文記車仔麵 (福榮街)

Open Now

Now Closed

搭地鐵咁啱經過深水埗附近，又有啲肚餓，突然間醒起有間車仔麵好出名，就落車去試下。間舖好易去，深水埗D2出口直行轉右就到。我8:10左右去到，出面有條人龍，等左大約20分鐘先排到我。佢嘅運作模式有啲奇怪，係要出面排隊買完比埋錢先坐底食。如果係夏天/落雨嘅話，見到人龍我真係唔會排隊😢。大大個menu，令你可以一路排隊一路諗食咩。我嗌左一個三餸麵($45)🍜同埋凍檸茶($10)。麵底：河粉($11)餸：金菇($11)，蘿蔔($11)，豬紅($12)車仔麵湯底好重要。送到黎即刻飲一啖湯先，有驚喜！蘿蔔好清甜，冇渣，下次會再嗌！金菇索哂啲湯再食，👍🏻。豬紅就普普通通，唔腥。河粉份量都唔小（對女仔黎講）。凍檸茶偏甜，建議嗌少甜。可能因為我只係嗌左3餸嘅關係，$45一個麵唔算貴，$55食到一個飽嘅晚餐真係好抵食，性價比都偏高，下次帶埋男朋友黎一齊試下其他餸先。

黎到深水埗點會唔食文記車仔麵😻今次叫左豬紅、蘿蔔、玻璃魷魚、西洋菜，埋單先60幾蚊，淨係食餸都食飽咗🤣蘿蔔最出色，夠晒鮮甜，喺凍凍地嘅天氣最岩食返舊暖胃🤭豬紅就略嫌鹹咗少少😮玻璃魷魚係推介之一，微辣夠爽口🦑西洋菜其實係見到前面嗰個人點，而且份量好多😂😂😂嚟到文記一定要加佢嘅秘製辣醬同埋菜脯！食到流鼻水都要繼續加😂雖然文記既食物質素一向都有返咁上下，不過真係好唔明點解佢而家係要先排隊落單，勁無效率，起碼都等咗半個鐘以上，如果平日收工一定唔會排隊黎食😮

文記車仔麵 - 深水埗今次去開深水埗買野，所以去食返個文記車仔麵，當日不是太多人排隊食，所以大約排左5分鐘就可以點餐，叫左兩碗麵7個餸再加左文記既秘製辣醬紫菜、玻璃辣魷魚、瑞士雞翼、韭菜餃、白蘿蔔、豬紅、牛腩、粗麵、幼麵$113每次去到文記必定會叫推介的玻璃辣魷魚、瑞士雞翼，玻璃魷魚的份量都相當多，而且每條都非常脆口彈牙，瑞士雞翼的味道都很濃郁大大隻。至於，豬紅同蘿蔔都很入味，紫菜都很爽口。但今次兩碗既麵既麵質，兩碗都煮得偏淋不夠彈牙，而且牛腩肉質比較實唔夠淋，韭菜餃都一般。不過，文記既秘製辣醬真係惹味，令整個車仔麵味道提升了不少，推介食到辣既朋友仔都加少少試下

我係一個好少寫食評既人，今日終於頂吾順，要打一打呢間好多人食文記，我今日入去食都冇食就走左，首先入去佢話手機落單，吾收現金，甘我落單，佢個手機落單勁吾清晰，問員工，佢地勁敷衍甘答完你走左，完全吾想做你生意吾想幫你，好似要救佢地甘，一點服務態度都沒冇，做得自助落單，就應該清楚一點，門面仲要有算多員工，重點我問左二個員工都係甘，我先無奈😮‍💨走左，我知你每日都好多人食，好多人排隊，但服務同安排真係好差，我吾會再去食

嚟到深水埗，大家最熟悉嘅一定係文記車仔麵。之前一路都唔知道平時大排長龍嗰間原來先係最好食，旁邊新開的兩間現在只能使用電子支付付款，所以決定花時間到第一間分店排隊。第一間嘅豬大腸最為驚喜，另外亦都叫咗香煎午餐肉，煎得又香又大塊，真是見到都流晒口水，另外這間的餸菜亦好像比其餘兩三間更為多選擇，我亦叫了西洋菜，雖然整體價錢為中價，叫了五個餸連一杯飲品，大概已經要$80 ，同外面的拉麵比，其實已經差不多，不過車仔麵始終為香港情懷美食，間唔中食一次半次亦會感到很滋味😋😋

