MARKA HOUSE

Open Now

Now Closed

荃灣西開咗幾個新商場之後都多咗去呢邊食嘢 今日就去咗食西餐8:00去到滿座 等咗大概15分鐘就有位 入到去店員就好友善咁同我哋簡單介紹餐牌落完單就上咗個餐湯同沙律 雜菌湯非常濃郁 好多蘑菇蓉 好鍾意佢個湯咁有咬口 而且佢唔會好重忌廉味 唔會令你覺得好漏 沙律上面個火腿片切左朵玫瑰花好靚 沙律菜都新鮮 配左黑醋汁 酸酸地好開胃 如果有橄欖油就更加好 意大利黑松露雜菌意大利飯 本身叫呢個主菜嘅時候冇諗過原來個湯都係雜菌 好似有少少重複咗添 不過呢個意大利飯又有另一個感覺 佢本身好香芝士味 食落鹹鹹香香 除咗本身個汁有黑松露 中間都仲有一d黑松露醬 好足料 個意大利飯軟硬適中 西班牙黑毛豬鞍 勁大碟 店員推介我哋食七成熟 果然煎得外脆內軟 切開裏面仲有少少粉紅色 咬落有肉汁唔會太乾 表層好香黑胡椒味煎得香脆 食飽飽買單店長仲過嚟問我地覺得啲食物點 服務態度一流

新開商場冇耐，呢間餐廳成日晚餐時間都滿曬，因為疫情期間，大家座位都有一定嘅隔離，比較舒服😌而且價錢都比較貼地自家製蟹餅，共有6粒，左上是沙律醬🥗配上少少蟹子，蟹餅一上枱已經蟹味十足咬落絕對真才實料，蟹肉佈滿了整粒蟹餅🤩蟹鮮味十分凸岀，同朋友食可以share一試👍🏻羅勒蒜片西班牙🇪🇸辣肉腸意粉🍝配上少少紅椒，味精偏重口味少少，辣肉腸份量大約有7塊薄切，意粉份量唔算太多，岩岩好夠露絲馬莉烤原隻燒春雞🤤🤤$178，燒春雞肉質比較嫩，即叫即燒，要等一陣，雞可以配左邊特別的醬汁，但本身都夠曬入味薯條🍟炸至金黃色，十分脆口和惹味，有蕃茄醬雞脾位置，十分juicy🤤而且雞皮比較薄雞胸位置

如心廣場開左間cafe style的西餐廳，都幾舒服☺️☺️如果下午可以坐係度chill下都幾正！☕️Weekdays的dinner time 都幾full hose👨‍👨‍👧‍👧👨‍👨‍👦‍👦👩‍👩‍👦‍👦👩‍👩‍👧‍👧我都等左陣先可以入得。前菜 自家手製蟹餅🦀(推薦指數：😋😋😋😋)一上菜果陣已經聞到好香的炸的蟹香味，入面全部都係蟹肉，好rich🦀🦀🦀🦀🦀唔會溝左好多的粉或者薯蓉🥔去充撐場面！👍🏼👍🏼👍🏼👍🏼👍🏼蒜片羅勒西班牙辣肉腸扁意粉🧄🇪🇸🌶🍝 (推薦指數：😋😋😋😋)個扁意粉煮得好有嚼頭 Al dente🦷👍🏼，個蒜一d都無手軟，廚師落左好多，所以好重香蒜味，鍾意蒜香意粉的朋友應該會幾鍾意。平時我食得可能清淡d，對我來講略為重口味咗少少🤏，不過整個配搭係好合適的。露絲瑪利烤法國原隻春雞🐔🔥🇫🇷 (推薦指數：😋😋😋😋😋)隻雞烤得好嫩同好入味，薯條🍟炸得都好香脆👍🏼

