嗎哪餐廳

Open Now

Now Closed

這間餐廳價錢是佛心價，所有食物大約60元左右有交易。而味道、賣樣跟價錢不成正比。在其他地方估計會賣100以上。而餐廳會派飯給窮困的人，而這邊有一些比較健康的兩餸飯，價錢好像是25左右，真的幫助這個村的低下階層不少。食物質素高意粉麵質剛好，但只有一個口味，而該口味的意粉略為膩了一點。牛油果雞排沙律在這個價錢而言真的沒什麼挑剔的地方。炸魚牛角包也是讓人吃得津津有味。之前這店的吃飯時間人流不多，可能是因為很多人也不知道這家店的存在，但因為之前有一輪的宣傳後基本上也難找位置。希望這些樂於助人的店可以長做長有。

💁🏻‍♀️💁🏻‍♀️💁🏻‍♀️💁🏻‍♂️教會社企健怡香草檸蜜雞扒配牛油果田園沙律一睇賣相就知道豐富啦，一開始見好多台都叫呢個，我就跟風～檸檬汁非常清新，比一般嘅千島醬/沙律醬健康，唔夠酸可以擠檸檬🍋，非常貼心！沙律菜除咗有普通羅馬生菜，亦都有少量嘅紫椰菜、車厘茄、紅洋蔥🧅，唔會好單調。重點當然係塊雞扒，肉質非常之鮮嫩，香草味好出，同檸檬汁一齊食好夾！單層雞扒芝士漢堡配薯條及沙律菜份量依然係好足，如果叫雙層，就會成座山咁高。沙律菜配嘅汁係麻醬，當然好好食啦，但係食完漢堡，都想有啲健康啲嘅菜中和返嘅…另外，個薯條好咸，應該係廚師唔小心重手左🥲整體而言，呢度所有嘢都性價比極高，學生或者長者仲有八折，係觀塘區嘅一粒寶石！希望大家多多支持社企❤️

雙層牛肉burger 同牛油果雞扒沙律 （推介！）雙層手打牛肉漢堡配薯條及沙律 $55手打牛肉夠 juicy，5成熟好嫩同剛剛好，配蔬菜同蕃茄，味道好夾，mm7正。👍香草檸檬雞扒 配牛油田園沙律 $54多沙律菜同牛油果，配埋蜜糖，健康又好味清新。雞扒都大份，好夠飽。 😌環境幾舒服同靚，食物質素高，份量大份，價錢抵食，性價比高。👍

剛巧要到觀塘拿東西，拿完後想起觀塘有家非牟利社企食店，說那裡的漢堡挺不錯的，一直想試試，就把握今次去試試。地鐵站走過去不算遠，但沿途要經巴士站，無景無篷，這幾天炎熱走去也已經大汗淋漓。食店在教會的閣樓，自助形式。本想要双層漢堡，但下午茶怕吃不下太多，就點了單層牛肉漢堡。有薯條和沙律配菜，加5元有凍飲。大約10分鐘可以拿，外觀賣相不錯，薯條不過不失，漢堡有芝士蕃茄生菜，醬汁配合味道不錯，雖然未至於一吃難忘，但這價格有手打牛肉配菜和味道等，完全收貨。這裡也有其他食品，價格也平易近人。在非繁忙時間，沒有催促交枱，加上悠揚的詩歌，休閒的坐下食下，就是享受。

官塘覓食的選擇很多，不只是商場或工廠區。今午帶同閨密行多幾步，來支持隱藏在官潮浸信會的社企--嗎哪餐廳Manna。餐廳燈光暗黃，裝修的主調是淡啡，經常播放著悠揚詩歌，使人感到休閒和放鬆。 單層芝士牛肉漢堡是受歡迎菜式。手打漢堡扒有牛肉脂油香味，加上芝士、烘烤的面包和汁醬在口腔中，味蕾感受到豐富、惹味和滿足， 沙津菜又鮮嫩多汁，不吃薯條已經夠飽。我第一次吃香草雞扒便覺極有驚喜。香料醃製了的雞扒，經煎香仍是嫩滑、多汁和可口，貼心地附上鮮檸搾汁伴吃，倍加清新! 想吃得輕營點便叫了牛油果沙律菜伴吃，車厘茄好清甜，沙律菜不欺場，味似柚子的沙律汁幾開胃醒神呢。餐廳是自助形式，先付款，等取餐。用餐後自律收拾，放到回收餐具的地方。其實在外出用膳未必要被服侍，更可以是透過用餐，參與支持扶貧的基督教非牟利機構，接觸及援助貧窮弱勢社群，詳情可閱網址> https://hkmanna.com/  ** 官潮浸信會11樓的圖書館亦是對外開放，內在幾千本中、英書藉，更有兒童房和圖書，溫習自修的位置。這樣好的社區設置，真係值得向街坊推介呀**

