民華魚蛋粉麵

Open Now

Now Closed

上次食雲呑麵覺得麵超爆重鹼水味 有啲啲扣分但今朝有人推介我食呢個餐 就一於試下😋我要左薑絲牛肉通粉+雙蛋+牛油多士+檸茶個通粉有驚喜 一黎到已經覺得好香唔係一般湯 係真係用薑同牛肉煲既唔太咸 鮮味 我連湯都飲埋😝通粉唔會煮到爛哂 牛肉亦唔韌 抵讚👍🏻

外賣麵同湯分開 唔怕浸淋雲呑大粒 每粒都有蝦肉👍🏻麵好爽口 湯少咸 聞落鹼水味好攻鼻質素唔差的 又平 加上佢近我公司如果之後又好似今日咁冇時間食飯會返兜佢不過會揀米粉😅

今朝晨咁早去咗大埔做嘢，早餐都未食，餓到11點幾先有機會食嘢。我對大埔一D都唔熟，邊行邊上網search附近癰咩好嘢食，因為越行越餓嘅情況下，行經一間叫民華嘅魚蛋粉店，坐無虛席，仲有幾個客等緊位，應該難食都會有個譜，於是就唔理咁多，坐底先算。可能係星期日嘅關係，好多人都係食緊早餐，而我就點了一個切腩魚片鼓油撈粗加凍奶茶。雖然客人很多，但都唔算得太耐。是因為太肚餓嗎？我吃了一口撈麵覺得好好味。個汁同D麵超配，而份量亦很大碟。牛腩都ok，如果切細嚿D先上碟會更好。至於魚蛋方面，我不得不講夠魚旦真係有魚味，但絕唔腥，讚！不過個奶茶就一般咗D，落單講明要少冰、少甜，但送到上枱，係同正常一樣，因為本身杯奶茶已偏淡（可能我飲得比較濃味的），所以只好自己整走D冰。埋單都係$48，都幾抵，下次有機會會再幫襯。

大埔不嬲都出名多嘢食， 聽朋友講而家嘅蠔仔粥同糯米雞都好食，咁就過嚟試吓啦。但係今日唔想食糯米。咁就只係帶咗個蠔仔粥同雞札仲有腐皮卷，配杯奶茶。蠔仔粥蠔仔份量好多，不過就似泡飯多啲，但都好好食好抵食。雞札同腐皮卷就一般，雞扎隻雞食得出有雪味，另外奶茶茶好澀，一般般。兩個人先食咗＄75係抵食嘅

上星期睇完TVB親親我好媽，講高成記碗招牌雲吞麵已經好想食，前兩天下午入開大埔，就去民華餐廳食番碗先！今天叫咗碗雲吞拼魚片頭河粉滿足下先！嘩嘩嘩！不知是否太耐冇食，啲雲吞好大粒呀，而且仲有5粒咁多，抵食！雲呑內的蝦好大隻呀，好爽口，雲吞皮又薄，正！魚片頭炸得好香，不油身！河粉又不會一注注，個湯底又好淸，掂！今次套餐選咗配飲品，加多＄13有一支樽裝大可樂呀，完美嘅配搭！雖然店鋪細細，可能係下午啦，都不算太迫！

話說我夜晚九點半用電話叫個外賣，去到攞外賣果時想用八達通俾錢。個收銀阿姐話電話叫外賣無得用八達通，只收現。我問個取消張外賣單，再出門市叫外賣嘅單得吳得。佢話吳得。眼見佢有部用得嘅八達通機又吳俾我用，真心燥左！身上只有八達通嘅我，於是就要行返去停車場攞返個銀包再行返去民華。返到去俾錢，我同阿姐講「下次用電話叫外賣無得用八達通講聲吖！我要行返去停車場攞錢ga！」阿姐好寸咁話「你第一次黎買外賣呀？」我話「你提一提個客會吳會好啲？」阿姐再講多次「你而家第一次黎買外賣牙？」今時今日，咁嘅服務態度真係吳得囉！

其實每間餐廳都會有佢最出名的食物，通常食最出名的，就最少機會出事。呢晚，黎度見到牆上面POSTER有「沙爹牛餐」，雖然見到餐廳入面好似呢個時段無咩人叫呢款野食，我最後都決定叫。結果......「沙爹牛餐」要通粉。上枱時唔算好熱，牛肉份量都算多，不過湯底好咸，沙爹牛味道唔算好鮮明，唔會有一試難忘的感受。整體其實無咩個性可言。個炒蛋......出水......唔可以叫做嫩滑，老實講M記個炒蛋仲好食。片火腿不提也罷。多士有一邊沾左炒蛋流出黎D水，濕左，搞到口感有D怪。不過，個多士的確係值得一讚，真係做到好鬆同脆，成個餐的精粹所在。我會話，針對呢一次呢個餐，真係唔得。

