嗎哪餐廳

Open Now

Now Closed

喺教會內既一間社企餐廳，可能唔係好多人留意到，所以餐廳內人唔算好多，餐牌方面，食物選擇有中有西，而且有學生餐同長者優惠，價錢都係幾優惠。今次叫左個英式全日早餐，說不上好食，吞拿魚牛角包係凍既，蛋同豬肉腸就麻麻地…有生果係OK既，不過以呢個價錢食到個all day breakfast算係咁，而且賣相算幾好，之前都有食過其他野都唔算好差，對食物要求唔高既係幾抵食。食完就要靠大家自律，將啲野執起分類放返好。

這個雞扒飯$36，塊雞扒比手板還要大。在觀塘，想支持小店，在網上找到這間嗎哪餐廳。餐廳在觀塘翠屏道的觀潮浸信會1樓，在門口，你以為是教堂，其實真的是教堂，嗎哪餐廳在一樓，不需要是教徒也能進入。 一，談食物香草雞扒腸仔飯，$36，幾抵食。塊雞扒比手板還要大，我覺得就算給一半份量也夠大份，雞扒很鬆軟，炸得剛好。唯一要改善的是飯可以再熱一點更好。  魚湯米線，配原條煎封時魚，$68。成條魚上，好誇張，配魚湯米線，好。韓式厚蛋芝士吐司，配雞扒/ 吉列豬扒，$58。麵包是烤底，我建議選擇吉列豬扒，加厚蛋芝士，好好味，好脆，吉列豬扒配芝士多士又幾有效果。雙層芝士手打牛肉漢堡，薯條，$68。薯條是熱和脆的，已經夠誠意，手打牛肉，是雙層的，好大份。 二，談環境，餐廳在一樓，可以行樓梯，也可以搭升降機。餐廳有三四十個座位，有一個表演台，可以攪音樂會呢，平時在播講道片，我建議可以播詩歌更好。三，談細節。餐廳有自助回收區，我喜歡，叫女兒幫忙收拾碗碟，有意思。一間餐廳的衛生，看後巷及廁所，這個廁所，太清潔了。 總評味道：平民價，正常味道已經很好；環境：在教堂的一樓，餐廳佔了整個一樓，很寬敞；服務：店員有禮貌；

觀塘教會間餐廳都開左幾年，有時候返觀塘返工就會去幫襯下。食物大份夾抵食，味道都唔差，最緊要係好抵，對長者同學生哥仲有特別優惠，二十幾蚊就可以一個餐仲送嘢飲，真心仲抵過自己煮。環境方面，餐廳座位本來不多，加上限坐就更加少位，所以如果平時lunch時間來要搵位都幾難，大家可以選擇叫外賣。味道方面，我次次都係叫雞扒腸仔飯，雞扒煎到好香，但係又唔會鞋恰恰，有肉汁。腸仔就不過不失，配菜方面都係算普通椰菜花同紅蘿蔔果啲，但係二十幾蚊黎講算係好唔錯。餐飲就係一杯熱菜蜜，正常味道。服務態度都好好，上次唔小心倒瀉水個侍應好快幫手拖，一d怨言都冇，果陣仲要係最繁忙既午市時段。呢個位要比個讚呢間社企仲會經常提供食物援助弱勢社群，客人食一餐就捐一餐，十分有心。食個飯都可以做善事，一定要多多支持！

🐷🎈觀塘又黃又係社企💛多多支持！🙌💥單層芝士手打牛肉漢堡包 $38 (學生優惠)好食指數：🐷🐷🐷🐷🐷🐷6/10回頭率：🐷🐷🐷🐷🐷🐷🐷🐷8/10呢間係浸信會開嘅社企餐廳💛佢地聘請嘅都係社會有需要人士例如弱智人士等好難喺社會工作嘅人雖然係教會開嘅但冇信仰都可以去食架價錢都係偏平民價 尤其學生優惠好正添大家都要多多支持💪💪餐廳背景已經加哂分👍食物方面質素都不錯架呢個burger麵包就普通現成但有烘過下唔會話好淋中間牛肉都幾香有牛味🐮但質感比較淋同散散地口感唔係特別好但牛肉係手打有誠意 咁既價錢食到真係好唔錯架啦！跟餐仲有沙律🥗同薯條🍟薯條似係茶餐廳果種外面ok脆 入面薯仔肉都唔少沙律都幾新鮮 上面有淋沙律醬//💥Cheese Beef Burger $38 (Student discount)Deliciousness: 🐷🐷🐷🐷🐷🐷6/10Willingness to return: 🐷🐷🐷🐷🐷🐷🐷🐷8/10//🎈嗎哪餐廳觀塘翠屏道11號觀潮浸信會1樓

單層芝士手打牛肉漢堡(配薯條及沙律) - $38(學生優惠)漢堡都幾大個 塊牛肉好有牛味🐮但係肉質比較軟林林 唔係好實嘅感覺食落去唔算好重口味 因為呢間店係標榜無味精👍🏻所以食哂成個漢堡都唔會好口渴🐥香煎香草雞扒長包(配沙律) - $42雞扒煎得好香 肉質勁滑，配埋香草忌廉汁 好有層次😋包質係比較林身嘅口感～呢間餐廳係社企餐廳，店主會聘請更生人士、弱智人士，亦都會派飯比無家可歸嘅人👍🏻真係好值得我哋欣賞😀

