麵屋丸京

Open Now

Now Closed

真。叉燒拉麵（濃湯）/豚骨拉麵（黑蒜油湯）超鐘意佢地既真。叉燒！！！用比較特別既慢煮方式去烹調，同一般既日式叉燒好唔同，肉質特別嫩，味道咸香，連我呢個平時唔鐘意食豬肉，更加我呢個唔鐘意食日式叉燒既人都比佢吸引到～另外佢既糖心蛋亦都十分出色～可以見到蛋黃好靚，熟既程度亦都剛剛好，浸得夠入味，超好食！後悔無加多一隻蛋呀！！我另外仲加左一份筍，只係加10蚊，份量超多，而且亦都好好食。湯底好濃厚，每啖都飲到濃香既豚骨味道，店員亦建議食到一半可以添加蒜蓉一齊食，會更加惹味！麵身質地唔錯，軟硬粗幼適中。另外，麵既份量都幾多下，如果細食既朋友可以同店員講少麵或者一半麵呀！

今日同朋友去深水埗買嘢，順便去麵屋丸京食拉麵。環境都幾好，有吧檯同二人座位，都算寬敞，不會逼仄。呢間麵啲分量好多，還好彈牙，口感一流。真叉燒啲肉係肥瘦適中，用慢火煮嘢，還切得薄薄一片，味道好似火腿，好特別。普通叉燒就係普通肉味，但肉嘅口感是好，新鮮肉嫩。總有我最中意啲流心蛋，蛋黃黃燦燦好正。湯底我哋叫左清湯同濃湯。清湯湯底清清甜甜，濃湯比較油膩。假如喜歡重口味，桌檯有蒜蓉，辣椒醬供選擇調味。餃子係自家製，現包現煎，好新鮮，味道都好。

—Openrice完附近有咩食記得好耐之前喺葵芳去過都唔錯 於是回味一下真•叉燒拉麵($108)店員話食到一半嗰陣 清湯湯底嘅可以加枱面中間辣醬?!嘅調味而濃湯湯底就可以加蒜蓉真叉燒粉嫩軟腍 鋪滿整個拉麵碗薄薄一片食完好滿足 完全冇膩感深橙黃溏心蛋 處於黏稠膏形態見門面貼住係用新紀元曉同行要咗豚骨拉麵($78)試咗啖濃湯有黏口嘅感覺普通版叉燒較真叉燒厚少少餃子($35)微脆煙韌外皮 飽滿嘅餡料仲好似蒸餃般保持濕潤度———————————————————麵屋丸京深水埗荔枝角道319號地舖

成日都見有人post呢間餐廳 拉麵面舖滿一塊塊大叉燒個樣好似好吸引咁 今日我哋終於泥左試😛 店內有普通座位同吧枱任君選擇入座後店員先為我哋介紹湯底 有4款分別係濃湯 清湯 蝦湯同黑蒜油湯😎 除咗清湯之外其餘三款都會比較濃味 我哋最後揀咗一碗蝦湯丸京拉麵同一碗黑蒜油湯真 叉燒拉麵🍜先講蝦湯 湯底十分有驚喜😱 蝦味唔係單單只係湯上灑滿一大堆櫻花蝦 湯底既蝦味真係好濃郁🦐 丸京拉麵分別有3片普通叉燒同3片真叉燒 真叉燒係指經過慢煮 入口果然比普通叉燒更加嫩滑👍🏻 拉麵粗幼度中等 唔算粗唔算幼 夠彈牙掛湯👅另一碗黑蒜油湯真 叉燒拉麵 全碗在面上鋪滿6塊真叉燒 超吸睛🤩 拉麵一拎起 香濃既黑蒜油味隨即撲鼻 湯底濃而不鹹😋另外我哋仲試左佢哋自家製餃子🥟 煎到金黃色 皮好薄 餡料肉幾香 好多汁 都好值得一試🌟

