文記車仔麵 (福榮街)

Open Now

Now Closed

懷念的香港滋味而愛香港應該沒有人不愛車仔麵，車仔麵最方便的就是不用想，因為什麼配料都有，而文記的餸、湯頭、都不隨便不馬虎，如果要說唯一的缺點就是文記車仔麵用餐時間時人潮洶湧，要早點來排隊呀～1.車仔麵 配料選擇了雞翼、蘿蔔、花菇、豬皮、大腸、豬紅，雞翼煮的非常入味但肉又不老，蘿蔔完全吸收湯汁非常入味、花菇比想像中小很多但不影響口感一樣滑嫩，豬皮是炸過的更能吸收湯汁，而豬紅及豬大腸完全沒有腥味而且豬大腸軟中帶Q的口感非常好吃。 2.凍蜂蜜蘋果茶蜂蜜和蘋果的味道互相調和的剛剛好，不會搶了對方的味道，清甜的口味很解渴，杯底仲有蘋果粒粒可以吃。

文記係老字號車仔麵唯一一間食得最多次嘅車仔麵平日晚上，排左10分鐘左右平日依然都係好多人因為本人好鍾意食瀨粉同埋銀針粉最鍾意加瑞士汁每次嚟都一定會白菜餃蝦條，魷魚，瑞士汁雞翼一排冇來味道依然好味

本身聽聞車仔麵一定要試文記，點知只係名過於實⋯⋯份量上來我個刻我真係有啲失望😮‍💨$10嘅紫菜得一小注⋯⋯貢丸更只得兩粒⋯⋯味道一般，唯一覺得唔錯嘅係佢個河粉，夠滑。味道真係一般。更令我失望嘅係佢個運作模式。要一大堆人係一號鋪排隊叫野食同買單⋯⋯好似唔識做生意咁。就算冇電子QR Code落單都畀張紙仔圈野食啦，企係到等你叫鎹叫麵浪費時間，急起上來又落錯單搞錯曬啲嘢要重新裝。今日我就係例子，到我叫麵之後前面個個客嘅嘢都未搞掂就係咁叫後面啲客叫麵，叫到幾碗麵擺係到，又浪費時間又冇效率⋯⋯急起上來又計錯錢，我今日食完翻到屋企睇番啲錢先醒起店員記錯數，店家見到真係唔該改善下。另外，唔知係人手不足定點，1號舖full左我去第二間舖堂食，個阿姐要我去第二間舖叫個阿姨過去1號舖拎碗麵⋯⋯我心諗咁多此一舉？我自己拎完過去隔離坐低咪算囉，做咩咁多此一舉。總括而言，文記真係名過於實，野食我覺得一般，營運模式先係最大問題，希望店家改善下。嘢食好味固然可以吸引客人，但都要配合其他因素，如果唔係做唔長。

讚1 豬紅豬腸既水準係唔錯，腸夠肥又入味，豬紅煮得透又唔腥。車仔麵既餃子皮薄足料，係有味精但可以接受。彈1 價錢係貴2 唔明點解要用咁既方法黎賣，排左隊拿完麵再揀位，真係特登做長龍

每次嚟到呢間車仔麵門口都勁多人排隊，尤其是每次經過都覺得條龍好長，今次唔使排好長龍都有位可以坐低食。我哋總共三個人每人叫咗一碗車仔麵，另外仲叫咗個腐乳通菜同埋瑞士雞翼。我個車仔麵叫咗都好多唔同嘅餸，包括豬手，韭菜餃，豬大腸，蝦春卷，勁多唔同嘅餸。每樣餸都好好食，唔單只係好入味口感仲非常一流。每樣餸都好好食，佢嘅湯都非常之濃，店內環境正有少少窄，但總算有同事幫你搵位唔使自己麻煩。買完有同事幫你拎過去座位嗰度。開頭我都唔知以為要自己去處理。店內仲播住Mr. Bean，真係好寫意。

