MAMTOM

餐廳喺尖東海旁，望落去以為一間Bar，但其實有得食越南fusion菜！而最有驚喜嘅係牛扒好好食😍⭐️Pho Bo Wagyu $168 +$75 Bone Marrow喺越南餐廳一定要試吓Pho，慢煮咗二十四小時嘅牛肉高湯，望落清澈，實質味道豐富，帶有香料味道，加上原條烤牛骨髓，增加油脂香氣⭐️ Prime Rib Eye 400g $428Rib eye油脂唔係最豐富，肉質唔係最嫩滑，但廚師將煮到啱啱好的medium 熟度，令牛扒肉質鮮嫩具有嚼勁，增加其魅力，配上帶有越南特色的豆蔻油，像香草醬及微辣鯷魚菠蘿醬汁⭐️DIY $78呢道菜係自己DIY米紙卷，材料豐富！⭐️Morning Glory $58越式炒通菜⭐️Durian Sticky Rice & Coconut Sundae $118

尖東海旁永安廣場地下有一整排酒吧餐廳，平日晚市都相當爆場，無論室外定室內都一樣人才濟濟😎今晚同同事揀咗呢間新開嘅Mamtom ，餐廳裝潢極富藝術感，天花掛滿黃澄澄柔和燈泡同埋木船槳，有其中一面牆仲係用皮帶做裝飾，帶點工業風設計😎相當型格Mamtom 係主打泰越cross-over 嘅新派美食，你可以喺每一款經典菜式中搵到新派Crossover元素😚😚我哋今次就嗌咗幾款店長推介嘅招牌菜🤩Pho Bo Waygu + bone marrow 慢煮24小時牛肉高湯完全係整道菜嘅精華所在，牛肉味相當濃郁可口，牛肉方面就用咗兩個部位，分別係肩腩同牛西冷，薄切牛肉片加埋嗦哂牛肉湯嘅河粉一齊食超級滋味😋😋仲可以加配原條烤牛骨髓，令整體味道口感更昇華DIY平時食開嘅米紙卷已經包好哂嘅，今次就可以自己DIY，材料都幾豐富，有香甜嘅菠蘿🍍、爽脆青瓜🥒、生菜🥬同灑滿花生碎嘅米粉卷，用米紙包住自製個人化口味，小妹建議仲可以包住牛扒🥩一齊食添😌Morning Glory 蒜蓉🧄辣椒炒通菜，鹹香味濃郁微辣，通菜相當爽口惹味🤤🤤Prime Rib Eye牛扒🥩煎至medium 熟度，上枱嘅時候主廚已經幫手切成一件件

原本佢打黎confirm都無乜禮貌問係咪6位，我答左句yes,都未問其它佢已經cut線朋友生日帶左蛋糕去，食完飯叫佢攞出黎當時上蛋糕馬卡龍爛左，即時同店員講佢只擺出一副唔關佢事既態度，跟住諗住算啦可能攞出黎唔小心整到朋友生日費事嘈，點知更大問題係個生日牌唔見左，再問佢，佢話原本無😒😒😒叫佢去個盒到搵下佢又話無整爛左咪講囉～講聲sorry其實都唔會計較全程個女待應態度勁差擺出唔關佢事到埋單要比200蚊切餅費加一220最後同佢經理講話免左個切餅費。公道講其它待應服務係不錯，只有這位女待應特別差，如果真係要去呢間切蛋糕記得要影抵先，唔係到時就唔關佢事

