文洪記 (Closed)

對上個週末經開呢間小店，甘啱未夠鐘搭車，見到個招牌就口痕，事關我實在太鍾意食墨丸啦！正所謂「漢皇重墨思靚丸，尋找經年求品質」。點左一碗淨墨丸，對主角滿意——感覺真係食緊墨丸，唔係粉丸，仔細品嚐，好彈牙，用料足，感覺啖啖都有墨魚，細嚼慢咽，到有淡淡的墨丸香味，似乎有馬蹄，但唔係好明顯嗰種爽口。味道唔太鹹，又唔似落好多味精，起碼返到屋企唔口渴。配菜有幾條芽菜，一匙羹蔥粒，五粒丸，買單43蚊，主觀講句係太貴。以前食過（黃金時期的）翠華、文輝、離島勿丸，依家日日食緊香港仔魚蛋王師傅打嘅墨丸，品質都好好，但係價錢就平過呢間一截。可能係因為灣仔鋪租實在太貴？

昨天食完碗豬肉丸米，之後肚瀉2日每日幾次⋯柯到個人都乾初初 以為係我自己問題啦，點知朋友問番食完有冇野？佢食完果晚都有肚瀉，仲尖寒尖凍佢食的是紫菜+雲吞麵呢間野真係唔敢再食

好懷念這種港式麵店，早幾個星期去開灣仔想搵嘢食經過入咗去叫了碗魚旦河，點知飲第一啖湯就一試難忘😍上星期仲帶埋仔仔去一個小朋友食咗一大碗淨紫菜魚片同魚蛋，我碗魚旦河D河粉超滑嘟嘟加埋紫菜同埋自製辣椒油👍男人如果食麵怕唔夠飽仲可以叫碟牛筋腩飯，牛筋腩飯下面仲有好多芥蘭同埋仲有一碗上湯所以一定夠飽😌仔仔食完念念不忘話要再返去食過😋yummy yummy in our tummy而且地方環境都好乾淨整潔，職員服務態度很好,定必會再次幫襯

經過灣仔見到個好醒神嘅紅色招牌，旁邊重要寫住汕頭手搥墨魚丸，決定入去試一試。入到去當然要叫招牌墨魚丸，貪心少少加埋牛丸，最後叫咗墨丸牛丸米再加碟油菜啱啱好。墨魚丸果然係手搥真功，促料而且墨魚味濃厚，久違嘅墨魚丸味實在難得。希望店主能一直保持這個水準。牛丸有咬口肉汁香，也屬不錯的選擇。油菜選了個芥蘭全走，清甜冇渣，軟硬適中只是少份量少了些。哎呀~居然忘記了加紫菜！下次來一定要加紫菜。

🇭🇰文洪記·呢間係係再興對面既 個日見到佢招牌寫住手打墨魚丸好似好正咁 就去左試😎·紫菜四寶河$48佢個湯底幾好食 嘅真係似啲潮州蠔仔粥咁樣 加埋魚露都幾唔錯😚佢啲豬肉丸 魚蛋 同墨魚丸 全部都唔錯 佢仲有一寶係達豪魚冊 呢個我都係第一次見 佢其實就係一個豬肉餡之後攞一啲魚蛋條包住佢 我覺得呢個特別就特別 但係冇話好好食😂🙊但係佢個麵煮到好淋 係淋到胡左咁 食落真係好麻麻🤭·手打墨魚丸撈麵$48我覺得呢一個質感就好好多啦 至少佢係有啲口感先😂之後佢個墨魚丸係真係超有墨魚味 而且口感唔錯 不過我自己覺得佢係有啲多墨魚味度有少少腥 不過都ok既😏·郊外油菜$18呢個就經典啦 佢係連埋個生菜芯 仲要啲污糟野佢都唔切走 成件事勁唔開胃🤢·#rbyeat#rby港式#rby灣仔·📍灣仔駱克道272號地舖

大食妹今日胃唔舒服, 想食啲湯湯地嘅野, 於是同同事去左文洪記食湯粉<秘製牛坑腩河(加紫菜)>大食妹嗌左份秘製牛坑腩河加紫菜文洪記嘅河粉比較幼身, 口感比較淋秘製牛坑腩雖然份量唔少但口感好柴, 完全唔合格呀紫菜都得好少, 麻麻地<紫菜八寶河>同事就嗌左碗紫菜八寶河湯底好淡, 但配料好豐富有豬肉丸、魚蛋、墨魚丸、魚珊、牛丸、肉扎、魚皮餃同墨魚鬚, 最啱咩都想食嘅朋友但係同事就話味道一般, 唔會encore而且六七十蚊碗湯粉, 大食妹就覺得唔係咁值啦

以前呢個位都係一間麵鋪，我成日會miss左今日行過心血來潮想要碗有熱湯嘅⋯⋯當我仲以為係以前嘅一間老店時原來已經係一間新店，主打墨丸，潮汕粉麵，返正都係試，再加上本人有選擇困難症就叫碗八寶米一次過KO佢啦😋（為食總有理由嘅）所謂嘅八寶就係，豬肉丸，魚蛋，墨魚丸，魚冊，牛丸，扎肉，魚皮餃，墨魚鬚，仲有一角紫菜。基本上每個食材都有兩粒/舊，只有魚皮餃只得一粒，即刻試佢一試，是有點點肉汁/湯汁之類，沒特別，為左尊重唯一嘅魚皮餃我仲分開左3啖去咬，嘗試去試清楚個味⋯⋯我試到最後一啖有少少雪味囉⋯⋯完⋯⋯本來我就係衝著墨魚丸去食嘅，所以跟住就梗係啪粒「墨硯」先啦⋯⋯真係有墨魚粉同馬蹄粒，如果係想食爽彈嘅就一定唔係佢，呢度「墨硯」就係勝左少粉有鮮味，ok啦！下一位佳麗就係牛丸🐮咦！好味喎！真係潮汕味，有肉汁，當然就唔係爆漿瀨尿牛丸個種啦，但真係有牛味，好味😋食得牛就唔好俾佢停，要到🐷🐷，唔⋯⋯🐮🐮大出色喇🐷🐷就無乜特色。都係夾舊墨魚鬚黎換換口味⋯⋯咦⋯⋯無味嘅🧐好啦，清左味蕾喇😅到魚冊🐟，記憶中係有條唐芹插係入面嫁⋯⋯但呢度無囉⋯⋯bye。食開魚就繼續魚蛋，佢就係白色魚蛋，有味腥味嘅魚蛋。最後剩