今次第一次黎呢間車仔麵食排左半個鐘左右叫左碗車仔麵面底-油麵$11加餸-瑞士雞翼$15=兩隻雞中翼😨😱加餸-酸齋$12=四粒酸齋湯底-正常味道埋單總數$38——味道方面油麵-普通正常油麵2.5/5分瑞士雞翼-正常味道 唔差既3/5分酸齋-普通味道 3/5分湯底-正常味道3/5分——份量方面瑞士雞翼得兩隻 我真心嚇親😱油麵同酸齋都係正常份量——呢間野其實真心好普通就算唔洗排隊 都唔會再回頭食地方普普通通既香港車仔麵檔總結普通唯一值得一讚既係 個姐姐好辛苦好勤力得佢一個人上菜同抹枱面同執枱比個勤力既姐姐5/5分

位於深水埗嘅文記車仔麵，佢有四間分店喺附近文記車仔麵不嬲都多人，落單方式有兩種，一種係排隊後揀埋嘢食再比錢，另一種係佢其中一間分店門口有兩部自助購買機，但係都要排隊去用呢部機去購買之後入座等嘢食。而我今日午餐食咗，米粉（牛肚、牛腩、花膠）同埋烏冬（魷魚、甜酸齋、蘿蔔、牛筋）整體來講我全部食晒讚不絕口，加埋兩杯嘢飲解解渴，同埋食呢間車仔麵梗係少得就係嗰一大樽嘅菜脯，佢辣得黎又爽口又開胃。雖然個牛腩太細粒但係個牛筋同埋魷魚都值得大家一試！

每次經開深水埗，文記車仔麵門口一定有條長長嘅人龍。見好多人排隊，羊群心理下都跟住排 之前一直聽聞文記係最出色嘅車仔麵，今日就試一試佢😜排左差唔多半個鐘終於輪到我🥲佢哋落單嘅模式有啲特別，排到你嗰陣一邊係整面一邊係筆餸，但係我見可能佢哋生意好得滯連個阿姐都亂埋😟有時煮完個麵，又唔知道係邊一個比餸。所以情況都有啲混亂😰叫咗個四餸車仔麵，有豬腩肉、生菜、墨魚丸同埋佢最出名嘅辣汁螺肉豬腩肉係佢拎出嚟嗰陣我經已心知不妙🥶喺個大雪櫃到拎出黎，一食果然冇估錯入口一陣極品雪味😰生菜正常爽脆嘅，但係份量真係比較少，如果當一個餸有點兒那個😥墨魚丸正常彈牙嘅應該來貨都唔太差。 反而要值得一題係佢嘅辣汁螺肉，爽口彈牙，佢嘅辣汁的確有佢獨到之處😌整體質素我覺得不過不失但係叫餸方面就要技巧少少，可能都要叫番佢嗰啲特色野。另外價錢方面佢真係屬於偏貴，車仔麵俾人感覺一向係抵食速食之選，如果以$50來計食一碗車仔麵仲要唔包嘢飲，我諗我下次應該見冇乜人排隊先會再試🤨

相信唔使講大家都知文記車仔麵有幾出名啦，以前係深水埗番工。食午餐好多時都會去食文記，不過次次都好多人排隊，不過佢咁出名都唔係無原因嘅，係真係好好食，樣樣餸都好入味，我特別鍾意食佢地嘅蘿蔔、豬紅同雞翼，每次必點，而辣菜莆係一定要必加。早排經過原來而家有自助落單，方便好多，入到去有埋火車軌送餐，好得意，好新奇，好似去咗日本食拉麵咁，值得一讚👍🏻👍🏻

同老公由拍拖到結婚都依然成日食文記車仔麵平時堂食都要排好耐隊好彩住得近，科技發達，有得叫外賣送上屋企餸同湯，醬汁都有好多選擇我最鍾意食佢哋自家制既韭菜餃大大件又勁足料，同埋有銀針粉選擇好少車仔麵有，所以勁開心，又好食

其實文記我之前只食過一次 因為唔食豬大腸嘅我覺得個湯好大陣豬大腸味…😐所以印象麻麻今次終於知點解原來係因為個腩汁！‼️建議唔食豬大腸嘅人唔好加腩汁～韭菜餃 - 調味幾好, 菜肉比例適中陳皮魚蛋 - 係細細粒個隻, 重陳皮味, 彈牙又好味魚腐 - 好大粒但好鹹蘿蔔 - 有好多件, 清甜, 無渣瑞士雞翼 - 瑞士汁同埋麻油味幾濃其他配料正常麵底好足夠另外, 夜更姐姐好有禮貌😀總括 今次總算一改對文記嘅印象～

