MangoChaCha (Closed)

等左10分鐘就有位喇都幾快下喎 哈哈黑糖刨冰刨冰是黑糖的味道有芒果味的雪糕 同埋有芒果粒粒做配襯視覺上還不錯的至於味道 幾新鮮幾特別一食會愛上 正啊!!不過雪糕的味道比較重奶味金牌情人全部都係芒果 正啊!!雪花冰好雪花啊 勁凍 good芒果粒粒都唔好酸 都幾甜下 嘿嘿

唔好意思用餐日期係有d耐。。。父親節從mango chacha facebook知道有discount就來今次點了個新的toast，價錢有d貴。。。不過真係好飽，我地4個人都爭d食唔哂。戀愛層層疊 - 3塊Toast, 每塊中間都切成小粒，燒過，唔錯。賣相就不過不失啦，覺得d cream可以多d。另外愛文芒要再讚，真係好鬼好食。呢個toast比70分啦！

本來想試堂食, 但真係太多人排除啦, 唔知等到幾時, 所以叫外賣, 門外邊玻璃窗會寫明有乜野已經賣曬, 餐牌的款式本來已經唔係好多, 再加上好多又已經賣曬, 其實冇乜野可以擇, 連湯丸都係秋天先有, 好失望, 最後擇咗甜蜜夾心, 68蚊, 其實都幾貴好啦, 等咗本個鍾, 終於等到 '甜蜜夾心' , 講真, 外觀包裝真係冇乜, 個膠袋係透明的, 個盒係純白色, 甜蜜夾心係有球雪糕的, 但外賣係唔會俾冰你出到去搵車坐車都起碼成半個鍾啦, 返到屋企, 第一時間試食, 雪糕已經融咗, 個夾心吸曬, 唔係好凍, 但好意外, 食落去竟然個味道好夾, 而且真係估唔到, 個夾餅重有少少脆, 夾餅好鬆化, 一切就開, 唔會痴埋切極都切唔開, 個甜蜜夾心重有個黑糖跟埋架, 未加黑糖食已經覺得好好味, 咁就對黑糖冇乜奇望, 以為同街買的一樣, 點知一試上癮, 非常好味, 甜得黎又唔會溜, 加埋個夾心, 真係好得

嬲爆！！間野完全唔知想點！！話說我同朋友大約7pm到，需要排隊等，大約15分鐘，期間有職員叫我們留意有咩冇得食......15分鐘後入座，找左個女職員點野食，叫左呢兩樣：金牌雪花冰同冷熱激情(我就係俾人激死！！！) 我仲問左她有冇花奶架，她話冇！20分鐘過左......仲未有野食黎，我們問個女侍應，她話：冇落單wo! 你們想叫咩？我幫你落！ 玩野呀？等左20分鐘，你同我講冇落到？？仲要對唔住都冇句？？？係一d 歉意都冇！！ok!! 算！咁我再落單la!!過左一陣，個女侍應同我講：呢兩樣 都冇晒架啦！出面貼住張紙寫左！她當我文盲架？冇既我已經skip 左啦！我叫既係有架wo! ok! 算！我叫過第二樣，叫左：點知在我等緊既時候，我竟然見到出左個冷熱激情出黎俾隔離枱！！即係話我叫既時候係有架啦！就因為你冇落單，我冇得食？？？？ 再等左15分鐘，再催，又話黎緊黎緊！真係迫我們發火姐！最後我朋友發左火！真係好嬲！！但我想講，個女侍應都係冇道歉架！！ 到差唔多食完，就有個男職員，應該係經理黎，話自己職員做錯野，俾左個8折我們，我們係咪要多謝你呢？ 其實除左個經理講左句：我

傳聞台灣愛文芒甜得來不漏,而且鮮嫰多汁,今日特登來見識一下~除左愛文芒真係甜到好似落左糖水外,佢每一塊既厚多士真係好用心咁切成4份,每塊都會沾上蜜糖來燒,所以都好脆口!不過由於芒果雪糕沒有酸味,令人覺得有點層次感欠奉,但其餘的功夫, 味道, 食材等均是一流的!

朋友愛吃芒果, 所以飯後來了這間由台灣來香港, 全部食品也是以愛文芒來做, 在店外排隊等了20分鐘多就有位了, 叫了以下東西:冷熱激情:  酥皮卷好燶, 中間的芒果是雪到仍是冰條狀態的, 但沒味, 外面好乾, 咬落去冰到牙也痛了, 酥皮做不到拿破崙哪種酥皮, 同朋友一人一條, 我食半條已不想再食...好乾好硬入面又無味, 朋友說伴碟的芒果雪糕夾酥皮卷食好味, 會沒有咁乾身, 但我沒試了....Love is Air: 這個芒果梳乎里好好食, 外面微脆, 面上的芒果是冰冰的, 內裡是似綿花糖般軟熟芒果茶: 頭半壺好飲, 有芒果味, 唔甜, 但頭半壺每次斟也會漏好多落盤, 不過半壺後就很甜, 愈飲愈甜, 之後膩到飲不下, 剩3分之1壺!!  不明白用茶包為何會愈來愈甜, 忘了剛到時看埋壼底是否有冰糖...!!

