媽咪雞蛋仔

Open Now

Now Closed

伯爵茶雞蛋仔，採用左英國皇室御用嘅Twinings伯爵茶，茶味濃郁，真係係食得到嘅伯爵茶，D茶葉好多，係表面都仲見到D伯爵茶茶葉碎。黃金雞蛋仔，咸蛋黃咸香味香濃，餡料咸蛋黃蓉睇落真係好似金沙，雞蛋遇上咸蛋毫無違和、真係好好味。鮮榨檸檬水，味道清新，酸度都幾高，如果唔係帶有D甜味，會有種飲緊檸檬汁嘅感覺。鮮榨檸檬茶，檸檬味好出，紅茶味道濃厚、有微微嘅苦澀，但飲落超易入口，比鮮榨檸檬水無咁單調、更加好飲。

星期日嘅午餐食得唔夠飽，行左陣街都係要食茶點先可以捱到夜晚！突然好想食雞蛋仔！唔駛諗一定係媽咪雞蛋仔！怕排長龍要等好耐？ 可以打電話去落左單先！當然唔可以叫完走單，做個乖顧客啦！店長哥哥好好人，而且就算多人都唔會亂！大家亦都可以靜心等候！因為即叫即整好新鮮呀嘛！值得等嘅！今次點了兩款： 🥞🥨傳統格仔餅 $22 千祈唔好以為一定要點雞蛋仔先好食！格仔餅都係即叫即整，厚厚嘅格仔餅，外脆內軟，配埋令人懷念嘅味道- 花生醬，糖，牛油，夾埋一齊食真係頂級好味！店員仲會一分為二邊便一路行一路食！🍵🍞伯爵茶雞蛋仔 $28個人獨愛伯爵茶！所以點了呢個伯爵茶雞蛋仔，真係好香好香伯爵茶味，完全冇苦澀味！喜愛茶嘅朋友絕對不會失望！雞蛋仔唔駛講梗係好味啦！整完唔會立即比你，指定動作要吹一陣先確保外脆內軟！讚！ 

假日去完港島行山，口痕係時候去周圍搵下野食😋冇食一排，又多左新口味，仲有幾款係灣仔店限定🤩臘腸雙重芝士雞蛋仔其實都想食，不過好貴🤧牛油果朱古力$35食落有牛油果味，仲有勁多溶左朱古力😍兩者配搭得幾match，牛油果控必試！鹹牛肉$43第一次食咸既雞蛋仔，好食喎！但鹹牛肉唔係粒粒既份量都一樣，所以食落有d會偏啖有d又會夠味🤣口乾乾，叫番杯飲品先鮮榨檸檬茶$16真係有檸檬渣wor，酸酸地，好開胃！

最近天氣開始轉涼🌬經過間媽咪雞蛋仔🧑🏻食翻底暖笠笠嘅雞蛋仔就啱晒喇🥰每人揀左兩款口味，抹茶朱古力雞蛋仔🍵抹茶味幾濃，入面嘅朱古力餡料亦有唔少🍫仲要係半溶嘅漿狀👍🏻當然要嗌翻個季節限定紫薯蕃薯雞蛋仔🍠紫薯同番薯呢個配搭非常飽肚☺️新鮮紫薯同蕃薯粒唔會過甜💜口感仲好綿密😋而且係即叫即整👨🏻‍🍳所以就算等耐少少都好值得，咁就食到個外脆內軟嘅雞蛋仔🤤入口熱辣辣🔥鮮榨檸檬茶🍋菜味都幾濃，而奶茶亦都好幼滑🥛甜度適中

約咗朋友嚟灣仔交收物資，由於有點塞車，所以比原定時間遲了少許。友人知我無飯癮，有時連午餐都將雞蛋仔當飯食，所以趁等我嘅空檔，特意去咗呢間「媽咪雞蛋仔」給我買雞蛋仔同飲品，真係非常窩心。講起上嚟都覺得自己有啲大鄉裡，其實我今次都係第一次食呢間「媽咪雞蛋仔」嘅出品，聽講店舖已經連續 4 年獲選米芝蓮香港街頭小食推薦，而且分店仲遍佈全港多個地區。好彩時間啱啱好，嚟到只係等咗 5 分鐘就已經有得攞。原來店內嘅雞蛋仔有好多唔同口味，今次朋友就揀咗黃金雞蛋仔同紫薯蕃薯雞蛋仔。黃金雞蛋仔 ($35) 雞蛋仔嘅外形相當飽滿，入面的鹹蛋黃份量超多，而且分佈得很平均，每一粒雞蛋仔都嘗到蛋黃，邊位食落好脆口，咬下煙韌鬆軟，配埋內餡嘅鹹蛋黃，香口惹味。紫薯番薯雞蛋仔 ($32) 朋友話呢款係秋冬期間限定嘅，每一粒雞蛋仔入面都有紫薯同番薯，香甜紫薯，入口軟滑；黃心番薯，富有咬口，兩者互相融合，所以食落嘅有紫薯香，又食到番薯嘅甜味，口感相當唔錯。朋友自己買咗杯香滑港式奶茶 ($20)，另外幫我買咗杯鮮榨檸檬水 ($20)。聽講杯奶茶味道相當不俗，奶和茶的比例剛好，入口幼滑。至於我杯鮮榨檸檬水，用新鮮的檸檬榨汁而成