今晚用外賣平台，係觀塘嗎哪餐廳點左兩份餐，餐點半個鐘送到，味道拍得住外面既西餐廳，非常滿意呀！餐廳位於觀塘翠屏道觀潮浸信會單層手打牛肉芝士漢堡配薯條 ($59) 漢堡包手打牛肉，非常出色， 牛肉煎得香之餘充滿肉汁，夾住蕃茄蔬菜十分清新。 薯條亦炸得乾身脆口， 就算放係外賣盒，都冇變淋。 而且仲有芝麻醬蔬菜沙律，食得健康又有營。鮮雜菌忌廉意粉 ($62)忌廉雜菌意粉，忌廉味濃厚，意粉滑嘟嘟，有好多雜菌，有時食得多肉，想食得健康又好味，絕對值得一試。

返工方便好多時都會買外賣，今次去左教會裏面一間社企餐廳買外賣，係喜出望外嘅高質素👍🏻今次叫左韓式厚蛋芝士吐司配雞扒及沙律菜($48)，跟一杯熱飲🍵 其實之前都已經食過，記得嗰陣無咁平，唔知係咪體恤民情，所以社企餐廳價格都調低左🫢就咁睇個外賣盒好似有啲簡陋，但我必須講，少年唔好太天真，食完係真係飽到唔駛食夜晚，因為佢份量真係好足！沙津不過不失，加左啲芝麻醬，都好難唔好食🥗但揭開塊包，你見到塊雞扒係超級巨型，呢個已經係我已經鋸左一兩啖嚟食，塊雞扒都仲有咁大😱 雞扒肉質都唔好，煎得啱啱好。芝士蛋嘅配合都好難出錯，但我最欣賞係佢兩塊麵包，雖然墊底嗰塊難以避免會淋左，但係兩塊麵包都係食到有牛油同蜜糖味，真係做得好細心🤤$48嘅價錢，換嚟咁嘅水準去填滿個肚，都真係好難唔令人滿意☺️

今日到觀塘嘅嗎哪餐廳食飯，不論環境、位置、食物質素都唔錯，所以誠意向大家推薦。蒜泥煎原塊雞扒飯/意粉 $38🤣朋友係重口味之人，大力推介呢個蒜蓉汁，非常之香口嘢味，唯一要彈嘅就真係鹹咗少少😵‍💫佢塊🍗雞扒大大塊咁，🍳煎到非常之脆口，但又唔會好乾好柴，唔錯唔錯。而且亦都有少少蔬菜🌱伴碟，啱晒朋友均衡飲食嘅要求。單層手打牛肉漢堡配少辣薯條及沙律菜 $42上桌嘅時候我哋都嚇一跳💡，賣相可以及得上出邊嘅美式連鎖高檔餐廳🍴，📸打卡一流。免治牛肉餅🍔唔會一食就碎晒，煎完仍然保留肉汁，🥩牛肉味好重！餐廳可能小弟會好怕好膩🤣🤣🤣，麵包裏面夾住好多沙律菜🥗，令到漢堡包食落都幾新鮮。佢嘅薯條都非常之香脆🍟，不過唔係好食到辣味😂，同埋份量都好多，夠晒我一個大男人食。順帶一提：呢一間餐廳非常之有愛心❤️，會為觀塘區內嘅弱勢社群提供餐點🍱，梗係值得我哋大力支持！💪💪💪有時食嘢除咗睇質素之外，餐廳背後嘅信念都好重要。😊😊😊——————為食分界線——————📍 嗎哪餐廳 (觀塘)觀塘翠屏道11號觀潮浸信會1樓推介指數 🤰🤰🤰🤰(4/5)好味指數 🤰🤰🤰🤰🤰(5/5)抵食指數 🤰🤰🤰🤰🤰(5/5)環境推介 🤰🤰🤰🤰(4

一間非牟利的社企餐廳，位置在觀塘一角的教會內，在這裡消費間接可資助一位有需要人士在此用餐♥️餐廳環境寬敞，是自助式的餐廳，每枱都貼心地放置了搓手液呢～⏰早餐時段 8:30-11:00· Manna湯麵 - 意大利雜菜湯公仔麵 $26· 熱即磨咖啡 - Latte +$14雖然早餐要$40好似好貴咁，但係佢嘅湯麵好大碗🤩我冇加錢加其他配料，但佢嘅雜菜湯本身已經有濃濃蕃茄味🍅入面仲有大量雜菜（有我最愛嘅薯仔🥔）對於女仔嚟講可以飽足4個鐘😂而且！佢嘅即磨咖啡仲要有拉花，開工前食份咁chill嘅早餐心情都好啲☺️ㅤㅤㅤㅤㅤㅤㅤㅤㅤ 🅣🅘🅟🅢 出餐速度比起一般茶餐廳／快餐店會慢少少，如果想嚟支持小店，就預留多少少用餐時間喇😚