今日係尖東呢頭食越泰菜，位置都係酒吧地帶，夜晚黎食應該幾好feel。和牛越南河粉慢煮左24小時既牛肉高湯，湯底超濃郁，每啖都有牛既精華咁! 牛肉部位用左西冷牛排，呈微粉色，好嫩滑! 另外仲加左牛骨髓，原來係成條上，食落滑膩醇香，口感好似食緊cream咁。Rib eye塊扒好大塊，用左牛骨髓既油去處理，所以食落更香。好易切開，牛肉嫩滑。另外都有2款醬可以配，個人覺得原味都已經好好食。炒通菜呢個食親泰菜，我都會叫，好香口好惹味，直情想撈飯食。DIY米紙卷有生菜，香草，菠羅，青瓜，青木瓜同羅蔔，配埋越式甜辣醬，可以自己組裝! 好多蔬菜，好食得黎感覺又健康。最後一定要食既係佢既榴槤糯米飯配椰子雪糕，榴槤愛好者必食，有成舊榴槤果蓉係頂，中間有椰子雪糕，配埋側邊既脆脆，最底仲有糯米飯!

之前行過星光大道見到有一排酒吧，人氣好高經常排隊，今日約左朋友黎慶祝生日，揀左係Mamtom依間越國fusion 酒吧。網上見到佢個越南湯河好吸引，專登黎試下佢！Pho Bo Beef with Roasted Bone Marrow, 作為招牌菜果然唔錯！湯底係慢煮24小時牛肉高湯，有好濃既牛味，入口後仲有淡淡既甜味，好正！佢仲可以加75蚊要個牛骨髓，將d 牛骨髓加入高湯入面更加推高一個層次！牛味重之餘仲多左陣炭香味同埋牛油！而牛肉用料係牛胸腩位，大大塊之餘又好嫩滑！值得一提係河粉竟然係彈牙的，非常掛湯仲係我好中意既al dente! 依個可以話係越南湯河既天花板，真係好誇張！Morning Glory 即係炒通菜，通菜炒得翠綠而香口，有鑊氣，有水準。因為加左炸蒜同馬拉盞去炒，食到少少辣，好惹味！Prime Rib Eye 400G, 叫左medium well。上菜既時候比佢嚇親，好大份！Rib Eye 烤到外層微微焦香，好靚既梅納反應！而餐廳已經好細心甘幫手切開，可以見到粉粉地既嘅肉質好鮮嫩！吃落口肉味好濃，無筋，佢亦都有配送越式香草醬及鯷魚菠蘿醬，個人比較中意隻菠蘿醬，食落酸酸

之前同朋友去尖沙咀飲酒見到呢間餐廳，不過裝修都幾特別上網search下原來食fashion 越南野，仲要幾有氣氛，帶左朋友去試！雞肉炸春卷春卷炸過所以好脆口，而且裏面仲係熱辣辣。 有好多越南春卷嘅配料，酸酸鹹鹹。軟殻蟹沙律隻軟殻蟹生粉落得啱啱好，食落去啖啖肉唔會覺得好多炸粉！而且育新都好紮實，好新鮮，唔會腥！ 另外沙律應該係有啲青木瓜，車厘茄，都落咗少少辣椒攪拌，所以都好惹味！羊肉生菜包佢炒咗啲羊肉同埋一啲脆口嘅粒粒，加落生菜好有口感！羊肉有好香嘅羊酥味，同埋九層塔嘅味道。美國肉眼扒加DIY 雜錦生菜包 推介❤️首先就帶咗一個DIY雜錦菜包，裏面同出邊好唔同，有啲菠蘿，越南米粉，炸蒜，青瓜，同埋醃咗嘅蘿蔔絲。 最特色就係啲米粉卷，包落個生菜包到再落啲魚露水，再夾牛肉好好食！ 鍾意蒜香嘅落蒜片鍾意清新嘅可以落醃蘿蔔或者菠蘿！ 牛肉亦都好大份，而且肥瘦均勻識落好香口亦唔會太肥膩！牛骨髓牛肉湯麵 推介❤️湯底比一般越南牛肉湯河濃郁，見到有一大塊牛骨同埋牛骨髓，食落好香牛味好濃郁！而且佢牛肉有兩款，一隻似係和牛嗰種肥牛，另一種係牛展肉！ 和牛非常軟身，入口即溶，完全冇筋冇渣滓！ 榴連雪糕糯米飯 推

