文記車仔麵 (福榮街)

Open Now

Now Closed

黎到深水埗行行下，就行到黎文記車仔麵。佢外面一直都好多人排隊，不過其實都好快就落到單。比左錢職員就幫我搵左個位置坐低。我選左牛腩、韭菜、魷魚配河粉。加左少辣，但佢個辣真係好勁，所以我另外買咗一支豆漿飲。佢啲配料超入味，河粉又好滑。不過我食三個餸都要40幾蚊好似有啲貴。

好多人都慕名前來食深水埗文記車仔面，無論幾時來，都有好多人係門外排隊，黎到依到要先係門口排隊叫野食，等緊個時可以睇定餐牌諗叫咩面底同餸菜。叫左個$9河粉底，$13牛肚可以叫佢比草肚(草肚林身啲，金錢肚就爽)，$8墨丸同$10鮮蝦腐皮卷。比完錢店員會叫你坐底，然後拎個面比你，服務都幾好。依到啲湯底夠哂濃，同配料選擇多，不過每款比得唔會太多份量，依到三餸一面都要$40唔算平，但勝在真係好食，間唔中食下都不失一個選擇

有次H先生放假去搵P小姐食lunch經過見到文記出面排長龍🚶🏾‍♂️🚶‍♀️🚶🏾‍♂️🚶‍♀️P小姐話呢間好出名 佢食過又覺得好食💁🏻‍♀️於是今次H先生決定去try try啦🤟🏼🤟🏼.再一次舖外多人到一個點🤯我地要等十幾廿張飛先有位😞都等左半個鐘🕰入到去癲左叫勁多餸😂有上湯花膠+瑞士雞翼+玻璃辣魷魚+秘制牛孖根+鮮蝦腐皮卷+幼麵(腩汁湯底+秘制辣醬小辣+蔥花)P小姐都嚇親😱咁H先生個胃又有自動伸縮功能🤗所以好有信心食得曬 加上真係好肚餓🤤.花膠好大塊 放正喺碗中間 不過幾韌 有啲難齒開🤔雞翼好入味 瑞士汁超惹味👏🏻魷魚爽口 份量又多 😻牛筋炆得啱啱好 唔係太淋 仍然有𡁻頭😝腐皮卷就一般 有啲似獅子狗咁 失望🥺麵底H先生個人鐘意爽口啲 但呢度比較淋🤭辣醬小辣完全無feel 下次可以挑戰中辣😏腩汁湯底唔係超級濃 所以唔會好咸呢個湯配粉麵都幾唔錯💁🏻‍♂️💁🏻‍♀️

上星期四晚上要去石硤尾配水庫做義工，因先要到石硤尾體育館帶運動員上去配水庫，所以我多數係深水埗附近食少許先上去。深水埗近黄金附近真係好食店，隨街都有嘢食。雖然選擇好多，但我都係中情文記車仔麵。車仔麵麵料選擇左幼麵，豬腸，雞翼及通菜。清湯配少辣汁。我最欣賞言這間車仔麵的豬腸，烹調得好入味，再重耍豬腸新得乾淨，無一陣豬腸味。豉油雞翼亦都好入味。清湯加秘掣辣汁，唔駛加辣椒油已經夠辣。另外再加一杯凍檸檬七起。·

每次經過深水埗都會不其然想起文記車仔麵，車仔麵真係大人細路都岩食。而文記既車仔麵更加係極品我很少寫食評，但真的好想寫一篇支持一下。今天我突然好想吃車仔麵，專登搭車過來深水埗食文記，離遠已見到門口人山人海，心諗一定要等很久了。等等下估唔到條隊又幾快喎，唔洗十五分鐘已經輪到我地。我叫左四款餸，雞翼，豬紅，腸仔和牛筋，加上沙嗲湯底。另一碗我地叫左魷魚鬚，冬菇，雞翼和腸仔加沙嗲湯底。未食都流晒口。我認為文記同其他車仔麵唔同既地方係D餸更入味，特別係雞翼真係好好味。估唔到冬菇都咁好，粒粒咁新鮮爽口又入味，又無up味。另外一定要提既係菜甫，少少辣加入去更惹味。

