Marco's Oyster Bar & Grill (Moved) New Location

The oysters were very good and the service was decent. Everything else that required cooking was disappointing; we ordered the truffle/mushroom pizza and the creme brulee. The dessert was so bad that it's almost offensive. I would still go there again for the oysters though.

難得今天公司不用 OT,  決定約女友去吃個西餐, 聽下歌, 輕鬆一下.   女友話想去位於佐敦的 地牙哥酒店餐廳  Marco's Oyster  Bar & Grill , 她做訂位, 我依時應約.   行到餐廳門外, 已見歌手在自彈自唱.   令我們  心情隨即開始  Relax餐廳有落地大玻璃窗, 可看見街景, 座位也很多, 侍應安排給我們的座位很寬落, 我們看看餐牌, 女友提議點兩款晚餐大家 share,  主菜選擇:  鵝肝拼牛柳 $268 , 及  安格斯肉眼扒配薯條  $308-  套餐有前菜, 湯, 主菜, 甜品 和 餐茶.     侍應很友善, 好細心問我們牛柳, 安格斯肉眼扒, 要幾成熟 ??點餐後不久, 便送來兩款前菜, 大家 share:  煙三文魚凱撒沙律~~女友和我至愛吃煙三文魚, 幸好有兩大片,  每人一片.  煙三文魚好肥美.  沙律菜好新鮮, 口感爽脆, 仲有特別的醬汁, 酸甜又開胃, 很好.另一個前菜:   三文魚撻撻~~    有我好喜歡吃的法式多士.  兩款不同.  一款伴有三文魚, 另一款伴有蛋沙律及魚籽醬.  新鮮沙律菜.  擺設吸引.多士

同朋友食飯, 約左一間之前幫襯過的西餐廳, 因為價錢不昂貴, 但食物味道不錯, 環境也適合與朋友談天說地. 約了朋友大約7:30係地鐡站等, 之後一齊行過去, 路程大約用了5分鐘便到. 幸好訂了枱, 因已經見到9成的枱已經坐滿了客人.跟朋友討論一會點什麼食物,  因為食物種類什多, 每樣也很吸引, 一向眼闊肚窄的我怕這次又浪費食物, 所以各自點了一個晚餐享用. 喜歡吃肉的我, 點了一個法國鵝肝牛柳大餐, 有頭盤, 餐湯, 主菜, 甜品, 及飲品.頭盤不是一般的普通沙津, 是三文魚撻撻. 焗香了的法包上加了由三文魚肉混合的撻撻醬, 再加一塊鮮紅的煙三文魚, 一口吃下, 口感豐富滿足.餐湯係法國龍蝦濃湯, 毫無疑問龍蝦湯食得係用龍蝦煮成, 加上番茄等蔬菜, 未食主菜已很滿足了.到上主菜鵝肝拼牛柳, 鵝肝香味已撲向我, 煎得金黃色的, 急不及待把鵝肝吃下, 實在想叫多一件. 而牛柳我點了6成, 生熟程度恰當, 富牛味. 這次牛柳點選了意粉, 意粉也不是隨便煮熟便上碟, 而是加上了香蒜及牛油炒煮過的.甜品是竟然是女士最愛的雪糕心太軟, 雪糕點選了曲奇味, 而心太軟做得很出色, 朱古力味很香濃.

平時聽呢間食蠔就多，聽朋友講開佢個西餐都好抵食，所以就去拜訪下。一入到間餐廳，個格局比較似舊式既西餐廳，傾向平民化。當然食物既定價都唔算話好貴，如果叫set直頭超抵。今次我個main dish 叫左鵝肝拼牛柳（$268）雖然我叫到七成熟，但係個牛柳真係唔乾唔靭。外面皮煎到脆哂，入面林得泥亦可以咬到。唯一小扣分就係個肉質比較散，唔夠實。不過呢個價錢我接受到的😂至於意粉都係比較彈牙，橄欖油既味道好重，配甘heavy既肉一齊食就唔會覺得膩啦🤭Starter 係只有三文魚撻撻選擇。不過我唔知原來另一塊係蛋沙律🤔🤔最後我點左店員推薦既朱古力心太軟❤️呢個心太軟真係做得好好！外皮好夠硬，一切開見到朱古力好似溶岩甘樣流真係好興奮😂😂😂😂