好似冇去過尖東海旁食飯冇book 檯平日去行到永安廣場附近見到佢。上返open rice 睇先知佢係新開。我地食左4樣嘢加1個甜品因第二日要返工所以冇飲酒烤章魚和秋葵串（羅望子奶油釉）Hk$188章魚好淋，平時食會胃痛，唔咁食太多，今次比我掃晒。鑊氣炒飯蟹肉(洋蔥炸蒜) HK$158呢個蟹肉飯好出色，拍得住泰國嗰啲，啲飯炒得好乾身又唔會太硬，蟹肉好多。菠蘿殼菠蘿雪葩 HK$128未食過，本着試新嘢嘅心態，個味道好好食慢煮鴨腿蛋麵(有青蔥乾蔥酸菜紅咖喱）HK$178佢個湯底好好飲，有浸椰味Grilled Ga Nuong Skwer Hk$118呢個係燒雞肉串，個味道好好食佢嘅環境都裝修得好有特色

諗住約朋友去尖東食餐飯放鬆chill下，揀咗嚟MAMTOM，泰越式酒店餐廳，格調、氣氛同食物質素都好好Spicy Chicken Satay($128) - 雞扒燒得外脆內嫩，雞皮脆卜卜，墊底辣油好惹味，同青檸汁好夾，青瓜好清新，呢個組合好開胃Oyster Omelette($138) - 蛋、漿同汁嘅比例啱啱好，口感同調味都好好，啖啖都食到肥美嘅蠔同海鮮，夾埋香菜同魚露，味道更豐富Pho Bo Wagyu with Roasted Bone Marrow($168+$75) - 牛骨髓口感順滑，好香油脂味，湯底濃而不膩，加埋大量洋蔥、青蔥同香料，味道香口，和牛片口感好份量足，河粉好有咬口，好好食Wok Fried Wagyu($158) - 鑊氣十足，味道香濃，炒和牛加埋煎燶邊蛋餸飯，好快就清晒Durian Sticky Rice with Coconut Sun with Durian Ice Cream($118+$18) - 愛好榴槤人士必定大愛，榴槤雪糕極濃味，口感順滑，糯米飯好煙靭，配埋椰汁，極邪惡極好味MAMTOM好有格調，俾人一種輕高檔次嘅感覺得嚟，氣氛好chill好r

店名/Shop Name：MAMTOM (尖沙咀)地址/ Adresss: 尖沙咀麼地道62號永安廣場地下1-6及45-46號舖種類/Type：東南亞亞洲菜推介/Recommend：烤羊扒扒鹽葉及開心果蔥油， 慢煮24小時牛肉湯風腩西冷牛扒米粉， 自製DIY，內有生菜越南香菜菠蘿青瓜醃青瓜和蘿蔔越南甜辣醬人均價錢：$500店舖環境:在尖沙咀海旁，可以遙望尖沙咀海旁上船隻，有分室內和室外座位交通:尖沙咀地鐵站P1出口行3分鐘上菜速度:⭐️⭐️⭐️⭐️⭐️服務態度:⭐️⭐️⭐️⭐️⭐️食物口味:⭐️⭐️⭐️⭐️⭐️尖沙咀有特色及好味的東南亞菜烤羊扒扒鹽葉及開心果蔥油 288烤羊扒外焦內嫩，肉質鮮美，搭配鹽葉的微鹹與開心果的香脆，增添層次感。淋上香濃蔥油，香氣四溢，令人垂涎欲滴，每一口都充滿驚喜與美味的享受。慢煮24小時牛肉湯風腩西冷牛扒米粉168慢煮24小時牛肉湯，濃郁醇厚，風腩西冷牛扒嫩滑多汁，搭配爽滑彈牙的米粉，口感滑順，湯底鮮香，讓人每一口都感受到無比的滿足與暖心。炒通菜 58炒泰式通菜，香脆爽口，搭配蒜香和調味，清新美味自製DIY，內有生菜越南香菜菠蘿青瓜醃青瓜和蘿蔔越南甜辣醬 78用來自己製成米子卷，包着羊扒