堂食及外賣，我都食過，今次用外賣平台叫外賣，以前的質素唔錯。但今次好失望，牛肉漢堡乾晒，無茄汁或醬汁。雞扒超硬，太咸。薯條似翻炸。以前間唔時都會叫下，算幾好食。但呢次真係太差……是否換了廚房？

呢度係一間比較輕鬆小店餐廳 半自助形式價錢唔貴,幾十蚊就食到一餐飯,水準亦唔錯香草煎大雞扒配沙律牛油果用香草醃無骨雞扒,厚身肉嫩,煎至9成熟,咬落仍然好嫩滑!配埋半隻牛油果,沙律菜,份量大碟抵食!手打牛肉漢堡配薯條沙律手打漢堡肉,鬆軟厚身多肉汁 配番茄芝士,麵包鬆軟 口感豐富!薯條係曲線特別好食!香脆惹味消費$1501/F, Kwun Tong Swatow Baptist Church, 11 Tsui Ping Road,

本身住喺附近一直冇試過，機緣巧合下就買咗雞扒蜜糖芝士吐司同排雞扒飯，雞扒蜜糖芝士吐司份量超多，雞扒好大舊而且肉又嫩同埋帶適中嘅黑椒味，炒蛋同出面All day breakfast ge質素冇分別，沙律都好爽口，蜜糖芝士吐司好濃味。而雞扒飯舊雞扒一樣大嚿，醬汁同腸仔都係水準之上，但係重點係啲蔬菜，爽口得來又juicy，而且冇味精，食落去唔會特別想飲水，仲有好舒服。會話係茶記價錢，cafe質素，超推薦去幫襯。

曾經睇過一編報導,呢間CAFE係會做派飯同優惠飯既,印像幾深刻,好少餐廳CAFE會做社福社會事呢度菜式幾豐富,晚市有扒類或意粉 午市有中式蒸飯或西餐快餐 仲有全日早餐咁自然就選咖啡加全日早餐 呢度早餐相對簡單 但平實得黎同樣好豐富 就係一份大炒滑蛋 一隻大牛角包加吞拿魚蓉 芝麻醬沙律菜炒滑蛋加添了牛油,炒出黎特別滑身 只有半熟狀態 入口特別滑溜又濃蛋味 呢隻份量應該有2隻雞蛋用料真係好重手夠良心 牛角先烘再抹上吞拿魚 口感脆餡軟綿,味道豐富~沙律菜夠新鮮大份加了芝麻醬特別香口平均消費$88評分8/10嗎哪餐廳觀塘翠屏道11號觀潮浸信會1樓

📍 嗎哪餐廳 💛觀塘翠屏道11號觀潮浸信會1樓呢間係一間教會餐廳 環境非常舒服 餐廳職員都好nice🙈 不過要留意翻呢到無得訂位 整係可以walk in 我去咗幾次都滿座 要等位😆🍔單層芝士手打牛肉漢堡 配薯條及沙律 $38(學生/長者優惠)個包好明顯食得出有烘過 面頭係脆嘅 然後漢堡扒好好食!! 肉汁鎖嗮係入面 一咬啲汁就漏出黎😍 但唯一不足嘅就係嘅芝士無乜融到😛配菜方面呢個粗度嘅薯條啱啱好 食落外脆內軟 面頭仲曬咗啲調味粉 沙律菜就正常發揮啦😂啲汁有啲少 不過如果想要多啲嘅話可以自己出去拎餐嗰個位攞醬(我懶得出去hehe)估唔到$38可以食到咁飽 仲要質素都算高 有驚喜😍 會再去! 下次會想試下佢個雞扒漢堡😙

第一次來到嗎哪餐廳，是朋友介紹及在網路上看到這餐廳的背景及理念吸引我來這間餐廳品嚐他們所出品的食物，今天吃了他們的出品後，發覺他們對自己的食物質數是有要求的，不是馬馬虎虎地只是為了將他們的食物純粹當作生意形式經營而已。食物的價格可以用「勝價比高」以個人認為是相當適合的，和其他同類型式的餐廳相比，質數是比某些只顧為賺錢做生意的餐廳在打響名堂後令食物質數下降的店是較為有一定的烹調水準的，相信他們仍會保持或提高食物水準。同時，希望大家有時間不妨抽空到嗎哪嚐嚐他們的食物及支持他們吧