睇完TVB搵食飯團之後,再加上飲食男女介紹佢地出左款厚多士之後,我即時要食多次,睇黎個老板用左好多錢搞宣傳,報紙雜誌,電視都有...講返MANGOCHACHA先,去到既時間大約10:00門口超多人,可能個個都好似我咁食完飯先黎,好彩等左15分鐘左右就有位啦.我地一行三人,先點個厚多士,等左有D耐,三層多士一開始我會以為食到最底會無咩味,但原來內有乾坤,入面有幾球雪糕,令到乾口既多士,變得更易入口,佩上焦糖身同綿花糖,真係甜到入心,佢地要加左小小木糠布甸上面個D木糠係上面,加起身,食到落底都有唔同口感,而且夠哂大份,三個人都食到傻左..真係層層叠咁樣......之後當然要點我最愛既窩夫啦...有一點我要讚下既,今次食比上次食個皮更加脆,我好欣賞佢地不斷改良出品既態度,雖然人多,但都無影響到,而味道就當然同之前一樣.雪糕夾係中間外熱內凍...正....係今次伴碟既MANGO有D酸,但總體都OK既........80分啦......

7.1 上街前，先來個芒果冰降降溫。明明寫2pm開，跟住又話2:30, finally 2:45先開門。 叫完野都等左3個字先到。點了「舊情人」，又等左3個字先上。=___= 賣相吾錯，好大份好興奮！不過食落就有點失望，綿花冰同挫冰都冇乜味，雪糕還好，但唔算特出。愛文芒果真如介紹所說，纖維榨不多，微微的甜度剛剛好。 不過冰真係太多，如果大家點唔太建議兩冰合一，二選一，有fd一齊既加多個非冰類的甜品應該會更好。Overall 不過不失，但只屬一般，沒有比XX山好很多。好在用Groupon半價食，正價的話就真係唔抵。

order咗一個舊情人, 即係雪花冰+挫冰+雪糕球. 店員放下樽鹽, 好讓客人自行調味, 帶出愛文芒的鮮甜味. 可惜第一口愛文芒, 完全食唔出芒果味, 即使加鹽, 也沒大幫助. 是太凍的關係? 芒果切得太細粒? 還是個芒果唔靚? 整件事都好淡, 直至一口挫冰, 才有點黑糖味. 睇嚟舊情人還是舊情人, 忘記吧啦

琴日為左慶祝朋友生日, 一行三人黎到呢到食野一開始坐底睇MENU, 覺得選擇有D少, 最終3個人叫左兩樣野食第一係戀愛層疊疊我地睇均成間鋪得我地叫左呢個甜品, 有D不安既感覺3個人食食食, 係有芒果肉有芒果雪糕 但感覺LAST係口唔耐食過茶木既同一食品, 相比起黎 茶木更勝一籌原因係多士黎到既時候我覺得只係暖, 唔係十分脆同甜 但3個女仔食係絕對足夠第二個掛住食唔記得影相, 係甜蜜夾心,店員放低左個甜品就算, 完全冇諗過比多2隻碟我地分黎食 BTW其實幾好味, 但冇想像中厚實, 中間既料好似又係芒果雪糕但最吸引我既唔係佢既芒果味,反而係佢既黑糖糖漿, 會令我想起M記熱香餅, 好甜好好食!但呢個3個女仔淨食就會覺得唔夠飽最後呢個價錢值唔值就見人見智喇, 但應該唔會成日黎呢到食野

星期二已吃過父親節飯，弟弟今天也要上班，因此，沒有特別與爸爸慶祝。早前獲得Openrice的贈品 — 《Edge of Tomorrow 異空戰士》的免費戲票兩張。借花敬佛給爸媽觀看，卻原來不是他們有興趣的故事……待他們在The One百老匯看完電影後，我便與他們會合，再到MangoChaCha吃甜品。那是在Groupon購買的優惠券。以$33購買$70的現金券。我共買了5張，其中兩張是弟弟夫婦。但因為難以遷就時間，便各自去吃甜品了。來自台灣的著名甜品店，看店名便知道以芒果為主題。還要是外銷至日本的頂級愛文芒果！店子以橙色和白色為主。色彩分明又型格，給人活潑的感覺。有不少想吃的甜品，結果我再要多付$66。甜絲絲，$38。實際上是芒果糯米糍。糯米皮薄而軟。軟綿綿得差點不能以叉子叉起來！椰絲很香。芒果香軟鮮甜。與我和前公司同事都很喜歡吃的貝施餅屋的芒果糯米糍一樣美味！滋味芒果切盤，$32。這個不是太化算，因為沒有任何做甜品的功夫。我想，爸爸因為太喜歡吃芒果了，所以他想單純地吃芒果來嚐嚐愛文芒果的真正味道。較深色的會比淡色的甜。店員也提供海鹽給我們，可以配海鹽來吃愛文芒果。但我沒有嘗試。甜蜜

