嗎哪餐廳

Open Now

Now Closed

首先非常欣賞這間餐廳的理念 ，他們會請有需要的人做工 ，亦提供長者送餐服務。 除了這些使命，他們的食物質素的確很好， 午餐有很多選擇 ，特別欣賞他們的豬扒 ，雞及老火湯 ， 真的沒味精， 健康又好味。下午茶也有很多好的選擇如牛角包，袖子雞翼， 胡椒豬肚麵等 價錢當然都很相宜， 店內亦有很多宗教的書可供參考，是一個好的進餐地方。

【觀塘區】【嗎哪餐廳】去觀塘睇港昔旅遊嘅展覽，經過翠屏道見到觀潮浸信會教會裡面居然經營一間餐廳。佢哋話係以餐飲作扶貧嘅基督教非牟利機構，希望透過餐飲服務，接觸同援助貧窮弱勢社群，成為社區與基督信仰間的橋樑咁話，咁我就入去睇睇。叫咗個 $88 嘅「Manna 美式下午茶餐」，佢有原塊慢煮雞扒、豬肉腸、茄汁豆、牛乳炒蛋同雜菜沙律喺入面，仲配嘢飲，我揀「熱奶茶」。質素方面，塊扒慢煮完仲有煎過，幾好，兩條腸冇乜味，炒蛋都幾好，其他嘢正常。跟餐可以配小食，我加 $18 要咗「避風塘雞中翼」同埋要咗加 $15 嘅「酥炸餃子」，只能夠講，呢個價錢係食呢啲質素，冇驚喜亦冇乜嘢要鬧。夾埋 $121 走人，支持吓呢啲餐廳冇乜所謂，當係支持佢哋服務人群嘅心。佢哋唔只提供餐飲服務，仲有音樂班、英文班、獨居長者清潔小隊、婦女活動及無家者同行計劃等等，並且堅持為不同基層家庭提供食物支援，目前每月提供達 15,000 份食物。佢哋以「先幫助後檢討」嘅方法，做住先，幾好。。。（地址：觀塘翠屏道11號觀潮浸信會1樓）#1amfoodie #foodie #hkfoodie #thatfoodiething #hkfoo

環境整潔，邨內同價錢的情況下，能做到這個水準已經非常好（畢竟本來翠屏選擇不多）之前還贈送會員卡予街坊，早餐出示有折扣，而且是社企，會派飯給某些人士同層亦有不錯的宗教書籍可以閱讀，及少量展品參觀多邊形的大餐桌十分特別，值得欣賞。

📍 Manna 觀塘翠屏道11號觀潮浸信會1樓 去附近嘅歷史檔案館路上經過依度，順便黎試下佢哋嘅早餐😋餐廳木系風格，環境舒服😌見到佢哋會請有需要人士工作，同埋有提供送飯上門服務。早餐去到朝早11點，午餐選擇豐富👍🏻除咗食正餐都係個適合黎飲杯咖啡坐喺度傾吓偈嘅地方☕️🍴雞扒米粉配餐肉炒蛋 凍檸茶 $45👉🏻所有營利都會用作區內關懷服務用途，提供就業空間及職業培訓予無餐飲業經驗或有需要朋友，社區關懷工作，包括派飯，探訪及義工服務🤍

今朝上半場工作完畢，學生們提議我可以到附近的嗎哪餐廳食午餐，見時間還早（剛12點正），就過去食晏。之前都有去嗎哪食晏，中午時間會好多人，附近街坊，官塘嘅上班一族，中學生等都有。嗎哪響教會（官塘潮語浸信會）內，一間好有心嘅餐廳，真心幫助有需要人士，有機會再介紹一下。餐廳提供中西餐，日式或其他東南亞風味食物都有提供。今日我揀咗客飯，簡簡單單，無味精西檸雞飯（$38），送例湯（蓮藕煲豬肉），送花茶（其他茶飲跟餐加$5），再加$5要多個杞子桂林杯。西檸雞客飯，有白菜，西檸雞。中規中矩，份量都好足夠，客飯預先包裝好放蒸櫃付款後自取，但白菜都無黃，西檸雞仲有少少脆，唔錯。例湯有一舊蓮藕，無味精，飲落感覺幾舒服唔口干。花茶我要茉莉玫瑰，清清哋，少少花香，配中餐最好。加配嘅杞子桂花杯，比我想像中大杯，啫喱質地，有幾粒杞子，杯底有桂花，食得出係真材實料。餐廳內有小賣部，有書籍同精品出售，仲有個共享鋼琴，有中學生哥哥仔食飽去彈吓琴，好warm嘅感覺，有機會可以去試試。