佐敦酒店旁邊一間食蠔的專門店 有一間抵食的午餐 款式超多價錢便宜點餐後送上熱辣辣餐包跟餐湯餐湯我們點了一紅(雜菜湯)一白(野菌忌廉湯) 餐湯配料超多 在外面西餐廳少見到紅酒燴牛脷飯$65 味道賣相都普通 不是太突出 但以這個價錢來說也是抵吃的德國咸豬手配薯菜$92 勁誇張!!超大隻!!鹹豬手 上枱時有少少嚇一嚇 完全超乎我們的想像 以這個價錢根本是超抵吃 肉質不會太鹹太老 外皮脆脆的 配上醬汁一起吃味道很好 根本兩個人吃完全沒有問題加$10可以配一杯餐飲跟甜品 甜品是4選1 我們選了法式焦糖燉蛋及紐約芝士餅 是舊式芝士餅那一款芝士味道濃郁 值得推介

未嚟之前已經好期望佢地嘅生蠔，不過又唔敢食太多，食左四隻咋，無論係唔喺menu嘅紐西蘭石蠔，定係法國嘅Gillardeau都係咁正，又滑又濃又爽口。另外點左個蜆意粉，蜆都好好味，又大隻又鮮甜，一粒沙都無，蜆嘅分量又多又夠大碟，如果意粉個味濃啲就更加正！間餐廳好大，卡位全部都靠住牆個邊，全部卡位都坐滿晒人。餐廳唔會催住你食要趕住做下一輪，服務周到招呼殷勤，我可以慢慢食同朋友慢慢傾，坐得好舒服好享受！

朋友下星期要去英國上 short course, 今晚約了她先聚一聚.   地點選了位於佐敦的 Marco's Oyster Bar & Grill.  聖地牙哥酒店的餐廳,  這餐廳曾是我和她常聚餐之地,  偶爾會吃生蠔, 也會吃我們最愛的傳統西式套餐,  因為價錢合理又坐得舒適.餐廳 所用醬料, 意粉食材都是有質數的, 餐廳地方大, 座位很整齊, 還有菲籍歌手自彈自獻唱英文歌, 氣氛不俗, 令人倍感輕鬆.   我們最愛坐的是那高背卡座.   有點私隱度侍應安排了座位, 便送來Menu, 有適合大胃王的兩款:   7 bones Rack of Lamb $588 & 48 Oz. Prime Rib $888.  套餐 Set Dinner 也有多個選擇, 由 $268 ~ $488.   包前菜, 湯, 主菜, 甜品 和 餐茶, 那個 $488/位 套餐,  更包新鮮生蠔 10 隻.   (朋友出國在即, 暫不想吃生蠔)我愛吃 鵝肝及牛柳, 所以選了 $268 套餐,  甜品須加$ 15-  OK for me !朋友點了 $308 套餐,   主菜是 美國安格斯肉眼扒 配薯條.

今日去佐敦食飯，好好彩迫到架車，咁就去附近嘅呢間餐廳試下。入到去有個人唱歌，我被安排左坐卡位，見到台台都食蠔，我都忍唔住試下。平時食得太多蠔又或者蠔唔新鮮，我都會好快痾，我好醒咁叫左4隻試下！先叫左2隻法國Gillardeau 再問下有無邊隻蠔唔會咁鹹，店員介紹左紐西蘭石蠔，呢隻蠔唔係menu上，好啦，你介紹我都試下～紐西蘭石蠔堅第一次試，估唔到呢間野嘅蠔都幾新鮮，個店員仲介紹得唔錯添。因為隻蠔真係唔太鹹，又爽又鮮，之後食隻gillardeau即時無咁好味，雖然都好正又creamy。真係餐廳不可貌相😂，原來食蠔唔一定要去酒店食先可信～間餐廳食蠔買一打送一支酒，我見到有2張台真係只食一打蠔同飲支酒就算，誇張。我另外仲叫左澳洲肉眼扒同蜆肉意粉，2個都唔錯。最後我好想讚佢地嘅staff，個個都勁有禮貌，好有誠意～ 今餐飯食得好愉快

