏單,不過追單時侍應也有跟進,後上明太子雞翼脆皮肉滑,唯雞軟骨炸得有㸃過火,結帳時收銀姐姐也有了解客戶對食物的意見,我們實事反映,姐姐有禮回應,更説下次再幫襯會送一客炸雞軟骨補數☺。

見到網上食評呢間餐廳好評如潮 (食品質素高 服務態度好)諗住可以一試首先 - 食物選擇其實ok 但係 - 落左單後 再三吹四請 40分鐘後食物先到..串燒仲要只係微溫.. 而且仲係未上齊...叫左個甲羅燒 我們第三次問完 先見到有個侍應拎住啲蟹蓋放上爐上開火燒 當時我們已經落左單50分鐘... 我們表示 如果依家先整 咁我地唔要啦點知..個侍應用好令人唔舒服的態度話:”咁廚房唔拎出黎 我點整俾你姐！ “之後就開始黑面同completely ignore我們提出的要求.. 我們無得選擇下只好接受 之後埋單 同一個侍應扔張單同信用卡俾我們 並且又再次大喝”簽名!!”..老實講 如果食物真是好好食 我都會無咁感到offended.. 但是食物非常一般 同平時屋邨邨日本餐廳食物質素差不多 而且服務態度差。

係尖沙咀夠哂方便， 出地鐵站行幾分鐘就到。成棟大廈基本上都係食肆，雖然地方唔係好大，但係唔會覺得迫夾，坐得幾舒服。現場有卡位亦有近牆邊半開放式既房仔，方便唔同嘅乘客人數。餐廳主要係用木色為主，望落幾舒服。一開始非常之肚餓，叫咗個三文魚三文魚子飯。上到枱setting都幾靚有花心思。配菜並唔常見，有heart。 魚子同埋三文魚都好新鮮 非常飽肚。燒牛仔骨 份量都唔少 燒得啱啱好 唔會太熟而搞到好韌。調味適中，唔會搶左牛味，我個人覺得非常抵食。燒明太子，呢個菜色比較少見，所以決定試一試。明太子鹹香十足。用嚟配飯食就一流。燒到外面乾身而入面仲有水分,good!呢個價錢雖然高咗少少,但係我覺得一定要試!呢個就係蟹膏海膽三文魚子。三樣嘢單獨食已經好正，加埋一齊簡直係絕配，係一個昇華！呢個真係唔講得笑，黎到一定要試試！不過我個人覺得兩個人share一個就ok，一個人食曬一個會太多。利申： 飲咗半杯之後先記得影，其實黎既時候係滿哂嘅，放心放心。呢杯係芒果燒酒梳打。 比例做得幾好，唔會淨係得燒酒嘅酒精味。但係同時有酒嘅感覺 ，黎到食飯淨番杯個人都relax d

出糧日又可以食好啲，就貢咗上嚟呢度，叫咗燒牛舌，魚生丼，炸雞。呢度環境清幽，光暗度感覺有氣氛，坐得尚算舒服，可以靜靜哋傾下計。魚生丼，每件都係大件厚切。而且多種類，我覺得最正都係金目鯛，爽口彈牙，其次就係肥美三文魚腩同劍魚腩，再者飯中已混入醬油，仲有好多玉子條，豐盛到一個點，仲有我想講呢度嘅芥末似係即磨個隻，食出經典原味。燒牛舌，大件嘅，厚薄適中，火喉啱啱好，其實送緊上枱時都已經聞到好香，肉汁保存無流失，肉質嫩滑易吞，兩口一件，有水準。最後開心share招牌香酥雞件。雞件係即炸嘅，果然香酥撲鼻，肉質亦都鮮嫩juicy。配合相信係自家特製嘅醬汁，味道的確迎合到我。今餐價錢合理環境優美，令我地都幾滿意。

放工約朋友去尖沙咀飲嘢食宵夜吹下水。突然之間好想食日本燒蟹蓋，搵到呢間係附近又未食過就一齊上去試下。唔好講咁多即刻叫杯啤酒先，雖然佢得一款生啤，但價錢又幾平。一杯細嘅都係$39，大杯到好似個頭咁嘅都係$88！咁當然叫杯大嘅爽下啦。然後我哋就叫咗幾個小食一邊飲嘢傾計一邊送吓酒。浜燒蟹蓋&浜燒三色蟹蓋雖然就唔係好似日本咁有個火爐自己燒，但都會見到火爐喺餐廳嘅一邊燒緊自己嘅蟹蓋，依然令人滿心期待。蟹蓋入面除咗蟹膏之外仲有滿滿嘅蟹肉同蛋黃。攪勻一齊食，蟹味大爆發！而且味道冇一般蟹蓋嘅通病：太鹹！呢度嘅蟹蓋味道剛剛好。朋友嘅三色蟹蓋都好靚仔，佢話加咗海膽之後味道更加鮮。牡丹蝦刺身，肉質新鮮，味道甜美。飲酒又點會少得燒物呢，明太子牛油燒烏賊鬚，魷魚鬚夠爽脆不靱，加咗明太子牛油去燒更加鹹香。燒雞軟骨，燒夠乾身，做到好似炸出嚟咁香口，結果另外要叫多兩串。呢間餐廳雖然地方唔大但坐得幾舒服。每一種食物都有水準，嘢飲價錢合理，不失為同朋友飲嘢傾計食嘢嘅好地方。

今晚相約了很久沒見面的老朋友，想找一間有私人空間、坐得耐又好食的餐廳，盡情聊天，朋友推薦了這家居酒屋，位於大廈3樓，無咁人來人往，卻又不失熱鬧，我們預約了榻榻米位，舒服寫意。首先點了 明石燒雞蛋卷 $68蛋味濃郁，非常嫩滑 加上醬汁，十分清新茶漬飯（鮭魚）淡淡茶香，配上濃味嘅串燒就中和得剛好主打嘅串燒就叫左 牛舌（厚身脆口，非常惹味）、秋葵、大蔥雞串、露荀豚肉、雞軟骨（好脆，推介）最驚喜是 日式雞蛋粥，很綿滑，配上紫菜增添風味，為整頓飯劃上完美句點。每人都係200零蚊，性價比很高！