這天來了如心廣場行吓，以前在荃灣返工但也很少來這邊商場，估唔到都有幾多吸引嘅食店我哋選擇了一間西餐廳晚餐，在二期的，Marka House餐廳的佈置也很新穎，特別喜歡她在天花板圓圈的吊燈，以及坐得很舒服的沙發位晚餐選擇很吸引先來是日餐湯及沙律。餐湯是南瓜湯，裏面有魚肉，第一次飲這個配搭的湯，味道香濃，幾好味。沙律好清新開胃主菜叫咗鱈魚扁意粉意粉有咬口，鱈魚煎得剛剛好，上面鋪有魚子，配合埋醬汁好惹味。另一道菜係燒春雞配薯條。春雞肉質鮮嫩，唔算太油膩。薯條新鮮炸好，足料茄汁令人回味無窮如果想醬汁略為淡少少，亦可揀磨菇汁，味道都幾好晚餐份量都幾多，我哋食得好滿足如果幾個朋友一齊約食飯傾偈，呢度都係個好地方

這天我們來了荃灣如心廣場，夜晚在Marka House晚餐。餐廳感覺明亮，有落地大玻璃窗，於現在夏天的六時多仍有微微的陽光，外邊有清翠的樹木，以及遼闊的風景，感覺舒暢。餐牌的選擇也很吸引先來的是餐湯及沙律。餐湯是美味的南瓜湯，南瓜湯味道濃郁，內有鱈魚粒，令到湯本身都有魚嘅海鮮味沙律菜清新可口，酸酸甜甜的沙律油令人更加開胃。第一份主食我們點了意大利麵我覺得賣相很美鱈魚啖啖肉, 煎得幾香，加埋鹹鹹地脆卜卜嘅魚子，口感唔錯意大利麵上的蕃茄及芝士味香濃，也有淡淡的香草味。意粉軟硬適中，煮得恰到好處到底意粉主菜啦！佢份量十足，上枱嘅時候仲好香噴噴，非常吸引薯條外脆內軟燒春雞外皮好薄好香，整體味道唔錯雞肉加上蘑菇汁食好好味下次嚟再試吓其他菜式先

雖然要排隊，又要人齊先入得好彩附近有間冒險樂園俾小朋友打發時間等候時間都唔難過人齊入座，需要自己用電話落單想快啲有得食就快啲落單啦十分鐘左右就上湯同沙律南瓜湯夠creamy，仲有啲蝦肉𡁻下沙律好醋😅主菜漢堡好正包夠脆肉夠汁芝士夠溶醬夠多蕃茄洋蔥碎夠fresh薯條夠熱，有皮夠脆我嫌茄汁唔夠多我拎咗三兜燴雞意大利飯夠汁好好味😋但我略嫌咸咗少少飯硬咗少少最後餐飲菠蘿凍紅茶好特別夠fresh解渴唔洗加錢飲咖啡推介

朋友初做業主當然要上佢屋企踩一踩場,參觀完朋友到當然要佢帶我去荃灣食下好西,今次佢帶左我去一間叫marker house既西餐廳試下.餐牌既選擇雖然唔算話好多但勝左足夠,有齊扒類,意粉飯同pizza.今次我就試左羅勒蒜片西班牙辣肉腸pasta,再加一份是日餐湯同沙律.先上既係是日餐湯同沙律,上枱既盤分開2格同時放上餐湯同沙律十分放便簡約.沙律用上醋汁做dressing酸酸地好開胃,而且沙律菜想幾新鮮入口帶有水份唔會乾同帶苦澀味.是日餐湯係忌廉南瓜湯,入口夠滑無渣,內裏帶點魚肉夠香又唔會腥.羅勒蒜片西班牙辣肉腸pasta味道好有水準,扁意粉煮得夠熟得黎又唔會淋,微硬身咬落更爽彈.羅勒蒜皮味好香,意粉吸晒蒜香味同辣肉腸既油香煙燻味,入口帶微辣而且辣肉腸既油香令意粉更滑.