睇完中醫同男友出左深水埗買電腦野，行行下已經天黑好肚餓，男友話想食拉麵就搵左呢間試下～我叫左清湯豚骨拉麵，男友叫左蝦湯丸京拉麵，另外加咗份小食七味炸雞😁豚骨拉麵有三塊叉燒，蛋同荀，清湯湯底清得黎幾鮮味，我食左一半再加呢度自家製既辣醬同生蒜，別有一番風味😊雞蛋流心蛋黃偏紅色好靚仔，蛋黃食落好香👍麵底份量都唔少，麵質軟硬適中夠彈牙😋叉燒偏薄身但好滑，個人認為唔比慢煮既真叉燒輸蝕😯😯蝦湯丸京拉麵湯底非常濃郁鮮甜！食每啖麵都掛有滿滿既蝦湯，超級香！🤤 男友最後仲飲晒啲湯😂慢煮叉燒食落多咗陣煙燻香味之餘仲比較濃味偏鹹，有啲啲似厚兼淋身既parma ham，同樣都好滑👍👍七味炸雞好夠味，微微既辣令人特別開胃👍我個人略嫌外層炸得油膩左丁丁，但裡面雞肉係超過程嫰滑juicy👍😊第一次試慢煮既叉燒拉麵同咁真材實料濃郁既蝦湯拉麵😁 好有驚喜！！😎p.s. 另外真係好想讚下呢度既環境！係深水埗呢個舊區想搵個衛生啲既洗手間都幾困難，而呢間餐廳係自己有個非常乾淨企理既洗手間，好為員工同食客著想，大讚！！👏👏👏

近排真係好想食拉麵，諗你諗去都諗唔到去邊間，有朋友介紹過呢間叉燒要推介我，我同朋友一齊去試吓依間好出名真叉燒拉麵🍜✨✨清湯丸京拉麵丸京拉麵分開兩款叉燒，普通叉燒3塊加真叉燒3塊有成6塊😱叉燒鋪滿拉麵湯碗，賣相當吸引，真叉燒用低溫烹調食落去每塊好軟滑，叉燒邊煙燻過口感更香，以普通叉燒食落去就無咁香口但係比較腍，拉麵軟硬度適中配埋糖心蛋同筍，一碗份量啱啱好❤️😍✨濃湯丸京拉麵同丸京拉麵一樣有兩份叉燒，我就鍾意濃郁，所以揀咗濃湯底😍湯底豬骨味超濃郁仲有醬油配搭，真係帶鹹，鍾意飲濃湯重口味一定必食❤️✨

美食博士帶大家去深水埗搵食😋食咗一個丸京拉麵，清湯底，有叉燒三舊，真叉燒三舊，有蛋同荀，$100，湯底清清哋唔錯，佢哋嘅叉燒好薄身但算係大塊，兩隻叉燒來講各有特色，真叉燒嘅香味比較出色，而普通叉燒燒得幾好，蛋黃嘅色澤幾橙紅🤩，啖啖都係醬汁一樣。另一個叫真叉燒拉麵，用上醬油蝦湯，有真叉燒六舊同蛋，$120，啲櫻花蝦好多，不過我嫌個醬油湯底太過鹹。分量嚟講兩個拉麵都好夠飽👌。最尾有甜品食幾驚喜，佢嘅雪糕係日本土佐採購過嚟🇯🇵，我哋食咗一個係栗子，另一個係飯味，好特別，兩個嘅味都香濃而唔會好甜。地點唔近地鐵站，不過當日去都幾旺場。🍽麵屋丸京 Maru Kyou - 深水埗荔枝角道319號地舖

以往便曾於麵屋丸京光顧不少次，得知它位於深水埗亦有開設新的分店，便一直想抽空品嚐品嚐其質素，借著今天正要過來此區，當然要去一探究竟。餐廳使用灰、白色調配搭木系設計，吧枱則使用雲石枱面，並設有多盞吊燈，感覺光猛乾淨。而內進收銀處的日文文字，還有其繪畫有不同日本風格的壁畫，皆令裝潢富有日式風味。真叉燒拉麵 奉上時舖蓋滿碗隻表面的叉燒讓人吸晴，外形擺放得猶如粉紅色的花形，美觀的賣相絕對是相機先吃的菜式。拉麵湯底分別有濃湯和清湯，我點選了前者，以京都風醬油湯為主，並加入豬背脂來增加湯頭的濃郁，飲用時黏度偏低，沒有荃灣分店般濃厚。麵條外觀幼細呈方狀，味道蛋味香濃，硬身爽彈。配料有溏心蛋、真叉燒，並選擇了走筍，溏心蛋是來自日本的，入口稠密緻滑，蛋香甚濃。真叉燒使用低溫方式煮製，口感嫩滑鮮美，近乎即溶，豬味出眾。七味炸雞雞塊色澤炸至金黃，入口時雖然粉漿輕微偏厚，但依然香酥爽口，而且不會過於油膩，內裏的肉質濕潤香嫩，肉滑鮮味，味道有着微微辛辣，整體惹味可口。總結而言，餐廳環境舒適光猛，裝潢富有日式風格。菜餚方面大碗足料，精心製作，雖然存有少許可改善的部份，但仍不影響其高質出色的味道，是會再次光顧的拉麵

