文記車仔麵 (福榮街)

Open Now

Now Closed

同老公由拍拖到結婚都依然成日食文記車仔麵平時堂食都要排好耐隊好彩住得近，科技發達，有得叫外賣送上屋企餸同湯，醬汁都有好多選擇我最鍾意食佢哋自家制既韭菜餃大大件又勁足料，同埋有銀針粉選擇好少車仔麵有，所以勁開心，又好食

其實文記我之前只食過一次 因為唔食豬大腸嘅我覺得個湯好大陣豬大腸味…😐所以印象麻麻今次終於知點解原來係因為個腩汁！‼️建議唔食豬大腸嘅人唔好加腩汁～韭菜餃 - 調味幾好, 菜肉比例適中陳皮魚蛋 - 係細細粒個隻, 重陳皮味, 彈牙又好味魚腐 - 好大粒但好鹹蘿蔔 - 有好多件, 清甜, 無渣瑞士雞翼 - 瑞士汁同埋麻油味幾濃其他配料正常麵底好足夠另外, 夜更姐姐好有禮貌😀總括 今次總算一改對文記嘅印象～

叫了四個餸，魷魚、雞中翼、蘿蔔、牛筋油麵是標配，瑞士汁、小辣凍奶茶少甜不單獨講文記的餸了，一句言之—用心之作，簡單例子：嗌菜，菜很新鮮、嗌雞中翼，入味不老、嗌豬大腸、乾淨肥美，睇得出店家對於食品有要求和執著對我而言，四間水準不太差別，不會強求食舊鋪，反而新鋪更少人更舒適闊落飲品沒有特別，很普通奶茶檸茶不是很繁忙時間食，服務幾好，現在已是電子落單，姐姐負責帶位，冷氣夠凍，配料多、餐具足，埋單77$沒有投訴對我來說，車仔麵湯底醬汁不是太重要，單論配料，沒有比文記更好的存在

第一次仔仔試食車仔麵，聽人講文記車仔麵好好味就多，但就一次都未試過，因為最近仔仔好鍾意食豬紅，咁就黎間車仔麵食豬紅我叫咗豬腸、豬紅、清甜蘿蔔、瑞士雞翼尖同埋聽日講好正既豬油渣配河粉，我就加咗腩汁同微辣嘩！佢個豬紅豬腸好入味蘿蔔又真係好甜，仲有佢嘅豬油渣口感好鬆脆配埋佢個湯底簡直係正到爆佢唔止好味仲好大碗好抵食，每一個餸嘅份量都好多爸爸就叫咗個油麵，豬紅、豬腸、清甜蘿蔔同埋豬油渣叫既同我都一樣另外叫咗杯熱嘅柚子蜜佢嘅油面同我平時食到嘅好唔同好軟好彈牙仔仔就叫淨餸，都係一樣豬紅、豬腸、牛丸同埋芝士腸，佢就只加左腩汁，淨係個湯底已經比滿分佢仲成碗連湯都好好味下次一定會再黎食因為佢真係值得再去多一次好彩我地下午去，如果晚上要排隊🙈

今日要同大家介紹呢間係深水埗好出名嘅車仔麵😍😍每次去出邊都排晒隊！✔︎自由搭配嘅車仔麵餸方面有好多選擇 有好多都係一般車仔麵舖見唔到嘅😛例如牛膀 豬油渣 同埋自製墨魚滑 面底方面會有出面好少有嘅銀針粉同薯粉～ 好多唔同嘅選擇 任你配搭😋😋🤍湯底可以揀腩汁 瑞士汁或者清湯 個人覺得腩汁好正 好濃味但係飲完又唔會好口渴😗 俾個小小嘅建議大家 腩汁加埋舖頭提供嘅炸蒜真係一流🥺🤙🏻真係諗返起都有少少肚餓添🤭✔︎手打墨魚餅 $32(三件） $48（五件）除咗車仔麵之外 呢間店仲會提供小食😍 我就試左手打墨魚餅😋真係一試難忘呀～佢應該唔係一早炸好的 每一舊都熱辣辣㗎🥺墨魚餅每一舊都好鬼大舊 建議大家同朋友share一份 墨魚餅好彈牙好重料🥺 真心推介俾大家🥳🤙🏻