星期六Lunch time係佐敦附近行完街，見聖地牙哥酒店地下有間西餐，天氣熱到不得了，又肚餓，見門口個Menu幾啱食就走左入去！Set Lunch都好多選擇，揀選左黑椒牛柳跟薯菜$98 同埋夏威夷薄餅$72!呢間餐廳好特別，除咗set lunch仲有生蠔自選，價錢相宜，生蠔產地種類很多!環境都好闊落，裝修都好別緻，掛牆畫很有味道，令整個環境都很古典！跟餐餸的羅宋湯同埋蘑菇湯好鮮甜，用料足，好好味！黑椒牛柳跟薯菜，牛柳很鮮嫩，牛味濃，而薯條炸到外脆內軟!值得一試！夏威夷薄餅，皮薄餡靚！剛剛焗出來，啲芝士軟綿綿，餅底脆，一起吃真的好好味！在場見到好多有小朋友嘅家庭都有點呢個pizza！加＄3仲有一杯凍檸水，天氣咁熱，可以消消暑，補充多啲水分！整體來講，食物，環境，服務，都令我好滿意！

之前都食過呢間餐廳好幾次了，不過呢間分店就真係第一次來。呢間鋪唔難搵，佐敦c2出口一出後，經過搵聖地亞哥酒店門口再行前少少就到。去得呢間餐廳，一定必叫生蠔🤤我地今次叫左紐西蘭同南非生蠔（各$28）。生蠔真係好治療🤤🤤🤤先食左呢隻紐西蘭生蠔先，呢個蠔既形狀比較扁長。入口海水味比較重，但回甘味唔夠重，飲一啖水好快就沖淡海水味。之後就接住食南非蠔。同紐西蘭生蠔比較下，佢既形狀明顯比較圓潤😌而且口感都較creamy🤤🤤但唔代表佢冇海水味，佢既回甘味好長。如果下次再食，我要一打南非生蠔呀唔該😂😂完全集哂口感同埋味道一身～我自己叫左個黑松露磨菇意大利飯。上面鋪左芝士碎，個醬汁比較結身，但係飯粒咬落未夠硬身。而且磨菇如果用番牛肝菌會比較入味d。因為我都係甜品控。最後都叫左個tiramisu 😂😂甜品🍮係推介的，比某d酒店好食好多😂😂😂

佐敦一向都出名多嘢食，今次我哋就搵左呢一間成日都聽到佢個名嘅餐廳食lunch。雖然呢間餐廳出名食蠔，但係我哋遲咗起身，早餐都未食，唔想咁快食生冷野所以留返下次先試。我哋每人要左一份午市套餐，餐湯可以揀野菌忌廉湯或者雜菜湯。我同女朋友都要左前者。本身以為係白色嗰種忌廉湯，點知竟然係用菇新鮮打出嚟呈啡色嘅湯，飲落去仍然有一粒粒姑嘅口感，而且菇味十分香濃，亦好creamy，飲晒成碗都幾飽肚。餐包都好有誠意，侍應話係新鮮焗製嘅麵包，熱辣辣好軟熟，而且有濃濃香草味，加埋牛油食好正。主菜方面，自己要左一份黑椒牛柳跟薯菜。七成熟嘅牛柳外面煎到好香，入面就好嫩滑。本身牛柳嘅簡單調味已經好足夠，個人應為唔需要加汁都好食。黑椒汁反而可以伴厚切粗條薯條食。女朋友就要左佢最愛嘅香草蒜片蜆肉意粉。份量都幾大碟，蜆肉新鮮，海水味偏重，所以師傅都將意粉調味得比較淡，反而白酒味好香好出，夾埋一齊食就啱啱好。跟餐加$10就可以有一個甜品加一杯熱飲，要凍飲就再加多$3，相當抵食。我哋要左一杯凍檸茶同凍朱古力。甜品方面，我哋要咗一份焦糖燉蛋同一件紐約芝士蛋糕。焦糖燉蛋係凍嘅，蛋味濃而且好滑，面頭嘅焦糖好脆，甜度適中，好食。