收工諗住求其搵d野食，入到去已經無咩招呼，歡迎光臨都無句，要我問佢洗唔洗探熱，咁坐底叫野食啦，我同佢講要筋丸撈粗，我唔知大家平時點叫，我平時去食潮州粉麵都係叫筋丸撈粗，店員都知係牛筋同牛丸，最後佢黎左個牛丸撈粗俾我，咁我都無話d咩，咪同返店員講我係要牛筋同牛丸，之後佢就黑晒面拎返d野入廚房換返俾我野食黎講我覺得係好食，個湯夠香夠味，牛丸真係手打唔係機整，有肉汁夠爽，但服務態度係差到不得了，我埋單行去收銀，個店員一路啤住我，到收埋錢一句多謝都無我唔係要你有劉德華既服務態度，但起碼都要有基本服務態度丫

做運動前想食少少野，所以叫碗剩墨魚丸同生菜，有個肥肥地既阿姐幫我落單，態度奇差，話墨丸湯已經有菜，我話我想要多菜，阿姐話你食住先。結果墨丸湯黎左，得生菜兩條，我食左兩三啖之後已經覺得個口好乾，墨丸味道又一般，埋單個時阿姐掛住抽煙，我係cashier都等左2-3分鐘阿姐先幫我埋單。我問有無得八達通俾錢，之後死死地氣拎部機出黎，叫我放張卡上去啊，我以為係touchless contact，你知啦，而家疫情期間，盡量都唔想掂部機，點知個阿姐又喝我，放上去啊！收據又無，屏幕又無顯示餘額，都唔知扣左我幾多錢。夜晚得一台客，而家疫情期間態度都咁差，服務都味道都唔得，以後都唔會幫親呢間野😡😡😡

Wasn't very hungry so came here for a light dinner with boyfriend. It was a noodle shop I had never noticed before so why not give it  a  try?Menu is in English and Chinese. There is no 10% service charge.Something interesting as we waited for our food. A chopstick holder where you can press a button and a UV light will turn on. Interesting and the first time I've ever seen this to disinfect chopsticks.Boyfriend had the beef ball and fish balls noodles ($43). The beef balls were really good. Ver

大食妹今日晏就去咗文洪記食lunch嗌左碗至愛嘅秘製牛筋腩河+紫菜文洪記嘅牛筋腩份量都幾多但味道方面就普普通通, 唔夠入味, 同埋比較瘦, 大大減少左大食妹嘅滿足感紫菜就比較軟爛, 口感同掛湯力－般河粉底返而比佢嘅料更加好食, 河粉煮得啱啱好, 唔會太軟爛, 而且索曬啲腩汁大食妹到後半, 亦都試埋佢嘅辣椒油, 但味道－啲都唔辣, 返而好咸無果種港式粉麪應有嘅辣辣紅油味雖然以灣仔黎講, 47蚊食碗河粉, 唔可以話係貴, 但大食妹就唔係咁推薦啦

行過英皇集團中心見到對面開左間新店就去試吓啦，諗住快食之後番屋企。。點知俾我發現竟然有細個食嗰種懷舊手打墨魚丸！！牛筋丸都好好味。。以後多個快食既地方！推介：墨魚丸，牛筋丸

點了雲吞墨丸河，很快上枱，十分美味。不會成堆蒜蓉，葱和湯底很香，河粉也好食。買了外賣的急凍墨魚丸和牛筋丸，保存在冰格幾星期仍很美味。第一次幫襯，很好食!湯底不口乾，十分鮮甜，下次試炸魚皮。老闆很殷勤，服務快、靚、正。在灣仔，其實中式粉面檔有不少，但是這樣簡單而又鮮味的，不是每間都可以做到。希望繼續在這裏食到爽口彈牙的魚旦、墨丸，而且開業短短幾個月，已見不少擁躉，證明這世界好嘢是會得到認同的。老闆加油!

灣仔分店開咗一段時間，今日終於可以試到佢個魚蛋河，魚蛋質地係林身果種，啲魚蛋同啲粉嘅溫度唔係好夾，魚蛋係涼，碗粉係熱嘅，搞到碗粉唔凍唔熱，但味道都可以。入座時間係一點半，人潮已散，由落單到入口要成10分鐘，有少少耐。

原本老公過嚟諗住同佢去食好啲，點知佢一個到嚟就落大雨，因為費事行得太遠，我哋只可以喺公司搵嘢食，見到呢間面都有啲人幫襯，我哋就入去試下。我自己不嬲都鍾意食墨魚丸見到佢有手打墨魚丸對眼簡直係係發光咁。墨魚丸面只係需要三四十三蚊真係好抵仲要係手打新鮮唔係雪藏嘅墨魚丸真係估唔到平嘢又好嘢。