行完一天的街見到這間食店一大條人龍喺主舖排隊。終於到我地，姐姐話已滿座，要去隔離的分店坐， 我就跟著幫我攞面的姐姐行，原來有成三間鋪都是他們的。第一碗叫左瑞士雞翼、玻璃辣魷魚、南乳豬手，麵底我揀油麵，同少少辣。瑞士雞翼甜甜的好入味，好味，ＧＯＯＤ！玻璃辣魷魚就有小小的辣味，爽口，不錯。南乳豬手就比較唔入味同較硬。他們的辣醬好香濃可以增加湯底的香氣。車仔面配油面一流，大家可以試下配油面。第二碗瑞士雞尖、牛孖根、牛肚配油面走辣瑞士雞尖和瑞士雞翼味道差不多，都是甜甜的好入味，好味。牛孖根雖然很淋身，但不入味。牛肚比牛根好，可能比較薄所以比較入味。總括來說，如果唔洗點排隊都可以嘗試一下哦！

次次路過呢間車仔麵舖都大排長龍...好有人氣。今次去發現佢變左電子點餐，門口多左兩部自助點餐機，好似M記咁，但係效率真係好低...不如填紙仔方便。我叫左一份清湯車仔麵加咖哩汁，男朋友叫左瑞士汁加秘制辣同沙爹汁。湯底味道都不錯，有好多好特別既餸，我諗一般車仔麵舖頭唔會有。推薦既送有八爪魚腐皮卷、自製墨魚角、牛腩同埋辣螺肉。未試過既朋友值得一試～不過埋單又真係幾貴，男朋友嗌六個餸加加埋埋就來100蚊...

堂食去到十點，收工再快手都係趕唔切🤷🏼‍♂️呢晚去深水埗買好耐冇食過嘅車仔麵！我都唔係好記得自己以前有冇食過文記，淨係記得呢間好出名😛車仔麵必食嘅餸係紅腸、豬大腸！加埋牛孖筋或者牛腩就更加正！而且識揀一定係揀油麵同沙嗲汁🤩紅腸正常，大大片👍🏼豬大腸乾淨、爽口👍🏼牛孖筋大大舊！口感好似啫喱咁！又夠晒入味！又係正👍🏼沙嗲汁惹味！都幾夠辣！！👍🏼整體味道係正！餸嘅款式夠多！下次想食車仔麵再試埋其他餸先！😗

本來不住在附近，2點幾，特登來深水埗食文記。結果，外賣和堂食一起排，似街邊攤擋。不是以前廚房整完拿出來。以前堂食，有種日本拉麵店感覺，現在是街邊攤擋搬咗入去店內感覺。堂食都是在門口叫餐，再進內食。不會給你餐牌慢慢看。味道感覺差好多，待客如對待白卡佬～碗麵有烏蠅定唔知咩，好明顯有翼，同我講話係講調味料！？起初可以冇人理，當呢啲正常？應該碗碗都會冇？咁係咪要大隻到曱甴、老鼠先會重視？態度好有問題！重話我食完先講，我食到先睇到，都唔知會唔會食到肚痛。最後問你想點，唔係應該你諗吓點補救，俾返個碗面嘅價錢我都好似施捨咁！？好嬲，你態度好啲我要咁做？我對呢間嘢嘅衛生情況、服務質素、態度失去哂信心～有新朋友，或者外國朋友我都不會介紹他去這裡食～米芝蓮食店就係咁嘅態度，你哋繼續幫襯啦，慢慢排隊等街邊攤檔式招待啦，我以後唔會再食～

自從暫停晚市之後，都好耐冇嚟，以前一直都只係食呢間，雖然價錢偏貴，但出品都算OK，佢之前有兩間舖都冇開，今日見佢開返，所以再去幫襯，如果唔係去排隊點餸果間，就要喺門口部機自己點餐，跟住比電子付款再入座，你都可以選擇用手機落點，但係都要出去門口拍卡比錢，大熱天時喺度等點餐直情係不知所謂，啲客又唔識用部機，有個阿姐喺門口左右兩邊教人用，個個都鬧部機多餘，舖頭裡面既樓面就冇嘢做企喺度吹水😞，外面既客就受罪，如果你一心轉用新科技幫助生意，令轉流更快、方便員工同客人就應該要讚，可惜佢呢個點餐同付款安排係我見過最垃圾既🤬，如果用咁既價錢去換取咁既服務，完全係物非所值，唔怪得佢哋既生意越來越差，希望佢哋老闆認真改善