一條街有3間分店既車仔麵舖，但3間舖都好多人排隊！第一次試呢間舊式d門面既分店！先排隊再叫點菜同麵，好經典！可以睇到各樣菜既樣！睇落好多款麵好好味，好吸引！試左蘿蔔、瑞士雞翼、豬大腸、辣汁螺肉、紅腸！蘿蔔好甜好多汁，吸左湯底味好正！瑞士雞翼同隔離間舖一樣咁好味，雖然加左湯但依然好入味！超推薦！蔗汁都超清甜！好好味！推介！但本身好奇地試左麻辣醬加入湯底！反而覺得破壞左湯底！麻麻！辣但唔太麻！店內唔太大，但坐得唔迫！雖然外面多人排隊，但店員無迫人坐到好迫！而且仲叫完麵會幫客人拎去佢分配既座位，很貼心！唔駛客人拎！👍🏻👍🏻👍🏻很讚！

今日幫襯深水埗一間出名既車仔麵。同一條街有三間舖，每間都要排隊等位。但今日因為大概食brunch 嘅時間攞位，未算太多人，需時十五分鐘就有位坐😬貴店話自己有十大必食推介：雞中奕，豬手，蘿蔔，辣魷魚，花膠，豬大腸，花菇，酸齋，韮菜餃，仲有魚肉。我點左其中兩個推介：豬大腸同酸齋，另加🐷油渣配米粉；然後再偷隔離個男人隻雞中奕。個碗真係幸福滿滿🤣點讚雞中奕同豬大腸，真係值得推介。🐔奕醃得入味，算係大隻；豬腸唔見裡面有一層層，係薄薄既單層，軟身而且滑口，味道非常好👏🏻👏🏻豬油渣就沒有什麼味道，無驚喜🙄最錯就係叫左個酸齋，酸味同湯底加所有其他食物都結唔到婚🥴怪味都不得了⋯⋯都怪自己無諗淸楚就點依個餸😣另外，本人推薦佢地既羅漢果龍眼水，非常甘甜又好飮，落足心機，而且仲有龍眼肉食，真材實料👍🏻

星期六下午五點去到，門口一如既往大排長龍，有本地人有遊客，最後等左半個鐘先有位蘿白雞翼魷魚油麵配沙嗲腩汁 （7/10分）蘿白清甜夠淋，而且無渣，雞翼的滷水汁亦十分入味魷魚味道不錯但無以前食果種脆口的口感，相對失色。最喜歡是這裡的沙嗲湯底，香濃又不會過咸，每次必選！花膠豬紅豬手酸齋油麵配清湯 （7/10分）花膠份量十足，雖不是什麼貴價貨，但友人說幾好咬口，豬紅豬手都很入味，反而酸齋一般般，唔夠酸唔夠味，下次不會再選了總結而言，文記水準還是有，但要排甘耐隊我就覺得唔太值得

雖然呢度真係好多人好多人排隊但係大家都係慕名而來肥妹嗰日都排咗半個鐘首先會有張order版圈好晒你嘅嘢食之後入去坐低寫低枱號唔使10分鐘就有得食肥妹揀咗番薯粉豬大腸 麻辣筍絲 酸齋 牛筋根 仲要左秘製辣汁湯底他面有好多唔同嘅調味料可以任君選擇肥妹就揀咗花椒油食落有輕輕嘅麻再加埋香辣嘅菜甫 簡直係萬分美味呀豬大腸做得非常入味而且洗得好乾淨問得好琳筍絲入味得來都爽口唔會林酸齋酸酸甜甜嘅考咁刺激嘅口水嘅分泌牛孖筋蚊得非常林同埋入味肥妹終於都明白點解咁多人要排咁耐隊都要黎食碗車仔麵

深水埗出名既車仔麵，文記車仔麵一定走唔甩。一條街已經有3間分店，而且間間一定排長龍。今日亦都唔例外，排左一段時間先到我餐牌：美味酸齋加瑞士雞翼尖幼麵：當酸齋浸上湯底一齊食，簡直無得輸，甜甜咸咸既味道，十分惹味。而雞翼尖加上自家製既瑞士汁，簡直一試就愛上。