最近成日黎到荃灣行下街貪佢夠多商場之餘商場之間又可以互通夠晒方便而且最新既如心廣場仲開左唔同餐廳，行到攰見到呢間全落地玻璃既西餐以簡約風為主好似幾吸引就入左去試試。每份主菜加$38就有份沙律同餐湯set，是日餐湯係鱈魚南瓜湯，入口好香滑而且南瓜味夠晒甜，再混香鱈魚既魚甜味更香。沙律菜好新鮮清爽。西餐鋸扒係我每次必做既事，今次亦都唔例外點左美國prime頂級牛肉眼試試。rib-eye份量都幾大，大過我手掌！肉眼入口夠軟腍唔會有筋，基本上成份肉眼既肉質都夠嫩。咬落牛脂味香濃中間帶點脂肪香而不膩。配菜既薯條都唔馬虎，炸得好香脆，放左一陣都保持脆身。

最近次次行過呢度，都見到呢間餐廳好多人排隊。今日早左少少收工，見未係好多人，入去食個晚飯先🥰。門口個裝修好靚，好有格調。時間早，唔使等位就入得🤗。餐牌望落都多款式，睇相望落去幾吸引咁。叫左一個食一個扒，再加兩份餐湯同沙律。先黎餐湯沙律，個碗好靚🥰啲餐具靚睇落都開心好多😂😂。南瓜鱈魚湯，見到咁黃橙色已經知道好重南瓜味，加上鱈魚既海鮮味，非常配合又好飲。煙火雞沙律，火雞片唔咸，剛剛好。沙律就應該係用酸酸地既䄂子醋汁，食落幾開胃。大大粒魚肉👍🏻👍🏻紅酒牛肉意大利飯，同平時食開既白汁好唔同。肉汁好濃咁滲入去飯入面，加上啲牛肉好淋身，感覺幾新鮮又好味。羊T骨，我叫咗5成熟，切出嚟剛剛好，好靚❤️❤️。又無想像咁重羊味，入口又唔會好難咬。食落幾好食。食到一半，已經發現全場滿座，好彩早嚟。下次再嚟飲下個酒吧啲Menu有冇驚喜先😆。

荃灣西有一系列既新商場今日就試下新西餐廳以玻璃屋既裝修就主調望入去好開揚呢度係用QRcode點餐嘅方便衛生唔怕落錯單當然可以係門口睇下啱啱啱食先西餐當然要配湯同前菜煙火雞沙律 南瓜鱈魚湯先講沙律🥗個沙律係用柚子醋 而且好夠 好清新煙火雞夠凍南瓜鱈魚湯入面有幾嚿鱈魚肉粒唔係碎魚肉南瓜好甜 個湯好滑但又好綿紅酒牛肉意大利飯牛肉炆得好淋飯有咬口紅酒汁個味啱啱好 每粒飯都好掛汁 仲有少少芝士拉絲最後叫左炭烤羊T骨 5成熟燒得啱啱好 肉仲好pink羊肉咬落淋既 唔會騷得話份就算唔點汁都好好味食得出有炭烤味 配菜薯條唔會過咸 係呢個咁有情調嘅餐廳食飯 實係賞心樂事PS 早黎早享受 呢度都成日full

好少去荃灣個邊，行開個商場，見到依間莊修好似幾靚的西餐廳就入左去啦。入到去發現menu選擇唔算多，一板就睇哂，不過見佢d野食都正路，係普通西餐廳都有的食物。叫左兩個set，包左粟米湯同沙律，飲得出個湯同出面有唔同，問左店員原來係手打粟米，難怪食到顆粒感。個沙律配左兩塊腸，配埋d菜加埋醋，酸酸地叫做開胃啦。之後主菜係黑松露意大利飯同澳洲嫩羊t骨，上碟有4舊，份量以$198黎講都ok接受到，配埋薯條，d薯條份量多，會夠飽。黑松露意大利飯幾香黑松露味，配埋d菌，入口口感豐富。

