Marco's Oyster Bar & Grill (Moved) New Location

今日同男友去佐敦聽報告，聽完報告順便係附近食埋lunch先返屋企。經過Marco’s Oyster Bar & Grill門口見入面都幾多人食就入左去。睇左set lunch menu ，選擇都好多，跟餐配餐湯餐包，另可加$12有埋飲品及甜品。另外重會有是日午餐精選，配餐湯、餐包、飲品及棋子餅。 我地分別order 左一個set lunch 及是日精選。出餐速度快，order 完話咁快就黎餐包同餐湯。蒜蓉包好香，充滿香濃的牛油香蒜味，麵包烤到有少少脆身。餐湯有蘑菇湯同雜菜湯選，蘑菇湯每啖都食到粒粒碎蘑菇，飲到口感順滑又重菇味。雜菜湯非常足料，酸甜味道足夠。 肉眼扒配薯條($138) - 超大塊肉汁豐富的肉眼扒，叫左七成熟，唔會過乾過韌，薯條係熱辣辣既粗薯條。紅酒燴牛肋條伴意粉($82) - 個汁唔似紅酒，不過牛肋條很淋，肉質鬆化軟滑，有如炆牛腩一樣。是日午餐包既奶黃棋子餅，甜味適中，餡中奶皇做得幼滑鹹香。我地最後都加左$12要多杯飲品及甜品，甜品我選左心太軟。佢地係用左特濃朱古力去整，唔會太甜，可以食到濃濃嘅流心朱古力，配埋紅豆雪糕一冷一熱，真係好正。

今日去了佐敦附近做嘢，午餐當然要喺附近以下個肚啦。好多時都經過 ，今日終於輪到我試下佢哋嘅午餐。入到去環境都幾舒服，好寧靜，服務人員好主動介紹最好味嘅午餐，亦都好有禮貌。羅宋湯，餐包係lunch set包埋的，湯好夠熱好多料，酸辣程度啱啱好， 點埋餐包一齊食，正。肉眼扒配薯菜：好大塊嘅牛扒，牛肉味好重，外面煎到夠香口，五成熟都整得剛剛恰當，同時間薯條外脆內嫩。法式焦糖燉蛋( lunch set)面頭焦唐燒倒好香濃，蛋夠滑，蛋味亦都非常之重。餐牌其實有好多款選擇，下一次可以試下其他嘢，因為價錢都非常合理。仲可以約埋三五知己一齊傾下計，食下嘢。

係佐敦附近約左個朋友食lunch~ 想搵間坐得舒服小小既餐廳, 見到呢間個set lunch好似都唔錯, 就試下佢啦~menu~ 佢好似日日都有一個special lunch setset lunch就跟個湯同餐包~ 佢呢個忌廉湯個味道好濃, 有香濃奶油味同時都有野菌既香味牛肝菌意大利飯~ 個飯其實唔係正宗意大利飯, 因為意大利飯會比較硬身小小, 佢呢個就營合左香港人既口味, 係比較軟身既飯。不過佢個汁都好香濃、面頭加左黑松露上去、連埋牛肝菌一齊食, 好豐富~朋友就叫左個巴馬火腿帶子意粉~我食左小小, 感覺個汁同忌廉湯個味有D似 @@佢Lunch set要加12蚊先有杯野飲, 同埋有個甜品, 無得是但要一樣!叫左個即磨咖啡, 咖啡都幾香, 個牛奶仲幫我地加熱左tim !cheese cake~ 佢甜品有3-4款比大家簡~ 呢件cake勝在唔係太甜, 都有D芝士味朱古力心太軟~ 個心太軟表面林左小小, 未太有鬆脆既效果~ 朱古力味都唔算太香, 不過就唔係好甜、而且個流心效果做得唔錯, 不過不失啦真係流心架! 不過佢格黎加左條頭盤沙律菜, 好似有小小奇怪= =食左咁多野, 埋單一個人一百蚊

下雨中的星期六悠悠閒閒給自己一個享受，有時下雨我都會欣賞，當然不是要去見客時候喇！Honey 一早去攞位，我還是第一次到來，推門第一個感覺好懷舊，似七八拾年代富貴人家或者老外愛去的地方，有趣有趣！價錢唔貴喎！相當大眾化👍餐飽熱暖暖夾著軟滑牛油配上一碗古有羅宋湯味道現在很少餐廳會有這味道，簡直完美😘紅酒燴牛肋條伴意粉 $82牛肋條炆足火喉肉質軟硬適中，口感味道俱佳，麵條有質感！超大塊牛扒喔😘肉眼扒配薯菜 $138 肉質稔香軟彈 ，牛扒七成熟咬感嫩滑柔軟，獨特醬汁更食出奇妙滋味。跟餐甜品是店裏自家制作的 「迷你奶黃月餅」都幾有香滑奶黃味！店長推介 「紐約芝士蛋糕」又真係好軟滑，甜度適中，吃過甜品喝過咖啡😋超滿足😍好舒服環境喔！呢個餐計落都幾抵食，留待下次再試。😬

