麥奀雲吞麵世家 (Closed)

雖然好細既雲吞, 真系勁有質素, 好味, 吾會好似食垃圾甘!香港有太多只系平而沒有質素的雲吞面, 一D都沒有享受的感覺, 蝦系"叔"既, 個面成舊漿糊, 湯系最差, 一定系無蝦味既~ 一飲就知系味精水~麥奀雲吞麵世家三樣都平均地好食, 湯真是一個可以飲既蝦湯, 雲吞雖小, 但系每粒都甘好食, 一定感到新鮮既, 個面一定吾駛講系彈牙既, 只系真系細碗D, 但依舊好多人食, 證明系品質保證!"細蓉" 個名可能系甘黎都未定~

第一次黎食係年幾兩年前，今次同個朋友黎食，好似加左價...普通食個雲吞麵都要$28，仲要好細麵....今次叫左個水餃雲吞麵$38...個真..真係好貴...得兩舊水餃，3粒雲吞，d雲吞細粒到到不得了....雖然佢係幾有蝦味，但真係太細麵啦....如果就咁叫個水餃麵都要$30....真係好唔抵食，食完又唔飽....唉....

還有廿分鐘就午夜，想吃點東西才歸家，來這裡吃碗份量少少地的細蓉就最好。這裡人客也不少，除了吃麵，這裡就還有生滾粥可吃。別的什麼也不吃，只要一碗雲吞麵。近年已發現，中環店的水準下滑，這裡又如何？這裡的雲吞麵仍然用匙羹墊底，賣相正宗。喝一口湯，很淡口，跟中環店的湯底大有分別，至少那邊的還有蝦籽香。銀絲幼麵爽滑彈牙，不錯，只略嫌有少許鹹水味。雲吞雖然不是很大隻，但隻隻塞滿肉及蝦的，絕不「散尾」，似乎這裡也要向坊間的大粒雲吞低頭。連蔥花或韭黃也不下的，家陣街市賣得好貴嗎？埋單28蚊，不便宜，也不算很出色。至少天后那邊的麥兆記會比這裡好。

蝦子撈麵-蝦子夠多,正加埋水餃就無得頂啦水餃足晒料,皮博唔厚,好味

好辛苦終於捱到放監, 餓到得番半條人命嘅師傅拿拿聲去搵野食醫肚, 行到黎呢區見到呢間食店, 忽然好想食雲吞, 於是就決定入去, 但臨入去食店前喺門口望下個餐牌, 發現食物竟然冇價錢, 有d蠱惑, 但為左大家師傅決定以身犯險!一坐底即刻睇下有咩食啦, 再細望之下發現價錢驚人, 廿八蚊一碗雲吞麵; 師傅真係好懷疑點解咁貴, 於是諗左一陣最後柯打左碗淨雲吞!等左一陣碗淨雲吞就擺左喺師傅面前, 淨雲吞一碗有八粒, 粒粒都真係細得可憐, 師傅懷疑可以同一時間放三粒入口裡; 而雲吞皮算薄但餡唔算靚, 蝦肉細細但幾爽口, 但唔係全蝦, d豬肉喺裡面, 咁細粒仲要溝豬肉, 師傅覺得有少少過份; 湯底就幾好味, 但胡椒重左少少, 一般啦!總括而言雲吞絕對唔算得上出色, 環境一般, 服務都有禮, 價錢真係太貴, 一d都唔抵食; 其實坊間仲有好多好味嘅雲吞食店, 師傅覺得呢間蠱惑食店可以用四個字黎形容, 就係貴夾唔抵, 一定冇下次, 試問食完碗咁貴但質素平凡嘅淨雲吞, 你話師傅點笑得出呢?

剪完頭髮諗住去EE個肚仔先前幾日睇雜誌話依度好味就去左黎食喇阿姐一比個餐牌我睇,,,呆左28蚊一碗心諗唔緊要啦,,,好味就得點知碗麵一黎,,,,,,咩料呀????細成咁,,,,,,,,,,,,,,2啖就食完Wow下次一定唔黎呀食完 = 冇食失望

我係銅鑼灣返工，今日食飯時候又落雨，突然想食雲吞麵，於是去公司附近麥奀雲吞麵世家食！ 點知！一見到果碗麵已經好後悔，非常袖珍，超細碗！好似平時食飯果的飯碗咁大左右，已經好失望，本來諗住如果好食都沒所謂，雲吞細細粒，虽然雲吞皮好薄，不過的蝦唔爽口而且沒咩味道，d麵又一般 ，湯底好清淡，好過水少少！咁就要28蚊，物不所值。可樂12大圓。四十蚊一位好似沒食過嘢咁，搞到仲要出去買 三文治食… 本來去食既時候好開心，但真係有苦自己知！唯有以後都唔會再去！

開頭見到門口的食評, 以為呢間野OK, 就價錢都冇睇就入左去. 入到去見到雲吞麵要25元一碗, 價錢唔算平但諗住好食都就得. 當時見到旁邊食客個碗麵好似細, 但都冇諗住原來自己個碗都係. 侍應將麵送來的時候, 我諗... "咁細碗, 重要咁貴, 唔通好好食..." 但係結果唔係, D雲吞算OK, 蝦都幾鮮. 但係D麵有梘水味, 同埋湯十分咸. 又貴又唔抵食又唔好食... 想要我再來都難.