朋友話最近有新bar好似幾正，三人行一齊去試吓。照舊，試吓新餐廳之前睇吓人哋食評，跟機實冇死。其實佢都算幾多選擇，主要係泰式同越式菜。Pho Bo Beef ($138) + Bone Marrow ($75): 呢個差唔多每一台都叫嘅，所以我哋都唔執輸。牛肉湯勁好飲，真係飲得出係好足料好有牛肉味道，同平時出邊食嘅越南河粉唔同，出邊會好清甜，但係呢一度就多咗一份牛肉嘅濃香味。牛肉份量都唔算少，自己鍾意呢一度有唔同嘅選擇，我地加咗一份牛骨髓，同樣燒得都幾出色，好有炭香味，而且都唔算貴。每逢食泰菜，自己一定會叫嘅就係炒通菜($58)。份量都正常，而呢個價錢其實都幾抵食，但係如果唔係好食得辣嘅人就建議問吓可唔可以減少辣度，又或者叫其他嘢啦。蟹肉炒飯($138): 叫咗咁多牛，純粹想食吓海鮮，好彩見到都幾有鑊氣，而且蟹肉嘅份量都真係幾多，除咗有幾較大嘅之餘，見到蟹肉絲都算多。抵食，而且都算幾龍尾嘅，以酒吧來講，質素算係有翻咁上下。主菜就叫咗燒牛扒($528): 自己好鍾意呢道菜，朋友都話正，原因係因為食落去好香嘅炭燒味，而且其實唔需要點佢比嘅芥末醬同埋黑松露醬已經好夠牛肉味道，而且牛扒上小小嘅

在尖東海傍，MAMTOM的招牌低調得差點讓人忽略，但是菜式卻令人讚嘆服務也超好，男女侍應笑容滿面！KHAO SOI🍝$158.00泰式咖哩金麵，濃醇的咖哩湯底卻不辣，金麵半脆半稔，豐富的層次感令它絲毫不輸喇沙湯麵！偌大的雞腿🍗！厚肉！PRIME RIB EYE 400G$428.00巨大的極佳級肉眼厚牛排！五分熟肉汁豐富但又不會過生！西餐廳的高水準，酒吧的格局！DIY platters $58.00越式米紙卷七彩繽紛，有米紙，夢粉，乾蔥，炸蒜頭，花生，辣椒魚露，生菜，羅勒葉，菠萝，青瓜等本來是清新的一道齋菜，把牛排釀進裡面，叮🛎️！平衡了牛排🥩的肥膩，牛排提升了米紙的清淡層次，這個菜式搭配，不得了！DURIAN STICKY RICE & COCONUT SUNDAE $118.00意想不到榴槤真的一整球！口感10分Creamy！加入温熱的糯米飯🍚跟椰子新地，這種冰火五重天的感覺，不同的甜味層次，超好吃！MORNING GLORY$58.00炒得乾身，夠辣惹味，鹹香適中，通菜沒有渣，就是出色WATERMELON SMOOTHIE$88.00意想不到，西瓜🍉砂冰真的會用原個西瓜上，超可愛！

尖沙咀麼地道原來有一間 越南fusion泰菜嘅吧，裝修都好有格調～ 而且食物都幾特別，好有創意，鍾意食越南嘢嘅朋友都幾值得試吓 。Som Tum Goong With Fried Soft Shell Crab (泰式青木瓜沙律配炸軟殼蟹) 沙律材料好豐富，包括有清爽嘅青木瓜、蛇豆、仲有 啲蝦米提升鮮味、另外仲有啲辣椒，花生、羅望子醬調味，另外都有啲酸酸地幾開胃，蝦米同碎花生味有成個沙律好有口感，配一隻酥炸軟殼蟹，整體成個沙律味道都好豐富！Lamb Larb With Crispy Rice Salad (炒羊肉配脆米沙拉)食得辣嘅朋友，不妨試吓呢個炒羊肉米餅，由於佢加咗好多泰式辣椒、紅洋蔥絲、同混合香草，所以除咗羊肉本身嘅味道，香料味道非常濃郁，食落去啲羊都唔會騷～另外佢有啲生菜俾你包住食，似特別版嘅生菜包肉！Pho Bo Beef with Roasted Bone Marrow Add (牛肉湯河粉+牛骨髓)我自己就鍾意食越南河粉！呢度個越南河粉真係幾有特色，推介！湯底你會食得出非常厚，因為佢地係慢煮24小時牛肉湯、另外湯底都會帶一浸酸味，令到成個湯底唔會好漏，另外仲有唔同嘅牛肉