上年已經睇過呢間社企餐廳嘅報導, 知道佢地好有心幫人仲一直派飯比有需要嘅長者, 於是尋日專登去觀塘支持下! 呢頭之前冇嚟過, 但原來喺觀塘地鐵站步行大約4至5分鐘就到㗎喇, 地點都方便好易搵的~ 大約中午1點半到達, 座位都差不多坐滿8成, 可能仲係lunch hour繁忙時間啦, 不過好彩都唔洗等位! 餐廳雖然係快餐自助形式, 但環境和餐具等等都乾淨企理.餐牌食物款式都幾多, 除咗有cafe常見嘅漢堡包意粉沙律之類嘅西餐, 仲有中式燒味飯同埋每日3款嘅中式客飯,  相信係滿足返長者客人嘅口味! 今次叫咗一碟蒜蓉燒汁香煎慢煮雞扒意粉 ($52), 賣相相當唔錯, 份量幾大碟, 伴碟亦唔馬虎, 有一堆沙律菜同埋甘筍仔,車厘茄,南瓜,翠玉瓜~ 整體感覺有誠意! 燒汁亦都OK, 味道唔會好鹹嗰種~ 意粉煮得剛剛好, 口感仲保留到少少彈牙, 而最讚係塊雞扒, 煎得真係好香, 塊皮仲有少少脆脆地, 雞扒肉質亦都幾嫩滑同埋冇雪味! 唯一要改善就係啲蒜蓉炸得太硬, 有幾啖咬到仲驚係咪自己咬崩咗啲牙雖然睇返餐牌價錢比之前貴咗唔少, 相信都係因為食材成本高咗太多, 但以食物質素嚟講 依家呢個價錢我仍然覺

價格大幅上升，份量減少！🙎🏻‍♀️衛生差！🙎🏻‍♀️不再encore！🙎🏻‍♀️現在冇咗雙層漢堡揀，價格反而由$55雙層漢堡變左$58單層漢堡！其實唔緊要，可能塊肉會大返啲呢？睇相，哇🙎🏻‍♀️ 塊肉比bb仔食都唔夠呢！薯條冧，野飲淡 🙎🏻‍♀️搵位又係班老人隔住隔住坐，仲係到剪足十分鐘指甲🙎🏻‍♀️🙎🏻‍♀️ 都無職員出聲！ 有圖有真相！本身想食埋bagel，現在無興趣了💅🏻💅🏻💅🏻

響OpenRice見到啲嘢食同價錢好吸引，所以喺附近游完水之後，大概夜晚六點過嚟食。不過唔知係咪晚市嘅價錢唔同，平均都要50幾蚊1客。不過整體食物水平好好。叫咗一份蒜蓉汁慢煮雞扒意粉，慢煮雞扒嫩滑，有燒烤味好香。仲配埋沙律菜同埋甘筍南瓜翠玉瓜熟菜，另外仲有杯玫瑰茉莉花茶，整體非常高質。另外叫咗一份單層雞扒漢堡，配埋大量薯條同埋沙律菜，再加花茶，非常之飽。同屋企人過嚟食，長者咭會有八折，兩份加埋唔使$100 ，都可以。下次如果有機會晏晝嚟食，午市個價錢應該會低啲。

嗎哪餐廳 (觀塘)📍：觀塘翠屏道11號觀潮浸信會1樓🚗：觀塘地鐵D2出口 步行6分鐘📞：+852 6523-3216💲：~HKD40-60/head for lunchFood quality✔️：雙層手打牛肉漢堡配少辣薯條及沙律菜👌🏼：香草肉醬意粉總結：😋觀塘唯一一間有得同百里香鬥抵食嘅餐廳 宗教背景嘅非牟利餐廳 員工都係聘請有需要人士自力更新 加上食物cp值高到核爆 絕對係間值得支持同瘋狂幫襯嘅餐廳👍🏼😋超推薦雙層手打牛肉漢堡 非常厚身 一啖食唔哂 份量超班 仲要配埋一堆薯條同沙律菜 真係滿意有突 點解可以咁抵食 連埋飲品都係$48 仲唔即刻9沖🫰🏼😋香草肉醬意粉都係誠意滿滿 說實話就同連鎖快餐店冇咩大分別 食嘅係人情味同別人嘅努力💪🏼份量又係驚人地食唔哂 抵食飽肚之選😋呢間係真窮人恩物食堂 滿足大家嘅飢饉之慾 同埋佢本身都有賣飯券 可以做下善事又食飽飯 直程雙贏啦☝🏼🤔️繁忙時間嚟就預咗要等 非常受歡迎嘅餐廳 排隊是常識吧 佢玩法同大部分快餐店一樣 係最尾要自己收埋餐盤 大家就自律啲啦😀🤔️飲品就唔介紹了 正常茶餐廳出品質素🤤