連續攞到四年米芝蓮香港街頭小食嘅媽咪雞蛋仔🧑🏻大家應該唔會太陌生👥一直覺得佢做嘅雞蛋仔除左口感好好之外，佢地亦都有唔同口味🤗最近佢地推出左新嘅冬日口味❄️所以就去左試下🙈4 款雞蛋仔雞蛋仔捧上手都仲熱辣辣🔥望落好飽滿，外層香脆😝餡料好多，亦好香軟🥰紫薯蕃薯雞蛋仔🍠呢個雙薯雞蛋仔入面嘅餡有新鮮紫薯同蕃薯粒💜 口感綿密，味道唔會甜得滯☺️芝士雞蛋仔🧀芝士好鹹香亦好濃郁😋伯爵茶朱古力雞蛋仔🍫聞落好香伯爵茶味💨表面有少少茶葉碎🌿食落亦好有 Twining 伯爵茶味🤤連埋甜甜嘅朱古力，就好夾😚抹茶紅豆雞蛋仔🍵 除左有抹茶香，仲會有少少抹茶苦澀味🤏🏻不過連埋紅豆一齊食就會中和一啲😛鮮榨檸檬茶嘅檸檬味更濃🍋菜味都好夠👍🏻而鮮榨檸檬水係比較似 Lemonade，好清爽

綠茶朱古力雞蛋仔呢一款綠茶雞蛋仔係超級出名因為外面有綠茶嘅皮每一個雞蛋仔都有一至三粒朱古力所以啱晒鍾意食朱古力嘅人啊可以睇到朱古力係幾咁濃而且仲會食到綠茶嘅甘味啱晒鍾意食綠茶嘅人去試啦同埋熱既時候就好快啲食啦先可以食到好香好脆葡式馬介休雞蛋仔 ($32)喺媽咪雞蛋仔第一次同埋澳門木偶葡國餐廳有合作，亦都會推出充滿葡式風味馬介休味雞蛋仔特別之處就係將葡式鹽漬鱈魚加 入雞蛋仔，入口鮮美，仲會食到有少少鹹香😍😍😍顛覆一貫甜味雞蛋仔概念!可以見到雞蛋仔都好大份而且係新鮮製造等大約10分鐘到就可以食到新鮮製作嘅雞蛋仔啦好開心喺香港都可以食到有葡式味道嘅雞蛋仔味道好新鮮而且好特別會再食港式凍奶茶奶茶味好香濃而且好滑再加上茶味都係好香仲要唔會勁多冰啱晒我哋

/媽咪雞蛋仔💛🇭🇰/#sa小食篇 #sa灣仔篇 #sa良心小店篇 ➖➖➖最有創意雞蛋仔口味非佢莫屬啦🤣真係咩都有咁滯 連榮華臘腸都有間唔中都會食下佢嘅雞蛋仔～今次就食期間限定+灣仔獨家口味➖➖➖1️⃣牛油果朱古力雞蛋仔 $32 入面有牛油果蓉同朱古力半溶漿食得出係有用真•牛油果 唔太甜覺得餡料嘅分佈可以更平均有啲部分牛油果蓉/朱古力會多啲🙈牛油果控應該會幾鍾意 可以一試但我比較鍾意厚實口感嘅牛油果🥑➖➖➖分數:7.5/10 ➖➖➖2️⃣咸牛肉雞蛋仔 $43 呢個係推薦+新推出嘅產品👍🏻亦係得灣仔店先有 入面都幾足料粒粒咸牛肉 充滿咸香 幾有香港特色加上一甜一咸嘅雞蛋仔同人share 感覺無咁溜 個人口味更推呢個味➖➖➖分數: 8/10 ➖➖➖3️⃣,4️⃣ 檸檬茶、檸檬水 甜度剛好似少甜版維他檸檬茶～茶嘅話會多左少少苦澀🙆🏻‍♀️如果叫無糖可能更好！➖➖➖📍媽咪雞蛋仔(都幾多分店) 灣仔道181A-181G地下D2舖