最近胃口好大，特別想食西餐，友人話喱間除咗生蠔好正，其他西式菜色都不錯，帶我黎試。分別叫左個鵝肝set ，煙烤豬肋排同埋小食，法式焗田螺6 pc 螺肉味道唔係話好濃小小蒜香味好有口感，配合埋薯蓉。鵝肝set starter 有三文魚tar tar ，上菜時間都唔洗等好耐忌廉蘑菇湯，湯濃郁香滑，仲放左大量碎蘑菇鵝肝拼牛柳-Main鵝肝沒太多味道，要加埋個醬汁，但口感順滑。牛柳叫了五成熟，肉質鮮嫩，比較多汁。意粉份量都幾多，麵質雖少許硬，但味道不錯。豬肋排5pc，bbq sauce沒蓋過豬味，啲肉同骨容易分開。薯條炸得香脆，吃了還想再吃老板話就黎中秋，送我地一個流心奶黃月餅試試，係佢地自己整的，真係拍得住出邊嗰啲。最衰今次身體唔係太舒服冇食到蠔，下次要再黎食

難得同朋友聚會，有時都想食豪啲啲，不過月尾荷包所剩無幾，權衡之下，揀咗朋友推介嘅比較貼地少少嘅意大利餐廳—Marco’s Oyster Bar & Grill！入到門口，感到相當闊落，一大張檯，擺咗D意大利出產嘅紅酒、醬汁之類俾人選購。話之明Oyster，餐廳當然有生蠔出售，品種都相當多。不過湊巧我地兩個今日對蠔興致不大，故轉Order返熟嘢。我自己就揀左法國鵝肝牛柳大餐，主菜嗁選擇幾吸引，都幾豐富。前菜係三文魚撻撻，兩塊脆薄多士上分別放了蛋沙律、煙三文魚沙律。一白一橙對比色幾吸引。三文魚切成1cm粗條，鋪在酸咪咪的沙律上，搭配鹹香嘅煙三文魚，入口先係輕輕檸檬香，再嚟到魚肉嘅鮮，而且多士嘅脆，確實係好開胃。再嚟到龍蝦湯，顏色呈鮮橙色，入口黏糊，我略嫌淡咗少少，龍蝦味如果再出少少就好啦。湯入面有類似帶子粒粒的海鮮肉，亦都增加咗口感。法國鵝肝牛柳大餐入面有三個Main可以選擇，第一個就當然有牛柳，另外有豚肉扒和三文魚扒。我就揀左鵝肝配黑豚豬柳扒，大大塊豬扒拼半塊手掌嘅鵝肝，另外有啲香草意粉伴碟。豬扒肉質相當嫩，煎到香酥，肥瘦夾雜令口感更鬆軟，啖啖肉啖啖香，而且都相當Juicy，肉汁滿盈。鵝

假期人特別輕鬆，心廣體胖不少，不過人生得意須盡歡，難得休息，要好好吃餐飽，享受一下這份美好很不錯。位於聖地牙哥酒店地下的西餐廳的岀品：餐包微暖脆配牛油很簡單野菌忌廉湯加了好足料菇菌，口感豐富。雜菜湯盛得滿滿的，雜菜份量十足，還帶了辛酸，完成已有點飽呢。煙三文魚凱撒沙律68🥗擺得幾靚而且材料也不少，煙三文魚也不吝嗇，是均衡點的午餐。德國咸豬手跟薯菜92巨型肉嫩，皮脆有咸香，唯薯條炸得未夠金黃。中午來說，二人分享也吃不完，氣勢太強。餐飲熱奶茶水吧沖得好，茶味適中，港式風味😍加12的紐約芝士餅賣相可愛，芝士味濃，口感輕怡，餅底做得也ok加12的朱古力心太軟精緻小巧，流心不多，幸好不太甜，旦糕質地倒很鬆軟。加12的雪糕紅豆冰豆子大又軟，雪糕順滑，好喝。食後感：上菜好快手，人客好多，