出黎買完野順便食個晏先返去，拉麵控朋友話要食拉麵，就到左麵屋丸京，兩點半入座唔使等，店內都有六、七個食客㗎，估唔到平日下午都幾有人氣喎。坐低左張二人枱，枱上有餐具，調味料等，仲有冰水一壺，各樣野都好乾淨，摸落無黏手，衞生做得好落完單就望下廚房個邊，得兩個店員，見佢地又煎又炸又淥麵，好忙呀。點左極上拉麵（清湯）＆丸京拉麵（濃湯），個賣相幾正，梗係要打個卡先朋友嘅極上，叉燒六片再加溏心蛋，成個碗被叉燒掩蓋，哈哈。清湯底很鮮味，味濃但不覺膩，好正。自己碗丸京，用得店名的招牌拉麵喎，好期待呀，同樣被六片叉燒掩蓋住，但就分別係叉燒同真叉燒，試下有咩分別先。呢碗要左濃湯，入口勁重豬骨味，飲落會黏口添呀，好濃郁好正！真叉燒望落微微粉紅色，用慢煮方式，入口軟嫩富肉味，感覺有點像火腿，好味。普通叉燒有火灸香，相對真叉燒稍稍有點鞋口，但都係好好味嘅。麵條掛湯有彈性，不錯。朋友再加左碟餃子，煎得香脆，皮薄餡料鮮味，正呀～完食，好味好味

餐廳播著節奏明快嘅日本歌，配合牆上充滿日本風嘅掛畫，令人有種置身日本嘅感覺。同日本嘅餐廳一樣，餐桌上已預先擺左冰水壺。冰水有助快速降溫，讓你食得更快，確保食客能喺食物最好的狀態時進食。同朋友各自點左一款拉麵。我嗌左「丸京拉麵($100)加$12轉蝦湯」。叉燒同真叉燒各3塊、蛋同筍。好好奇咩係真叉燒，唔通有假叉燒？店員解釋俾我聽原來係用慢火煮嘅叉燒～😮真叉燒同普通叉燒味道有何分別？真叉燒因為係慢煮，煮得冇普通叉燒咁熟，食落更嫩口。普通叉燒邊位微焦，食落比較香。色澤方面，真叉燒較鮮紅，普通叉燒較白。濃郁嘅蝦湯底，食落好香。加上脆蝦乾🦐，食落更有口感。因為湯底夠濃，濃稠得足以依附在麵條之上，形成「掛麵」效果。朋友嗌左「清湯極上拉麵($93)」有6塊普通叉燒，鋪喺麵上成一朵花嘅形狀。同丸京拉麵一樣都有蛋同筍。溏心蛋做到有流心效果，味道一流！😋店員推薦朋友食到咁上下可以加辣椒醬，唔會太辣，又幾好味喎～😋

不嬲都知深水埗好多嘢食，而且性價比都好高，咁今次就嚟左麵屋丸京食拉麵。餐廳俾人一種好溫暖嘅感覺，職員態度都好好。真。叉燒拉麵職員好好介紹左呢度嘅叉燒，真叉燒係以慢煮形式烹調。叉燒鋪滿了整個碗，分量十足加上都有一隻流心蛋為碗拉麵作點綴。慢煮叉燒比傳統叉燒更易入口，而且味道香濃，湯底方面則揀了清湯，令到整碗湯並沒有油膩。丸京拉麵丸京拉麵分別有傳統叉燒加慢煮叉燒，傳統叉燒雖然冇慢煮叉燒咁有入口即溶既感覺，但煎香了外層則多了一份嘅肉香。而蝦湯真係非常好，飲得出用咗好多蝦煮，非常香濃，同配合櫻花蝦，使到成碗拉麵都非常好食，麵條掛湯能力亦做得好好，份量都好夠。平時出去食一碗拉麵最多都係比一兩塊叉燒你，但係呢度有超多嘅叉燒，足足有六塊，大約都係$100 ，性價比極高，下次一定再幫襯。