今晚飯後意猶未盡，好想食雞蛋仔。呢款 經典街頭小食，香港人由細食到大 。我就最鍾意呢間 媽咪雞蛋仔，佢用料新鮮即叫即做，款式選擇多，可以滿足唔同口味！食過你就知佢與別不同！由街頭小店，發展到多間分店遍佈港九新界， 佢嘅尖沙咀店 係2016至2019 仲榮獲米芝蓮街頭小食。每間分店經常都大排長龍，人頭湧湧！我地點了 香蕉雞蛋仔 和 黃金蛋黃雞蛋仔。香蕉軟滑順口，果味清甜，用作雞蛋仔餡料是絕配，猶如一個脆口的香蕉班戟。黃金雞蛋仔 蛋黃味濃郁甘香，鹹甜味道平衡適中，令人愈食愈想食!雞蛋仔 外皮鬆脆，內裏柔軟煙韌，竅門就是當雞蛋仔熱辣辣時，急速冷凍，這裏做得相當有水準！鮮檸檬汁 和 鮮檸檬茶 鮮搾檸檬材料新鮮，原汁原味，清涼解渴，唔係好多地方有得飲。天然果酸去油膩，消滯幫助消化！

媽咪雞蛋仔依間主賣創新主意嘅雞蛋仔店舖，連續4年獲頒發米芝蓮香港街頭小食。依間嘅雞蛋仔出品比較有多元化口味、份量大、好足料、即叫即做，款款捧上手都仲熱辣辣，食落夠飽滿，外層脆口、內層鬆軟，餡料好多。紫薯蕃薯雞蛋仔，依個係因應依家嘅季節，推出左新嘅冬日口味之中嘅其中一款，雙薯雞蛋仔入面有新鮮紫薯泥、蕃薯粒， 口感綿密，甜度適中。芝士雞蛋仔，芝士帶些鹹香，雞蛋仔做鹹食都唔錯，夠曬「芝」味。伯爵茶朱古力雞蛋仔，伯爵茶味道濃郁，表面仲睇到有少少茶葉碎，係採用左Twining伯爵茶，連埋朱古力食，味道就無咁單一。抹茶紅豆雞蛋仔，抹茶味道清香，仲會有少少抹茶清澀味，紅豆嘅加一令味道中和左。鮮榨檸檬水類似Lemonade，味道清爽，酸度有6.5分左右。鮮榨檸檬茶嘅檸檬味比較出，茶味濃厚但都有微苦澀，但飲落超易入口，依度嘅檸檬飲品不得不愛。

上次試完格仔餅, 感覺麻麻地因為有啲燶 😟 今次再俾個機會試多次佢嘅拿手雞蛋仔 🙂嚟到門口比上次更加多人, 跟大隊叫雞蛋仔, 不過兩底兩底咁整, 始終都係要等.. 🙃成間鋪做緊嘅雞蛋仔款式有幾十款, 霎眼間見到有灣仔店限定嘅... 榮華臘腸雙重芝士雞蛋仔😱😱😱 自問自己就冇膽量挑戰, 喜歡創新嘅朋友不妨過嚟試, 我期待你篇食評😆等左差唔多15分鐘, 終於個雞蛋仔拎到上手喇 !! 個樣就似模似樣喇, 好香, 味道唔錯嘅, 果然比格仔餅好食, 始終佢雞蛋仔比較出名 唔好期待佢係最出色嘅雞蛋仔, 不坊一試!