原來近排嗎娜餐牌改咗少少，選擇有更加多同埋好似更加好食咁樣！我就叫咗一份蒜香雞扒意粉🍝雞扒又一大塊，雞肉好嫩同埋冇雪味💫意粉嘅份量都好多，就算男人食都會夠飽！醬汁同意粉都係好夾🤩

單層芝士手打牛肉漢堡配薯條及沙律🍔 $38 (學生餐，價錢可能有變)漢堡包裡面有番茄芝士🧀🍅再加埋牛肉漢堡，漢堡肉係餐廳自己整嘅都好Juice💦旁邊仲有沙律同薯條🍟沙律配胡麻醬汁如果冇學生嘅話，漢堡會有兩塊牛肉🌪

分享愛店🫶🏻非牟利社企餐廳｜📍嗎哪餐廳喺呢度食飯同時係=資助一位有需要嘅人食一餐飯。餐廳有提供老人飯餐預訂令長者可以以$16蚊優惠價享用客飯及例湯，同埋有老人送餐服務。而且下單時出示學生證、長者卡或殘疾人士登記證更享有8折優惠❤️‍🔥♡健怡香草檸檬雞扒配牛油果田園沙律+熱朱古力♡｜💰$54+12💡跟餐嘅話會送熱玫瑰茉莉花茶/熱菜蜜→轉凍飲要+5蚊💡就算已經食咗好多次都係會俾佢個份量驚艶到，店員好似驚你會餓死咁😂沙律菜次次都係一大碟滿到瀉咁然後雞排仲要大大塊❤️‍🔥完全唔會有食沙律所以唔夠飽嘅情況發生😂至於味道方面，雞排肉質相當之嫩而且外皮煎得好香💓個人食沙律唔太鐘意配黑醋，而呢間餐廳嘅沙律菜配檸檬汁相好清新🍋唔係配千島醬食落0罪惡感✧(≖ ◡ ≖✿)而且仲要有半粒牛油果💚超級推薦！💓估唔到12蚊嘅熱朱古力都有拉花🫶🏻味道唔錯但奶泡有啲多所以相當細杯😂提外話，之前食過幾次漢堡系列但佢個薯條通常都會炸太燶，除咗呢樣其實個餐幾抵食🫡💡留意返星期一餐廳全日休息，逢星期三下午14:30~16:30 為團契時間，不設落單。平時嘅營業時間係11：30~20：00。記得唔好食閉門羹啊~💡

餐廳位於教會裏面，所以非常寧靜和舒服。食物種類大眾化，適合各年齡層。我點咗個蜜糖雞扒牛油果田園沙律，夠大碟…沙律菜都算係新鮮，雞扒有甜味，整體開胃好味；另外點咗一杯Flat White,味道一般，估計用凍奶，所以個面比較凍，成杯唔夠熱。同枱有食客推介佢嘅燒味，因為師傅係跟老一輩嘅燒味師傅學，所以味道都唔錯，希望下次有機會試！

之前睇過呢間社企嘅訪問，知道佢地係疫情期間雖然經營困難，但係仍然保持初心，繼續提供熱飯俾有需要人士，真心覺得要支持下呢間餐廳。之前試過唔少社企餐廳都唔太好少，呢間算係價錢合理，食物質素唔錯，值得試下。叉燒油雞飯+熱玫瑰花茶 ($48, 7.5/10):叉燒偏瘦，但好稔，唔會話好乾柴，相信係用左脢頭部位。叉燒幾重蜜汁味，稍為咸左少少。油雞：雖然係雞胸位，但都算幾滑。玫瑰花茶：玫瑰味偏淡，而且啲玫瑰花浮晒上面，飲果陣好容易飲到成口都係玫瑰花，建議可以用茶袋裝起，或者直接用玫瑰花茶包會更出味。

聽講呢間係好多人嘅飯堂，中西餐都有，性格比極高！港🐷想嚟好耐喇，終於可以支持下！$100夠兩個人食到飽😽—————雙層手打牛肉漢堡配薯條及沙律菜 ( $55 )見好多人都推介，果然冇介紹錯🤣 漢堡好高好大個，手打牛肉漢堡夠juicy，而且唔會一咬就散哂😝 薯條係用粗薯，份量都好多😬 沙律菜都幾新鮮～-日式芝麻手撕雞飯 ( $45 )手撕雞肉質幾滑，芝麻醬味道較淡，雞肉同芝麻醬份量亦比想像嘅多，足夠連埋白飯一齊撈🫣-全部餐免費送指定飲品，兩款無糖嘅熱玫瑰茉莉花茶及熱菜蜜👐🏻 -*出示學生證/長者卡可享8折優惠❕*免加一服務費❕*逢星期一休息⛔️*非牟利💝全部利潤均用作援助貧窮及弱勢社群