放假不時都會去深水埗，發掘一下唔同小店，成日都會有驚喜收獲~今日黎到深水埗，突然好想食拉麵，最後揀左呢間麵屋丸京，有叉燒同真叉燒，好有趣!餐廳裝潢簡潔明亮，充滿日式風味。丸京拉麵加HK$12轉左蝦湯，賣相吸引，擺得好精緻。大量櫻花蝦香酥可口，湯底蝦味濃郁，好鮮甜。配料有叉燒3枚、真叉燒3枚、蛋及筍。叉燒軟嫩Q彈，而真叉燒經慢煮後，肉質更為鮮甜軟滑，入口即化，正!黃澄澄糖心蛋，呈半熟膏狀，蛋香軟嫩。豚骨拉麵清湯湯頭清澈，有淡淡醬油香，配料為叉燒3枚、蛋及筍。薄身叉燒肥瘦適中，帶點燶邊，鮮甜細嫩有咬口，香而不膩。糖心蛋咬落蛋香滿溢，好滋味。

掛住係鄉下食嘅拉麵🥺🎈麵屋丸京/真•叉燒? 假•叉燒?/好耐之前都知道葵芳有分店 奈何葵芳美食實在太多 所以遲遲都未去食 咁啱經過深水埗就特登過去食下先🤤拉麵有分清湯 濃湯 蝦湯同黑蒜油湯揀咁第一次黎食梗係揀返豚骨湯底啦🐷仲糾結咗好耐 唔知應該揀濃湯定清湯添最後因為怕食唔到太濃味就揀左清湯🍜 清湯丸京拉麵 ($100)師傅將3塊叉燒 3塊真叉燒鋪滿碗邊 再加上2粒切左一半嘅溏心蛋 蔥同筍絲 加啲想像力就好似一個人樣咁😂驟眼睇唔係好分到真•叉燒同叉燒🥩之後先發現原來真•叉燒係無燶邊嘅 同有慢煮過真•叉燒食落比叉燒更加嫩滑😲個人認為清湯都好夠豚骨味🤨食到尾都會覺得愈食愈鹹🙈而可能因為叫左清湯湯底 所以啲拉麵唔係好掛到汁 要一啖麵一啖湯先啱啱好而拉麵麵體就係偏硬少少 食落幾有咬口嘅🍜 清湯真•叉燒拉麵 ($108)呢碗拉麵就係6塊真•叉燒同溏心蛋🥚咁就有多啲真•叉燒俾我哋食下究竟真唔真喇🤪

自從幾年前食過呢道個真叉燒拉麵就一直念念不忘，今日終於有機會黎食💕.醬油蝦湯真叉燒拉麵 $120外表非常吸引，奶白嘅湯底淋上紅紅嘅蝦油，6大片真叉燒，再加大量櫻花蝦。一飲個湯，勁濃蝦味，再連麵食，所有野都啱啱好呀。真叉燒微粉紅色，慢煮令佢似未熟透，好嫩滑好似食緊好貴嘅牛咁🤤.清湯真叉燒拉麵 $108當食醬油濃湯食到膩嘅時候，轉食清湯又係另一番享受，清甜嘅清湯好解膩，適合淡口味嘅朋友。同樣必點真叉燒，溏心蛋都調製得恰到好處👍🏻

我諗很多人都同我一樣，見到menu上寫住真叉燒， 會諗究竟乜嘢係真叉燒呢？當我一路諗，一路自言自語，店員就走嚟同我講，真叉燒就係慢煮叉燒，咁認真做叉燒拉麵，一定要試下啦有兩款拉麵都有真叉燒， 分別是丸京拉麵和真叉燒拉麵， 丸京拉麵($100)有三片真叉燒和三片普通叉燒， 真叉燒拉麵($108)就全部都係真叉燒，加$12可以轉醬油蝦湯大大片的叉燒非常吸睛， 而慢煮總是和肉鮮細嫩扯上關係， 果然真拉麵的肉質細滑， 切得又夠薄， 有入口溶化的感覺，和普通叉燒確實有些差別再講湯底，超級濃厚，另加$12轉醬油蝦湯又的確值得，很多的櫻花蝦，非常鮮味，造就了非常鮮濃的湯底連同糖心蛋也值得欣賞， 不單是煮得剛好真糖心，顏色充滿光澤，蛋味濃郁香甜，發現原來係用靚蛋，唔怪得知啦