我諗我都幾個月冇食西餐，有段時間覺得食西餐食到厭，唔係太想大魚大肉。不過靜置咗一排，舖鋸扒癮就出曬嚟。於是約咗朋友嚟呢間Marco’s Oyster Bar & Grill 意大利餐廳食飯。環境可謂相當闊落，眼見一間坐咗十檯客，都算旺場。為咗增添異域感覺，仲有一個睇落唔似香港人嘅駐唱歌手係度表演，唱得好聽，都算幾有feel。餐廳名都有得叫Marco的生蠔吧，當然有不同生蠔選擇。而且相當抵食，以單價售$18 - 38一隻蠔，買滿一打甚至會送一枝紅/白酒。可惜朋友不好蠔，也不嗜酒精，故此我只能暫時擱置食蠔嘅諗法。係云云選擇之下，我揀咗US Rib Eyes Steak（$308），medium。先上是日餐湯，野菌忌廉湯，濃稠又creamy，雖然知道呢種柔滑口感嚟自於高脂肪嘅忌廉，但濃烈嘅忌廉香味，配以每口啖啖蘑菇粒，實在讓人停唔到口。跟餐配嘅煙三文魚凱撒沙律，正正常常。另外餐飲應該跟杯咖啡或茶，但我食唔到蠔，都想飲到酒精，就叫咗cocktail sweet heart，但大家轉野飲記得要問waiter，有d野飲係按原價收費，好似我sweet heart就額外要$68😅，不過味道係Ok既，酸

神級生蠔配美酒 人生無憾了呢間生蠔專門店門面同環境都唔算好grand 絕對係行過都唔會特別留意到個種但我發現唔單止人不可貌相 連餐廳都唔可以靠裝修決定因為佢既生蠔真係超級高質 價錢仲超級佛心！買滿一打生蠔仲送支白酒生蠔之外都有其他選擇最後我地叫左一個set dinner 加12隻蠔（同場加送一支意大利白酒）1/ 煙三文魚沙津 （跟餐送）因為是一份dinner set 所以生菜份量唔算多但煙三魚十分惹味2/ Pacific Rock -USA(HKD18@) *8Schaller (HKD 38@)*2Coffin Bay - AUS (HKD28@)我地叫左三款生蠔湊夠一打可以free一支白酒3款生蠔都係勁鮮甜同肥美 難怪稱為生蠔專門店，實在實至名歸！其中schalle真係有手掌心咁大！個一啖膏真係不得了！白酒配生蠔真係Prefect Match3/ 不得了既意大利白酒 （12隻生蠔送）一開始覺得係送既都沒期望會話好正！但我地發覺完全錯哂！呢支意大利白酒超水準！好易入口，拍得著出面開既4-500一支既水準！4/ 羊扒set以前生蠔專門店得生蠔出名？又係錯哂羊扒十分嫩！ 連不愛羊扒的

星期日與好友到九龍公園游水後，隨意到附近走走，找點好吃的醫肚。 來到吳松街聖地牙哥酒店，看到有一間叫Marco's Oyster Bar & Grill的餐廳，門面挺大，感覺開揚，而且內裏食客很多。 再看看餐廳，set lunch選擇非常多，共有15款，價錢合理，由HK$58 - HK$138，當中已包括餐湯，多加HK$12就可以連飲品及甜品，最後決定試試。 餐湯有羅宋湯及忌廉磨菇湯兩款選擇，我點了後者，但的味道有別於一般餐廳，忌廉湯除了口感細滑，還多了一份油潤感，磨菇味道香濃，還可以吃到粒粒磨菇粒，讚。 我與朋友都點了肉眼扒配薯條，肉眼扒超級厚身及大塊，肥瘦適中，牛扒肉質鮮嫩，肉汁豐富，既有牛肉的香味，亦有濃濃的脂香味，吃時蘸上芥末醬味道會更惹味。 下層是沙律菜及粗薯條，沙律菜口感爽脆清新，粗薯條香脆有質感，整個配搭都非常好，吃後挺飽肚。 飲品點了檸檬茶來幫助消化。 甜品是紐約芝士餅及法式焦糖燉蛋，兩款甜品都做得非常有水準，特別是法式焦糖燉蛋，口超滑溜，又帶有香脆的焦糖甜香。