一排冇來，今天興緻而來早餐個多士保持到脆口，不過比以前的薄了餐肉依舊味濃，不再是厚切太陽蛋好正，剛熟蛋黃流心通粉爽口彈牙，湯底入味，肉份量ok, 入口不刄總括份量減了少少，水準保持，價值貴左

今日五點左右路過大埔墟既時候去左尼一間好似好出名既民華魚蛋粉。入去既時候唔係好多人，搵張方枱坐底，係四人座，上面寫住多人時要坐滿四人，心念兩個人岩岩好，四人就會好逼。睇左餐牌發現加左價wor，念住叫茶餐，記得之前冇幾耐係openrice上睇到好似冇38蚊咁貴！既來之則安之，叫做沙爹牛肉通粉，火腿炒蛋，牛油多士，熱檸水份量係足夠架，但係味至於38蚊咁貴咯沙爹牛肉通粉唔錯，牛肉唔少，好腍， 沙爹味岩岩好，唔會好鹹都唔會好淡牛油多士厚過其他餐廳，脆脆的火腿冇乜特別，可能我對尼一d高鈉高亞硝酸鹽食品冇咩興趣，忽略😄炒蛋好正，好滑，夾係多士入邊一齊食岩岩好！正總體黎講，其實ok架，味道唔錯份量足夠，但都係嫌棄去貴左小小。一路食一路研究餐牌，下次有機會想試下其他野，竟然比我發現左一個bug？？餐牌右下角健康餐45蚊包括粉麵或者蒸飯，油菜加野飲，去到餐牌幾左邊，蒸飯果度，蒸飯套餐都係包括相同既野，但係只要35蚊？？帶著問題離開了餐廳，邊個可以答我🙈🙈😂😂注重keep fit既我加一句，尼d野好高熱量架，牛油加多士200卡路里，牛肉通粉起碼550卡路里，炒蛋加左唔知牛奶定忌廉，都很高熱量🙈🙈肥死人喇，

我昨日去食切腩撈粗，發覺侍仔對客好差(呼呼喝喝)...侍仔又成日自己互閙，D撈麵重要煮到軟淋淋同D麵粘埋一舊。食咗幾年覺得佢質素越來越差  希望民華可以快速改善  ，我唔想大埔又少個食飯地方

今次試下沙爹牛肉，通粉，餐肉，炒蛋，炒蛋就配方包。凍檸水加$2。啊~沙爹牛肉都係少左d，但係湯底好味好多wo！！ 湯底就咁配通粉都好好食！牛肉都幾入味，不過沙爹味整體來講唔系好出。炒蛋今次有多小小鹹味，唔使落鹽。可以見到D蛋炒到金黃色，係認真吸引既。食落去口感都唔錯，有dd蛋漿。佢d餐肉無話好厚咁樣，但都唔會太薄，咬落去都叫食到野，fit翻價錢我覺得ok既。咁樣一個餐，$36 ,棟飲加$2， total先38，環境唔錯，都幾有人情味，似翻d香港味道。果度都有蒸飯呀果d賣，大家都可以去試下。聽講早餐都唔錯，但係個人覺得都係茶餐抵又飽肚。

去茶餐廳緊係食茶餐，今次叫雪菜肉絲，腸仔，炒蛋，厚多士，同埋米粉，一個set total $36係抵食既。多士烘底，本身有搽好左牛油，一定要落砂糖，咬落去有口感又好味道。雪菜肉絲米粉就少左d雪菜肉絲，但係配埋腸仔同炒蛋又都夠送米粉食既。D炒蛋通常比較淡，自己落鹽可以方便客人控制口味。其實呢間野無咩特別，但係清淡又簡單，系街坊好選擇，咁樣一個餐，八分飽，價錢適宜。

係中大出去食宵，大埔個面好多鋪頭都關左，見到呢間開左就入去食。雲吞麵一放係枱面，香噴噴既味道以經令我口水都流埋。雲吞食落口，蝦味好香好濃郁，皮薄餡靚，湯冇咩鹼水味，幼麵幾有彈性，幾好食!但係佢地既盅頭飯份量太少，如果可以多少少就好。

這間位於大埔的「民華魚蛋粉麵」的「魚蛋河」只售 $23，實在是非常抵。它除了有四粒質素不差的白魚蛋、數片魚片和一小段菜心外，就連炸得十分香口脆身的炸魚皮都有，而且下起青蔥來也毫不吝嗇，賣這個價錢，絕對是抵食之選。這間「民華魚蛋粉麵」，值得捧場。

食咗民華無數次，最愛蒸飯。鹹魚肉餅蒸飯的肉餅好好味，肉餅內有馬蹄，鹹魚夠鬆化，不是死實實的那種。不得不說是飯，好香，煙un un的, 軟硬剛好，吃完那晚睡也香甜一點。蠔仔粥是另一推介，蠔夠肥美，芹菜夠香。大埔人真有福。