如心廣場翻新後多咗好多新餐廳，我就俾用落地玻璃裝修嘅Marka House吸咗入去😂。店員每張枱都會派一張QR code，一scan完就可以睇menu落單，圖文並茂都幾方便。紅酒牛頰肉意大利飯🐮🍷意大利飯軟硬度適中，有口感得嚟唔會太硬身。紅酒汁除咗夠香，濃稠度都調校得啱啱好，可以包住每一粒意大利飯。值得一讚係牛頰肉嘅牛味都幾重，而且煮得夠腍身，唔會有筋痴牙。配埋乾芝士嘅奶香，成個飯香而不膩。可惜佢貴精不貴多，如果男仔食可能未必夠飽。我為食地加咗杯雙重朱古力做飲品。初頭都擔心會好滯，但好彩佢唔太甜，反而個朱古力味好濃好香，聞到心情都變靚咗，好似嘆多咗個甜品咁，為呢一餐畫咗個靚靚句號。

同朋友到荃灣行街,之後就食晚餐直落,見到呢間MARKA HOUSE,就入去試下,係門口量完體溫,再潔埋手,方可入座首先到既係粟米湯+沙津,湯係餐廳自家製,經過手打,所以好有口感,喜歡粟米蓉既朋友不能錯過而沙律就係由咸既火腿加上落左醋所以酸酸地既沙津菜組成,不錯口感豐富的餐廳自家製粟米湯主菜係黑松露野菌意大利飯,超多汁,鍾意食汁既朋友一定要試,同出面既餐廳唔同,呢度既Risotto爆多汁,好有特色另一主菜係特選澳洲烤嫩羊T骨,配上粗直薯條,係咪睇見都想食呢?澳洲烤嫩羊T骨羊味不會太重,唔鍾意食羊既朋友都可以試下薯條夠回大條,飽肚!5成熟既羊肉,勁呀!最後同朋友每人食左215.6,唔錯既午餐

疫情期間，大家都減少外出💪🏻 今日好難得可以約個朋友出嚟聚舊，我哋近近地揀咗荃灣一間新開嘅西餐廳見面🥰呢度用咗落地玻璃設計，景觀開揚，相信夜晚會更加浪漫💕 本身lunch set都唔算好貴，我哋加錢要埋餐湯同沙律！佢夠碗幾特別，可以同時放兩種食物😹 蘑菇湯好濃郁，推介！我被餐牌上的burger吸引左，決定一試🤪澳洲安格斯牛肉車打芝士漢堡 配香脆薯條🤩實物同相片係一樣嘅🥰🥰 我鍾意個burger有超多蕃茄蓉、仲有超邪惡芝士，見到都流晒口水🤪 麵包有輕微烤過，表面香脆🤞🏻burger嘅主角當然係中間塊牛肉😎 厚切澳洲安格斯牛肉好juicy，充滿肉汁！薯條🍟炸得好香脆，同burger真係絕配！每個餐仲會送一杯飲品，我試咗一杯菠蘿凍紅茶，唔算好甜仲有粒菠蘿😆overall呢度嘅食物都幾有水準，有機會下次晚餐再嚟食：）

如果行完Donki 唔想係個個food court食 我推介大家試下係附近既呢間餐廳💁🏽‍♀️呢間高質又抵食嘅餐廳就係如心廣場一樓裝修行極簡風路線 睇落空間好大 座位都好闊落 岩哂約埋一班姊妹血拼完chill住食飯休息下!我地今次一行兩個女仔 叫左兩個主食🙂⭐️ 野菌忌廉湯; 火腿香醋沙律以為前菜係普通質素既沙律同湯 點知幾有驚喜😆忌廉蘑菇湯味道好濃郁 食到啖啖新鮮蘑菇粒粒 好有口感!最surprise係沙律🥗 我好怕食太酸既野 而且最怕係食到低質既黑醋(食落會覺得似鏹水😛)呢個沙律絕對無咁既感覺 食落酸得岩岩好 好開胃!⭐️煙肉芝士蛋香意大利麵兩個字：「濃厚！」食得出落左巨量芝士同奶!如果係芝士狂應該very into this dishes! 🧀🧀🧀煙肉份量都落得好夠 唔會食到半路冇晒餸~~⭐️特選澳洲香烤嫩羊T骨最滿意係呢個T骨 真係烤得好嫩 食落冇羊羶味~~ 雖然個T位有d難切，但烤得唔會過熟 仲好juicy!又有跟住粗薯上 食落真係好飽 好滿足! 😀