小妹近來喜愛到佐敦吳松街覓食附近食肆林立 貪夠方便今天與友人試試這間於聖地牙哥酒店旁的舊式蠔吧，我與友人7時到達餐廳內已有半滿 可想而知它的人氣有多強每枱客人都應是為蠔而來因為這裡有一個優惠是買一打蠔就送一枝紅酒/白酒超適合配蠔喝唔怪得大家都被吸引來我們當然不輸其他人也點一打蠔拼拼我們點了三款不同價格的蠔，分別是：1/美國 Pacific Rock $18隻 鮮味 海水味不大 大致與2/相差不大2/澳洲 Coffin Bay $28隻3/Schallar $38隻 海水味最濃，蠔身飽滿小妹推介多點美國的，其他可以點一兩隻試試也不錯我們點了白酒，味道也不錯邊吃邊喝，非常正另外小食亦相當吸引小妹最愛菇類即刻叫個芝士焗大啡菇$38雖然是$38，但絕不馬虎一送到，香氣四射熱度適中，芝士味不會過濃搶掉菇的鮮味必試我們點了一個dinner set$298分享跟餐的煙三文魚沙律煙三文魚 咸香陣陣配上沙律吃 開開胃主菜是紐西蘭羊扒配沙律薯條點了五成熟～羊架不得了 與之前吃過的又不相同這是屬於外脆內軟的完全沒有羶味烤的時間剛好 肥瘦適中味道剛好 不會過咸芝士蛋糕作結 它的質感介乎日式芝士蛋糕和美式芝士蛋

星期六同frd睇完戲梗係搵位醫肚啦，行行下見到間叫Marco’s 既野好似幾抵，就入左去坐低。Set dinner 有tartar三文魚多士同沙律。法包好脆，三文魚碗tartar 真係好開胃。龍蝦湯，一入口濃濃的龍蝦味，加上忌廉既幼滑口感，真係好正主菜係鵝肝配牛柳煎鵝肝，太大火會燶，太細火入面會唔熱。呢件煎出黎岩岩好，唔會太油，入口即溶。牛柳我揀左medium, 煎出黎都幾嫩，肉質有口感，材料唔錯。最後仲有creme burlee, 真係滿足既一餐。

今天約了朋友食午餐，佐敦勁多美食，在吳松街找到一間洒店樓下，但價錢合理的西餐廳。餐廳裝橫簡單，有些掛畫。我們很好彩可以坐在卡位，相對舒適。午餐配有餐湯及餐包，餐湯有兩款，白湯或紅湯，我們要了白湯—野菌忌廉湯，很濃郁，配牛油餐包剛剛好。點了個蜆炒意粉，充滿香草及香蒜味，而且四隻蜆超大隻，肉厚。肉眼扒配薯菜，薯條寬身香脆，肉眼扒份量很大，佔了二份之一，肉質相當腍。如果不夠喉，可以加$12配甜品及熱飲，甜品有4款選擇呢！

老朋友生日👭特別一早訂定間餐廳和她慶祝，聽說呢間餐廳專門食蠔又有各款西餐和牛排，一於生日和她一起浪漫d食排🍽食蠔d! 😋❤️ 餐廳都坐滿人，好彩一早打了位，有卡位坐可以俾我們舒舒服服咁計傾❤️午市套餐都有很多款，加$12有埋甜品和餐飲，套餐亦包餐湯和麵包，假日呢個價錢真係都好抵食！👍🏻餐包連牛油野菌忌廉湯，蘑菇味好濃，我好喜歡！呢個雜菜湯好足料！雜菜好足！酸味剛好，亦不錯！美國石蠔現特價$10一隻，好抵！我們叫了半打食！好新鮮！亦保留些海水味😋❤️主菜叫了德國咸豬手配薯菜，咸豬手外脆內軟好入味，都好大隻！我朋友叫了美國牛柳跟薯菜，牛柳好入味！呢個薯菜是大大條的薯條，好特別，估唔到都很好食亦好有口感！😋甜品是法式焦糖燉蛋，不是太甜，啱我們！❤️朱古力心太軟好有濃濃的朱古力甜，亦不太甜，外面仍很脆，內裏的朱古力仍是熱熱的！😋呢餐我們食得很飽，很開心很回味！👭❤️

Went there for dinner and oysters on a Friday night and it was one of my worst experience ever.1/ Oysters and white wine that came with it- Not really fresh but I found it acceptable due to the reasonable price. But the waiter came and intended to collect the plate when there were still a few oysters on it... Without observing if the plate was empty.. 2/ Salmon tartare that came with the dinner set- It was just salmon spread on top of a toast... Lol3/ Baked escargot in cream sauce- Regular dish.