今次黎呢間聽聞長年大排長龍嘅平價米芝蓮車仔麵🫧平日夜晚不需排隊 可以直入😛有得自助落單 電子支付 非常方便👍🏻.🐈.𝙎𝙪𝙢𝙢𝙖𝙧𝙮秘制辣醬配腩汁湯底絕配‼️鐘意食辣之人一定會欣賞～瑞士雞翼入味 50蚊一碗大大碗抵食😋.🐈.🌟自選車仔麵 - $50/bowl店家貼心咁係menu度寫明十大必食餸今次試左瑞士雞翼 韭菜餃 蘿蔔 牛筋 通菜✨.特別推介：瑞士雞翼非常入味 韭菜餃配上辣湯底好過癮🤤🤤.暫時最喜歡嘅車仔麵除了元朗永年士多 就係呢間文記車仔麵了💗

星期日晚黎開深水埗就黎左呢間文記車仔麵，因為星期六剛剛食過另一間，今次就試呢間出名d，睇下係咪真係唔同d。見門口排隊咁就排下，一排就排左30分鐘，今次就叫外賣回家食。我點左推介既豬大腸，牛腩同埋唐生菜粗麵，外賣連盒就50蚊左右。咁返屋企車程就用左40分鐘，見咁耐我對個麵都不太大期望，返到去倒個湯落去食，嘩就相當唔錯直頭係有水準，豬大腸入味，淋而且保留了很多肥膏係入面而且唔係得幾舊hea你，牛腩入味彈牙，而且一d都韌，菜就正常，粗麵經過咁耐時間就有彈牙感，呢個車仔麵真係回頭率200。

文記落落單有兩間，一間俾玩金，一間八達通app。用qr code 落單個介面唔清楚，搞好耐。叫了豬紅豬皮牛腩油面加腩汁和秘制辣汁中辣。落單後好似壽司帶送過來，但坐唔舒服。豬皮牛腩稍大塊，口感扎實爽口，牛腩份量小夠味，油面好吸汁。加了$10跟凍啡茶兩溝，凍冰粒細珠粒夠仔細。可以加辣菜脯和炸Ginger粒。

米芝蓮街頭小食推介～文記車仔麵超足料車仔麵………………………………………………小編今次食宵夜嚟到深水埗著名車仔麵，次次嚟到都見到大排長龍， 又係米芝蓮推介，就試下佢～～叫左最出名嘅韭菜餃滷水雞翼同埋玻璃辣魷魚，非常足料，但最好食嘅竟然係辣菜脯～非常開胃：）

文記車仔麵深水埗福榮街121號地下原來依家食文記已經好貼近年代啦除左第1間鋪頭有錢銀找錢其他鋪頭都係自助落單 同用電子支付俾錢啦就直接慳反唔少人手找錢時間一向都好中意食河粉 叫車仔麵都係覺得河粉係最夾果湯底 完全吸哂D湯成個湯都好香好香 超吸引 好濃味雖然依家車仔麵都唔叫好平民簡單叫幾樣餸都差唔多70蚊牛腩 牛筋 魚皮餃牛筋同牛腩超林超入味 魚皮餃入哂D湯係入面成個車仔麵都好好食 偶爾黎食下都幾回味生炸餃子(3粒)呢個等左最耐 上到黎好得意3粒波波咁炸到好脆 但皮太厚身咬到一大半先食到個餡麻辣牛肚呢個都好好食 麻辣都夠重 滷得入味份量都好多呀 如果1個人食根本食唔哂架如果叫小食一定要2個人辣菜脯我覺得偏甜 唔夠辣醬料文記不嬲都放哂出黎既隨你自己中意點加都得