當知道左呢間餐廳嘅背景之後，我受到感動決定要黎拜訪一下。首先，佢係一間社企餐廳會聘請更生人士、弱智人士，報導亦曾提到負責人即使5年無糧出，都想出力幫下呢班社會未必接納嘅人。寧願負債，佢都願意繼續派免費飯比啲無家者，或者係以一個較低嘅價錢去供應飯餐比社會上有需要嘅人士，頓時令我諗起Matthew25:40講嘅「我實在告訴你們：凡你們對我這些最小兄弟中的一個所做的，就是對我做的。」呢種基督精神好值得大家去學習，另外餐廳嘅裝潢係用咗我最喜歡的一句說話😇“We love because He first loved us.”(1 John 4:19)大家有時間都可以去試下，大大力推介韓式厚蛋吉列豬扒吐司，熱辣辣，真材實料，直頭好似飛咗去韓國一樣🍞😋另外餐廳旁亦有售賣一些信仰有關嘅小飾物，大家不妨餐後去逛逛，收益都係用來幫助有需要嘅人士享用食物💖

位於教會內面嘅嗎哪餐廳係一間社企，提供工作同埋平價飯畀有需要人士理論上，正價飯會用嚟cover返平價飯，不過因為老闆請咗好多唔同有需要人士，其實淨係飯錢都唔係好足夠，平時都靠人捐錢，希望之後可以做得住餐廳係教會一樓，一上樓梯就見到，大概有20-30個位，牆上面有唔同嘅聖經quote晚市大概提供10種唔同主菜同埋雙餸飯，不過嗰夜我哋去到就有幾款賣晒雞扒漢堡 $55雞扒煎得啱啱好，皮係香口嘅，入面雞肉唔會煎得好柴，份量都好夠伴碟嘅沙律好好食，薯條係有薯蓉係中間嗰隻份量都好足，正常男人食量啱啱好漢堡扒漢堡 $65漢堡扒煎得不過不失，唔係好重牛味伴碟嘅都係沙律同埋薯條雙餸飯 $28我哋叫咗豬扒同埋雞扒雞扒幾好食同埋都大塊，豬扒就有啲薄，不過以平過中大頹飯嘅價錢性價比好高總結：係一間好值得試同埋支持嘅社企，有興趣可以google吓店長嘅訪問，以街坊食堂嚟講真係冇得輸

翠屏選擇唔算多，今次就試一試浸信會嘅餐廳🍴因為限聚令嘅關係，所以要外賣返屋企，如果唔係呢度環境都唔錯幾舒服，又有個stage同樂器，一切回復正常要再嚟😃餐牌方面，食物選擇唔算多中西都有，仲有學生餐同長者優惠，$20就有個雙餸飯🤟🏻今次就叫左好幾個餐健怡雞扒沙律餐，雞扒大大件，沙律略嫌少咗啲，加埋檸檬好清新👍🏻全日早午餐，炒蛋都幾滑，或其他相正常普通原條魚$68有埋飯同生果抵食🤟🏻仲有學生餐嘅單層和牛漢堡，38蚊呢個價錢出邊一定食唔到✌🏻雙餸飯，好多餸最抵食⭐️⭐️⭐️⭐️⭐️大食女仔表示，下次一定會記住自備餐盒餐具♻️‼️

一心諗住去飲咖啡，點知原來4:30後就無意式即磨咖啡😩😩下次要早d去再幫襯良心社企👍🏼·健怡香草檸檬雞扒配牛油果菜沙律。估唔到咁大塊，晚餐價$65配埋野飲其實都幾抵，雞扒煎得好香口，好好味👍🏼厚蛋餐肉蜜糖吐司。有驚喜呀！雖然未至於韓國issac吐司咁堅，但真係好好味，蛋真係好厚，推介🤤🤤我呢個$34包埋野飲，不過就係tea既價錢，除咗餐肉仲可以揀火腿或者煙肉，正常配搭·呢間社企晚市有$28, 2餸飯，真係超抵！晚市仲好早，5:30已經開始，好幫到附近既老人家👍🏼

