民華魚蛋粉麵

Open Now

Now Closed

今日午餐時段想食下茶餐，但唔係好多餐廳有得食。行過見到呢間餐廳，入去試下，但好有驚喜！坐位來講，老老實實，就真是唔會坐得舒服嫁了。因為100%要搭枱，而且坐位又細又迫，係啱快食ge!叫左個餐肉炒蛋配雪菜肉絲米，配熱檸水。驚喜地，個烘多士好脆好多牛油！係我食過的茶餐廳最好食的多士！而個炒蛋都炒得好香好食！至於個米粉的湯底好濃好好味！而38蚊來講，呢個質素係超班，再加埋份量足，又食得飽！如果大家唔要求坐得舒服，又想食個快餐，呢個係好選擇！

呢間民華成日食，雖然坐位有點擠迫，不過勝在員工落單出菜快，所以成為我速食之選。當中幾乎每次都係食茶餐，所以今次諗住試下新口味，叫個紫菜五寶湯米線。五寶包括有墨丸、牛丸、魚蛋、魚片同魚餃餃。湯底好咸好大陣胡椒味，墨丸、牛丸同魚皮餃都不過不失，但魚蛋質感雖彈但係無𡁻口。最失望既係魚片有陣酸宿味要即刻出黎。以後都係食番茶餐，最穩陣。

昨晚夜班，今天收早，打算去大埔買完餸才返屋企，一如既往都是去二樓食碗魚旦粉做早餐，但今天特別然想食茶記早餐A，民華可以說是不二之選。去到剛剛有位，不用等，自己叫了薑絲牛通，歺炒蛋多士，男友叫了沙嗲牛通，火腿炒蛋多士，好快食物已送到，薑絲牛通，通粉比一般茶餐室細粒，但好食，薑味夠，牛肉就一般啦，係熟左D，成個餐最欣賞係份多士和餐肉炒蛋，餐肉近年基本所有茶記都係越來越簿，盡顯各厨師刀功越來越了得，呢度亦不列外，相對其他餐廳，呢度的多士就厚好多了，外脆內軟，牛油香，正！男友旳沙嗲牛通雖然沙嗲味較淡，但都算好味。

其實究竟呢間同民華係咪同一間😂不過唔緊要啦！起碼我食完都覺得可以再食！唔知點解放假就好想食常餐，唔知係咪因爲平時番工無得食豐富既早餐，所以放假要食常餐當早餐甘樣食番夠😂次次黎都係食火腿通粉加午餐肉炒蛋烘多士，再加多杯凍OT，真係滿分常餐！通粉份量好多，通常都食唔曬。而朋友就叫左牛腩湯撈河，都唔錯！牛腩肉幾入味，魚蛋都好彈好有魚味！同場見到好多人食魚皮魚蛋河粉，下次可以試下🤤有時候諗唔到食咩，民華一定係其中一個選擇😂

#美食推介：民華茶餐自唔知幾時民華魚蛋粉麵（大埔）就成為我既飯堂之一，我已經唔知食左幾多次，點解成日去？係因為方便？係因為坐得好舒服？係因服務好？XXXX，係因為好味呀⋯⋯每次公主👸🏿菜問我食乜好，我都話民華...民華...民華，最高幾錄一星期四次大概😂😂😂。今日落住滂沱大雨，有人主動約我去食野，本身見落雨都唔係好想出，但佢話食民華之際，精神為之一振，我話好呀⋯⋯即刻換衫，究竟我有幾鍾意食民華。平時我主要都叫茶餐，特別鍾意食薑絲牛米同雪茶肉絲米，有人話食薑絲牛好呀叔呀伯既感覺，但我覺得可以食到嫩嫩的牛肉鮮味，又有少少薑絲味，非常開胃，暖胃，冬天食一流。不過我覺得最出色既係佢既多士同炒蛋，炒蛋係必食配料之一，又滑又有少少牛奶味。多士係厚多士，烘左之後外脆內軟，我喜歡加果漿，好好食嫁，唔加果漿可以加煉奶或者本身牛油底都好ok 。我見好少地方用厚方包了，所以佢嘅鮮油多（厚厚既方包配上凍冰冰既牛油，邪惡得離好好味），西多士（啲牛油成大舊甘比你，好似唔洗錢甘，可配糖漿或煉奶，我個人較鍾意落煉奶，建議唔好一個人食一份，隨非只食西多士）都係好出色，我都係別推薦。民華地方就比較擠逼，枱與枱之間較少空位