今次去深水埗試一試人氣車仔麵店今日六點零去到 門口已經排左2個圈嘅人龍其中兩個舖位連位 落完單如果係堂食就比埋錢再過隔離舖位坐低 會幫你拎埋過隔離的一路排隊一路睇 花多眼亂 見到有十大必食今次就係裏面揀啦 排左廿分鐘就到啦果然樣樣都好吸引鮮甜蘿蔔 味道好入味 淋身又無筋 大大舊自製韮菜餃 大大隻皮簿又多餡玻璃辣魷魚 有少少令我失望 男朋友係咁話依款好辣 搞到我以為真係有幾咁辣 食左啖根本無咩辣味 不過魷魚真心幾軟身 好易咬開又有鮮味 係唔錯嘅💛 但下次我會識嗌 少湯淨餸或者生菜底 同埋多辣 辣嘅感覺因人而異 可能你地一羹辣都夠 唔使落咁多🤭

《文記車仔麵》🤩長期排隊唔係無原因 - 文記車仔麵🤩餸菜好食既排名如下: 1. 蘿蔔 超清甜 又無渣 (勁推 有驚喜!)2. 瑞士雞翼 個汁好出色 亦夠入味3. 酸齋 酸甜剛好 淋得黎又有口感4. 豬大腸 唔會肥膩 無怪味 加瑞士汁一絕5. 辣魷魚 夠爽口 不過無乜味6. 小花菇 都好食 不過唔特別湯底 我地揀左清湯同瑞士汁清湯都夠味 可以加菜脯同秘製辣醬就更惹味瑞士汁都好正 甜甜地 加埋辣醬重正麵底唔會過淋 而且份量好足兩碗車仔麵+ 兩杯凍飲💰$146回頭率 :🐥🐥🐥🐥/5 ⭐️分開現金同8達通比錢既隊 後者比較少人文記車仔麵 📍深水埗福榮街109,115,121,123號地下

《文記車仔麵》🤩長期排隊唔係無原因 - 文記車仔麵🤩餸菜好食既排名如下: 1. 蘿蔔 超清甜 又無渣 (勁推 有驚喜!)2. 瑞士雞翼 個汁好出色 亦夠入味3. 酸齋 酸甜剛好 淋得黎又有口感4. 豬大腸 唔會肥膩 無怪味 加瑞士汁一絕5. 辣魷魚 夠爽口 不過無乜味6. 小花菇 都好食 不過唔特別湯底 我地揀左清湯同瑞士汁清湯都夠味 可以加菜脯同秘製辣醬就更惹味瑞士汁都好正 甜甜地 加埋辣醬重正麵底唔會過淋 而且份量好足🐥🐥兩碗車仔麵+ 兩杯凍飲💰$146回頭率 :🐥🐥🐥🐥/5 ⭐️分開現金同8達通比錢既隊 後者比較少人文記車仔麵 📍深水埗福榮街109,115,121,123號地下#duckduck_food#食得深水埗#文記車仔麵 #小店 #黃店 #平靚正 #性價比高 #深水埗 #深水埗美食 #深水埗好去處 #本土美食 #香港 #香港美食 #愛吃女孩 #吃貨 #食好西 #hongkong #hk #hkfood #instafood #偽foodie #foodblog #igblogger #852food #852blogger #hkinfluencer #打卡 #打卡餐廳

食過香港好多間車仔面 文記既湯底同配料真係好出色 所以都明白點解一至日 都大排長龍 今次叫咗豬紅+瑞士雞翼+辣汁魷魚 配米線 瑞士雞翼煮得好入味 肉質仲係好滑魷魚辣得好入味 豬紅亦都吸滿湯底既味🤩湯底特別叫咗多瑞士汁同腩汁 真係好味好多上一次試過佢地既辣汁 都好好味 鍾意食辣一定要試下！ 朋友叫咗豬紅蘿蔔河粉 蘿蔔亦都好入味 無渣😙文記最出色既地方係 每一樣配料都睇得出唔馬虎 有自己既特色既調味 美中不足係 有2間分店只收八達通app 有兩間只收現金 落完單又要走去第二間店坐低 過程比較亂 而且坐得唔算好舒服 不過味道完勝一切！

第一次食好失望，老遠揸車去買，諗住食沙嗲汁無死啦，點解沙嗲汁仲辣過麻辣？嗌個陣淨係嗌沙嗲，乜辣都無嗌到，中伏中到不得了，啲野幾好食都無用，所有野都變晒死辣無晒味，勁垃圾，辣到乜都食唔落，嘥人錢