嗎哪餐廳係一間有基督教背景嘅社企，會聘請社會上面嘅弱勢社群，仲會派飯畀露宿者同長者，平日學生同老友記去光顧，兩餸飯最平廿蚊就有交易，絕對係惠及社群。之前逢星期一係休息日，而家都開放埋做學徒培訓，當日所有收益會用喺社區服務方面，可謂一間又黃又有良心嘅小店。幫襯當晚大約七點半去到，由於餐廳係開放式，場內非常多人，堂食固然高朋滿座，叫外賣嘅人亦都企滿走廊一旁，店員個個異常忙碌，左騰右騰，明顯招架不住，果然，我叫咗嘅雙層芝士手打牛肉漢堡配沙律及薯條，最後要等超過三十五分鐘先有得食😂。揭開面頭塊麵包一睇，漢堡包入面有芝士一塊，洋蔥一圈，生菜一小片，芥末同茄汁少許，最後就係兩塊厚厚嘅牛肉漢堡。漢堡扒嘅肉質頗為彈牙，口感唔錯，不過胡椒味實在太重，稍為蓋過咗牛味，有啲可惜😐；伴碟嘅薯條唔太熱，炸得亦唔太脆，估計廚房實在太忙，因而有所忽略；最後就係杯蜂蜜生薑茶，薑同蜜糖嘅味道都幾濃郁，唔錯。呢度八點半打烊，食到八點四，忽然見到所有職員一齊唱歌同祈禱，雖然感覺有少少怪異（ 因為場內食客有食客食嘢傾偈，職員有職員彈結他唱歌），但係我都絕對欣賞佢哋虔誠嘅心。總括嚟講，如果餐廳可以諗辦法控制顧客嘅數量，運作應該

我晚飯好鍾意黎依到食。頭先佢有提供無味精既菜色，好岩我依啲著重健康既人。第二就係佢份量都好大，好岩大食既人。上次我叫左個魚湯米線配煎魚，佢有一份生果、一份蔬菜、原條魚同魚下面仲有菜，加埋個米線真係超大份。不過佢提供既款式唔係話好多，同埋佢條魚係炸唔係煎，同佢描述有出入，食左幾啖已經感覺到好熱氣。環境方面乾淨企理，仲放左啲樂器係到，有時食著飯聽著人地表演，心情都會跟著變好。依間餐廳真心性價比之選，又有提供健康款式，期待佢日後提供更多選擇，真心推介俾大家

之前睇電視節目介紹過呢間社企 知道老闆非常有心 蝕住錢都要經營呢間社企呢到既所有員工都係有故事的人 包括更生人士 / 智力遲緩人士等等重點係 社企每到下午時間都會以優惠價錢甚至免費送飯比長者 / 無家者整係聽到個背景就值得支持 重點係 佢都係一間黃店嗎哪餐廳身處於教會單位內 所以餐廳不乏宗教訊息既文宣講返食物 我點左蒜汁雞扒德國腸配紅糙米飯 雞扒份量夠大 不過個汁帶酸 (唔係變壞)如果德國腸係煎熟的話會更好味 領餐時德國腸已經變暖 友人點左 煎豬扒配沙律菜牛油果 豬扒同樣份量非常大 醃得入味更大塊豬扒需要配返大量蔬菜先可以平衡返整體而言 食物質素以社企單位黎講係符合標準 值得支持

近日有媒體及群組都介紹呢間餐廳，所以bookmark，今日到訪，大約2:15pm 到，以為過了午飯時間會少人，點知座無虛席。好在門口的吧台冇人。全自助形式，叫了雞扒拼牛油果沙律及雙層牛肉漢堡拼薯條沙律。等了一陣，出去取餐，每份餐都好大份，擺餐靚靚好。雞扒餐配了檸檬，我榨了汁在沙律及雞扒上，或許真的可以提升味道，所以覺得沙律及雞扒都相當好食。至於漢堡牛頭一，兩啖就咸咗少少，之後都ok. 沙律及薯條都好食吖。

我係大約兩點幾過黎食 唔知係咪週末嘅關係 餐廳有好多人 我同朋友等左一陣先有位 然後我同佢嗌左兩個餐（落係同一張單到）佢嗰個餐大約等咗10分鐘就拎得 而我果個等咗成45分鐘先有 有啲失望😔我叫嗰個係洋蔥汁豬扒煙肉飯 配雜菜 ($38) 份量好足 幾抵食 有好多菜 個飯仲撈咗啲紅米 係健康之選 不過啲飯稍微乾得滯 撈咗汁先比較容易入口 值得讚嘅係豬扒煮得好入味 上面仲落咗好多香料添😋但如果作為一間Cafe嚟講嘅話呢間嘅環境實在有啲嘈吵 不過整體都OK嘅

天氣熱都要去，話說睇左新聞報道，我哋幾個都想支持下。同公司有段距離，都要行一段路，不過傾下傾下就到。店主一直以幫人嘅心去經營呢間餐廳，下午20元碟頭飯俾長者同學生，夜晚去派飯。而店員係有輕度弱智、戒毒人士同埋問題少年，係一間良心餐廳。絕對係良心價佢有咖啡賣，咖啡渣亦都pack好可以做自由奉獻。同事食嘅係原條煎魚配魚湯米線，68元。有生果同菜，而且個湯係真魚湯，成個餐係好抵，同事話係好食，即叫即整。雙層雞扒芝士漢堡配沙律薯條，58元。呢個有小小辣，但係同事接受到。係好食，薯條係粗個款，又唔會話得幾條。我嗰個係韓式厚蛋芝士吐司配豬扒，58元。唔係睇少，我都覺得自己係韓國。豬扒超juicy，成份好好味！俾大家睇下個蛋，好厚好soft，好完整，好好食！蜂蜜生薑茶，偶然一次覺得個人暖左啲健康啲。食完自行分類，將成份餐拎去回收處。