好耐無黎過喇，所以今日特登黎呢度再幫襯。一如既往都係叫佢地既常餐，如果以大埔墟黎講價錢算偏貴，但係都係物超所值既，因為佢既多士真係做得好出色，而且牛肉通粉既牛肉都好惹味，份量都叫大份。另外如果大家鐘意食西多士既話就啱哂喇，呢度個西多士超超超好食，一定要試下。

同朋友去大埔食魚蛋粉佢推介呢呢間民華……佢就叫盅頭飯& COT, 我就叫蛋粗&凍啡走田。魚蛋粉除了有三粒魚蛋、魚片、魚片頭、炸魚皮……直情冇得頂呀！睇返佢嘅枱頭餐牌叫一碗魚蛋粉只需25蚊，簡直超值！因為咁多餸！至於杯凍啡因為咖啡粉喺冰面飲落非常好味，$38完全值回票價唯一要彈的就是炸魚皮，因放在麵上，但是時間一過或魚皮已浸了D湯, 變稔了便冇咁脆口了！但論賣相、餸的份量、麵量……以茶記計應該冇得輸呀！超值强列推介

夜麻麻喺大埔搵食其實都有啲難度，因為好多食肆都已經冇得食消夜，有朋友介紹有間茶餐廳嘅常餐同埋點心好好食，咁就去試吓，餐廳門口有好大個蒸籠，裏面有蒸飯、點心、糯米雞等等。入到去叫咗個常餐食，常餐有得俾你揀多士或者方包，炒蛋或煎蛋。我嗌左個炒蛋，炒得來好滑，又唔乾身，好香。食過返尋味。

星期日放假, 就出左大埔買早餐食,就去左大埔的民華買外賣回家食,見太耐無食過所以就買左回家食買左牛肉薑撕通粉餐 $34配有煎蛋,火腿,腸仔和餐肉 配多士/餐包給客人選擇咁都幾好!有煎蛋 半生熟既反蛋, 剛剛好+腸仔普通廚師腸無咩特別起初通粉都好可觀,後來,食食下發現有好多隻蟻, 之後就成碗都倒掉外賣唔好處就係無得即時反應意見,而且唔知餐廳有無打包錯左食物!所以食粉麵時都要小心,希望餐廳會改善一下問題,希望在此反應一下

琴日突然叫我入大埔幫手即刻諗起呢個茶餐😋薑絲牛肉通粉+餐肉煎蛋+牛油多士+檸茶個通粉既湯我飲哂 重申 本人係唔飲湯既但佢係真係用薑同牛肉煲 好鮮味好香比較淡味 唔咸 飲完唔飲水唔係問題😜牛油多士好多油 加砂糖無敵是常識吧😏