叫了四個餸，魷魚、雞中翼、蘿蔔、牛筋油麵是標配，瑞士汁、小辣凍奶茶少甜不單獨講文記的餸了，一句言之—用心之作，簡單例子：嗌菜，菜很新鮮、嗌雞中翼，入味不老、嗌豬大腸、乾淨肥美，睇得出店家對於食品有要求和執著對我而言，四間水準不太差別，不會強求食舊鋪，反而新鋪更少人更舒適闊落飲品沒有特別，很普通奶茶檸茶不是很繁忙時間食，服務幾好，現在已是電子落單，姐姐負責帶位，冷氣夠凍，配料多、餐具足，埋單77$沒有投訴對我來說，車仔麵湯底醬汁不是太重要，單論配料，沒有比文記更好的存在

第一次仔仔試食車仔麵，聽人講文記車仔麵好好味就多，但就一次都未試過，因為最近仔仔好鍾意食豬紅，咁就黎間車仔麵食豬紅我叫咗豬腸、豬紅、清甜蘿蔔、瑞士雞翼尖同埋聽日講好正既豬油渣配河粉，我就加咗腩汁同微辣嘩！佢個豬紅豬腸好入味蘿蔔又真係好甜，仲有佢嘅豬油渣口感好鬆脆配埋佢個湯底簡直係正到爆佢唔止好味仲好大碗好抵食，每一個餸嘅份量都好多爸爸就叫咗個油麵，豬紅、豬腸、清甜蘿蔔同埋豬油渣叫既同我都一樣另外叫咗杯熱嘅柚子蜜佢嘅油面同我平時食到嘅好唔同好軟好彈牙仔仔就叫淨餸，都係一樣豬紅、豬腸、牛丸同埋芝士腸，佢就只加左腩汁，淨係個湯底已經比滿分佢仲成碗連湯都好好味下次一定會再黎食因為佢真係值得再去多一次好彩我地下午去，如果晚上要排隊🙈

今日要同大家介紹呢間係深水埗好出名嘅車仔麵😍😍每次去出邊都排晒隊！✔︎自由搭配嘅車仔麵餸方面有好多選擇 有好多都係一般車仔麵舖見唔到嘅😛例如牛膀 豬油渣 同埋自製墨魚滑 面底方面會有出面好少有嘅銀針粉同薯粉～ 好多唔同嘅選擇 任你配搭😋😋🤍湯底可以揀腩汁 瑞士汁或者清湯 個人覺得腩汁好正 好濃味但係飲完又唔會好口渴😗 俾個小小嘅建議大家 腩汁加埋舖頭提供嘅炸蒜真係一流🥺🤙🏻真係諗返起都有少少肚餓添🤭✔︎手打墨魚餅 $32(三件） $48（五件）除咗車仔麵之外 呢間店仲會提供小食😍 我就試左手打墨魚餅😋真係一試難忘呀～佢應該唔係一早炸好的 每一舊都熱辣辣㗎🥺墨魚餅每一舊都好鬼大舊 建議大家同朋友share一份 墨魚餅好彈牙好重料🥺 真心推介俾大家🥳🤙🏻

行完一天的街見到這間食店一大條人龍喺主舖排隊。終於到我地，姐姐話已滿座，要去隔離的分店坐， 我就跟著幫我攞面的姐姐行，原來有成三間鋪都是他們的。第一碗叫左瑞士雞翼、玻璃辣魷魚、南乳豬手，麵底我揀油麵，同少少辣。瑞士雞翼甜甜的好入味，好味，ＧＯＯＤ！玻璃辣魷魚就有小小的辣味，爽口，不錯。南乳豬手就比較唔入味同較硬。他們的辣醬好香濃可以增加湯底的香氣。車仔面配油面一流，大家可以試下配油面。第二碗瑞士雞尖、牛孖根、牛肚配油面走辣瑞士雞尖和瑞士雞翼味道差不多，都是甜甜的好入味，好味。牛孖根雖然很淋身，但不入味。牛肚比牛根好，可能比較薄所以比較入味。總括來說，如果唔洗點排隊都可以嘗試一下哦！