想食好耐既車仔麵！身邊啲朋友都推介呢一間文記車仔麵，話由細食到大話一定要試既係瑞士汁雞翼， 同辣魷魚加韭菜餃👍🏻尼三個餸都好食👍🏻不過辣魷魚真係幾辣下🥵車仔麵必食既係油麵，加瑞士汁！另外，都可以試下加腩汁，正常既腩汁味，中規中矩😅本人就偏愛加瑞士汁，味道少甜，好味！😋😋油麵加甜醬，更係最佳配搭😬可加辣菜圃，不過味道一般，唔係世界級好食黎開深水埗區，可以試下如果再黎尼區，都會再試一試，回味一下！

之前分享過一間不得我心的車仔麵店！今日就介紹這間我喜歡的給大家看看。這間位於深水埗超火紅的車仔麵店名叫文記車仔麵，在一條街內已經有三個舖位估計得到生意相當不錯，我們在平日下午兩時來到仍然大排長龍！排隊途中可在門口這張大餐牌中選定想吃的車仔餸，款式非常之多真的會選擇困難症發作啊。排了20分鐘後終於點好餸兼付款，然後由店員姐姐幫我們將兩碗車仔麵帶到另一店鋪內享用，每碗車仔麵也可以優惠價配飲品一杯，這天氣溫挺暖加上近來心情不佳一於飲杯鹹檸7加＄11下下火先。車爸爸第一餐通常會喝熱飲可惜原來這兒並沒有供應！那唯有轉投凍奶茶加＄10的懷抱，他說味道正正常常沒太突出。車爸爸選了豬大腸、玻璃辣魷魚、南乳豬手、豬紅及鳯爪配幼麵＄67，看見肥美得可以的豬大腸已經很有食慾了。而我則選了自家製韭菜餃、豬油渣、及牛孖筋配油麵＄51，另外加了辣汁醬和辣菜脯增添風味。橙色的鳯爪炆至口感恰好不會一咬即散，而且帶有醬香的味道我十分喜歡。肥厚的豬大腸內仍帶上滿滿的油脂，吃下甘香可口而且丁點異味也沒有，清洗得乾淨之餘並未失掉應有的香氣。豬紅帶有濃郁*紅*的特殊味道，加上口感爽中帶滑質素上佳。而南乳豬手雖然跟鳳爪色水相近，

出到深水埗 周圍都係平民美食除左好多打卡𝚌𝚊𝚏𝚎 仲有地道港式野食今日介紹俾大家既係 文記車仔麵同一條街有四間鋪位 落左單俾左錢再由店員帶位唔好盲舂舂自己搵位 小心俾人鬧呀🤭-文記車仔麵係清湯底 比較淡味可以加腩汁、瑞士汁同時亦可以加埋辣菜脯同辣醬爽口辣菜脯+少少辣醬已經好惹味-👧🏽 就叫左出前一丁麵底 再加大大羹腩汁配上辣菜脯同少辣醬 令湯底更濃郁🥢招牌自制韮菜餃 $𝟷𝟹皮薄餡多 味道唔錯 必食💯🥢瑤柱靚牛腩 $𝟷𝟻煮到好腍 好入味🥢瑞士雞中翼 $𝟷𝟻可能浸哂落湯 失去左原先瑞士汁味道本身雞翼都唔夠入味 而且好細隻🥢美味酸齋 $𝟷𝟸無咩特別 純粹想食下🤭👦🏻 就叫左米粉麵底 加辣菜脯同多辣醬🥢滷水豬大腸 $𝟷𝟺份量算多 洗得乾淨無異味🥢南乳豬手 $ 𝟷𝟻兩大件豬手好抵食 夠腍夠入味膠骨原爆棚😍🥢清甜蘿蔔 $𝟷𝟷夠腍又無渣 但得兩舊又細粒 係未俾少左🥹🥢豬腩肉 $𝟷𝟺中規中矩 無咩特別@man_kee_cart_noodles #文記車仔麵米之蓮推介餐廳 排隊是常識吧車仔麵嚟講 文記好多餸選擇 每次花多眼亂出左名 多左人去食 有時忙中有錯都理解但坦白講 質素的確無以前咁好如果路過 可以

從未試過遇到夜更員工咁有禮貌，面無笑容都算，招呼聲大大，好似成個深水埗得佢有野食咁，個個好似無出糧，客人叫錯野想改，就口up up 拜神唔見雞咁，買過一次真係怕晒佢地，執到錢都唔會再幫襯，文記老細請到呢班夜更伙記真係家山發咯！

一講到車仔麵，一定有文記車仔麵。一條街可以開幾間，食過返尋味，好有地道香港風味，每次去都排隊，不過大概排10分鐘左右就有位。最正係好多菜式，好多選擇，而且個湯底都好多選擇，仲有好多秘製湯底，最正係佢嘅菜譜，好好食😋