最近天氣開始轉涼 食暖笠笠嘅雞蛋仔就啱晒喇 經過灣仔嘅媽咪雞蛋仔店見到啲人企喺度食雞蛋仔 個樣好似好滋味咁 於是我就走埋去睇吓有咩味道揀⠀⠀我哋兩個人每人買一款口味 其中一款口味係灣仔店限定添🤤⠀⠀▫️紫薯蕃薯雞蛋仔 (HKD37)呢款係秋季限定雞蛋仔嚟㗎！秋天係紫薯收成嘅季節 所以呢個時候食紫薯就最啱！紫薯番薯一齊食確實非常飽肚 而且一份雞蛋仔都幾多 特別口味同份量收呢個價錢ok啦⠀⠀▫️鹹牛肉雞蛋仔 (HKD43)呢款口味都係最新推出嘅 仲要係灣仔店限定添！我一直以為雞蛋仔裡面嘅餡料要係甜嘅先好食 點知原來唔係㗎 鹹牛肉味道突出 證明每一粒雞蛋仔都落足料啦 有興趣嘅朋友可以試吓😝⠀⠀買雞蛋仔順便買埋飲品 鮮榨檸檬水同埋鮮榨檸檬茶 好飲又解喝

試左四款口味，分別係「紫薯番薯雞蛋仔」🍠有原粒紫薯及番薯粒，非常好吃「伯爵茶朱古力雞蛋仔」🍫☕️最愛這口味，一開始沒什麼味，但係之後口入面會有一股茶味，齒頰留香，而d朱古力味啱啱好，唔會太甜，同個茶好夾「芝士雞蛋仔」🧀非常濃郁芝士味，好似係有2款唔同既芝士，但係唔驚會太油膩，仲要勁香濃芝士味「抹茶紅豆雞蛋仔」🍵抹茶味偏淡，但紅豆味濃郁，相對之下尼款冇咁好食係尼間店既原味就冇其他普通小食店咁抵,價錢偏貴，所以如果食尼間店強烈建議食特別既口味

呢日係灣仔行街買野，經過呢間久仰大名既媽咪雞蛋仔，決定停下腳步👣，買黎試下。望住店內有個巨形雞蛋仔Menu，選擇困難症發作，吾想諗咁多，決定簡灣仔分店獨家上市既鹹牛肉雞蛋仔🧇同埋好吸引既紫薯蕃薯🍠雞蛋仔。鹹牛肉雞蛋仔 （HKD43): 熱辣辣，外脆內軟不在話下，餡料豐富就黎滿瀉，平時食開雞蛋仔都係甜食，今次竟然係鹹食，創意十足，而且味道一流，根本就係行住食既蛋牛治🥪，食落鹹香不油膩，好出眾，牛肉粉量足，幾乎啖啖都食到鹹牛肉。雞蛋🥚仔用既應該係上乘日本面粉，口感鬆軟，濃濃雞蛋🥚香，食落輕盈。紫蕃蕃薯🍠雞蛋🥚仔（HKD32): 雙色蕃薯🍠顏色好突出鮮艶，紫黃色係每一粒雞蛋仔入面都不難找到，顆粒感好重，真材實料，味道又吾太甜，仲要係冬季期間限定，值得一試。鮮榨檸檬茶：酸酸味味，中和一下飽肚油膩感一流，飲得出原個檸檬🍋榨，仲有檸檬粒係到浮浮地，正。總結：只得一個姨姨員工 又收錢又整雞蛋仔 所以要等一陣 ，不過好野吾怕等，算整得快。

雞蛋仔egg son(😂)我細細個就開始食 健康的零食由雞蛋仔做起...行過見到咁健康緊係要大大力健康下位置係灣仔VTC附近，集成中心對面環境鋪仔細細其實只係得一個收銀位所以如果要慢食，建議可以拎摩利臣山游泳池道食職員會即叫即整雞蛋仔 見到街頭小食店都連續三年連獲米之蓮街頭小食推介完全唔馬虎媽咪雞蛋仔除左原味雞蛋仔，仲有唔同既特別口味傳統的原味嘅雞蛋仔就真係食得多，有其他口味既雞蛋仔又真係第一次食。粒粒朱古力雞蛋仔比平時食既乾身，脆卜卜好均衡。最中意食口感軟糯煙韌蛋醬，內餡蛋味唔算濃；但有粒粒朱古力巧妙配合，粒粒朱古力都脆卜卜，黑古力唔會太甜，好味！紫薯蕃薯雞蛋仔雞蛋仔秋冬季限定，港女真係煩有紫薯就會食啊食啊食。紫薯同蕃薯爆哂內餡，依個比上一底雞蛋仔味道更豐富。完全係紫薯蕃薯天下，無加糖，天然甜。自家製檸檬水，茶原本諗住口乾米買既hea飲，點知絕對好有誠意。壓榨新鮮檸檬再加上蜜糖調酸，味偏酸，消除雞蛋仔既飽肚感，茶味唔算濃，係錫蘭紅茶唔會澀；色就好夠又可以再食啦！