    成日都趕唔切食LUNCH，唯有放工時速食個TEA，大埔區其實好多野食，有時會食茶餐，而廣福里入面，有間民華，早餐以薑絲牛肉通馳名，但我今日唔係食茶餐，入咗去，食咗個唔應該係呢度食嘅野，失望而回⋯⋯        如題所示，我今次嘅結論係：食魚蛋粉唔好到去雲吞麵舖，同樣地食雲吞麵都唔應該去魚蛋粉舖，我必需要講明，民華D野係好食，今次只係我叫錯⋯⋯        我叫咗個雲吞撈粗，因為忽然想食雲吞麵，嚟到時賣相都OK㗎，但唔知點解，師傅落得太少蠔油，仲要落咗喺碟邊 ONLY，，平時食開撈麵，師傅都會將你個麵底淥完，撈少少油再加蠔油，但今次呢碟麵，個麵底汋完水就上碟，嚟到時唔知點解已開始干番，加上其少及只在碟邊嘅蠔油，撈咗一大論都係未撈勻⋯⋯  好彩伙記醒目，見我論論盡盡咁攪，問我係咪唔夠蠔油，我馬上SAY YES，加咗D蠔油後，撈好個麵，先開始食，呢個時候，問題就出現了。    一般來說，撈麵多數會奉送湯一碗，有時雲吞亦放在湯內，一間雲吞麵舖最重要的，我認為就是個湯底，有無大地魚香，鮮味度夠唔夠，而我面前呢碗係魚蛋粉嘅湯底，味度係OK嘅，但同雲吞總係格格不入，搞到硬係差D咁。而麵同

同友人行街行到夜晚十點幾十一點原本行超級城果邊都行到山曬舖於是沿路行返火車站果邊 睇下仲有咩食行到廣福里都仲有好幾間食肆未收見呢間民華都幾多野食 點心 常餐 粉麵等等一坐低黎兩杯暖水 行到口乾既我地即chur 飲返幾啖水啦 友人叫左牛腩片頭撈粗 一上枱係超大碟 呆左 片頭我地一致認為好唔錯 友人臨走仲買左半斤走 69蚊一斤跟餐仲加左十蚊 要碟菜 我叫茶餐 沙嗲豬潤通 配滑蛋 腸 多士 沙牛麵就食得多 呢個沙嗲豬潤通又幾有驚喜！無平時沙牛麵咁重口味 但又覺得夠沙嗲味 豬潤亦煮得岩岩好 通粉略嫌硬身左少少 滑蛋都炒到仲有蛋汁 我中意放響多士上面一齊食 正呀！ 仲有個熱菜蜜 飲完潤曬 另外我地中途都有叫加水 侍應都無嫌麻煩 茶餐廳黎講算好好啦 聽到後面枱客人同侍應都有講有笑咁 果然街坊生意

喺大埔食消夜都冇乜幾間有得食，去到大埔墟有一間叫做民華餐廳，正常佢會收凌晨兩點，我哋就入去醫肚，入到去坐低得返幾枱客，我哋就即刻叫嘢食，廢事阻住人哋收工。我哋叫咗個四寶米粉加魚皮， 同埋奶醬多烘底加一杯凍檸檬茶，平時下午茶就會食茶餐，但係今日反而想叫啲特別啲嘅嘢食下。好可惜佢冇河粉，我哋最後叫咗米粉，佢啲墨魚丸好食，而且湯底都好有魚湯味道。個奶醬多上面好多奶醬，但係個麵包烘得唔夠脆，凍檸茶就檸檬味好重，同出面茶餐廳差唔多。不過食過咁多次，我都係鍾意食佢嘅雪菜肉絲米粉配炒蛋腸仔，下次都係下午茶再食過。

真係要開post讚下呢間餐廳👍🏽價錢平民，服務態度又好，最重要係佢d野食好好味！！👍🏽👍🏽👍🏽👍🏽👍🏽佢既常餐已經成為我必點之選。多士又夠厚又烘哂底！如果叫常餐可以考慮下佢既沙嗲豬膶麵，推介👍🏽今次仲嗌左牛腩河，都係20幾蚊，邊度搵？仲要勁大碗😭d牛腩好入味好滿足，仲要有牛筋跟埋！另外最推介一定係佢個西多！每次必點！唔食係會後悔！佢西多士入面無花生醬嫁，炸到好鬆軟！真係好好味😭

我要左薑絲牛肉通粉+雙蛋+牛油多士+檸茶上次覺得個通粉好有驚喜湯真係用薑同牛肉煲 好鮮味 我飲哂通粉唔會煮到爛哂 牛肉亦唔韌但今次黎食 個湯好淡 牛肉好韌😭好失望囉😩