✴️ 文記車仔麵 | #深水埗 .2️⃣0️⃣1️⃣8️⃣米芝蓮得主平民優質車仔麵 已經不知道第幾年得獎 我只知道上年年頭食過後 😳‼️我每個月都要食一次先安落‼️ 本來我的車仔麵No1係金鐘 但已經無一間可以代替到文記🙌🏻.你不得不讚嘆佢每一種食材都煮得咁入味 👅1️⃣必點 瑞士汁雞翼 看看色澤你就知道滷得多入味 帶有光澤的啡色 咬落甜度剛剛好 雞肉嫩滑 一啲都無過火喉💯2️⃣ 豬皮酸齋油麵 朋友每次必點油麵 煮得爽口 而且份量很多的說 🐷皮爽口不在話下 煮得軟身吸收哂咖哩味 無豬毛🤣 3️⃣西洋菜餃菠菜秘製魷魚河粉 自家製西洋菜餃 菜比例較多 但食落肉味濃郁又不失菜鮮甜 👍🏻秘製魷魚煮得入味 爽口易咬 ☺️.*如果會叫菜記得要叫麵時候一齊落單 💡個人覺得舊店等候較短 （先落單後搵位）.#michelinguide hk 2018, best local noodle! You could choose the topping you like and recommended for their chicken wings! 🔹瑞士雞翼 $30

今日去咗行深水埗有少少肚餓,所以去咗文記食車仔麵。舊店超級多人排隊所以去咗隔離新店。文記車仔麵都有兩年冇食,見到個落單紙價錢真係貴左幾多下,除左新店裝修靚D碗筷吾同左食物味道都還算可以。整體來講變左米之蓮價錢都貴左嘅平民車仔麵。

文記車仔麵有幾出名我相信好多人都知，想試好耐，但奈何地點係深水埗，好少會去個邊，原來已經拎埋米之蓮添！就滴去心肝去試一試。淨係文記車仔麵，係深水埗同一條街都有三間分店，而每間分店都長期有人龍排隊，一啲都唔誇張！呢度啲車仔麵真係好出色，嗌左瑞士雞翼、蘿蔔同豬手，雞翼好好食！好入味，一啲麵唔dry！而豬手就冇咩太大驚喜！而男友嗌左豬大腸、韭菜餃同牛腩！我覺得豬大腸同韭菜餃都好出色，好好味！而坊間一般都係得腩汁，而呢度仲有瑞士汁湯底！仲有十幾樣調味料俾你任用！菜甫又辣又爽口！超正！

$50有找已經食到一碗高品質嘅車仔麵😋今日再嚟到位於深水埗嘅文記車仔麵 排隊等候時間大概係15分鐘 已經順利被安排入座呢度嘅車仔麵無限你叫幾多款餸 亦都可以淨係揀餸 除咗一般比較平民化嘅餸 例如雞翼尖、蘿蔔、餃子等等 佢亦都有啲比較特別嘅餸 就好似花膠 螺肉💁🏻我哋每人分別叫咗三樣餸 呢度嘅蘿蔔炆得非常之淋 入味而無渣 好食！另外推介既係呢度嘅瑞士雞翼尖或者雞翼 佢嘅瑞士汁做得非常出色 唔會死甜 一樣又係好入味！ 仲有最後一樣個人推介 就係豬大腸 呢度嘅豬大腸處理得十分乾淨 但係仍然有腸既脂肪 唔會得返一層皮 除此之外 呢度嘅每一個餸都好足料 好多鋪頭你可能叫魷魚 只會比一兩條你 但係呢度講緊嘅係有十幾條 雞翼尖都有四五隻 男仔女仔都可以話一定食得飽👍🏻

之前食過一次，係聖誕節再食，十二點到出到深水埗，排隊情況未算太跨張。入座後會俾點餐紙。呢張點心紙好好，可以recycle, 循環再用。食物同價錢都寫得清清楚楚。每人最低消費25蚊。今次點咗豬手、酸齋、魚肉加粗麵，調味料揀秘製辣汁（微辣）枱面放咗好夕調味料，其中一定要加辣菜浦，落完成碗麵的味道提升！豬手好入味，好淋魚肉普通，未算有驚喜酸齋好夠味，吸哂湯汁，好好味另外叫咗碟瑞士雞翼，上次都有叫，今次encore 水準保持，非常入味，甜甜咸咸，好好味！