隨著愈來愈多香港人都想變做台灣人，但未能如願時，或許吃一些台灣的本土食物可以先紓緩一點點思「鄉」情懷！MangoChaCha是來自台灣的芒果主題甜品店，更是台北芒果冰代表店，分店遍佈中國，新加坡，日韓，馬來西亞等，香港分店是近來才開的。我在上月尾也急不及待去吃了。入鄉隨俗，這店推出了香港限定款式的甜點，共六款，我點了其中二個，分別是「甜蜜夾心」（$68）及「戀愛層層疊」（$48）。「甜蜜夾心」（$68）這個其實是芒果窩夫配黑糖醬。這窩夫上桌時還是熱的！咬下去，表層香脆，內裡鬆軟，口感富層次，還帶著蛋香呢。窩夫中間夾著愛文芒弄的雪糕和cream，冷熱交融，令人滿足。另配上黑糖醬伴吃，將甜味帶到另一個層次，正！我想，要是，中間有芒果肉的話，一定會更棒的！（貪心的想法^_^）「戀愛層層疊」（$48）愛情需要有基礎，一層層疊上去才會堅固，才會穩定⋯⋯有二塊，如果跟另一半一起去，一人一塊，這甜品的名字背後的意義呼之欲出。如圖所見，這層層疊有兩塊厚麵包，上面有一個芒果雪糕球和一些芒果的果肉粒。我把雪糕和芒果粒跟麵包一起放進嘴裡，很滿足。麵包應該是塗上了蜜糖才烘的，所以有點糖味，看上去也有少許焦。芒

Menu!! 芒果黑糖綿綿冰:芒果冰好似綿花咁，好輕，好綿。入口即溶，即感受到芒果香甜既味道黑糖冰，太甜la,冰有點粗糙 menu！！窩夫::窩夫好脆，入面夾住芒果雪糕 n cream，一凍一熱，一流另配埋黑糖汁味道更加強烈

同朋友去食pizza時講起附近有間台灣芒果專門店我未食過但聽朋友介紹下好似幾好食就決定去試試我地由k11行過去好近 3-4分鐘路程去到咁岩有位唔洗等就入得由於朋友食過既關係就交由佢揸fit佢叫左個 舊情人 同埋 冷熱激情都唔洗等好耐甜品就到左啦！首先黎既係冷熱激情佢係一條好似春卷咁既野外面係熱既酥皮包住一條冷芒果 再加一球芒果雪糕伴碟我覺得可取既係條冰芒果心真係冰鎮咁冰好似食雪條咁好正但同時可能個冰芒果心太凍既關係搞到啲酥皮凍哂完全食唔到外熱內冷既感覺跟住我地就食舊情人啦佢最底層係黑糖刨冰上面有芒果冰而最上層有球芒果雪糕我自己係好中意黑糖味既野佢個黑糖冰好有黑糖味而且唔會過甜係整個甜品入面最重點既一part食左兩啖店員行埋黎比左樽海鹽我地叫我地試下落啲海鹽黎食結果出乎我意料係幾好食！有啲似食話梅咸咸地甜甜地既感覺 但成個感覺又好match 唔會咸味同甜味分開哂食完後我朋友話今次比佢上一次黎好味我自己第一次食都幾大驚喜尤其係比個黑糖刨冰加左唔少分我一定會再encore~ps: 個到既staff都好好人見我地自拍咁辛苦又主動幫我地影相加分！

呢排天氣咁熱 緊係要去甜品店幫襯下啦 同事話mangochacha唔錯 大約十一點就去到 門口侍應仲好有禮貌添雖然入面好多人 但台鄧增加左空間感 完全唔覺得逼 冷氣又好夠 食個凍野簡直透心涼我地嗌左個love is air黎食 未上台隔好遠已經聞到蛋香la!表面又軟又脆 入面又香又有蛋味 加埋面頭既mango 滑得黎又唔漏比較之前食過既souffle 呢個可以話係最出色!整體口感豐富 再大d既話就抵食夾大件喇!food quality,enviro.同service都好好下次再黎!