今晚約咗中同食飯，好耐冇見諗住搵間靚小小嘅餐廳聚一聚會。上網見到呢間餐廳環境幾好好適合打卡，所以就揀咗呢度食晚飯。入到餐廳見到大部份職員都係外國人，而且Menu都係英文，所以落單都係用英文落，職員都好熱情同埋服務好好，時不時就會關心下，了解下啲嘢食啱唔啱食或者食完啲嘢收咗啲未，所以呢度服務真係好好👍🏻至於呢度啲食物嘅味道都唔錯，我同朋友兩個人就叫咗蒸紅鱈魚配泰式蒜蓉辣椒和香茅、DIY、牛肉Pho、炒通菜同一個甜品。呢度嘅Pho超級推薦👏🏻，一上枱就見到唔少蒸氣，熱氣騰騰！然後湯嘅香氣撲面而來，再加上滑嫩嘅河粉和新鮮嘅牛肉交織在一起，讓人感受到一種溫暖和滿足感。食完呢一餐之後一定會掛住呢一種味道🥰食越式食物多數都係比較重口味，所以一定要配嘢飲，所以叫咗超級清爽嘅西瓜沙冰，飲得出冇加太多嘅糖漿，可以飲到新鮮西瓜汁嘅甜味，而且餐廳仲好有儀式咁，用原隻西瓜去裝西瓜沙冰，令到整個體驗更加好！！！

I recently dined at MAMTOM, located at Wing On Plaza in Tsim Sha Tsui, and it was an exceptional experience. The restaurant offers a vibrant ambiance with attentive service that made our visit truly enjoyable.*Pho Bo Beef*The highlight of the meal was the Pho Bo Beef. The broth, slow-cooked for 24 hours, was incredibly rich and flavorful. The addition of roasted bone marrow elevated the dish, making it unforgettable.*Steamed Red Snapper*This dish was a delightful surprise. The fish was perfectly

平時行過尖沙咀旁都見到一排酒吧餐廳，但從未試過，今日就約左朋友試下其中一間，呢間餐廳主要係食越南菜。Pho Bo Beaf呢個菜式入面有一大條燒過既牛骨髓，中間既骨髓入口即溶又香口，亦配有牛肉薄片，仲有河粉，河粉質地非常煙韌，湯底唔會太濃味。steamed red snapper with spicy Thai Garlic chili & lemon grass呢個菜式份量十分大，一條好大條既紅鯛魚。用左好多唔同配料香料，食落十分惹味。魚肉大大舊，鮮嫩多汁。DIYdiy其實就係用米紙包左d配料入去而成既菜式，配有生菜、菠蘿、米粉餅、蒜粒、青瓜可以自己diy包黎食，另外仲有酸甜醬，少少辣。成個菜都好有特色。Morning Glory呢款姐係炒通菜，用左蒜頭辣椒炒話爆香，食落香口 ，通菜爽脆。榴連糯米飯配椰子雪糕頂上有榴連蓉，之後就係榴槤雪糕同椰子雪糕，榴槤味極濃，椰子雪糕亦充滿淡淡椰子味，最底層就係糯米飯，成個配塔都好夾，值得一試。Mango silk sling呢款cocktails十分有特色飲落好香芒果味之後帶點椰子味，酒精味唔太濃。Citrus splash呢款係冇酒精係梳打製成