個日要去銅鑼灣個附近做野，見未夠鐘，又肚餓，想食雲吞面，見到麥奀招牌，同我個fd兩人個入左去食。店員態度好到唔理你！等左好耐都無野食，追下單又無人理！碗野黎到，我地o晒咀！廿五蚊...諗住銅鑼灣價，算啦！點知原來碗野，唔好話男仔，連女仔都可以兩啖食晒！我個fd仲有有左，陀緊bb，碗野都唔知夠佢定夠個bb食！！食物質素又唔覺真係好好喎，同我食開一般！坐又唔舒服，又迫又嘈！打死我都唔會再食呢間野架啦！

我上完網睇過之後, 原來麥奀記有幾間, 其他我唔夠擔講, 銅纙灣這問一定唔好去, 我剛剛先食完個Lunch, 食左牛腩雲吞麵, 味道我唔覺好, 又坐得唔好, 個收銀仲好大聲咁講野, 而且一個牛腩雲吞麵正常男人應該三口就食曬, 都收我$40 蚊, 咁都唔重要, 最重要係, 佢竟然有野昆蟲係裏面, 我想問, 有無攪錯呀~~~大家記住千萬唔好食這一間, 同一條街有幾間仲好食的, 不妨行多一陣先入去...

今晚年三十晚，我同青檸先生原本打算去食壽司，但行完花市，真定唔順，隻腳又倦、個肚又餓，所以半路中途，就走左入黎呢醫肚。其實之後都係中環食過麥奀。兩次，我都覺得好好味，麵底好爽，唔林，雲吞好香，細細隻，好易入口，湯底偏濃味，但絕對可以接受，另外，值得一讚的是，雲吞同湯底都有落胡椒粉，辣辣地之餘，亦帶出蝦的鮮味，好正。至於份量同價錢方面，我同其它食評家都有差不多意見，細碗、貴。大食且非常肚餓的我們，最後總共食左3碗雲吞麵同1碟牛筋撈麵。但最搞笑地，臨走時，大家都向對方坦白，其實仲可以再食，仲未夠飽！哈哈哈哈！

很久沒有打過食評，是時候重新開始，就由昨夜的一餐作開始。一個人的晚餐，身處在銅鑼灣的鬧市，實在有點格格不入，望見「麥奀」的招牌，記起雜誌的介紹，就來一個速戰速決的雲吞麵。早知分量細小，只是麵上來的時候，還是覺得比想像中細。喝一口湯，感覺味精味不多，反而略帶胡椒味。雲吞是傳統型，蝦很爽口，皮薄柔滑，麵質亦爽口。很快就吃完碗麵，但沒有飽肚的感覺。就味道來說，確實是一碗好的雲吞麵，只是分量偏小，難以果腹。

在新強記只是二人分吃了生牛湯金邊粉+蝦餅, 當然唔夠啦!一心諗住再蹲榮記,奈何又已被一群又一群手拿著香港葛福臨佈道大會場刊的食客攻陷(主的力量真偉大!)於這是四周張望就比我及到!是你了,香港3大雲吞麵店!難得撞正就要試試!入去二話不說!"雲吞麵水餃麵!"麵到了麵質好幼細彈牙好口感!食麵不二之選!但再說雲吞是迷你的,而這美味的麵底也是迷你,幸好剛剛別了半個生牛金邊粉如不然?一定要吃三大碗才能滿足,再說水餃真是一流,一直都想找一間似樣一點的廣東式水餃,這兒正合口味!!蝦,木耳仲有筍,要有這樣的內涵才可稱為"水餃"讚!!而湯亦係不得不提的!十分香濃,食麵時要連湯一起放入口中!精彩!!我這一個笑面係比水餃的!!

很多人說這裡很出名越聽心癮越大於是與朋友一起來試試要了碗雲吞麵湯是清麵的硬度剛剛好雲吞很少味道尚可若不是常食雲吞麵或者食家根本不會覺得與其他麵店有分別因為它的傳統所以要收貴一點嗎?只有好食才是收費貴的理由服務1分是因為根本沒有服務除了落單及送食物抵食1分是因為沒有0分其價錢比其他店的1.5倍除了湯比別人做得特別好之外值得嗎?滿足好奇心值得否則就不值得

這店的食品價格不便宜，食物分量少。它沒有特別的裝修，沒有舒適的座位，只有普通茶餐廳的格局，賣的是雲吞牛腩粥粉麵食，招徠是靠店鋪的名稱口碑。卓頭是麵世家的招牌。已經過了午飯時間，肚子咕嚕咕嚕，一坐下便叫了碗馳名雲吞面。不知是否肚餓的關係，這碗馳名的雲吞麵，今天看來特別細小。一個米通小型飯碗，盛載的麵只是一大口的分量，掀開麵看被覆蓋在下面的雲屯，只有四粒如五元硬幣大小的雲屯。還未開始吃，已經决定吃完要再吃其他東西。先嘗一口麵湯，跟一般雲吞麵鋪分別不大。跟其他雲吞麵鋪最大的分別是麥奀用來包雲吞的蝦，是有些鮮蝦味的，不是其他店鋪只靠蘇打粉啤水用味精腌制等工序，去掩飾沒有味道的雪蝦身份。雲吞皮就有所不足，收口頂部捏得過厚，不能均勻淥熟，咬的口感不舒服。麵方面，適度的爽，但碱水味未有去清，普通水準。這個雲吞麵，用料是優良，不過烹製技巧一般，分量更可說是微不足道，約是新釗記的一半，如果不是就住慢慢吃，兩分鐘便可吃完一碗，賣二十五塊錢，只能當是小吃來吃。雲吞面是兩啖便吃完，越吃越餓，這時，後加的一個鹹肉粽送至，體積也是偏小，似乎吃埋也會是不够飽。粽煮得够熱，包得够實，糯米外觀白淨，吃進口中微帶鹹味，也