星期二有朋自遠方來，上網見到呢間，就買左 coupon 夜晚去食，點知坐低先知原來要預訂，自己 overlook 左，唯有散叫啦，張 coupon 留下次用。叫左個煙三文魚 Cesar salad，好大盆菜，但三文魚得幾塊。卡邦尼意粉，個汁太 solid，入口個汁完全一 pat pat，味道唔夠濃。主角登場，肉眼扒，五成熟，上檯幾靚，但一切落去知瀨左野，完全切唔開，入口韌到呢，完全唔想食。呢餐盛惠 $477，唔貴，但唔值。今日去用埋張 coupon，salad，湯，蠔都可以，到主菜我死唔信邪俾多次機會佢，都係 order 肉眼扒，點知我咀叼家姐跟我一樣，結果，當然係媽媽聲啦，我要5成，上檯3成，一邊食一邊滲出血水，又係切唔開的。真係大家樂好過佢，決定永遠唔再去食。

係尖沙咀番工其中一個好處係，食lunch大把選擇。今日我行約5分鐘去佐敦搵好野食，發現到呢間係「吳松街」既「Marco’s Oyster Bar & Grill」既意大利餐廳，就入內開餐了。好大間餐廳，好大個招牌，座位闊落，食客們均坐得舒適。裝修簡約優雅，富歐陸氣息，梳化卡位多。好抵食呀，$58起的午餐，加$10有埋餐飲甜品。先來餐湯「忌簾什菌湯」，每口都是磨碎了的什菌，絕對可媲美貴價餐廳fine dining個d餐湯，嗒嗒真材實料，絕無粉味。餐包新鮮熱辣，軟熟香甜，應該是穀物包。我點了「香煎龍脷魚跟薯菜」，令人充滿驚喜！薯條粗大，薯肉飽滿；旁邊的是極新鮮的生菜羅馬菜意大利菜組成的沙律；龍脷魚大塊而肉嫩，醬汁香濃帶微酸，類似蛋黃醬。超大碟的「心太軟」，質素絕不遜於甜品店。閃亮亮的朱古力醬傾巢而出，十分滿足。六十幾蚊有餐包、餐湯、主菜、甜品同餐飲，實在係超抵食，仲要大份又好味，除了「性價比極高」形容詞外，已諗唔到更貼切既詞語形容呢個午餐。相信呢間餐廳會成了我的飯堂。

今天約了友人去了佐敦的一間扒房食午餐。這間扒房位於馬可孛羅酒店地下，那裏地方算闊落，有很多座位，光猛開揚。餐廳主打食蠔，這裏的蠔唔貴，而且有特價, 其他推介也很抵食。今天我們選擇了食set lunch，價錢亦經濟實惠。磨菇忌廉湯，菇味香濃而且有很多菇蓉，口感豐富，忌廉幼滑。雜菜湯有材料豐富，有很多蔬菜，茄味甚濃。牛肝菌意大利飯，濃郁的牛肝菌味徐徐樸鼻，稠度適中及吾會太漏，份量超多,飯質如可硬些就更佳。黑椒牛柳跟薯菜，牛柳諗軟香滑，有牛味，薯條夠粗又香脆，伴以沙律菜中和油膩感。紐約芝士蛋糕和焦糖燉蛋，吾會太甜，令飯後更添滿足！

今日同同事經過，見到呢間餐廳入面都幾多人，就入去試。lunch期間入邊都有八成滿。lunch set 選擇大約有10款。我點了個葡國雞扒焗飯。跟餐有餐包同餐湯。餐湯點了羅宋湯，餐包是香草包。另外可加配＄10有甜品及飲品。咖喱雞球飯係新鮮整熱辣辣，整體來說不過不失。